سرقات أدبية ... ببجاحة

[se_ Elsyed]

بالأمس كان لقاءً ماسينجارياً تاريخياً بين ثلاثة عمالقة من عماليق الأدب وبيوت الأدب وهما

الاخ الرفيق حشيش الشهير بأبو نوسه

والأخ العقيد سكوربيون الشهير بأبو كوثر

والاخ الشهيد س س والشهير بأبو ساميه

وتطرقنا في الحقيقة إلى العديد من الموضوعات الثقافية التي تهم طبقة كبيرة من المثقفين وفئة قليلة من فئات الشعب الكادحة وخصوصاً مبيضين المحارة

المهم شكى لي الرفيق حشيش من إنه إتهري سرقه وبقى عالحديدة وكل اعماله إتنهبت وبقت مشاع عالنت واللي عايز بيشيل ويحمل ويمشي وبكى لي بدموع الندم وقالي خد الجُملة دي على سبيل المثال من قصة من قصصي يا سين سين واعمل شيرش عالجوجل وشوف هايطلع لك إيه وبلغني قبل ما أموت ...

وبالفعل قمت بذلك وإذا بي أجد عشرات المنتديات ناقلينها نقل مسطرة ومعظم اللي نقلوا نسبوا تلك القصص إلي أنفسهم وطبعاً أنا متأكد إن حشيش لا يعرفهم ولا عمروا شاف خلقتهم الحلوه .. الغريب بقى إن في كمية ردود على القصص دي وتهاني وتشجيع على الإبداع وإيه الحلاوه دي يا مان ... وإيه العبقرية لاساخرة دي يا بت وصاحبنا الحرامي يوصف لهم مدى المعاناة اللي عاناها وحالة الإمساك المزمن اللي جاتله وهو بيكتب قصدي بيسرق القصة ....

شيء في منتهى السفالة والإنحطاط ومش مقادر أصدق إزاي واحد صاحب قلم محترم يرضى على نفسه سرقة تعب غيره ...

أعلم تماماً أن أي كاتب على النت يتمنى أن تنتشر اعماله بين الناس بحلوها ومُرها ... لكن ما لا يتمناه هو وجود تلك الفئة من اللصوص واللي منهم أصحاب مواقع للأسف وهم لا يُكلفون أنفسهم عناء كتابة كلمة .. كلمة واحده فقط وهي كلمة " منقول "

ويالا الغرابة .. لقد حدث هنا في منتدانا ولقينا ناس مسجلة جديد وأول حاجه عملتها إنها نشرت مواضيع في باب الإبتسام على أساس إنه من إنتاجها ... وإذ ببعض الزملاء الأفاضل ذوي الذاكرة الفولاذية يذكروهم بإن هذا العمل أو ذاك من كتابات الزميل سي السيد اللي هو العبد لله الغلبان اللي ما بيفتكرش هو أكل إيه إمبارح .. يبقى إزاي يفتكر هو كتب إيه أول إمبارح ... وكذلك حدث مع أخي الدكتور محبط ونشروا اعمالاً له على اساس إنها من تعبهم وشقاهم

ولما جينا واجهناهم يقوم يرد الواحد منهم بكل بجاحه : طيب يا سيدي عرفنا إنك غنت اللي كاتب الموضوع .. وأسفين نسينا نقول منقول ....

حرامي وبجح

حرامي وأهبل

ومش عارف إن عالم النت ده أصغر من خرم الإبرة وكل شيء عن طريق الحاج جوجل ربنا يخليه لنا بينكشف ويبان بضغطت زر ...

--------------

حشيش يابني ... هذا هو حال الأُدباء ... ولو كان بإيدي كنت أفضل جنبك .. قصدي كنت روحت سجلت في منتديات الحرامية دول وقلت لهم إن الاعمال السودا دي من اعمال اخويا وحبيبي حشيش .. لكن للأسف ممكن تلاقيهم أطلقوا عليك سفاءهم واطفالهم ليلقوا عليك الحجارة او يتطاولوا عليك بالقول ..

