ومازال غراب الخراب .. يسخر من الشعب

[achnaton]

رغم أنى كنت أتوقع أن يرتفع ضغط الدم عندى عندما سأشاهد غراب الخراب يلقى خطابه فى مجلس " اللمة " .. وحضرت أمامى مختلف أنواع الحبوب المخفضة للضعط والتى يدهش طبيبى عندما يقيس الضغط عندى ويكشف أنها لم تأتى بنتيجة .. رغم كل الإحتياطات التى تقوم بها الأسرة لرعايتى والحفاظ على مستوى منخفض .. لقد كاد يجن .. وفى كل مرة يشد شعره ويقوللى " أعملك إيه ؟؟؟ " هو صحيح منعنى من حاجات كثيره كنت بأحبها .. ولكنه لم يفطن الى منعى من مشاهدة الفضائية المصرية .. اللى ترفع ضغط دم الدب القطبى .. وطبعا بيزيد مفعولها عندما تنقل الينا التصريحات الوردية والبيانات المعطرة بأكسير الكذب الأحمر الذى عادة ما يكسى وجوه الشرفاء عندما يكذبون ويطلقون على هذا الأكسير فى مصر " حمرة الخجل " ..

المرة دى .. فطست على روحى من الضحك .. الراجل ده .. بيسهبل مين ؟؟؟... دا حتى الشعب المصرى فيه شريحة كبيره من المثقفين والعلماء .. ومش كلهم جهله .. أو معاهم شهادات دكتوراه مضروبة !!الغراب بيسخف دمه .. وحقيقى فضلت أضحك يجى ساعة وهو يبرر البطالة اللى إنتشرت فى مصر .. أنها ظاهرة عالمية .. واحنا فى مصر لم نتعدى ال 7 % .. ويزق جملة جميلة للتدليل على صدقه فيقول أن البطالة فى الصين تجاوزت ال 75 مليون .. يا نهار أسود يادكتور .. طب نعداد الصين كام ..!! " يعملوا كام فى الماية دول يامرسى ؟؟ " ..بالذمة دى مش نكته .. بلغت بنا المغالطة أن نضحك على الشعب بمقارنة إحصائية غير متناسقة .. مش با أقولكم شهادة الدكتوراه فى الأقتصاد دى مضربة .. وحقيقتها دكتوراه فى تخريب الأقتصاد ..

ولآول مرة لم يرتفع ضغط الدم عندى من كتر الضحك .. وأرجو أن يواصل العراب ووزرائه إصدار مثل هذه الإحصائيات التى ستدخل التاريخ

وأستلف لازمة الأخ شريف عبد الوهاب المرة دى .. واٌقول خلص الكلام

اخناتون المنيا الحزين المرضان </span></span>:lol: :lol: :D :D :D :cry:

تم تعديل 2 نوفمبر 2007 بواسطة achnaton

[crossfield]

ولآول مرة لم يرتفع ضغط الدم عندى من كتر الضحك .. وأرجو أن يواصل العراب ووزرائه إصدار مثل هذه الإحصائيات التى ستدخل التاريخ

والله طمنتنى على نفسى يا أستاذ اخناتون .أنا جاتلى هستريا ضحك وخصوصا لما كان السادة النواب الأشاوس (اللى كان صاحى منهم طبعا) :D عمالين يسقفوا و يهتفوا وهوه يشاورلهم و يقول لسه لسه هاقول أهوه (قصده يعنى ان وصلة الغنى لسه ما كملتش) و أنا قاعدة و الله ما عارفة باضحك من غيظى والا من هبل الراجل اللى بيستهبلنا ده و الا على شكل النواب النوايب دول و الا على الحاج فتحى اللى قاعد فوق على المصطبة يشخط فى العيال النواب اللى تحت(انت رايح فين انت؟انت فاكر نفسك فين؟)و الا على الحاجة امال اللى اكل عليها الدهر و شرب و قضى حاجتة كمان لما قامت تدى الموافقة على البيان باسم النواب النايمين و الصاحيين.صحيح

و كم بمصر من المضحكات ولكنه ضحك كالبكا :( :( :(

[الطفشان]

ويزق جملة جميلة للتدليل على صدقه فيقول أن البطالة فى الصين تجاوزت ال 75 مليون .. يا نهار أسود يادكتور .. طب نعداد الصين كام ..!! " يعملوا كام فى الماية دول يامرسى ؟؟ " ..بالذمة دى مش نكته .. بلغت بنا المغالطة أن نضحك على الشعب بمقارنة إحصائية غير متناسقة ..

