استفسار عن الحياه في دبي

[Anceint Egyptian]

ان شاء الله انا رايحة اعمل في دبي وساصل يوم 13 ابريل وعندي استفسار عن السكن في دبي وبالتحديد قرب منطقة جبل علي. فانا ابحث عن شقة استوديو قرب هذه المنطقة ولكن لمدة اربع شهور فقط لاني بعد كده عائلتي ستصل وساحتاج شقة اكبر. فهل ممكن حد يساعدني ويقلي ايه هيه طريقة البحث عن شقق وبالذات مؤقتة لاني اعرف ان الغالبية هناك بيكون لمدة سنة على الاقل؟ كمان ارجو انه حد يقلي اذا كانت منطقة جبل علي دي منطقة جيدة للسكن والا لا بمعنى هل هيا قريبة للمدارس والمحلات وكده يعني والا بعيدة وايه اخبار الامان فيها؟ واذا كانت لا فارجو النصيحة باقرب منطقة لها.

بالنسبةة للمدارس فاذا كان حد عنده فكره عن المدارس الفرنسية فياريت يقلي مين هيا المدرسة الافضل والاقرب لجبل علي او المنطقة المقترحة للسكن واللي هيا اقرب لجبل علي؟

والف شكر مقدما

[Anceint Egyptian]

ان شاء الله انا رايحة اعمل في دبي وساصل يوم 13 ابريل وعندي استفسار عن السكن في دبي وبالتحديد قرب منطقة جبل علي. فانا ابحث عن شقة استوديو قرب هذه المنطقة ولكن لمدة اربع شهور فقط لاني بعد كده عائلتي ستصل وساحتاج شقة اكبر. فهل ممكن حد يساعدني ويقلي ايه هيه طريقة البحث عن شقق وبالذات مؤقتة لاني اعرف ان الغالبية هناك بيكون لمدة سنة على الاقل؟ كمان ارجو انه حد يقلي اذا كانت منطقة جبل علي دي منطقة جيدة للسكن والا لا بمعنى هل هيا قريبة للمدارس والمحلات وكده يعني والا بعيدة وايه اخبار الامان فيها؟ واذا كانت لا فارجو النصيحة باقرب منطقة لها.

بالنسبةة للمدارس فاذا كان حد عنده فكره عن المدارس الفرنسية فياريت يقلي مين هيا المدرسة الافضل والاقرب لجبل علي او المنطقة المقترحة للسكن واللي هيا اقرب لجبل علي؟

والف شكر مقدما

هل في مواقع معينة على النت معروفة في دبي بخصوص تاجير الشقق؟

هل هذه المواقع تعبر عن الاسعار الحقيقية للايحارات؟

مع الشكر

[إيزيس]

أنا انتظرت إن حد من سكان دبي يرد علشان تكون المعلومة دقيقة لكن بما إن للآن لم يرد أحد هاحاول أفيدك أد ما أقدر لأننا بعيد عن دبي

السكن غالي جدا و حكاية لمدة شهور دي ماتنفعش إلا لو سكنتي في سكن مشترك يعني استوديو فيه مثلا أربعة ويكون الإيجار حواي ألف في الشهر على الأقل لكل واحدة و ممكن ده يكون الحل الأمثل لحضرتك لحد ما تعرفي ظروف المكان

الإمارات كلها تعتبر أمان إلى حد كبير لك ن الحرص في المعاملات أكيد مطلوب

أظن شارع الشيخ زايد هو الأقرب لجبل علي وهو شارع راق جدا و غالي جدا و زحمة جدا

المدارس مش عارفة لكن أعتقد فيه مدارس لأن جبل علي منطقة صناعية و فيها أجانب و بالتالي كل أنواع المدارس أكيد موجودة

يارب حد يردعليكي بمعلومات أدق و ربنا يوفقك

[زعلان]

دبي مدينة صغيرة نسبيا يعني جبل علي مش بعيد عن وسط دبي حوالي بس الطرق زحمة في اوقات الذروة

الجاردنز منطقة سكنية على مشارف دبي الجديدة وفيها سكن متنوع استديوهات وشقق و مدارس ومركز تجاري ضخم فيه سينما و سوبرماركت ضخم و محلات مفروشات و ملابس متنوعه اسمه ابن بطوطه

بالنسبة للسكن طالما الموضوع اربع شهور بس انصحك ان تجيب شقة مناسبة للاسرة كلها من اول يوم لأن الاسعار حتفرق من يوم للتاني زي البورصة و الي النهاردة ب150 الف بكره ب 200 الف

الاستديو في الجاردنز -حبل علي- من 5 الى 6 في الشهر +-500 درهم

الشقة غرفة واحدة من 7- 9 الاف في الشهر

الشقة غرفتين من 10-12 الف في الشهر

ده موقع ممكن يفيدك

http://www.asuaq.com/souq/-4/posts/1__/3__/

بالنسبة للمدارس متوفرة في دبي سواء فرنسية او انجليزية او المانية او روسية او هندية او ايرانية

[MZohairy]

ده موقع Ecole Francaise Privee, Abu Dhabi

http://www.dubaifaqs.com/school-in-dubai-U...nisation_ID=280

ادخل عليه و كلمهم واستفسر منهم على فرع ليهم في دبي

[Anceint Egyptian]

أنا انتظرت إن حد من سكان دبي يرد علشان تكون المعلومة دقيقة لكن بما إن للآن لم يرد أحد هاحاول أفيدك أد ما أقدر لأننا بعيد عن دبي

متشكرة جدا على المعلومات يا قرنفل ومحاولتك مساعدتي

[Anceint Egyptian]

دبي مدينة صغيرة نسبيا يعني جبل علي مش بعيد عن وسط دبي حوالي بس الطرق زحمة في اوقات الذروة

الجاردنز منطقة سكنية على مشارف دبي الجديدة وفيها سكن متنوع استديوهات وشقق و مدارس ومركز تجاري ضخم فيه سينما و سوبرماركت ضخم و محلات مفروشات و ملابس متنوعه اسمه ابن بطوطه

بالنسبة للسكن طالما الموضوع اربع شهور بس انصحك ان تجيب شقة مناسبة للاسرة كلها من اول يوم لأن الاسعار حتفرق من يوم للتاني زي البورصة و الي النهاردة ب150 الف بكره ب 200 الف

الاستديو في الجاردنز -حبل علي- من 5 الى 6 في الشهر +-500 درهم

الشقة غرفة واحدة من 7- 9 الاف في الشهر

الشقة غرفتين من 10-12 الف في الشهر

ده موقع ممكن يفيدك

http://www.asuaq.com/souq/-4/posts/1__/3__/

بالنسبة للمدارس متوفرة في دبي سواء فرنسية او انجليزية او المانية او روسية او هندية او ايرانية

الاستاذ زعلان

حقيقي الف شكر على النصيحة بس لو يمكن اتقل على حضرتك لمزيد من التفاصيل...

