استفتاء حول الهجرة

[هشام الكندي ان شاء الله]

بسم الله الرحمن الرحيم

اخويا و حبيبي محمد زيدان,

كلامك بيعجبني اوي و اسعارك بتجنني اوي بصراحه :wub:

انا زي ما قلت اني اخترت الخروج من مصر و عدم العوده الا في زيارات لكني احب اقولكم ان كان المفروض يكون فيه اختيار زياده الا و هو الخروج من مصر و اخذ اهلك معك حتي لا تعود في زيارات

يا جماعه الوضع بقي يشيب الكتكوت بجد و الاوضاع مش هنقول ساءت لان الوضع لو سئ يبقي حصل تحسن ملحوظ

ربنا يسترها علي الجيل اللي طالع جديد و يحميلك ولادك يا محمد يا بن زيدان

هشام الكندي ان شاء الله

[muslim4ever]

[*]العشوائية في كل المجالات .. يعني مثلاً حاجة بسيطة زي مثلاً استخراج رخصة مكتبة يقولولي موافقة المطافي قبل موافقة البيئة والمطافي تقوللي موافقة البيئة الأول والأمن الصناعي عاوز الموافقتين قبل ما يديني جوااب الموافقة .. مثلاً

[*][color="#8b0000

كلامك يا زيدان فكرنى بموقف فيه من البكاء على العقليات التى تحكمنا اكثر من الطرافة

فى هيئة التنمية الصناعية وهى المنوطة بتراخيص انشاء المصانع ومنح الاراضى الصناعية تجد من الاوراق المطلوبة عقد تاسيس الشركة وان تكون شركة صناعية ... الى الان

كلام جميل !!

ثم تذهب الى هيئة الاستثمار المنوطة بانشاء الشركات حسب القانون 8 فتجد من الشروط الاساسية لانشاء شركة صناعية هو تخصيص الارض والتصاريح من قبل هيئة

التنمية الصناعية !!!!! :h!!!h: وطبعاً تدخل معاهم فى جدل عقيم ولا تصل الى شىء .. البيضة الاول ولا الفرخة .

[maryous]

كل الطرق تؤدي إلى كندا

[Toronto]

كل هذا نهايته الموت

[هشام الكندي ان شاء الله]

الحل الامثل للحياه في هذا الزمان هو كالتالي:

مصر: قضاء و قدر و اللهم لا اعتراض, امتحان من الله يختبر به ايمان المرء

كندا: هجرة لتغيير حياتك و حياه اولادك و ستين جيل قادم من احفادك

موت: ان شاء الله انت مسلم موحد فاخرتك تكون كويسه

و بذلك فلتحقيق اخرتك عليك بالاسلام و لتحقيق دنياك فعليك بالاسلام ثم كندا

الحمد لله, انا مسلم كندي

هشام الكندي ان شاء الله

تم تعديل 7 أبريل 2008 بواسطة هشام الكندي ان شاء الله

[Toronto]

الحل الامثل للحياه في هذا الزمان هو كالتالي:

مصر: قضاء و قدر و اللهم لا اعتراض, امتحان من الله يختبر به ايمان المرء

كندا: هجرة لتغيير حياتك و حياه اولادك و ستين جيل قادم من احفادك

موت: ان شاء الله انت مسلم موحد فاخرتك تكون كويسه

و بذلك فلتحقيق اخرتك عليك بالاسلام و لتحقيق دنياك فعليك بالاسلام ثم كندا

الحمد لله, انا مسلم كندي

هشام الكندي ان شاء الله

خلاص تبقي من النهاردة اسمك هشام المسلم الكندي ان شاء الله.

[madzoro]

بسم الله الرحمن الرحيم

انا مع السفر لفترة الى بلد اجنبي ثم العودة لمصر او اي بلد عربي

السفر سعيا لطلب العلم والخبرة وربنا يعني على ما نويت ولكن لا اعلم ممكن الواحد يعيش هناك على طول .... وممكن ماطلعش اساسا

السبب في الرجوع هو ان مهما كان الحال اللي بتمر بيه مصر او الدول العربية فهو بلد اسلامي يكفي اني باسمع صوت الاذان ممكن وانا بقلب في الراديو او التلفزيون

اسمع قران او برنامج ديني ولو بالصدفة حالات الخمول اللي تصيب الانسان في واجباته تجاه ربه (مثال : ساعات الواحد يكون بيصلي بس مافيش خشوع )فالبيئة المحيطة بتشجع او بتزيد فرص ان الواحد يرجع يفكر في الامور دي

