البية الضاكتور وحرمة الضاكتورررررة

[سهيلة]

اية رايكوا يا حماعة ف اصحاب المهنة الواحدة لما يتجوزوا

يا ترى التفاهم بينهم هيبقى اكتر؟؟؟

اكيد موش كدة :)

انا قريت الحوار اللى هنقلة دة ف منتدى تانى بس عجبنى مووووت

وقررت ما اكونش انانية واضحككم معايا

هو= البيه الضاكتور

هي= الست الضاكتورة

*******

هو: انا النهاردة ياحبيبتي كتبتلك على خروج معايا وهناخد سوا جرعة الغدا اليومية اتفضلي ادخلي

هي: ميرسي.. استنى افتح ايدك

هو: ايه اللي بترشّيه ده.. بِرفيوم؟

هي: لا.. ده مطهّر للايدين عشان انت مسكت الباب

هو: ده بقى من انظف واطهر المطاعم.. المكان هنا معقّم جدا وهيعجبك.

. لحظة قبل ما تقعدي اتاكد ان الكرسي مفيهوش اي فضلات ملوثة.

. المرّة دي يحرك الكرسي برجليه مش كل شوية.. هترشّله مطهر على ايده.. اتفضلي استريحي..

جرثوم..( الجرسون يعنى).. ها ياستي تحبي الغذاء إيه؟

هي: اللي توصفه ياحبيبي

هو:

طيّب.. من فضلك تجيبلنا 30 جرام لحمة مشوية كلوريد الصوديوم قليل..

وطبقين شوربة فراخ ياريت الميّة اللي هتتعمل فيها تكون بنسبة 5% محلول ملح..

وطبقين خضار سوتيه.. ويفضل يتسلق الخضار في ميه مقطره

. استنى انا معايا 14 كيس أهُم.. خدهم..

والحلو يكون 50 سم عصير برتقال للدكتورة وانا تجيبلي شاي وتحلّيه بتركيز 25% جلوكوز

هي:

ممكن اخد عصير موز باللبن؟

هو:

لا يا حبيبتي كده الصنفين مع بعض هيتفاعلوا ويضرّوكي.. ده أحسن عشان يقوّي مناعتك..

مش هوصيك بقى الاطباق تكون معقمة في فرن على درجه 600 درجة سيليزيوس.. ويفضّل لو الشوك

والمعالق تكون بلاستيك استعمال مره واحدة فقط

الجرسون:

تأمر بأي حاجة تانيه ياافندم؟

هو:

لا متشكر جدا بس ياريت تجبلنا الغدا كمان ساعه و16 دقيقة.. عشان العملية الايضيّة بتاعة جسمنا متتلخبطش.. هايا ست الدكتورة ايه رأيك؟

هي:

حاسة اني بقيت احسن دلوقتي

*******

هو: يا ستي انا جايبلك هدية ونفسي اشوفها عليكي

هي: معقولة ياحبيبي.. ربنا يديك الصحة يارب.. انا كمان كنت حاسة

وجبتلك هدية انا كمان

هو:يسلام وعرفتى ازاى؟

هي: إحساس بنفس الأعراض وبعدين متنساش ان المؤمن كيس قطنهو: ورّيني الهدية بتاعتك الاول

هي: اتفضل ياسيدي بالشفا ان شاء الله

هو:

ياه.. وتاعبه نفسك ولفّاها في صورة اشعة.. انتي عارفه اني بحب اللون ده

هي: افتحها الاول

هو:

إزازة دوا بشريطه حمرااا؟؟

هي:

دي إزازة فاتح شهية.. ومفاجأة فيها فيتامينات وحديد كمان.. هتلاقي معاد الجرعة كتبهولك على الشريطة الحمرا

هو:

طيّب ياستي.. ربنا ما يدخل المرض جسمك ابدا.. شوفي بقى هديتي وياريت تخليني ألبّسهالك

هى:ايه ده؟ مش ممكن مش مصدقة عيني.. علبة جوانتيات كل صوبع لون؟

هو:هاتى ايدك البسهاللك

هي:

طيب اروح دقيقة التواليت اصلح كريم الحساسية واجيلك

هو:

اوكي ياحبيبتي.. بس اتاكدي ان البشرة شربته

*******

بعد 10 دقايق

هو: هاتي بقي أشوف المقاس مظبوط.. مال إيدِك بترتعش كده ليه؟ انتي لازم تعملي تحليل هيمجلوبين.. اكيد عندك انيميا

هي:

عملته طلع كويس.. هروح اعمل تحليل غدّة بكره ان شاء الله

عشان اطمّن.. وانت مال وشك بهتان شوية النهاردة وعينك صفرا

هو:

فعلا انا حاسس بشوية ارهاق.. متشغليش بالك

هي:

اوبس معلش حصل خير

ازازه الميه اللي على التربيزه اتكب وبسرعة تمد اديها في شنطتها وتطلع كيس

هو:

ولا يهمك امسحه بحتة الشاش دي.. أكثر فاعلية من المناديل

هي:

شوفت الشريط الجديد اللي نزل السوق؟

هو:

مش ممكن.. جميل جدا وبوستر الاعلان بتاعه فكرته جديدة

وتشدّ

هي:

ايوة.. ولاّ الحبّاية بتاعته.. مغلفة عشان تحمي جدار المعدة.. انا جبتلك عيّنة تجرّبه وتقولي رأيك

هو:

اوكي.. هبلعه بشوية ميّه ونشوف

هي:

يلا عشان تلحق النبطشيّة

هو: طيّب.. الاسعاف مستنياكي بره هتوصلك للبيت

جرثوم -

روشتة الحساب من فضلك :ninja:

**********

منقول

[رمضان]

الحمد لله ان الواحد مطلعش دكتور وانا اساسا عندي حسياسية منهم مش عارف

جميلة جدا يا اخت سهيلة ضحكيتنا على الصبح

[حسام يوسف]

السلام عليكم

الحوار رائع وظريف جدا

لكن المفروض ان المهن اللى بنشتغلها دى اكل عيش

وشهادة

لكن ف البيت

الراجل راجل والست ست

الشهادات دى فى شغلنا

مش مكانها البيت

وانا كان ليه تجربة سابقة

وفشلت والحمد لله

ف الارتباط بصيدلانية

كانت ايام هباب

انت اتعلمت

انا اتعلمت

انت دكتور

انا دكتورة

خنقة

والحمد لله راحت لحالها

مقدرش اعمم تجربتى

لكن اللى اقدر أقوله

ان الارتباط بين المهن الواحدة

صعب

ويخنق

وعاوز درجة عالية من النضج

بالذات من حواء

ان الشهادات دى برة البيت

مش جوة

وغالبا التجربة بتفشل

وده الاحسن

أو بيكملوا عيشة والسلام

ودى حاجة مابحبهاش لأى انسان

[سهيلة]

رمضان مشاركة بتاريخ اليوم, 02:11 PM

الحمد لله ان الواحد مطلعش دكتور وانا اساسا عندي حسياسية منهم مش عارف

جميلة جدا يا اخت سهيلة ضحكيتنا على الصبح

لية بس يا استاد رمضان مالهم الدكاترة ما تفتكرش ان كلهم معقدين كدة

نو ابسوليوتلى :wub:

انا اول ما بخرج من المستشفى مثلا بنسى تماما انى دكتورة ف البيت

يعنى موضوع التعقيم والتركيزات والنسب السعرات الحرارية ف الاكل والشرب دة ولا ف الدماغ عندى اساسا

د. حسام مشاركة بتاريخ اليوم, 02:53 PM

السلام عليكم

الحوار رائع وظريف جدا

لكن المفروض ان المهن اللى بنشتغلها دى اكل عيش

وشهادة

لكن ف البيت

الراجل راجل والست ست

الشهادات دى فى شغلنا

مش مكانها البيت

وانا كان ليه تجربة سابقة

وفشلت والحمد لله

ف الارتباط بصيدلانية

كانت ايام هباب

انت اتعلمت

انا اتعلمت

انت دكتور

انا دكتورة

خنقة

عارف يا دكتر حسام المشكلة اية ان غصب عنهم االزوجين لو اصحاب مهنة واخدة هيكون محور كلامهم الشغل

انا واحدة صديقتى دكتورة متجوزة زميل لنا واتعزمت مرة عندهم ف البيت ساعتين كل كلامهم ع الشغل والعمليات

لما حسيت اننا ف المستشفى موش ف البيت :) ,

والقعدة كانت مملة جدا

وساعتها قررت بينى وبين نفسى انى افضل زوجى يكون من مهنة بعيدة عن الطب

عشان الواحد يفصل شوية ويحس انو ف بيت موش ف شغل

وكمان عشان يكون موش بيفهم ف شغلى خالث اقول المعلومة الللى انا عاوزاها بدون مناقشة منة

اشكر لكم تعقيبكم على الموضوع

انتوا اية رايكم يا جماعة فى ناس تفضل الزواج من نفس المهنة

عشان يكونوا فاهمين بعض اكتر ف كل حاجة ويلتمس احدهما العزر للاخر

ادا رجع تعبان من شغلة لانة بيكون فاهم اكتر طبيعة عملة

وفى ناس لا تفضل

انت اية رايك؟؟؟

[~Heba~]

و الله موضوع فظيع يا دكتور سهيله بس انا بختلف مع اللى بيقول زواج ابناء المهنة الواحده فاشل لانه عندنا فى الهندسة اعتقد العكس والا ايه

[النجم الثاقب]

انتوا اية رايكم يا جماعة فى ناس تفضل الزواج من نفس المهنة

عشان يكونوا فاهمين بعض اكتر ف كل حاجة ويلتمس احدهما العزر للاخر

ادا رجع تعبان من شغلة لانة بيكون فاهم اكتر طبيعة عملة

وفى ناس لا تفضل

انت اية رايك؟؟؟

بصراحه هو الوضع هيكون أفضل و أعتقد هيكون فى تفاهم كبير بينهم بس انا عن نفسى أفضلها ست بيت

لكن الحوار اللى قريته ده فظييييييع دى مش عيشه دى خنقه

[سيف الدين جلال]

حكاية الدكتور والدكتورة مش عارف بصراحة ..ولو انهم هيفهموا بعض اكتر (دماغيا)......انا بس بكون مشفق على الابناء .........لان الوالدين(لو كانوا معقدين بالاساس)..ودى الغالبية...... ان شاء الله هيعقدوا ولادهم فى عيشتهم ............