- هل منطقة الجاردنز قريبة من جبل على ... يعني حوالي اد ايه وقت سواقة؟

- معلش بس فقط للتوضيح والتأكيد... هل استوديو في المنطقة دي بيكون ب +-500 درهم فقط في الشهر والا حضرتك تقصد 5000 في الشهر... وهل السعر ده لستوديو برايفت والا مع حد... واذا كان مع حد فلو كان بريفت يكون تقريبا بكام؟ وهل يمكن تأجيره فعلا لمدة 5 او 6 شهور لان الحد الادنى ان ولادي ييجوا هو 4 شهور بس ممكن يكون اكتر من كده لظروه خاصة علشان كده انا بدور على حاجة مؤقتة دلوقتي.

- هل التأجير بيكون من شركان والا افراد في المنطقة دي؟ ولو شركان هل ليها ويب سايت؟ ولو افراد اوصلهم ازاي ... هل عن طريق الجرايد والا في مكاتب تأجير والا ازاي؟

تاني الف شكر لوقتك ونصيحتك يا استاذ وعلان

[Anceint Egyptian]

ده موقع Ecole Francaise Privee, Abu Dhabi

http://www.dubaifaqs.com/school-in-dubai-U...nisation_ID=280

ادخل عليه و كلمهم واستفسر منهم على فرع ليهم في دبي

الف شكر استاذ mzohairy وبالفعل بعتلهم ايميل.

عندي بس سؤال كمان... عن رخصة السواقة من مصر او دولة غربية زي فرنسا او امريكا يمكن السواقة بيها في الامارات والا يلزم عمل رخصة جديدة؟

و معلش بس ممكن اعرف ايه هيا اجراءات الرخصة في هذه الحالة؟

شكرا جدا

تم تعديل 10 مارس 2008 بواسطة Anceint Egyptian

[seeem]

دبي مدينة صغيرة نسبيا يعني جبل علي مش بعيد عن وسط دبي حوالي بس الطرق زحمة في اوقات الذروة

الجاردنز منطقة سكنية على مشارف دبي الجديدة وفيها سكن متنوع استديوهات وشقق و مدارس ومركز تجاري ضخم فيه سينما و سوبرماركت ضخم و محلات مفروشات و ملابس متنوعه اسمه ابن بطوطه

بالنسبة للسكن طالما الموضوع اربع شهور بس انصحك ان تجيب شقة مناسبة للاسرة كلها من اول يوم لأن الاسعار حتفرق من يوم للتاني زي البورصة و الي النهاردة ب150 الف بكره ب 200 الف

الاستديو في الجاردنز -حبل علي- من 5 الى 6 في الشهر +-500 درهم

الشقة غرفة واحدة من 7- 9 الاف في الشهر

الشقة غرفتين من 10-12 الف في الشهر

ده موقع ممكن يفيدك

http://www.asuaq.com/souq/-4/posts/1__/3__/

بالنسبة للمدارس متوفرة في دبي سواء فرنسية او انجليزية او المانية او روسية او هندية او ايرانية

الاستاذ زعلان

حقيقي الف شكر على النصيحة بس لو يمكن اتقل على حضرتك لمزيد من التفاصيل...

- هل منطقة الجاردنز قريبة من جبل على ... يعني حوالي اد ايه وقت سواقة؟

- معلش بس فقط للتوضيح والتأكيد... هل استوديو في المنطقة دي بيكون ب +-500 درهم فقط في الشهر والا حضرتك تقصد 5000 في الشهر... وهل السعر ده لستوديو برايفت والا مع حد... واذا كان مع حد فلو كان بريفت يكون تقريبا بكام؟ وهل يمكن تأجيره فعلا لمدة 5 او 6 شهور لان الحد الادنى ان ولادي ييجوا هو 4 شهور بس ممكن يكون اكتر من كده لظروه خاصة علشان كده انا بدور على حاجة مؤقتة دلوقتي.

- هل التأجير بيكون من شركان والا افراد في المنطقة دي؟ ولو شركان هل ليها ويب سايت؟ ولو افراد اوصلهم ازاي ... هل عن طريق الجرايد والا في مكاتب تأجير والا ازاي؟

تاني الف شكر لوقتك ونصيحتك يا استاذ وعلان

اسف جداً على التأخير ... بس الفاضل زعلان كفى ووفى

منطقة الجاردنز قريبة جداً من جبل علي ... حوالي 5-10 دقائق لا أكثر

الاستوديو بـ 5000 - 6000 درهم في الشهر ((طبعاً بريفت)) وهناك إيجارات لفترات قصيرة طبعاً لكنها تكون أغلى قليلاً بسبب قصر الفترة ولوجود عفش

أغلب الإيجار بيتم عن طريق الجرايد ومكاتب التأجير ... ويتنوع من إيجار من شركات وإيجار من أفراد

ويمكنك إتباع الوصلة التي أدرجها الفاضل زعلان او الضغط هـــــنــــا

[seeem]

طبعاً الرخصة المصرية حدثي ولا حرج ... لا تنفع

أما الفرنسية والأمريكية يمكن إستبدالها برخصة إماراتية - لا أعلم إ1ا كان ينطبق شرط حد أدنى من السنين أم لا - ولكنها بالتأكيد تسهل عملية إستخراج رخصة قيادة بدبي

[Anceint Egyptian]

اسف جداً على التأخير ... بس الفاضل زعلان كفى ووفى

منطقة الجاردنز قريبة جداً من جبل علي ... حوالي 5-10 دقائق لا أكثر

الاستوديو بـ 5000 - 6000 درهم في الشهر ((طبعاً بريفت)) وهناك إيجارات لفترات قصيرة طبعاً لكنها تكون أغلى قليلاً بسبب قصر الفترة ولوجود عفش

أغلب الإيجار بيتم عن طريق الجرايد ومكاتب التأجير ... ويتنوع من إيجار من شركات وإيجار من أفراد

ويمكنك إتباع الوصلة التي أدرجها الفاضل زعلان او الضغط هـــــنــــا

الف الف شكر استاذ Seeem

حضرتك تنصح ادور في جرايد معينة؟ وفي ايام معينة؟

[seeem]

الخليج ... gulf news (يعني النسخة العربية والإنجليزية)

ولا تفرق أيام عن بعضها

تحياتي

[Anceint Egyptian]

الخليج ... gulf news (يعني النسخة العربية والإنجليزية)

ولا تفرق أيام عن بعضها

تحياتي

انا مش عارفة اشكر حضرتك ازاي.