امضي في طريقك يا حشيش ولا يهمك ..

أمضي في طريقك ومتعنا باعمالك اللي ما يعلم بها إلا الله ..

امضي يا حشيش عالشيك أبو 50 ألف جنيه ده عشان اخوك سين سين هايتحبس عشان إتكومت عليه أقساط التلاجة

[التونسى]

يمكن الظاهره دى واللى عرضها الاخ الكريم سين سين من اكبر السلبيات اللى بتواجه اى اديب او كاتب خصوصا المغمورين او الهواه والمبتدئين واللى بتخللى الواحد منهم يفكر الف مره ومره حاليا قبل ما ينزل باى عمل ادبى وينشره على النت وهى فعلا السرقات الادبيه دى بقت منتشره جدا ويمكن شاركت فى النقاش حولها باحد المنتديات المصريه المشهوره ... وللاسف ساعات فيه ادباء بيتظلموا لان فيه ناس مش بتسرق اعمالهم وبس دى بتسرق وبتنسب كممان الاعمال الادبيه دى لنفسها وبكل بجاحه حتى لو ظهر كاتب العمل الاصلى وطالب بحقه .. وانا شهدت على واقعه مثل هذه ..وانا عن نفسى دايما بقوم بعمل سيرش فى جوجل وياهو للاعمال الادبيه والموضوعات الخاصه بيا ولاقيت منها ماهو منقول ببعض المنتديات دون ذكر اسمى سواء المستعار او الاصلى .. يومكن ده خلانى مقل حاليا فى نشر اى اعمال خاصه بيا .. لان الانترنت مازال مكان غير امن لحفظ حقوق النشر

[shawshank]

بس تعرف إني متأكد إن حشيش (أو أي كاتب أو مبدع) على قد ماهو زعلان عشان حقه الأدبي ضاع ، على قد ماهو فرحان إن أعماله انتشرت بسرعة غير عادية ، وبقت ناس كتيرة تقراها ، وكل اللي يقراها يقول "اللــــــــه" ، ويبعتها كمان لأصدقائه .

سعادة أي مبدع حاجتين : إن أعماله توصل للناس ، وإن اللي يشوفها يقول "الله ... مين اللي عمل الحاجة الجميلة دي" .

[فــيــروز]

لحد ما يتحلّ موضوع حقوق الملكيه الفكريه ده أقترح على "حشيش" كمبدع له ثقله و وزنه أن ينشئ مدوّنه يكتب فيها أعماله الجديده -يعوّض عليه ربنا فى القديم- بحيث مع أى محاوله للادّعاء من جانب أى لص يقوم "حشيش" بالإشاره لمدوّنته كأوّل مكان نشرت فيه هذه الأعمال .. ده قدر المبدعين :D

[التونسى]

بس تعرف إني متأكد إن حشيش (أو أي كاتب أو مبدع) على قد ماهو زعلان عشان حقه الأدبي ضاع ، على قد ماهو فرحان إن أعماله انتشرت بسرعة غير عادية ، وبقت ناس كتيرة تقراها ، وكل اللي يقراها يقول "اللــــــــه" ، ويبعتها كمان لأصدقائه .

سعادة أي مبدع حاجتين : إن أعماله توصل للناس ، وإن اللي يشوفها يقول "الله ... مين اللي عمل الحاجة الجميلة دي" .

اتفق معك فى تلك النقطة اخى العزيز .. لقد احسست فعلا ببعض الفرحه والاعتداد بالنفس عندما اكتشفت ان بعض من اعمالى تنقل وتنشر خاصة ان ما نشرته فى المنتديات يتجاوز اصابع اليدين بقليل .. ولكنه كان شعور بالفرحه والرضا عن النفس مشوب بغصه ومراره .. نعم قد وصلت رسالتى التى كنت ابغى ايصالها .. ولكن نحن بشر ونحتاج الى اشباع رغبة التقدير من الاخرين حتى ولو كان تقدير معنوى ادبى .. وهو صدقنى اعظم ما يتمناه اى كاتب او مبدع فى اى مجال فنى

