اتنصب عليا .. وشوفوا حتى اللى بيعرض يحل المشكله بيعمل ايه

[vipwithyou]

سلام عليكم

معلش غبت فترة

ولا حول ولا قوة الا بالله العلي العظيم

طبعا شئ يحزن

بس أحب أفكرك بآية في سورة البقرة

بتقول

_و لنبلونكم بشئ من الخوف و الجوع و نقص من الأموال و الأنفس و الثمرات و بشر الصابرين الذين اذا أصابتهم مصيبة قالوا

انا لله و انا اليه راجعون_

في خمس ايات في القران الكريم تقول لاي مسلم اذا وقع في مصيبة يعمل ايه

منها الاية الاسبقة

_انا لله و انا اليه راجعون_

و في ايه كمان

و أفوض امري الى الله ان الله بصير بالعباد فوقاه شر ما مكروا و حاق بال فرعون سوء العذاب

وقول _حسبي الله و نعم الوكيل _

الاية

الذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل

فانقلبوا بنعمة من الله و فضل لم يمسسهم سوء

و الله لا اله الا انت سبحانك انى كنت من الظالمين

_دعاء ذي النون في بطن الحوت_

و اخيرا

أيوب اذ نادى ربه اني مسني الضر و أنت أرحم الراحمين فاستجبنا له فاكشفنا ما به من ضر و اتينه اهله

قول هم ان شاء الله ربنا يفرج همك

اعرف واحد كان مغترب في بلد في الخليج و اسرته في مصر

ضاق بيه الحال هناك

و تراكمت ديونه

حتى انه تعرض للسجن

فقال باخر ما يملك من مال يلحق يعمل عمرة و يدعي

في الحرم الشريف قابل واحد لقاه بيبكي

فقاله انه يداوم على قراءة السور التالية

يس _حضرتك اكيد عارف ان يس اذا قرات في صدر النهار اوله يعني و رغبت في شئ ان شاء الله

يكون نصيب دعوتك الاجابة_

الفتح

الواقعة_وده اللي قراها في كل ليلة لا تصيبه فاقة ابدا_

الملك

نوح

الانسان

الاخلاص و المعوذتين و الكافرون

جربهم و انفك كربه و الحمد لله المهم المواظبة

من عندي بقى سورة طه

اقراها بعد كل فجر و ان شاء الله تلاقي نتيجتها

الدعاء

لا تيأس من الاستجابة

ربنا قال

قل يا عبادي الذين اسرفوا على انفسهم لا تقنطوا من رحمة الله

و ان مع العسر يسر

ثق في قدرة الله و رحمته انه يفرج همك

و استعذ بالله من العجز و غلبة الدين و قهر الرجال

و ربنا يفرج همك ان شاء الله و يرزقك من حيث لا تحتسب

على فكرة

استغفر الله كثيرا

و احمده على ابتلاءه ده

استعمل اسماء الله الحسنى فى دعاءك

يعني مثلا حضرتك محتاج من يغيثك

قل

سبحان ربي المغيث

سبحان ربي الوهاب

سبحان ربي الرزاق

سبحان ربي الفتاح

و هكذا

ربنا ينفعك بدعاءاك ان شاء الله

لا يسعنى الا ان قول لك

بارك الله فيكى .. والله عليكى فعلا

شكرا يا اختى

[vipwithyou]

يا الله يا ولى الصابرين

ارحمنا يا رب

........

مش هتصدقوا والله .. شوفوا البلد بيحصل فيها ايه

واحد عرض على والدى ان ( حد رتبه جامدة ) يرجع ليا الفلوس اللى اتنصب عليا فيها بشرط ياخد النصف

رغم انى معايا وصل امانه وورقى سليم والراجل محبوس يعنى موجود فى مصر

لا حول ولا قوة الا بالله العلى العظي

وحسبى الله ونعم الوكيل في كل ظالم

وانا لله وانا اليه راجعون البلد خلاص فى ضياع تام والله

يارب رحمتك بعبيدك يا رب

هم يبكى وهم يبكى والله من كتر الضحك

تم تعديل 18 مارس 2008 بواسطة vipwithyou

[se_ Elsyed]

يا الله يا ولى الصابرين

ارحمنا يا رب

........