اذكر ان مديره طلع مرة و قعد يقارن: سنة كذا بنينا كام شقة، و دلوقتي كذا شقة

طبعا نفس المغالطة: طب هي الناس كانت كام في السبعينات و دلوقت كام؟

مش با أقولكم شهادة الدكتوراه فى الأقتصاد دى مضربة .. وحقيقتها  دكتوراه فى تخريب الأقتصاد ..

قد تكون الشهادة سليمة

الذمة هي اللي مضروبة!

وهوه يشاورلهم و يقول لسه لسه هاقول أهوه (قصده يعنى ان وصلة الغنى لسه ما كملتش)

بيغنوا علينا بقالهم كثير!

كفاية بقى

[achnaton]

يا أختاه

إنت لسه شفت حاجة .. اللعبة أحلوت .. وقفانا خلاص بلطوه بسيراميك يابانى .. وقاعد أقول من زمن .. آه يانى .. وصرخت زمان أقول .. أن وزارة المغول .. الشهيرة بوزارة الكساد الفساد عملت الآتى :

مات الضمير .. وعملوا فى الخباثة من يونس شلبى تلتميت نسخة

والمحترم الغيور من النواب أدوله طول النهار فسحة

وفضل فى المدرسة كل من يرفع أيديه

يسقف ويوافق ويلقى بيانات كذب .. ووقت اللزوم يعملوه مسخة

----------------------------------

مات الضمير .. والحكومة الفاشلة .. باعته للمجلس وزير

بعقد دايم .. معاه عصاية ونفير

يرفع عصاه الكل يسكت .. ينفخ نفيره الكل يرقص

ولا حد دارى فى البلد .. مين الوزير .. ومين الغفير .. !!!!!!!

----------------------------------

أغرب حاجة سمعتها أمبارح بالليل من حسين ابن جدى الشيخ حسن - رحمة الله عليه - بعد ما قرأ هذه المداخلة .. قاللى فى التلفون أنه راح للبقال عبد النبى .. وقاله عاوز إزازة زيت طبقا لتصريحات غراب الخراب.. قال .. دا كلام هجص زى السراب .. فيه اربعتاشر ماركة من نوع واحد .. وفيه زيت سايب .. وفيه زيت معبئ فى بلاستك .. وآخر فى زجاج .. والأسعار دى اللى بتقول عليها تسرى على إيه .. قاله طيب أدينى كيلو حلاوة طحينية .. قاله سايبة ولا معبية .. وأنتاج مين بالمكسرات ولا بالفول السودانى .. " آه يانى " .. القرارات دى فك مجالس .. زى حكاية السكر والأرز .. وغيره .. كلها فرقعة كلام .. وسلم لى على أم العلام .. اللى عاوزة كيلو لبن .. تغذى به العيال .. سايب ولا معبئ .. عديم الدسم ولا نصف دسم ولا كامل الدسم .. خلاص يا هانم أنا مليت .. وزهقت من الناس اللى بيستهبلونا .. وفى بحر الكساد سابونا .. ولا هم سائلين .. مفيش ذمة ولا دين .. بيقولوا أننا بنربى الفراخ فى بلدنا .. ومفيش داعى لزيادة الأسعار .. طب وسعر العلف المستورد .. ولا دواء الدواجن اللى أصبح نار .. ده مبيأثرش على الأسعار .. الموضوع كله يكمن فى إنهيار اللحلوح .. أيوه عملتنا المصرية .. اللى صابها الهزال أمام العملات الأجنبية .. ونسمع بس تصريحات ورديه .. وأن الجنيه بتاعنا أقوى من الدولار ..!!!!!!

كفاية كده الوقت .. أنا دمى فار ...

اخناتون المنيا الحزين المرضان :D :D :cry: :cry: :cry: </span></span>

تم تعديل 2 نوفمبر 2007 بواسطة achnaton