[أبو محمد]

يمكن الظاهره دى واللى عرضها الاخ الكريم سين سين من اكبر السلبيات اللى بتواجه اى اديب او كاتب خصوصا المغمورين او الهواه والمبتدئين واللى بتخللى الواحد منهم يفكر الف مره ومره حاليا قبل ما ينزل باى عمل ادبى وينشره على النت وهى فعلا السرقات الادبيه دى بقت منتشره جدا ويمكن شاركت فى النقاش حولها باحد المنتديات المصريه المشهوره ... وللاسف ساعات فيه ادباء بيتظلموا لان فيه ناس مش بتسرق اعمالهم وبس دى بتسرق وبتنسب كممان الاعمال الادبيه دى لنفسها وبكل بجاحه حتى لو ظهر كاتب العمل الاصلى وطالب بحقه .. وانا شهدت على واقعه مثل هذه ..وانا عن نفسى دايما بقوم بعمل سيرش فى جوجل وياهو للاعمال الادبيه والموضوعات الخاصه بيا ولاقيت منها ماهو منقول ببعض المنتديات دون ذكر اسمى سواء المستعار او الاصلى .. يومكن ده خلانى مقل حاليا فى نشر اى اعمال خاصه بيا .. لان الانترنت مازال مكان غير امن لحفظ حقوق النشر

ياريت الأمر يقتصر على المغمورين أو الهواة والمبتدئين يا أستاذ تونسى .. ده فيه ناس بتسمى نفسها "مفكرين" وما بيختشوش يلهفوا من "مفكرين حقيقيين"

شوف كده واحبس نَفَسَك

[التونسى]

حقيقى اخى الفاضل ابو محمد انت صدمتنى ولخبطتنى بمداخلتك ... معقوله !!!!!!!!!!!!!؟ مش لاقى تعليق بصراحه

[Handicraft]

طيب سؤال خبيث ...

حضرتك ... أيوه حضرتك أنت .... يا ترى فيه كام برنامج من غير ترخيص على جهاز الكمبيوتر بتاعك.

فيه كام أغنية محملها على الموبايل، فيه كام صورة اقتبستها من النت وحطيتها فى موضوع هنا ......

فيه كام مقال او بحث او كتاب أو فيلم نزلتهم من النت ....

هاندى المتسائل

[زهرة الجبل]

في الحقيقه الموضوع ده فعلاً مؤلم جداً لأي كاتب

وبالمناسبه مش شرط الأدباء فقط ... داء سرقة الموضوعات من على الشبكه العنكبوتيه قد يشمل ايضا الموضوعات العاديه

ويشمل آراء يتم نسخها كما هي بالنقطه والفاصله زي ما بيقولوا ويمكن لو ناقشت الأخ اللي نسخها تلاقيه مش فاهم تلات ارباعها

أكبر ألم ممكن يصيبني هو أن أقرء أحد موضوعاتي و آخره توقيع بغير إسمي

وعلى رأي سي السيد تلاقي اللي داخل يشجع و يشيد بالإبداع المزعوم واللي يقول تسلم يمينك و طبعا الحرامي عاااايش في الدور ومصدق نفسه و بيرد على التهاني و كأنه كاتب الموضوع ويرعى بنات افكاره

لكن بصراحه أنا لا أسكت واتعمد ان اكتب تعليق للكاتب و أفضحه أمام مشجعيه و بالطبع أضع وصله للموضوع بإسمي بتاريخ سابق لوضعه للموضوع و أطلب منه إثبات حقه إن كان صادق بتاريخ أقدم من التاريخ الذي وضعت انا به الموضوع

طبعا في الغالب ينسحب السارق بخيبته و احياناً يرد ببجاحه لكن يجد من مشجعيه السابقين وقتها اللي يستحقه من توبيخ و استحقار

لان بصراحه اي جرة قلم رسمتها بيدي لا اتحمل ان أرى تحتها إسم غير إسمي

و أنا لست مع الأخ الكريم شاوشانك مع إحترامي الشديد لرأيه القائل: ((على قد ماهو زعلان عشان حقه الأدبي ضاع ، على قد ماهو فرحان إن أعماله انتشرت بسرعة غير عادية ، وبقت ناس كتيرة تقراها ، وكل اللي يقراها يقول "اللــــــــه" ، ويبعتها كمان لأصدقائه .