مش هتصدقوا والله .. شوفوا البلد بيحصل فيها ايه

واحد عرض على والدى ان ( حد رتبه جامدة ) يرجع ليا الفلوس اللى اتنصب عليا فيها بشرط ياخد النصف

رغم انى معايا وصل امانه وورقى سليم والراجل محبوس يعنى موجود فى مصر

لا حول ولا قوة الا بالله العلى العظي

وحسبى الله ونعم الوكيل في كل ظالم

وانا لله وانا اليه راجعون البلد خلاص فى ضياع تام والله

يارب رحمتك بعبيدك يا رب

هم يبكى وهم يبكى والله من كتر الضحك

أيوه .. إلزقها ا في البلد وفي الأخلاق وفي الكل كليلة والغلطة أساساً غلطتك ومش عايز أقول جُملة بتتقال في المواقف القانونية اللي زي دي عشان ما تزعلش ..

أنا ما كنتش عايز أتكلم من الأول وأقولك إنها غلطتك ....

لإنك أنسان متعلم ومثقف وسافرت قبل كده والمفروض عندك خبرة ..

وحتى لو فرضنا إنك وقعت ذات مرة في حُفرة ...

إلا إن من شطارتك لقيناك قمت نفضت هدومك وروحت ناطط بمزاجك في حفرة اخرى وقعدت تستنجد وتصرخ ...

بالمناسبة في السعودية هنا النصب في مواضيع الفيز دي للصُبح وبدل الألفين تلاتة اللي بيتلطشوا فبتوصل إلى ألاف مؤلفة ...

كلامي مؤلم يا تامر لكنها هي الحقيقة المؤلمة دائماً ...

[~Heba~]

يا استاذ سى السيد تامر عنده حق الناس دلوقتى ضميرها اتعدم و اقول غالبيتهم كده و اللى لسة عنده ذرة ضمير بقى فى ندرة رغيف العيش

[Lembic]

لكن من مصر اوعى تدفعى اكتر من 2000 حـ مثلا علشان ما تكونش الخبطة جامدة لا قدر الله

نصيحتى - إبعد عن المصرى وغنيله

[vipwithyou]

أنا ما كنتش عايز أتكلم من الأول وأقولك إنها غلطتك ....

لإنك أنسان متعلم ومثقف وسافرت قبل كده والمفروض عندك خبرة ..

وحتى لو فرضنا إنك وقعت ذات مرة في حُفرة ...

إلا إن من شطارتك لقيناك قمت نفضت هدومك وروحت ناطط بمزاجك في حفرة اخرى وقعدت تستنجد وتصرخ ...

عايز تقول يا ريس

ان القانون لا يحمى المغفلين

طيب قولى كنت اعمل ايه

عملت اللى عليا واخدت وصل امانه بخط ايد الراجل هأعمل ايه تانى ؟

وكنت عايز فيزتى تخلص

ياريت تقولى ايه الغلط اللى عملته

لو قلت له خلصلى الورق الاول وابقى خد كل فلوسك هيقولى مفيش فيزا

وانا اللى كنت محتاجة للأسف

ومع افتراضى حسن النيه كنت فاكر فعلا ان المكتب اخد من الراجل المبلغ كله 10500 حـ لكن بعد فترة وزيارات كتيرة للمكتب وخناقات ونرفة اتضح انه دافع بس 2500 حـ للمكتب والمبلغ الباقى المكتب لا يعرف عنه شىء

تم تعديل 18 مارس 2008 بواسطة vipwithyou

[om marawan]

