اتنصب عليا .. وشوفوا حتى اللى بيعرض يحل المشكله بيعمل ايه

[om marawan]

اشكرك يا ام مروان

انا اشترى الفيزا لكى اسافر بها فقط وليس للبحث عن وظيفة فى مصر فالوضع فى مصر أصبح لا يطاق

فأنا أحاول تنمية دخلى خارجها لأعود لها بعد ذلك وانا فى غنا عن الدخل منها

الله المستعان

شكرا ليكى

انا مش قصدى توظيف داخل مصر

انا قصدى مواقع توظيف خليجية وسعودية

يعنى دور فى انك تسافر على عقد عمل الاول وماتيأسش ودور فى كل المواقع على قد ماتقدر ونزل السى فى بتاعك فى كل حتة

وبعدين دور على موضوع الفيزا الحرة على مهلك وان شاء الله على ماتيجى الفيزا يكون ربنا أكييييد يسرها وفتحلك ابواب الرزق وماتحتاجش للفيزا وتسافر على شغلك باذن الله

دور وتفاءل بالخير وخللى الحاجة والعروسة تدعى وعلى فكرة لجواز بييجى برزقه زى العيال بالظبط

[vipwithyou]

انا برضوا بأقول كدة يا ام مروان ( على الجواز يعنى )

تم تعديل 25 مارس 2008 بواسطة vipwithyou

[امانى]

يا خبر يا تامر تصدق بالله لسة دلوقت شايفة موضوعك ولما قريته وقريت كل الردود لقيتنى مكسوفة من نفسى اوى

علشان مساهمتش فى الردود بس اعزرنى لانك كتبت الموضوع وانا كنت فى معمعة مرض والدتى وبعدين انت عارف

انك اخ غالى عندى والحمد لله الكل ساهم ولو بكلمة تريحك الى جانب النصيحة والتوعية

متزعلش يا تامر ( عسى ان تكرهو شيئا وهو خير لكم ) محدش عارف كان هيجرى ايه وبعدين انت اللى بتجيب الفلوس مش

الفلوس بتجيبك فداك فلوس الدنيا واحتسب عند الله خليه هو حسبك ووكيلك واكيد دعوة المظلوم مستجابة

ربنا يعينك ويهديك الى ما هو صالح لك والى مافيه خير والله المستعان

اختك امانى

[vipwithyou]

انا عارف اللى عند حضرتك يا أخت امانى والله

وكفاية بس عليا دعوة والدتك ربنا يشفيهالك يارب

فاكرة لما قلت لحضرتك انى محتاج دعوتها ودلوقتى بالذات

خليها بقى تدعيلى

وشكرا ليكى ولزوقك واهتمامك

اخوكى

تامر السيد

[vipwithyou]

وبعدين الكل قام بالواجب واكتر والله

وكمان سي السيد نفضنى تنفيضتين تمام بالمنفضة بتاعة السجاد الجامدة دى

وكمان أسد خبط دماغة فى الحيطة هو كمان مع سي السيد منى

smk: :) :ninja: smk:

تم تعديل 27 مارس 2008 بواسطة vipwithyou

[امانى]

وبعدين الكل قام بالواجب واكتر والله

وكمان سي السيد نفضنى تنفيضتين تمام بالمنفضة بتاعة السجاد الجامدة دى

وكمان أسد خبط دماغة فى الحيطة هو كمان مع سي السيد منى

smk: :) :ninja: smk:

شوف يا تامر فى مثل بيقول يا بخت من بكانى وبكى عليا ولا ضحكنى وضحك الناس عليا

انا شايفة ان كلام سى السيد لك كان لازم يقولهولك كل كلامه ينم على انه بيعزك ومش عايزك تقع تانى فى الغلط وبينبهك

لخطوات كان لازم تعملها من الاول علشان ميقعش اللى حصل جيت انت بعد كدة وهتعيد الكرة تانى لما جبت سيرة فيزا

المحاسب اللى ب3000 علشان كدة اخونا الاستاذ اسد خبط دماغة وكمان سى السيد قصدهم انت لسه مخلصتش

من مشكلة تقوم توقع نفسك فى مشكلة تانية فمتزعلش وتقول نفضوك دول ناس بيحبوك

ربنا يسهلهالك من اوسع ابوابه امين يارب العالمين

امانى

[vipwithyou]

المحاسب اللى ب3000 علشان كدة اخونا الاستاذ اسد خبط دماغة وكمان سى السيد قصدهم انت لسه مخلصتش

من مشكلة تقوم توقع نفسك فى مشكلة تانية فمتزعلش وتقول نفضوك دول ناس بيحبوك

ربنا يسهلهالك من اوسع ابوابه امين يارب العالمين

امانى

اولا الفيزا الجديدة بـ 30000 حـ وما تغلطيش فى صفر من اليمين احسن دا يودى فى داهيه