فاكتر حاجة خايف منها في موضوع السفر لبلد اجنبي هي البيئة المحيطة بيا و باسرتي و بالاجيال اللي ربنا هايرزقني بيها باذنه تعالى

هاكون انا سبب في تكوينها بعيد عن الوطن العربي والاسلامي

فانا اذا ضمنت اني هاحافظ على ديني في وسط بيئة غربية مش ضامن ايه اللي ممكن يحصل مع الاجيال اللي جاية ... بس المشكلة اني انا السبب في الاصل

فهل دا يعتبر من الاعمال اللي ربنا هايحسبني عليها اذا تم ؟

اسف على الاطالة

ربنا يوفق الجميع

[magedghonim]

بسم الله الرحمن الرحيم

انا مع السفر لفترة الى بلد اجنبي ثم العودة لمصر او اي بلد عربي

السفر سعيا لطلب العلم والخبرة وربنا يعني على ما نويت ولكن لا اعلم ممكن الواحد يعيش هناك على طول .... وممكن ماطلعش اساسا cr((:

السبب في الرجوع هو ان مهما كان الحال اللي بتمر بيه مصر او الدول العربية فهو بلد اسلامي يكفي اني باسمع صوت الاذان ممكن وانا بقلب في الراديو او التلفزيون

اسمع قران او برنامج ديني ولو بالصدفة حالات الخمول اللي تصيب الانسان في واجباته تجاه ربه (مثال : ساعات الواحد يكون بيصلي بس مافيش خشوع )فالبيئة المحيطة بتشجع او بتزيد فرص ان الواحد يرجع يفكر في الامور دي

فاكتر حاجة خايف منها في موضوع السفر لبلد اجنبي هي البيئة المحيطة بيا و باسرتي و بالاجيال اللي ربنا هايرزقني بيها باذنه تعالى

هاكون انا سبب في تكوينها بعيد عن الوطن العربي والاسلامي

فانا اذا ضمنت اني هاحافظ على ديني في وسط بيئة غربية مش ضامن ايه اللي ممكن يحصل مع الاجيال اللي جاية ... بس المشكلة اني انا السبب في الاصل

فهل دا يعتبر من الاعمال اللي ربنا هايحسبني عليها اذا تم ؟

اسف على الاطالة

ربنا يوفق الجميع

----------------------------------------------------------

بصراحة الموضوع معقد جدااااا

انت ممكن تروح هناك وتفشل

ممكن تروح هناك وتخسر دينك

وممكن العكس؟

انا لما كنت في السعودية محستش باي فرق في الايمانيات بتاعتي الا في العمرة

صح البلد نظامها اسلامي جدا

بس انا زي منا؟؟؟؟؟؟؟

حاجة غريبة ومش قادر افهمها

ممكن المشكلة فيا انا؟

بيتهيالي ان تجربة السفر لبرا مفيدة جدااا

هتتعلم حاجات كتير اكيد هتنفعك وانت وشطارتك

ولو حسيت انك مش هتنجح في اهدافك

ممكن ترجع تاني

مصر فاتحة ايديها للاجانب والعرب اكتر من ولادها نفسهم

اما من ناحية الاولاد والاجيال الي جاية

فطبعا المسئولية علينا

"كلكم راع وكلكم مسئول عن رعيته"

والله المستعان

[somayasaleh]

انا اختار الهجرة لاي بلد في العالم يحترم الانسان ويعترف بأدميته

ويشعره بامان والنظام والاحترام

وطيعا جميع البلاد العربية بما فيه مصر الحبيبة ابعد ما يكون عن ذلك

لذا اختار الهجرة لبلد اجنبي وهي كندا بأذن الله تعالي

والله الموفق للجميع

اختكم المهاجرة الجديدة بمشئة الله تعالي

[madzoro]

اما من ناحية الاولاد والاجيال الي جاية

فطبعا المسئولية علينا

"كلكم راع وكلكم مسئول عن رعيته"

والله المستعان

الله يفتح عليك

ا هو ده اللي انا خايف منه الواحد مش عارف يعمل اية بوزره فا يعمل ايه بوزروه و وزر الاجيال اللي جايه

فعلا الله المستعان

[Dr Ayman Kamel]

بسم الله الرحمن الرحيم

بلدنا امانه علينا ولم اجد من افضل تعبير قامت به د اودى اننا تاريخ بلا مستقبل والسبب مين انا عارف وانت وانتى وكلنا عارفين حسبى الله ونعم الوكبل