بس ممكن سؤال صغير بس يارب ما كونش تقلت على حضرتك. هي متوسط تكاليف الحياة اليومية زي الاكل والشرب في الشهر تقريبا كام لاسرة من اربع افراد.

[waelbaha]

بس ممكن سؤال صغير بس يارب ما كونش تقلت على حضرتك. هي متوسط تكاليف الحياة اليومية زي الاكل والشرب في الشهر تقريبا كام لاسرة من اربع افراد.

لو اسرة من اربع افراد ستكون التكاليف المعيشية في حدود

الاكل والشرب- 4000 الى 5000 درهم او اقل حسب الحاجه لكن هذا المستوى الحالي للاسعار

زمان من سنتين ثلاثه كان ممكن اقولك 3000 او اقل كمان

وعلى فكرة نصيحه لكل مصري نفسه ييجي دبي

دبي لم تعد صالحه للمعيشة فيها الا اذا كان مرتبك لا يقل عن 15 الف درهم على اقل تقدير

ولا تعتقد انك باقل من هذا المرتب تستطيع ان توفر شيء لتحويله الى بلدك

اكبر فخ وقعنا فيه اننا جئنا الى هنا باقل من هذا بكثير لمجرد فقط ان اعيش وخلاص

لكن حتى الان لم اعمل شيء يساعدني في بلدي عندما اخذ قرار بالعوده النهائية ولذلك لا استطيع اتخاذ هذا القرار في الوقت الحالي

لن تصدقوني عندما اقول لكم منذ كم سنه وانا هنا في دبي ولم اعمل شيء حتى الان

حتى شقة الزوجيه لم استطع شراؤها حتى الان نظرا للارتفاع الرهيب في اسعار العقارات حتى في مصر

انا هنا في دبي منذ 1998 يعني حاقفل ال عشرة سنوات قريبا باركولي

وزي خيبتها اللي باقبضه باصرفه عن بكرة ابيه على اخر الشهر والدنيا هنا عماله تغلى بجنون والمرتب المسكين بيعاني

انا اسف يا جماعه مش عاوز اسود الدنيا في اوجه الناس بس حبيت اني اطرح تجربتي لاني شايف الناس كلها بتتهافت على دبي

ومش عارفين المصيده والمطب الفظيع اللي ممكن يقعوا فيه

مش باقول ماتجوش دبي لا سمح الله ولكني بانصح كل واحد نفسه ييجي انه ييجي بكرامته لان الناس دي يا جماعه ماديين لاقصى حد

لما توافق بمرتب بسيط علشان تهرب من قرف المعيشه الصعبه في مصر هنا بياخذوا عنك فكرة ان هوه ده سعرك ومهما عملت من مجهود بعد كده مش حتقدر تقنعهم انهم يرفعوا مرتبك

فياريت يا جماعه اللي عاوز ييجي ييجي على مرتب محترم لان اقل من كده حيبيع نفسه بالرخيص قوي ويدخل في حسبة برما بتاعة كل شهر - ياترى حاكمل الشهر ازاي بالمرتب ده ؟؟؟؟؟؟؟؟؟؟؟؟؟

على فكرة من كام سنه كان في خطاب في التليفزيون للشيخ محمد حاكم دبي قال فيه ان اللي عاوز يعيش في دبي لازم مايقلش مرتبه عن 10 الاف درهم واللي اقل من كده يشوفله حته غير دبي

تخيل الكلام ده من كام سنه وفي ظل ارتفاع الاسعار الظالم والمستمر انا باقول اللى عاوز يعيش بس هنا لازم مايقلش مرتبه عن 15 الف غير كده مايفكرش ييجي دبي

اسف للاطاله وتسويد الصورة ولكن هي دي الحقيقه يا جماعه

تم تعديل 12 مارس 2008 بواسطة waelbaha

[Anceint Egyptian]

لو اسرة من اربع افراد ستكون التكاليف المعيشية في حدود

الاكل والشرب- 4000 الى 5000 درهم او اقل حسب الحاجه لكن هذا المستوى الحالي للاسعار

زمان من سنتين ثلاثه كان ممكن اقولك 3000 او اقل كمان

وعلى فكرة نصيحه لكل مصري نفسه ييجي دبي

دبي لم تعد صالحه للمعيشة فيها الا اذا كان مرتبك لا يقل عن 15 الف درهم على اقل تقدير

ولا تعتقد انك باقل من هذا المرتب تستطيع ان توفر شيء لتحويله الى بلدك

اكبر فخ وقعنا فيه اننا جئنا الى هنا باقل من هذا بكثير لمجرد فقط ان اعيش وخلاص

لكن حتى الان لم اعمل شيء يساعدني في بلدي عندما اخذ قرار بالعوده النهائية ولذلك لا استطيع اتخاذ هذا القرار في الوقت الحالي

لن تصدقوني عندما اقول لكم منذ كم سنه وانا هنا في دبي ولم اعمل شيء حتى الان

حتى شقة الزوجيه لم استطع شراؤها حتى الان نظرا للارتفاع الرهيب في اسعار العقارات حتى في مصر

انا هنا في دبي منذ 1998 يعني حاقفل ال عشرة سنوات قريبا باركولي

وزي خيبتها اللي باقبضه باصرفه عن بكرة ابيه على اخر الشهر والدنيا هنا عماله تغلى بجنون والمرتب المسكين بيعاني

انا اسف يا جماعه مش عاوز اسود الدنيا في اوجه الناس بس حبيت اني اطرح تجربتي لاني شايف الناس كلها بتتهافت على دبي

ومش عارفين المصيده والمطب الفظيع اللي ممكن يقعوا فيه

مش باقول ماتجوش دبي لا سمح الله ولكني بانصح كل واحد نفسه ييجي انه ييجي بكرامته لان الناس دي يا جماعه ماديين لاقصى حد

لما توافق بمرتب بسيط علشان تهرب من قرف المعيشه الصعبه في مصر هنا بياخذوا عنك فكرة ان هوه ده سعرك ومهما عملت من مجهود بعد كده مش حتقدر تقنعهم انهم يرفعوا مرتبك

فياريت يا جماعه اللي عاوز ييجي ييجي على مرتب محترم لان اقل من كده حيبيع نفسه بالرخيص قوي ويدخل في حسبة برما بتاعة كل شهر - ياترى حاكمل الشهر ازاي بالمرتب ده ؟؟؟؟؟؟؟؟؟؟؟؟؟

على فكرة من كام سنه كان في خطاب في التليفزيون للشيخ محمد حاكم دبي قال فيه ان اللي عاوز يعيش في دبي لازم مايقلش مرتبه عن 10 الاف درهم واللي اقل من كده يشوفله حته غير دبي

تخيل الكلام ده من كام سنه وفي ظل ارتفاع الاسعار الظالم والمستمر انا باقول اللى عاوز يعيش بس هنا لازم مايقلش مرتبه عن 15 الف غير كده مايفكرش ييجي دبي

اسف للاطاله وتسويد الصورة ولكن هي دي الحقيقه يا جماعه

متشكرة جدا جدا جدا يا استاذ وائل على المعلومات المفيدة اللي حضرتك ساعدت بيها وربنا يوفقك يارب للشقة والعروسة.