الله عليكى يا nonna بجد كتر الف خيرك والله هو ده الدوا الشافى باذن الله تعالى

ده ابتلاء ياتامر زى المرض بالظبط وان شاء الله يكون صبرك عليه فى ميزان حسناتك

وطالما ضاقت اوى يبقا والله كل خير باذن الله تعالى دى البشرى بانفراج الأزمة

بس معلش سؤال يعنى بدون تطفل

انت ليه ياتامر بتشترى فيزا فيه دلوقتى مواقع توظيف كتير حاول فيها وحاول عن طريق المعارف الاول احسن وخللى الفيزا اخر احتمال وان شاء الله ربنا يفرج همك ويرزقك من حيث لا تحتسب

[vipwithyou]

الله عليكى يا nonna بجد كتر الف خيرك والله هو ده الدوا الشافى باذن الله تعالى

ده ابتلاء ياتامر زى المرض بالظبط وان شاء الله يكون صبرك عليه فى ميزان حسناتك

وطالما ضاقت اوى يبقا والله كل خير باذن الله تعالى دى البشرى بانفراج الأزمة

بس معلش سؤال يعنى بدون تطفل

انت ليه ياتامر بتشترى فيزا فيه دلوقتى مواقع توظيف كتير حاول فيها وحاول عن طريق المعارف الاول احسن وخللى الفيزا اخر احتمال وان شاء الله ربنا يفرج همك ويرزقك من حيث لا تحتسب

اشكرك يا ام مروان

انا اشترى الفيزا لكى اسافر بها فقط وليس للبحث عن وظيفة فى مصر فالوضع فى مصر أصبح لا يطاق

فأنا أحاول تنمية دخلى خارجها لأعود لها بعد ذلك وانا فى غنا عن الدخل منها

الله المستعان

شكرا ليكى

[osaimi]

من حوالي 15 سنه أو أكثر انتصب عليا فى شقة فى عمارة واتضح ان صاحبها بايعها لأكثر من زبون وكنت دفعت تقريبا حوالي 25 ألف

الغريب بقى اني أخد تلات ارباعهم علي مراحل مرة 100 جنية مرة ألف وهكذا ، وطبعا الكلام ده كان عن طريق محامي كبير صاحبي وكان بيتم عن طريق نقطة الشرطة وفى كل مرة كان لازم طبعا الشرطة تستفيد من الموقف

ماهو صحيح الشعب هو اللي بقى فى خدمة الشرطة ....

معلش يامدير ..... ربنا يعوض عليك ويكتبلك اللى فيه الخير ، ودا تحذير لجميع المحترمين ان يخلوا عنيهم فى راسهم وما يأمنوش أي حد النهارده ..... :D

[نانا]

السلام عليكم ورحمة الله وبركاته

حبيت بس أرد عشان أعبر عن إعجابي بجد بكلام الأستاذة nonna

بجد ما شاء الله عليكي إنتي جيبتي الدواء للأستاذ تامر

بجد يا أستاذ تامر خلى بالك من كلامها بجد هو ده الدواء إن شاء الله وأستعين بالله وهو معينك

واعرف إن كل ما يزيد البلاء كل ما يزيد قربك من ربنا ودي نعمة كبيرة أوي أوي

بابا يعرف شيخ ما شاء اللع عالم بجد الله أكبر عليه وماما كانت تعبت كذا مرة ورا بعض فبابا يعرف الشيخ ده كويس وبيثق فيه أوي وبيشيروه في كل أموره وبيأخد الكلام منه وما يسألش تاني نظرا للثقة الكبيرة فيه

ولما بابا قاله إن ماما تعبت كذا مرة ورا بعض وبيجيلها إبتلاءات كدة متتالية الشيخ رد قاله يا بختها وبابا بيقول لو تشوف إزاي قالها من قلبه بجد وهو متأثر بيها أوي

قاله يا بختها لأنها في مكانة كبيرة عند ربنا والمؤمن دايما منصاب ولازم تحمد ربنا على نعمة البلاء دي

