سؤال و فعلا محتاج للاجابة - السفر للولايات المتحدة

[mgalal]

السلام عليكم ...

انا كان عندى سؤاال لو سمحتم يا جماعة و فعلا مجتاج رد مش قادر اوصف لاى درجة ...

فيزة السياحة لآمريكا .... لازم على الاقل يكون معايا كام فى حسابى علشان اقدر اتقدم للسفارة و اقدم طلب الفيزا ... و هل لازم الحساب يكون مر علية 6 شهور و لا مش شرط؟ انا سمعت ارقام زى 6 الاف دولار بس متاكد .... لو سمحتم يا جماعة فعلا محتاج مساعدتكم فى الرد ...

متشكر جدا و مستنى ردودكم ..

[Nina Hussien]

السلام عليكم ...

انا كان عندى سؤاال لو سمحتم يا جماعة و فعلا مجتاج رد مش قادر اوصف لاى درجة ...

فيزة السياحة لآمريكا .... لازم على الاقل يكون معايا كام فى حسابى علشان اقدر اتقدم للسفارة و اقدم طلب الفيزا ... و هل لازم الحساب يكون مر علية 6 شهور و لا مش شرط؟ انا سمعت ارقام زى 6 الاف دولار بس متاكد .... لو سمحتم يا جماعة فعلا محتاج مساعدتكم فى الرد ...

متشكر جدا و مستنى ردودكم ..

للتقدم لطلب فيزا لأمريكا أو الاتحاد الأوروبي يلزمك 3 ضمانات

ضمان مالي ككشف حساب بنك يؤكد قدرتك على الانفاق خلال الرحلة دون ان تتعرض لمتاعب لكن مش لازم يكون 6 الاف دولار ممكن 3 الاف لكن لازم لازم يكون حسابك في البنك متحرك أو يكون مضى عليهم في البنك اكثر من 6 اشهر ليه بقى ؟ أقولك أنا

هما بيطلبوا كشف حساب تفصيلي لآخر 6 أشهر و بيحبوا يشوفوا الحساب ده داخل طالع منه مبالغ و لو صغيرة لو انت عايز تقدم على فيزا يبقى حط مبلغ في البنك بس مش مرة واحدة و ابدأ و اسحب منه 500 و اضيف 300 و ارجع اسحب 1000 و ارجع حط 2500 و اشتغل كده كل اسبوع لحد ما توصل على الاقل ل 15000 مصري و في نفس الوقت شكل الحساب هايكون متحرك زي ماهما طالبين

ضمان اجتماعي: زي زوجة او اولاد سابهم في مصر يضمنوا ترجع لهم، او املاك أو عقارات، او طالب مقيد في كلية و مفروض ترجع تكمل دراستك

ضمان مركزك: يعني انك في شغل مستقر و دائم و لا تحتاج انك تسافر تشتغل، حاول تروح بجواب من شركة و كاتب فيه ان مرتبك مبلغ معقول و انك مستقر فيها من عدة سنوات لو ماكنتش طالب طبعا

يعني لازم تفكر بالعقل، بالنسبة لهم انت المفروض رايح سياحة و اللي بيسافر سياحة ده اكيد عنده فائض للفسحة مش مرتبه على قده و ماعندوش حساب بنك و المفروض أقرع و نزهي و رايح يتفسح :D

لو لك أخوات او اولاد عم سافروا امريكا و مارجعوش و كسروا الفيزا يبقى نصيحة كا تقدمش عليها لانهم هايرفضوا

حاول تتكلم دائما بثقة و من غير خوف و ابتسم دائما و طبعا طبعا طبعاااااا تكون رايح و معاك دعوة من اي شخص هناك انه عازمك تقيم عنده و صورة من جواز سفره الامريكي

آخر حاجة ممكن اقولها ان كل دي الحاجات النظرية اللي مفروض تتقدم بها لكن القرار يرجع لهم و بدون قواعد و خد بالك ان اللي بيعملوا المقابلة ناس محترفة و بيبصوا في عنيك و بيتكلموا بطريقة يعرفوا منها انت ناوي على ايه فاحذر ان يدخلهم اي شك انك خايف او قلق.

و ربنا معاك