ولو في عند حضرتك وقت او اي حد من الاصدقاء في دبي ياريت تقلي اول يوم اوصل دبي وبعد كام ساعة راحة من السفر اول خطوة اعملها للبحث عن شقة وانا في الفندق تكون ايه؟

بمعنى يعني اني مثلا يشتري الجرنان بتاع ال اخبار الخليج من المطار وبعد كده أبدأ اتصالات فورا؟

والا في معلومات ممكن الاقيها في الفندق بخصوص البحث عن شقق؟ وهل موضوع البحث بياخد وقت (يعني في ازمة سكن) والا ممكن الاقي على طول (يعني كام يوم كده ياخد الموضوع)؟

والا تفتكر اشتري عربية الاول وبعدين ادور على شقة؟ (وده في حالة ان المسافات كبيرة او المواصلات صعبة او غالية).

معلش اسئلتي كتيرة لاني معرفش حد هناك و كمان مش لاقية معلومات كافية على النت وكمان المثل بيقولك اسأل مجرب ولا تسألشي طبيب. :D

واتمنى لو حد عنده تجارب في الامارات و يتفضل بالنصيحة اكون شاكرة جدا.

تم تعديل 12 مارس 2008 بواسطة Anceint Egyptian

[waelbaha]

المحترمة Anceint Egyptian

اولا اشكرك على مشاعرك الطيبه

ثانيا بخصوص موضوع بحثك عن الشقق

انا شايفك مستعجله جدا على عملية البحث

انصحك انك لما توصلي بالسلامه في المطار تخلصي اجراءاتك براحتك وتستريحي في الفندق لحد تاني يوم وبعدين تبدأي تشوفي الجرائد زي ما انتي عاوزه لان الموضوع مش حييجي بين يوم وليله

وقبل كل ده طبعا تستلمي شغلك الاول وتشوفي ظروفه ايه

المهم علشان يبقى الكلام في الموضوع الاساسي بالنسبة لشغلك اللي حيكون في جبل علي باذن الله انا شايف ان انسب مكان ممكن تلاقي فيه هو international city

اسعارها معقوله بالنسبة لاسعار دبي وبعدين انت مش محتاجه تدوري على سكن داخل دبي لان شغلك حيكون بعيد جدا في الحاله دي

فالاحسن انك تقربي على قد ماتقدري من جبل علي وفي نفس الوقت ماتسكنيش في جبل علي نفسها لان الاسعار هناك غاليه جدا

بالنسبة للانترناشونال سيتي هما دلوقت فاتحين المباني اللي على الطراز الفرنسي

شكلها حلو ونظيفه جدا واسعارها معقوله

يعني غرفه وصاله تقريبا 56 الف درهم ولو استوديو يبقى اقل من كده شويه

اما بالنسبة لشرائك لسياره اول ما توصلي

انا شايف انك ماعندكيش فكرة كامله عن النظام هنا بخصوص العربيات والرخص

طبعا ماتقدريش تسوقي هنا برخصة مصر

ولو معاكي رخصه دوليه مش حتقدري تسوقي بيها الا اذا كنتي جاية بفيزة زياره

يعني لو فيزة عمل مش حتقدري تستعملي الرخصه الدوليه

وبعدين غير كده وكده ازاي حتقدري تشتري عربيه كده اول ما توصلي ؟ لازم تستني شويه لحد ما تظبطي امورك وتطلعي رخصه وبعدين تجيبي العربيه

العربيات هنا على قفا من يشيل واسعارها معقوله وخصوصا المستعمله

والاهم كمان انك مش عارفه نظام المرور هنا فلازم تعرفيه الاول وبعد كده تقدري تسوقي لان السواقين هنا ماعندهمش تفاهم اي حركه منك وانت سايقه تعمليها زي اللي كلنا بنعملها في مصر عادي يعني ممكن تكلفك هنا كتير وخصوصا ان السرعات بتكون عاليه ومافيش تفاهم على الطريق وخصوصا الهنود ربنا يحميكي من غبائهم على الطريق

انا معاكي ان المواصلات صعبه وغاليه بس للاسف مالكيش مفر غير استعمال المواصلات (التاكسي) في الاول لحد ما تظبطي امورك وتجيبي عربيه بس لازم الشقه الاول طبعا لان استخراج الرخصه بتاخد وقت وفلوس كتير

انا تحت امرك في اي استفسار تاني وماعنديش مانع احط رقم تليفوني هنا علشان لو محتاجه تساليني على اي شيء لما توصلي بالسلامه بس لو ادارة المنتدى توافق اولا وطبعا حضرتك كمان توافقي يكون لي الشرف

تم تعديل 13 مارس 2008 بواسطة waelbaha

[Anceint Egyptian]

المحترمة Anceint Egyptian

اولا اشكرك على مشاعرك الطيبه

ثانيا بخصوص موضوع بحثك عن الشقق

انا شايفك مستعجله جدا على عملية البحث

انصحك انك لما توصلي بالسلامه في المطار تخلصي اجراءاتك براحتك وتستريحي في الفندق لحد تاني يوم وبعدين تبدأي تشوفي الجرائد زي ما انتي عاوزه لان الموضوع مش حييجي بين يوم وليله

وقبل كل ده طبعا تستلمي شغلك الاول وتشوفي ظروفه ايه

المهم علشان يبقى الكلام في الموضوع الاساسي بالنسبة لشغلك اللي حيكون في جبل علي باذن الله انا شايف ان انسب مكان ممكن تلاقي فيه هو international city

اسعارها معقوله بالنسبة لاسعار دبي وبعدين انت مش محتاجه تدوري على سكن داخل دبي لان شغلك حيكون بعيد جدا في الحاله دي

فالاحسن انك تقربي على قد ماتقدري من جبل علي وفي نفس الوقت ماتسكنيش في جبل علي نفسها لان الاسعار هناك غاليه جدا