اللي ما يجيلوش بلاء يبقى ربنا مش بيحبوة لأن ده بيخفف كتير من ذنوبه ودي الطريقة الجميلة اللي ربنا بيبتلي بيها عباده عشان يخفف عذابهم بيكون إما إبتلاء في الصحة أو المال أو الأولاد

فتفائل يا أستاذ تامر وأعمل بالنصيحة

وأحب بس متأسفة أرد على كلام الأستاذ سي السيد ومتأسفة عليه

أنا شايفة إن رد حضرتك قاسي ومؤلم أوي

وكلنا دلوقتي بنواسي الأستاذ تامر وبنحاول نخفف عنه

وممكن نقدم النصيحة بطريقة أخف وأجمل من كدة

وكمان مش وقت العتاب لأن صاحب الموقف بيكون في ألم ما فيش حد يقدر يقدره

وأكيد التجربة دي خد منها الكتير

وبتأسف لحضرتك مرة تانية لو ردي يزعل

[vipwithyou]

معلش يامدير ..... ربنا يعوض عليك ويكتبلك اللى فيه الخير ، ودا تحذير لجميع المحترمين ان يخلوا عنيهم فى راسهم وما يأمنوش أي حد النهارده ..... :D

أشكرك أخى الكريم

وفعلا اتمنى ان محدش ابدا ً يحصل معاه كدة

انا كنت دايما فى حياتى بأقول فى مواقف كتير افترض حسن النيه

لكن أنا بأقول للكل دلوقتى حرصوا ولا تخونوش يعنى فعلا كل واحد يخلى باله علشان حرام والله حد تانى يحصله اللى حصلى دة

[vipwithyou]

السلام عليكم ورحمة الله وبركاته

حبيت بس أرد عشان أعبر عن إعجابي بجد بكلام الأستاذة nonna

بجد ما شاء الله عليكي إنتي جيبتي الدواء للأستاذ تامر

بجد يا أستاذ تامر خلى بالك من كلامها بجد هو ده الدواء إن شاء الله وأستعين بالله وهو معينك

واعرف إن كل ما يزيد البلاء كل ما يزيد قربك من ربنا ودي نعمة كبيرة أوي أوي

بابا يعرف شيخ ما شاء اللع عالم بجد الله أكبر عليه وماما كانت تعبت كذا مرة ورا بعض فبابا يعرف الشيخ ده كويس وبيثق فيه أوي وبيشيروه في كل أموره وبيأخد الكلام منه وما يسألش تاني نظرا للثقة الكبيرة فيه

ولما بابا قاله إن ماما تعبت كذا مرة ورا بعض وبيجيلها إبتلاءات كدة متتالية الشيخ رد قاله يا بختها وبابا بيقول لو تشوف إزاي قالها من قلبه بجد وهو متأثر بيها أوي

قاله يا بختها لأنها في مكانة كبيرة عند ربنا والمؤمن دايما منصاب ولازم تحمد ربنا على نعمة البلاء دي

اللي ما يجيلوش بلاء يبقى ربنا مش بيحبوة لأن ده بيخفف كتير من ذنوبه ودي الطريقة الجميلة اللي ربنا بيبتلي بيها عباده عشان يخفف عذابهم بيكون إما إبتلاء في الصحة أو المال أو الأولاد

فتفائل يا أستاذ تامر وأعمل بالنصيحة

انا فعلا وقفت عاجز امام كلام الأخت nonna ومعرفتش ارد عليها غير بالله عليها والله وربنا يبارك فيها والله