[yassir]

طبعا انا اخترت العيش في بلد اجنبي او عربي والعودة الي مصر زيارات

اعتقد ان مستقبل مصر مظلم ليس فيه حتي بصيص من نور والوصف الدقيق من وجهه نظري لها ان مصر تاريخ بلا مسقبل اما الدول الاخري سواء عربية او اجنبيه فهي مستقبل بلا تاريخ واعتقد اننا جميعا نبحث لاولادنا علي المستقبل وليس الماضي وان كنت آمل ان يخيب ظني ويصبح لها مستقبل ليتمتع ابناؤها بخيرها اما العودة في الزيارات فلأنها الاصل ولابد ان يتصل الانسان بجذوره فهي التي تثبته وتحميه مهما ضعفت و رغم اننا نقضي في مصر شهر وبالخارج 11 شهر لكني اشعر ان هذا الشهر هو الشغل والباقي هي الاجازة يمكن لاني اتعودت علي الغربه لدرجة اني لما اقول عايزه اعمل حاجة اقول لما اروح هاعمل كذا كأن بيتي اللي في السعودية مش اللي في مصر

فاحنا مافيش في ايدينا حاجة نعملها في مصر واولادنا امانه ولهم حقوق ومافيش طريق غير ده نقدر نديهم بيه ولو جزء من حقوقهم

الله ينورعليكي

ما كنت لاقولها افضل من ذلك

و انا ما ليش كلام بعد كلامكم

:blush2:

[samehelassad]

انا اخترت اختيارين: بلد اجنبي والعودة للاستقرار في مصر. واخترت كمان بلد اجنبي وعدم الرجوع لمصر الا زيارات.

وذلك لسبب بسيط جدا وهو عدم معرفة المجهول. ولو المجهول دة وهو البلد الاجنبي. وهل هيكون ملائم لديني واولادي ولا لاء. لو ملائم فلن ارجع مصر الا زيارات.

للاسف من ساعة مالواحد عينة فتحت على الدنيا وبلدنا مبتعملش الا انها تقطع الاوصال. وتلاقي الاب في حتة والولاد في حتة وكل دة عشان الحياة الكريمة. لما الواحد بقى كل هدفة في الحياة هو الحياة الكريمة وعدم تقطيع الاوصال. مش الواحد بعد مايخلف ويربي ويعلم يجي يموت وولادة بعيد عنة كمان ويعيش اخر ايامه لوحدة كانة مخلفش عشان ياعيني لو ولادة قعدة جنبة مش هيعرفو يعيشو ولا هيعرفو يربو ولادهم. حسبي الله ونعم الوكيل في اللي قارفنا برة وجوة.

[samady]

أنا ليه رأي في الموضوع ده بالذات وبغض النظر البلد الجديد هيناسبني ولا لأ لأن اللي طالع أرفان من مصر هيقبل بأي وضع بره مصر وخصوصا لما يجي يقارن عيشته في البلد الجديد وعيشته في مصر.

أنا شايف إن كل اللي بيسافر بره مصر وخصوصا للهجرة هم أحسن ناس في مصر وبالتالي لو كل واحد قال ياعم وانا مالي المهم أنا وولادي نعيش عيشة نظيفة عمر ماحالنا هيتعدل ولازم نفتكر كويس إن أنا لمل آخد جنسية دولة تانية هفضل برده بالنسبلهم من أصول غريبة أو مش من السكان الصليين وأكبر دليل براك أوباما رغم إنه مولود ومتربي عمره كله في أمريكا ورغم إنه خدم أمريكا وبنى نفسه بنفسه إلا إنهم لسة بيقولو عليه من أصول كينية رغم إن عمره ماراحها وهي دي النقطة اللي الجمهوريين بيهاجموه منها!!!!!!!!!

طب الكلام ده معناه إيه معناه إن كل واحد ربنا أنعم عليه سواء بفلوس أو بعقل متفتح لازم يتصدق بجزء من النعمة دي والصدقة تكون بأنه يساعد اهله وجيرانه أهل بلده ، الرجوع لمصر من أجل الأصلاح صدقة وواجب ،الرجوع لعمل مشاريع لتشغيل الناس صدقة ، الرجوع لتعليم الناس من العلم اللي خته في الدولة المتقدمة صدقة ، الرجوع لتبصير الناس عن الفرق بين العيشة في ظل الأسلام والعيشة من غيره صدقة ، الرجوع عشان تربط أولادك ببلدهم وبأهلهم صدقة ، ........................................ إلخ