بالنسبة للانترناشونال سيتي هما دلوقت فاتحين المباني اللي على الطراز الفرنسي

شكلها حلو ونظيفه جدا واسعارها معقوله

يعني غرفه وصاله تقريبا 56 الف درهم ولو استوديو يبقى اقل من كده شويه

اما بالنسبة لشرائك لسياره اول ما توصلي

انا شايف انك ماعندكيش فكرة كامله عن النظام هنا بخصوص العربيات والرخص

طبعا ماتقدريش تسوقي هنا برخصة مصر

ولو معاكي رخصه دوليه مش حتقدري تسوقي بيها الا اذا كنتي جاية بفيزة زياره

يعني لو فيزة عمل مش حتقدري تستعملي الرخصه الدوليه

وبعدين غير كده وكده ازاي حتقدري تشتري عربيه كده اول ما توصلي ؟ لازم تستني شويه لحد ما تظبطي امورك وتطلعي رخصه وبعدين تجيبي العربيه

العربيات هنا على قفا من يشيل واسعارها معقوله وخصوصا المستعمله

والاهم كمان انك مش عارفه نظام المرور هنا فلازم تعرفيه الاول وبعد كده تقدري تسوقي لان السواقين هنا ماعندهمش تفاهم اي حركه منك وانت سايقه تعمليها زي اللي كلنا بنعملها في مصر عادي يعني ممكن تكلفك هنا كتير وخصوصا ان السرعات بتكون عاليه ومافيش تفاهم على الطريق وخصوصا الهنود ربنا يحميكي من غبائهم على الطريق

انا معاكي ان المواصلات صعبه وغاليه بس للاسف مالكيش مفر غير استعمال المواصلات (التاكسي) في الاول لحد ما تظبطي امورك وتجيبي عربيه بس لازم الشقه الاول طبعا لان استخراج الرخصه بتاخد وقت وفلوس كتير

انا تحت امرك في اي استفسار تاني وماعنديش مانع احط رقم تليفوني هنا علشان لو محتاجه تساليني على اي شيء لما توصلي بالسلامه بس لو ادارة المنتدى توافق اولا وطبعا حضرتك كمان توافقي يكون لي الشرف

اخي الفاضل وائل

اما والله ماعرفه اشكر حضرتك ازاي على المعلومات القيمة اللي حضرتك تفضلت بيها. وانا شاكرة جدا لعرض حضرتك الكريم بس انا مش عايزة اتعبك بس هو لو تسمح بالايميل الخاص بحضرتك اكون شاكرة جدا.

هو فيه استفسار بسيط بخصوص ال International City وهو انه انا عملت بحث عليها على النت ولقيت فيها ميزة طبعا زي ما حضرتك ما قلت ان اسعارها اقل من المناطق القريبة لجبل علي. بس كنت عايزة اعرف هيا ليه اقل بمعنى هيا عيبها ايه؟

انا شفتها على جوجل ايرث ولقيت انها منطقة سكنية جديدة وواضح انها تحت الانشاء وفي النهاية لقيت موقع ليها ولقيت ان اللي اتبنى جزء صغير من مخطط كبير لمدينة سكنية جديدة مسمينها باحياء على اسم الدول الاوروبية بس اللي اتبنى منها لغاية دلوقتي هما حيين فقط وهما حي اليونان وحي فرنسا. السؤال بقى ... هل سعرها منخفض علشان بس انها مدينة جديدة والا في حاجة تانية مثلا زي الامان او مستوى السكان او شئ يعني من هذا القبيل؟؟!

ما تضحكش عليا بس انا كمان درست فكرة Buy or Rent ولقيت ان البنوك بتدي قروض للمقيمين والخبراء لشراء شقق وان المقدم بيتراوح بين 10% و 30% حسب الاحوال وان الفايده من 6%

الى 8% حسب برضوا الباكديج اللي بتاخدها. هل عندك فكرة عن الموضوع ده؟

شكرا مقدما

[waelbaha]

اختي العزيزة

اولا بخصوص خوفك من الانترناشونال سيتي غير صحيح لانها مدينه جديده وجميله والامان في دبي كلها متوفر جدا ومافيش قلق من الناحية دي خالص

واما بخصوص الاحياء التي انتهت فهناك احياء كثيرة جدا اكتر من اللي على الجوجل لان زي ما انتي عارفه الجوجل مش بيجيب احدث الصور يعني تلاقي الوضع اللي انت شفتيه على الجوجل كان من سنه تقريبا

لكن دلوقت في الحي الصيني والفارسي والاسباني والفرنسي وغيره وكل ده تابع لشركة نخيل وكمان حتلاقي مباني وعمارات كتيرة تانيه طالعه تبع شركات اخرى

لا المدينه كبيرة جدا ومليانه سكن واعتقد ان رخص سعرها بسبب بعدها شوية عن دبي وسط البلد على الرغم من اني مش شايف انها رخيصه في حد ذاتها لكنها ارخص من غيرها

وفيها ميزة خطيرة جدا وهي قربها من الدراجون مارت وممكن تقولي ان الدراجون مارت ده موجود في اولها او في مدخلها وده مكان بتلاقي فيه كل ما تتخيليه من منتجات الصين وغيرها وباسعار خرافيه اقل من السوق بكتير جدا

ينقص المدينه بعض المحلات والخدمات المهمه يعني من غير عربيه حتتعبي شويه لكن في سوبر ماركت تحت كل عمارة بيقضي الغرض

ثانيا بخصوص تفكيرك في القروض انا لا انصحك بالاتجاه الى هذا التفكير ابدا وخصوصا في البلد دي

لانك بتلاقي نفسك داخله في دوامة القروض والاقساط ولن تستطيعي ان تتخلصي منها بسهوله لانك بتتعودي على القرض انه بيحل مشكله حاليه لكن بتلاقي نفسك بتدفعي اقساط البنك طول عمرك

ده غير عدم جواز الاقتراض من البنوك شرعا (يعني حرام من الاخر ) لان ده ربا طبعا

وانصحك انك تظبطي مصاريفك وميزانيتك على حسب مرتبك وصدقيني لو المرتب فوق ال 10 الاف حتقدري تعتمدي عليه بدون بنك باذن الله بس المهم انك ماتستعجليش الامور

وبالنسبة للبنوك انصحك بانك تفتحي حساب في بنك دبي الاسلامي او ابوظبي الاسلامي او مصرف الشارقه الاسلامي او بنك النور الاسلامي وخصوصا الاخير ده لانه لسة جديد واكيد حتلاقيه عنده حلول جديده وتساهل مع العملاء علشان ينتشر وانا عندي معرفه فيه لو عاوزة حاجه قوليلي وانا تحت امرك