وربنا ييسر اعمل بنصيحتها ان شاء الله وبالفعل بدأت والحمد لله

وأحب بس متأسفة أرد على كلام الأستاذ سي السيد ومتأسفة عليه

أنا شايفة إن رد حضرتك قاسي ومؤلم أوي

وكلنا دلوقتي بنواسي الأستاذ تامر وبنحاول نخفف عنه

وممكن نقدم النصيحة بطريقة أخف وأجمل من كدة

وكمان مش وقت العتاب لأن صاحب الموقف بيكون في ألم ما فيش حد يقدر يقدره

وأكيد التجربة دي خد منها الكتير

وبتأسف لحضرتك مرة تانية لو ردي يزعل

الأستاذ سي السيد بيتكلم من منطلق خوفه من تكرار تلك المشكلة واكيد بينصح الكل انه خلوا بالكم ومحدش يثق فى حد

وانا وضحت انى عملت العادى بتاع اى حد بيفهم اخدت وصل امانه على الراجل ! كنت اعمل ايه تانى ؟

تم تعديل 18 مارس 2008 بواسطة vipwithyou

[se_ Elsyed]

يا استاذ سى السيد تامر عنده حق الناس دلوقتى ضميرها اتعدم و اقول غالبيتهم كده و اللى لسة عنده ذرة ضمير بقى فى ندرة رغيف العيش

كلامك مش صحيح يا هبه وإلا يبقى أنتي كده بتتكلمي عني وعنك وعن جميع الموجودين اللي هما مصريين ...

فمنذ أن خلق الله الأرض ومن عليها سيظل الخير هو الغالب ...

وسيظل هناك خير وهناك شر طالما في بني أدمين على الأرض

ولا تتوقعي مكان ما كله ملائكة بأجنحة ويعيشون في سلام ووئام

من كام يوم كانت في قضية كبيرة وظبطوا أكبر مصنع للخمور في السعودية وذلك في منطقة مكه المكرمة ... فهل معنى ذلك إن مكه كلها كده وإن الحرم إتحول لخماره ؟

-----------------

الأخ ليمبيك كتب

نصيحتى - إبعد عن المصرى وغنيله

يا أخي عيب الكلام اللي يُسيء لنا جميعاً ده !!

أومال حضرتك مش مصري برضوا ولا من جنسية تانية ؟

لو مصري يبقى عيب كلامك ده

ولو مش مصري يبقى مش هانسمح لك تتحدث هكذا عن المصريين

وبعدين سيادتك اللي عايش في مصر وبتنصحه يبعد عن المصريين ويغني لهم .... يبقى كمل نصيحتك وقول له يتعامل مع مين غيرهم ؟

ويا ترى الواحد مننا يروح يغير أبوه وامه - المصريين - ويفكهم بخمسة فلبينيين عشان المفروض يبعد عنهم ويغني لهم !!!

ما هذا الكلام وما هذا التعميم المٌسيء ؟

----------------

تامر كتب

طيب قولى كنت اعمل ايه

عملت اللى عليا واخدت وصل امانه بخط ايد الراجل هأعمل ايه تانى ؟

وكنت عايز فيزتى تخلص

ياريت تقولى ايه الغلط اللى عملته

أقول لك يا ريس

أولاً : ما ادفعش فلوس في حاجه زي كده إلا وأنا مطمئن من المكان اللي انا دافع فيه .. بمعنى ...

يا عزيزي تامر تلك المكاتب مش شغالة جهجهوني ولكنها لابد أن تكون مُرخصة من وزارة العمل ولها ترخيص بذلك وبالتالي لما أجي أدفع لازم أتأكد بمختلف الطرق إن رقم الترخيص ده صحيح وإنها شركة معتمده ..

ووالله أعلم هاتأكد من النقطة دي وهي إن الشركات دي بتبقى مودعة تأمين في الوزارة عشان حالات النصب زي شركات السياحة كده ... وبالتالي أي حالة نصب واضحة يبقى الوزارة اللي بتقتص للمنصوب عليه ... هتأكد من النقطة دي

إنما حكاية وصل أمانة والكلام ده .. فالموضوع كده بقى شخصي ... وبالتالي الشخص لو إختفى يبقى فلوسك راحت .. أما الشركة نفسها لو نصبت عليك يبقى في مليون طريقة الواحد يقدر بها يحاول يسترد حقه ..