ثانيا انا معنديش حل غير كدة

محدش يقول دور على شغل فى مصر

حتى اذا اشتغلت بـ 1500 حـ فى مصر هيكون صعب جدا ً اغطى الالتزامات اللى عليا والديون اللى ماشاء الله عليها كل يوم بتزيد مش عارف ليه

المهم

الأخ أسد والاستاذ سي السيد انا مش عايز اقول لحضرتك هما بيعملوا ايه معايا ( بس على الخاص )

دول ناس رجاله فعلا ربنا يكرمهم

هما بيضربونى على العام لكن خايفين عليا

والاخت نانا لما قالت للأستاذ سي السيد انه المفروض يواسينى انا قلت لها انه بينصحنى وبينصح اى حد علشان ما يقعش فى اللى انا وقعت فيه

وانا فاهم كدة كويس والله والحمد لله

وفعلا يا بخت من بكانى وبكى عليا ولا ضحكنى وضحك الناس عليا

فى ناس كتير للأسف ممكن تقولك كلام معسول وتطبطب عليكى وهما بيضحكوا عليكى من جواهم

لكن اللى بيخاف عليكى فعلا هينصحك حتى لو زعلك بنصيحته

وشكرا لكم جميعا ً والله لما قلت ان الكل عمل اللى عليه كنت اقصد فعلا ان الكل ما قصرش معايا

واولهم اللى نفضونى :)

[سهران]

الله يا جماعة

انتوا متنرفزين ليه بس

طيب اعمل يا عم اسد قولى

مش انتوا بتقولوا المبلغ كبير

طيب وانا لقيت اقل وقلت لا

ماهى موجودة فى السعودية حاليا ً سعرها 18000 ريال

ولما تعدى على الجمارج بتوصل 30000 حـ

وحسبى الله ونعم الوكيل

بس هأعمل ايه

مضطر

لسة شايف الموضوع دلوقتي و ربنا معاك يا اخ تامر و يخفف عنك.... أنزعجت جدا من اللي بتقوله ... 30000 جنيه ليه يا تامر .. يعني لو هاتدخر ما يعادل 2000 جنيه بعد تغطية مصروفاتك و ألتزاماتك تقعدلك سنة و نص تسدد تمن سفرك ؟؟؟!!! و طبعا يا عالم ظروف العمل عاملة أيه و بعدين فيزة أيه اللي موجودة ب 18000 جنيه ... معروف التأشيرة تمنها ألفين ريال ( 3000 جنيه ) و بعدين الشركة هي اللي بتدفعهم مش الموظف و ده في أغلب الشركات .... أنزعجت جدا من الأرقام دي ... أنتبه يا أخ تامر زي ما قالولك الأخوة و الموضوع مش مظاهرة تعاطف و صفحات للطبطبة أنتبه جيدا و ربنا يوفقك و ما تدفعش أكتر من الربع قبل التأشيرة و اللي تدفعه تاخد أيصال رسمي من المكتب و دي بديهيات يا عم تامر عشان الموضوع ما يبقاش شخصي... دعواتي لك بالتوفيق</b>

تم تعديل 28 مارس 2008 بواسطة سهران

[vipwithyou]

لسة شايف الموضوع دلوقتي و ربنا معاك يا اخ تامر و يخفف عنك.... أنزعجت جدا من اللي بتقوله ... 30000 جنيه ليه يا تامر .. يعني لو هاتدخر ما يعادل 2000 جنيه بعد تغطية مصروفاتك و ألتزاماتك تقعدلك سنة و نص تسدد تمن سفرك ؟؟؟!!! و طبعا يا عالم ظروف العمل عاملة أيه و بعدين فيزة أيه اللي موجودة ب 18000 جنيه ... معروف التأشيرة تمنها ألفين ريال ( 3000 جنيه ) و بعدين الشركة هي اللي بتدفعهم مش الموظف و ده في أغلب الشركات .... أنزعجت جدا من الأرقام دي ... أنتبه يا أخ تامر زي ما قالولك الأخوة و الموضوع مش مظاهرة تعاطف و صفحات للطبطبة أنتبه جيدا و ربنا يوفقك و ما تدفعش أكتر من الربع قبل التأشيرة و اللي تدفعه تاخد أيصال رسمي من المكتب و دي بديهيات يا عم تامر عشان الموضوع ما يبقاش شخصي... دعواتي لك بالتوفيق</b>

اشكرك يا أخ سهران

اردت فقط توضيح نقطة وهى ان فعلا ثمن الفيزا فى السعودية اصبح 18000 ريال للمهنه التى تستقدم

اعلم تمام العلم ان تكلفة استخراج التأشيرة من هناك هى فقط 2000 ريال لكن لما توصل منى ليك لفولان فولان بتوصل للسعر دة

ربنا يستر فى موضوع العمل لأن دة نصيب بقى

يطلع كويس يطلع وحش يبقى اللى يجيبه ربنا كويس

انا هاعمل اللى عليا وخلاص

وشكرا ليك مرة تانية

اخوك

تامر السيد