وابعدي عن اي بنوك اخرى غير اسلامية لانها فيها اغراءات رهيبه ولكن في النهايه الزبون بيلاقي نفسه متورط في قرض واقساط وبطاقة ائتمان ومليون حاجه تبع البنك ومش قادر يخلص منه

البنوك الاسلاميه عندها نفس المميزات وتقدري تشتري عربيه بالتقسيط من عندهم عادي وتطلعي بطاقة ائتمان وكل حاجه لكن ميزتها انها مش بتورط العميل في قروض وفوائد وكده

اما بخصوص عدم ازعاجك لي فانا مرحب جدا بمساعدتك ونصحك في اي وقت ولا يوجد ازعاج ابدا

انا نفسي اساعد اي مصري جديد في البلد دي لاني عارفها بلد مش بترحم ونفسي اجيب كل اللي اعرفهم وكل اللي عاوزين ييجوا يشتغلوا بس اعمل ايه العين بصيرة واليد قصيرة فباحاول اعوض ده بالنصيحه لاي حد ناوي ييجي علشان ما يقعش في اللي انا فيه وييجي على مرتب ووضع محترم

انا عنواني البريدي على الياهو بنفس الاسم اللي انا مسجل بيه هنا في المنتدى لاني اعرف ان كتابة الايميلات في المواضيع ممنوعه الا بعد اذن الادارة لو سمحتلي بكتابته ساكتبه لك

واخيرا لا تترددي في السؤال عن اي شيء فانا في الخدمه

[Anceint Egyptian]

اختي العزيزة

اولا بخصوص خوفك من الانترناشونال سيتي غير صحيح لانها مدينه جديده وجميله والامان في دبي كلها متوفر جدا ومافيش قلق من الناحية دي خالص

واما بخصوص الاحياء التي انتهت فهناك احياء كثيرة جدا اكتر من اللي على الجوجل لان زي ما انتي عارفه الجوجل مش بيجيب احدث الصور يعني تلاقي الوضع اللي انت شفتيه على الجوجل كان من سنه تقريبا

لكن دلوقت في الحي الصيني والفارسي والاسباني والفرنسي وغيره وكل ده تابع لشركة نخيل وكمان حتلاقي مباني وعمارات كتيرة تانيه طالعه تبع شركات اخرى

لا المدينه كبيرة جدا ومليانه سكن واعتقد ان رخص سعرها بسبب بعدها شوية عن دبي وسط البلد على الرغم من اني مش شايف انها رخيصه في حد ذاتها لكنها ارخص من غيرها

وفيها ميزة خطيرة جدا وهي قربها من الدراجون مارت وممكن تقولي ان الدراجون مارت ده موجود في اولها او في مدخلها وده مكان بتلاقي فيه كل ما تتخيليه من منتجات الصين وغيرها وباسعار خرافيه اقل من السوق بكتير جدا

ينقص المدينه بعض المحلات والخدمات المهمه يعني من غير عربيه حتتعبي شويه لكن في سوبر ماركت تحت كل عمارة بيقضي الغرض

ثانيا بخصوص تفكيرك في القروض انا لا انصحك بالاتجاه الى هذا التفكير ابدا وخصوصا في البلد دي

لانك بتلاقي نفسك داخله في دوامة القروض والاقساط ولن تستطيعي ان تتخلصي منها بسهوله لانك بتتعودي على القرض انه بيحل مشكله حاليه لكن بتلاقي نفسك بتدفعي اقساط البنك طول عمرك

ده غير عدم جواز الاقتراض من البنوك شرعا (يعني حرام من الاخر ) لان ده ربا طبعا

وانصحك انك تظبطي مصاريفك وميزانيتك على حسب مرتبك وصدقيني لو المرتب فوق ال 10 الاف حتقدري تعتمدي عليه بدون بنك باذن الله بس المهم انك ماتستعجليش الامور

وبالنسبة للبنوك انصحك بانك تفتحي حساب في بنك دبي الاسلامي او ابوظبي الاسلامي او مصرف الشارقه الاسلامي او بنك النور الاسلامي وخصوصا الاخير ده لانه لسة جديد واكيد حتلاقيه عنده حلول جديده وتساهل مع العملاء علشان ينتشر وانا عندي معرفه فيه لو عاوزة حاجه قوليلي وانا تحت امرك

وابعدي عن اي بنوك اخرى غير اسلامية لانها فيها اغراءات رهيبه ولكن في النهايه الزبون بيلاقي نفسه متورط في قرض واقساط وبطاقة ائتمان ومليون حاجه تبع البنك ومش قادر يخلص منه

البنوك الاسلاميه عندها نفس المميزات وتقدري تشتري عربيه بالتقسيط من عندهم عادي وتطلعي بطاقة ائتمان وكل حاجه لكن ميزتها انها مش بتورط العميل في قروض وفوائد وكده

اما بخصوص عدم ازعاجك لي فانا مرحب جدا بمساعدتك ونصحك في اي وقت ولا يوجد ازعاج ابدا

انا نفسي اساعد اي مصري جديد في البلد دي لاني عارفها بلد مش بترحم ونفسي اجيب كل اللي اعرفهم وكل اللي عاوزين ييجوا يشتغلوا بس اعمل ايه العين بصيرة واليد قصيرة فباحاول اعوض ده بالنصيحه لاي حد ناوي ييجي علشان ما يقعش في اللي انا فيه وييجي على مرتب ووضع محترم

انا عنواني البريدي على الياهو بنفس الاسم اللي انا مسجل بيه هنا في المنتدى لاني اعرف ان كتابة الايميلات في المواضيع ممنوعه الا بعد اذن الادارة لو سمحتلي بكتابته ساكتبه لك