ثانياً : ما ضاع حق وراءه مُطالب ... لكن لو الإنسان لبس إسود وقعد في الفسحه كاشف راسه ويولول ويقول البلد خربت ويا عم هاخاد حقي من مين .. ده أنا غلبان .. يبقى ما أعطلكش ...

والحمد لله والفضل له فقط ... بيتعرض علي أمور زي دي كتير من ناس في مصر ولكن بأوجه الناس اللي بتستشيرني للطريق الصحيح اللي يحميهم على قدر الإمكان ...

الإخوة اللي بيلوموني عشان النصائح القاسية التي أوجهها لتامر .. فأحب أقول لهم إني كان ممكن أدخل أطبطب عليه وأسمعه كلام حلو .. لكن هو يعلم تماماً ما أقصدة وما أنصحه به دائماً ومش هاقول أكتر من كده ... صح يا تامر ؟

[vipwithyou]

وسيظل هناك خير وهناك شر طالما في بني أدمين على الأرض

ولا تتوقعي مكان ما كله ملائكة بأجنحة ويعيشون في سلام ووئام

بالفعل يا أستاذ سي السيد فى الخير وفى الشر لكن الشر انتشر شوية بين الجشعين من المصريين ( القله )

الأخ ليمبيك كتب

نصيحتى - إبعد عن المصرى وغنيله

يا أخي عيب الكلام اللي يُسيء لنا جميعاً ده !!

أومال حضرتك مش مصري برضوا ولا من جنسية تانية ؟

لو مصري يبقى عيب كلامك ده

ولو مش مصري يبقى مش هانسمح لك تتحدث هكذا عن المصريين

لم اعلق على كله الأخ ليمبيك بخصوص المصرى لأن المصرى احسن رجل فى العالم

وحضرتك عارف انتمائى وعارف رأيي فى مصر والمصريين

بس فعلا فى ناس ضميرها بقى وحش جدا ً الأيام دى بس دا مش معناه ان مصر وحشه قوى للدرجة اللى نقول ابعد عن المصرى

عيب قوى كدة

أولاً : ما ادفعش فلوس في حاجه زي كده إلا وأنا مطمئن من المكان اللي انا دافع فيه .. بمعنى ...

المشكلة انه مندوب وبالتأكيد فى أول الحوار لم يعرفنى على المكتب

يا عزيزي تامر تلك المكاتب مش شغالة جهجهوني ولكنها لابد أن تكون مُرخصة من وزارة العمل ولها ترخيص بذلك وبالتالي لما أجي أدفع لازم أتأكد بمختلف الطرق إن رقم الترخيص ده صحيح وإنها شركة معتمده ..

انا رحت المكتب بنفسى ومكانه المهندسين ومشهر ومعايا اسمه ورقم الترخيص وكمان صورة الوكاله اللى جايه عليه للفيزا

لكن الآن المكتب مغلق وكل اصحابه هاربين

فماذا كنت افعل غير ذلك اخذت ايصال امانه بالمبلغ واخذت صورة الوكاله معى ورحت المكتب فى منطقة عامه بنفسى

إنما حكاية وصل أمانة والكلام ده .. فالموضوع كده بقى شخصي ... وبالتالي الشخص لو إختفى يبقى فلوسك راحت .. أما الشركة نفسها لو نصبت عليك يبقى في مليون طريقة الواحد يقدر بها يحاول يسترد حقه ..

المشكلة فعلا اصبحت شخصية لأن المكتب فعلا لم يتسلم منى شىء سوى الأوراق وعن طريق اتصالات وعناوين اصحاب المكتب وصلت للجواز بتاعى بالعافية ..

ثانياً : ما ضاع حق وراءه مُطالب ... لكن لو الإنسان لبس إسود وقعد في الفسحه كاشف راسه ويولول ويقول البلد خربت ويا عم هاخاد حقي من مين .. ده أنا غلبان .. يبقى ما أعطلكش ...