سعادة أي مبدع حاجتين : إن أعماله توصل للناس ، وإن اللي يشوفها يقول "الله ... مين اللي عمل الحاجة الجميلة دي" . ))

لكن أنا أرى العكس تماماً....وليس في انتشار اعمالي بأقلام زائفه أي متعه تتحقق لي بل كل الغضب والتصميم على إستعادة ما سلب مني

سؤال للأخت فيروز:.....و لكل من لديه خبره عن الموضوع... هل لديك فكره عن كيفية إنشاء مدونه؟

تحياتي للجميع

[زهرة الجبل]

على فكره أنا أذكر حادثه ظريفه حصلت معايا مره ولو انها في الواقع مش ظريفه أوي

من حوالي اربع سنوات كنت منتسبه لأحد المنتديات ولي فيه عدة موضوعات وعدة قصائد

وفي مره بفتح المنتدى لقيت قصيده من قصائدي القديمه والموجوده بنفس المنتدى وجدتها موجوده كموضوع جديد بإسم عضوه جديده و تنسب العمل لنفسها

طبعاً أخدت مني ومن المنتدى اللي فيه النصيب

لكن الظريفوالمؤلم بنفس الوقت هو اني فكرتها غبيه لدرجة انها نسخت الموضوع من المنتدى وكتبته مره اخرى بإسمها فيه

انما إتضح ان الحقيقه انها نسخته من منتدى آخر فيه حراميه أخرى سرقته قبلها وهي جايه تكمل عالقتيل

والله بجد على اد ما كنت سعيده انها كانت سبب في أكتشاف غيرها من اللصوص وتمكيني من أخذ حقي منه إلا إن حقيقة إن الموضوع مسروق وياعالم بالبقيه دي في كل الأحوال حقيقه مره

[فــيــروز]

زهرة الجبل تسأل

هل لديك فكره عن كيفية إنشاء مدونه؟

أينعم :rolleyes:

الموضوع سهل للغايه لكنّك بحاجه أوّلا أن تنشئى عنوان بريدى على Gmail وده أصبح مجّانى .. تذهبى للموقع www.gmail.com و تنشئى عنوان بريدى ثمّ تذهبى لهذا العنوان https://www.blogger.com/start وسيأخذك لخطوات سهله لإنشاء المدوّنه

فى المرحله الأولى سيتم التحقّق من صحّة العنوان البريدى الذى اخترتيه على Gmail وسؤالك عن الاسم الذى تحبّى أن توقّعى به تعليقاتك

فى المرحله الثانيه سيتم سؤالك عن الاسم الذى ترغبى فى اختياره لمدوّنتك و الذى سيظهر فى الصفحه الرئيسيه للمدوّنه .. كما سيتم سؤالك عن العنوان الذى ترغبى فى اختياره للمدوّنه الذى يبدأ ب http و خلّى بالك إن مش لازم يكون اسم المدوّنه و عنوانها بنفس الحروف وليس بينهما أى علاقه المهم أن يكون العنوان غير مستخدم من قبل

فى المرحله الثالثه و الأخيره سيتم سؤالك عن الشكل الذى تحبّى أن تبدو به المدوّنه و سيعرض لك الموقع عدّة نماذج تختارى من بينها (يمكن تغيير هذا الشكل لاحقا)

بس خلاص و تبتدى التدوين :ninja: ولو احتجتى أى مساعده قولى جزر بس .. :sad:

[زهرة الجبل]

الله عليكي يا فيروز

الف شكر و ان شاء الله هجرب ولو إحتجت حاجه هرجعلك( إنتي اللي جبتيه لنفسك :wub: )

شكرا مره أخرى لإهتمامك

تحياتي