واخيرا لا تترددي في السؤال عن اي شيء فانا في الخدمه

والله يا وائل "اسمحلي اقلك وائل من غير تكليف اذا كان ما يضيقش حضرتك" انت مش عارف حضرتك ريحتني اد ايه بالمعلومات دي وطمنتي من حكاية ان المصريين ما بيسعدوش بعض في الخليج. وانا طبعا عارفة انه غالبية المصريين ناس محترمة بس الشاذ دائما هو اللي بيلفت نظر الناس بسرعة. انا اتغربت كتير بس دي اول مرة اروح الخليج. وفي الغربة طبعا الواحد بيشوف اشكال والوان بس الحقيقة انا غالبية المصريين اللي قابلتهم في الغربة كانوا ناس في غاية الاحترام والادب ما يتخيروش عن حضرتك وطبعا منتدانا الجميل شاهد على كده. صحيح انا بتضايق شوية لما الاقي حد بيشتم في مصر وبحس انه بيشتمني انا شخصيا. بس بفكر تاني وبقول اهو نوع من الفضفضة والقعدات الحلوة بتاعتنا بتاعة زمان بس بقول كده بعد ما ازعل طبعا شويه في الاول لان انا شخصيا البلد دي انا باتمنالها كل خير لانها ادتنا انا و زوجي كل خير وعلشان اخلي النقض يشتغل والناس اللي غاوية هجوم تهاجم... بقول ومن على منبري هذا "حلوة منبري دي" ان بلدي العزيزة الجميلة مصر ادتنا "زوجي العزيز وانا" كل خير مع العلم اننا مالناش واسطة ولا معرفة و لا كنا اغنياء لما كنا في مصر بس كل الموضوع اننا اجتهدنا بضمير "زوجي وانا" وراعينا ربنا في كل دقيقة كنا بنقضيها في شغلنا حتى لما كان مرتبنا 250 جنيه اشتغلنا وما قلناش على اد فلوسهم وطورنا نفسنا وزودنا علمنا اثناء ما كنا شغالين ويمكن ربنا عوضنا بالسفر للخارج بس البركة والاصل والسبب بعد ربنا بركة دعاء الوالدين ورضاهم وطبعا مصر.

معلش مضطرة ارجع للموضوع تاني ونسأل ونقول...

سمعت من واحد باكستاني بيقلي ان الاقامة بتاخد وقت على ما تطلع (قالي من اسبوعين لشهرين) بس هو كان في دبي من تلات سنين!!! وانا كنت قريت على الويب سايت بتاعة حكومة دبي ان مستند الاقامة ضروري لعمل تعاقد السكن وكذلك التليفونات والذي منه. فهل هذا الكلام صحيح (كلام عم كاماران الباكستاني) واذا كان صحيح يبقى انا حدفع دم قلبي فنادق لغاية الاقامة ما تطلع والا الحل ايه بالظبط؟؟؟!!!

على فكرة انا سألتو نفس السؤال ده وقالي انه هو لما راح دبي كانت اقامته جاهزه!!!!! بصراحة انا مش واثقة فيه وحسيت انه في حاجة غلط فياريت توضحي الحكاية دي الله يخليك.؟؟؟

كمان قلي اطلع رخصة دولية واسوق بيها في الاول وذلك بتأجير عربية لانه قالي انه تأشيرتي حتكون زيارة في الاول لغاية الاقامة ماتطلع وان تأجير عربية حيكون ارخص. وبرضه مش عارفه ايه رأي حضرتك في الكلام ده؟؟؟

كمان عم كاماران قالي يابنتي لما تيجي تشتري عربية اشتري عربية كبيرة 4×4 ... قلتلو اشمعنى يا عم كاماران ده احنا عيلتنا صغيرة ... قالي علشان لما تعملي حادثة فيبقى فيه احتمال انك تعيشي انما لو العربية صغيرة فانتي ميتة ميتة :lol: :amb: -_- :) ---------> انا اتشهدت وحسيت زي ما يكون عم كاماران اداني :lol: في وشي :lol:

معلش سؤال كمان يا وائل (انا بوخت بس معلش استحملني) ... هل التاكسيات بتعملها كول بالتليفون؟ وهل بتيجي على طول (يعني ما تأخرنيش على الشغل)؟ والا بنستانها في الشارع زي عندنا في مصر والا هل ليها في كل حي موقف مثلا والا ايه بالظبط؟

مع جزيل الشكر .

[waelbaha]

اولا اشكرك على اطرائك لي ولكن انا مبسوط فعلا اني باساعد ولو بالنصيحه

المرة دي الموضوع دخل في تفاصيل حساسة شويتين بس باذن الله ربنا يوفقني واقدر ارد عليكي بمعلومات صحيحه الى حد ما

عموما حاقولك دلوقت اللي انا اعرفه وحاسال برده ولو في حاجه غلط في اللي حاقوله دلوقت حابقى اصححهولك بعدين باذن الله

1- بالنسبة للمده اللى بتاخذها الاقامه لا اعتقد انها بتطول للدرجه دي بس في بعض الاحيان ممكن توصل لكده لو في مشكله معينه في ملف الموظف

فالاجراءات العاديه بتخلص بسرعه وخصوصا في دبي ولكن هناك اجراء وخطوة مهمه هي اللي بتاخذ معظم الوقت وهي كشف الامن

وانا في اعتقادي ان خلال شهر باذن الله ممكن اقامتك تكون جاهزة

2- بالفعل كل حياتك وتصرفاتك واجراءاتك اللي تحبي تعمليها متوقفه على استخراج الاقامه بعدها تقدري تسكني - تطلعي رخصه - تفتحي حساب في البنك الخ الخ

3- موضوع السكن قبل استخراج الاقامه مقدور عليه ومش لازم تقضيها فنادق زي ما انتي فاكرة

لان عنك حل من اتنين

تسكني اول فترة في سكن مشترك (مع بنات طبعا) وده ممكن يكلفك بالكهرباء واللذي منه حوالي 1000 الى 1500 في الشهر (ممكن يكون اكتر شوية حسب المكان)

في حل تاني تلاقيه في الانترناشونال سيتي نفسها وهو ان في ناس بتاجر ستوديوهات مفروشه من مجاميعه وده ممكن تلاقيه بحوالي من 4500 درهم في الشهر وانتي طالعه - وانا شخصيا عديلي عمل كده اول ما جاء الى دبي وحتى الان هو هناك حتى بعد ما احضر زوجته لحد مايقدم في شقه غرفه وصاله في الحي الفرنسي (تحفه فنيه) - ساكن في ستوديو مفروش ب 4500 درهم وما اشتراش معلقه وبيدفع بالشهر كمان ( بس عن طريق واحد معرفه )

لو تحبي الحل ده ممكن اسال صاحبنا ده اذا كان عنده حاجه فاضيه نحجزهالك من يوم ماتوصلي بالسلامه

4- اما بالنسبة للتليفونات فانتي تقدري من تاني يوم تشتري خط تليفون مدفوع مقدما وده احسن من الفاتورة ومش لازم يكون عندك اقامه علشان تشتري الخط ده لانك بتلاقيه في اي محل تليفونات عادي