انا بالفعل مش ساكت وبأدور بطريق سلمى الأول قبل رفع دعوة على الراجل بس اللى يزعلك هو عرض احد عناصر الامن انه يساعدك فى الوصول للمبلغ وفورا لكن هو ياخد نصف المبلغ .. دا فعلا اللى ينرفز

الإخوة اللي بيلوموني عشان النصائح القاسية التي أوجهها لتامر .. فأحب أقول لهم إني كان ممكن أدخل أطبطب عليه وأسمعه كلام حلو .. لكن هو يعلم تماماً ما أقصدة وما أنصحه به دائماً ومش هاقول أكتر من كده ... صح يا تامر ؟

صح يا ريس

وانا الحمد لله ماشى بنصايحك ودلوقتى اديتى ورقى لواحد ماخدش مليم واتفقت معاه اما انه يخلص الفيزا يوم الاحد بعد القادم لأنه قال الميعاد ده او يقولى من دلوقتى ولم اعطيه اى مبلغ والفيزا محاسب بس قالى ثمنها 30000 حـ اول ما اشوف التأشيرة بنفسى وآخد صورتها واسأل عليها فى السفارة ادفع له المبلغ واستلم فورا

فربنا يسهل .. ادعيلى

[se_ Elsyed]

والفيزا محاسب بس قالى ثمنها 30000 ج

:lol: :blink: wst::

[vipwithyou]

والفيزا محاسب بس قالى ثمنها 30000 ج

:lol: :blink: wst::

اعمل ايه بس يا ريس :sad:

[أسد]

والفيزا محاسب بس قالى ثمنها 30000 ج

:sad:

خدلي راسي اخبطهالي شوية معاك ياسي السيد ياخويا ..

ولا أقولك دي أحسن

bsh:) bsh:)

:lol: :blink: wst::

[vipwithyou]

الله يا جماعة

انتوا متنرفزين ليه بس

طيب اعمل يا عم اسد قولى

مش انتوا بتقولوا المبلغ كبير

طيب وانا لقيت اقل وقلت لا

ماهى موجودة فى السعودية حاليا ً سعرها 18000 ريال

ولما تعدى على الجمارج بتوصل 30000 حـ

وحسبى الله ونعم الوكيل

بس هأعمل ايه

مضطر

تم تعديل 19 مارس 2008 بواسطة vipwithyou

[نانا]

الإخوة اللي بيلوموني عشان النصائح القاسية التي أوجهها لتامر .. فأحب أقول لهم إني كان ممكن أدخل أطبطب عليه وأسمعه كلام حلو .. لكن هو يعلم تماماً ما أقصدة وما أنصحه به دائماً ومش هاقول أكتر من كده ... صح يا تامر ؟

متأسفة يا أستاذ سي السيد وأنا بسحب كلامي بجد مرة تانية بس أنا لما قريته كان في وقت حاسة فيه إن ما فيش حد فعلا بيحس بالألم زي اللي حصله الموقف نفسه يعني مش وقت لوم بس عرفت دلوقتي انه الأستاذ تامر واضح إنه ليه معزة عند حضرتك عشان كدة بتلومه جامد وخايف الموقف ده يتكرر معاه لقدر الله أو مع غيره تاني

وكمان أنا مع حضرتك وبوجه اللوم للي قال ابعد عن المصري وغنيله لأننا كلنا لو ما اعترفناش إن مصر والمصريين أجمل ناس في الدنيا مين هيعترف بده لأنها فعلا حقيقة لكن واضح إنه مش بيحس بيها غير إللي بيبعد عنها ويشوف الناس في بلاد تانية عاملة إزاي

[vipwithyou]

الهدف واحد يا جماعة وانا مش عارف اقولكم ايه والله

ربنا يقدرنى وارد جزء من وقوفكم جمبى

شكرا ليكم والله

وربنا يبارك فيكم ويكرمكم