5- نرجع تاني لعم كوماران ده اللى حاسس انه كبر وخرف

سيبك من نص كلامه لانه واضح انه تعبان شويه

عاوز اعرف حاجه مهمه بخصوص شغلك

هل تقدري تقوليلي جهة العمل ايه واذا كانوا هما اللي طالبينك ولا انت اللى حاتيجي على مسئوليتك وتقدمي عندهم بعد وصولك لان المعلومة دي مهمه جدا

اقولك ايه الفرق

لو هما اللي طالبينك (واو) يبقى حيبعتولك تاشيرة عمل وليست زياره وبالتالي حتلاقي مميزات رهيبة في المرتب والبدلات وخلافه - يعني حيبقى العقد بتاعك خارجي

واوعي تقبلي بغير كده لان العقد المحلي مجحف جدا جدا جدا وده تعرفيه لو حيبعتولك تاشيرة زيارة (خللي بالك)

وانا استشفيت من كلامك انك خبيرة او دكتورة (المهم انك شخصيه مهمه) فياريت تخللي بالك من النقطه دي لانها بتفرق جدا في كل شيء

على العموم في حالة ان التاشيرة تكون عمل وليست زياره حيكون اجراءات استخراج الاقامه اسرع شويه

اما لو انتي جايه زياره وحتبحثي عن عمل او حتى الشركه اللي انت جايه عليها حتبعتلك تاشيرة زياره ( وده اللى انا مش عاوزك تقبليه اذا كنت في موضع قوه للتفاوض على هذا الشيء مع الشركه ) وعاوزك تصري على انهم يبعتولك تاشيرة عمل وليست زياره لانها حتفرق معاكي زي ماقلتلك

على العموم لو مافيش نصيب وكانت الفيزا زياره يبقى ممكن تعملي رخصة قياده دوليه للطوارئ فقط لاني لن اشجعك على السواقه لوحدك قبل ما تاخدي رخصة الامارات لان النظام هنا مختلف تماما ومش كفايه انك بتعرفي تسوقي لان في اللي اهم من السواقه - وهو قواعد وانظمة المرور هنا اللي حتلاقيها مختلفه وصعبه ومخالفتها خطيرة جدا هنا لذلك انصحك انك لا تخاطري وتسوقي من اول ما تيجي حتى لو معاكي رخصة دوليه الاحسن انك تستحملي التاكسيات شويه لحد ما تاخذي على نظام البلد

وعلى فكرة لو تاشيرتك عمل يبقى مش حينفع تسوقي في البلد برخصه دوليه (خللي بالك)

اما بخصوص التاكسيات وتكلفتها - انا معاكي انها في الاول حتكون غاليه شويه عليكي وخصوصا في المسافات الطويله او في الزحام (لان العداد بيعد في الحالتين)

بس في حل كويس ممكن برده تعمليه

حتلاقي في الجرائد اليوميه اعلانات كتيرة عن (car lift ) وبيكون حد عنده عربيه وبياخذ معاه ناس في طريقه او بيكون عامل زي التاكسي اللي بالتليفون تتصلي بيه يجيلك في اي حته وكده طبعا ارخص من التاكسيات بكتير

التاكسيات بالتليفون تقدري تجيبيهم بس ممكن يتاخروا عليكي ويضيعوا عليكي وقت الشغل فالحل علشان تريحي نفسك انك تتفقي مع واحد او اكتر على المشاركه في السياره في وقت الدوام رايح جاي وكمان تعرفيلك كام واحد تاني عندهم عربيات بالتليفونات تقدري تجيبيهم زي التاكسي في اي وقت في اي مكان

ويستحسن طبعا لو اشتركتي مع واحده في عربيتها حيكون ده افضل ليكي - هي البلد امان بس الحذر واجب طبعا

وفي حل تاني متعب شوية ومش حيعجبك وهو انك تجربي الاوتوبيسات

اوتوبيساتهم هنا شيء فظيع - مكيف ونظيف وكانك راكبه طياره

بس للاسف مواعيدها وخط سيرها لا يسمح بالاعتماد عليها بس ممكن تجربيها للعلم فقط

6- بالنسبه للعربيه اللي عاوزة تشتريها - سبق وقلتلك ارمي نص كلام عم كامران ودلوقت باقولك ارمي عم كامران نفسه

بصراحه يعني مش عارف جاب الكلام ده منين

المهم اتوكلي على الله واشتري العربيه اللي انتي تشوفيها مناسبه وسيبك من الكلام الفارغ اللي قالهولك ده

العربيات الكبيرة بتكون غاليه ولا انصحك بيها الا اذا كان هناك ضرورة ليها

يعني مثلا لو مهندسه وبتنزلي مواقع يبقى العربيه دي ليها لازمه لانها حتساعدك توصلي المواقع بدون مشاكل الغرز في الرمال والتراب وكده يعني

لكن لو تنقلاتك كلها في البلد وسط الشوارع وكده يبقى ايه لازمة العربيه الكبيرة 4X4 الا اذا كان مزاجك فيها يبقى ساعتها مافيش مكان للمنطق

وبخصوص تخويفه ليكي من الحوادث - طبعا احنا بنعمل اللي علينا وبنسوق بحرص ونسيب الاعمار بيد الله

بس في نصايح اقولهالك تخللي بالك منها وانت سايقه

تلتزمي بتعليمات المرور جدا

لو على طريق سريع ابعدي عن اخر حارتين على الشمال - لان في مجانين بيسوقوا على 180 وانتي طالعه ومابيدوسوش فرامل فالاحسن انك تسيبيلهم الملعب ده خالص

اي حد جاي وراكي بسرعه وبيديكي نور علشان تبعدي - تحاولي تنقلي الحاره اليمين علشان تعديه ومن غير ما تخافي امني نفسك وشوفي مراياتك وانقلي لو الطريق فاضي

اقفي لو الاشارة اللي قدامك بدات تديكي لون اصفر والاحسن انك تهدي السرعه قبل الاشاره من بعيد علشان اللي وراكي ما يفتكرش انك حتخطفيها قبل ما تحمر فيقوم لابس فيكي من ورا لو وقفتي

استعملي الاشارات دايما - يمين وشمال

اربطي حزام الامان حتى لو رايحه تشتري عيش

ماتزوديش السرعه عن الحد المسموح بيه داخل المدينه وعلى الطرق السريعه حتى لو عربيتك نظيفه وتجيب سرعه يستحسن بلاش اكتر من 100

وفي النهايه ربنا يسترها معانا ومعاكي ومع كل اللي بيسوقوا يارب

يارب اكون اجبتك على تساؤلاتك

وياريت تساليني عن اي شيء اخر يدور في بالك علشان تيجي بالسلامه وانت فاهمه البلد دي كويس

تم تعديل 17 مارس 2008 بواسطة waelbaha