وده رأيي المتواضع

[qenawy]

بالزوق (عارفها زين) بالعافية مهاجر كندا ان شاء الله قبلوني رفضوني برضه مهاجر الاول بالطرق الشرعية

لو مانفعتش هاخدهم في رحلة سياحة لكندا واتبت وماارجعش ان شاء الله ابقي مهاجر غير شرعي

لجوء سياسي انساني

المهم

كما قيل مصر للاسف بلا مستقبل في الواقع المنظور

يا سلام النهاردة رحت القسم اتوسط لناس عشان اعرف ضابط المباحث الراجل زوق جدا واستقبلني كويس جدا وتم حل الموضوع

اللي زعلني الطريقة المهينة التي يتعاملوا بها مع الناس العامة (وانا منهم طبعا بس عشان عارف الظابط بقي لي وضع تاني)

المهم اوسطت للاسف

بس اتخنقت وكرهت نفسي عشان بقيت واسطة وانا طول عمري مباشر بساعمل ايه اتحرجت

يا الله فضفضت سامحوني

لكن لسه بدري قوي عشان ينصلح حال البلد

نكون متنا وعيالنا ماتت مقهورة

[محمد عبدالعزيز]

أنا ليه رأي في الموضوع ده بالذات وبغض النظر البلد الجديد هيناسبني ولا لأ لأن اللي طالع أرفان من مصر هيقبل بأي وضع بره مصر وخصوصا لما يجي يقارن عيشته في البلد الجديد وعيشته في مصر.

أنا شايف إن كل اللي بيسافر بره مصر وخصوصا للهجرة هم أحسن ناس في مصر وبالتالي لو كل واحد قال ياعم وانا مالي المهم أنا وولادي نعيش عيشة نظيفة عمر ماحالنا هيتعدل ولازم نفتكر كويس إن أنا لمل آخد جنسية دولة تانية هفضل برده بالنسبلهم من أصول غريبة أو مش من السكان الصليين وأكبر دليل براك أوباما رغم إنه مولود ومتربي عمره كله في أمريكا ورغم إنه خدم أمريكا وبنى نفسه بنفسه إلا إنهم لسة بيقولو عليه من أصول كينية رغم إن عمره ماراحها وهي دي النقطة اللي الجمهوريين بيهاجموه منها!!!!!!!!!

طب الكلام ده معناه إيه معناه إن كل واحد ربنا أنعم عليه سواء بفلوس أو بعقل متفتح لازم يتصدق بجزء من النعمة دي والصدقة تكون بأنه يساعد اهله وجيرانه أهل بلده ، الرجوع لمصر من أجل الأصلاح صدقة وواجب ،الرجوع لعمل مشاريع لتشغيل الناس صدقة ، الرجوع لتعليم الناس من العلم اللي خته في الدولة المتقدمة صدقة ، الرجوع لتبصير الناس عن الفرق بين العيشة في ظل الأسلام والعيشة من غيره صدقة ، الرجوع عشان تربط أولادك ببلدهم وبأهلهم صدقة ، ........................................ إلخ

وده رأيي المتواضع

ياسلااااااااااااااااااام, والله الدنيا لسه بخير

هو لسه فى حد بيفكر كده؟!!!

[samady]

أنا ليه رأي في الموضوع ده بالذات وبغض النظر البلد الجديد هيناسبني ولا لأ لأن اللي طالع أرفان من مصر هيقبل بأي وضع بره مصر وخصوصا لما يجي يقارن عيشته في البلد الجديد وعيشته في مصر.

أنا شايف إن كل اللي بيسافر بره مصر وخصوصا للهجرة هم أحسن ناس في مصر وبالتالي لو كل واحد قال ياعم وانا مالي المهم أنا وولادي نعيش عيشة نظيفة عمر ماحالنا هيتعدل ولازم نفتكر كويس إن أنا لمل آخد جنسية دولة تانية هفضل برده بالنسبلهم من أصول غريبة أو مش من السكان الصليين وأكبر دليل براك أوباما رغم إنه مولود ومتربي عمره كله في أمريكا ورغم إنه خدم أمريكا وبنى نفسه بنفسه إلا إنهم لسة بيقولو عليه من أصول كينية رغم إن عمره ماراحها وهي دي النقطة اللي الجمهوريين بيهاجموه منها!!!!!!!!!

طب الكلام ده معناه إيه معناه إن كل واحد ربنا أنعم عليه سواء بفلوس أو بعقل متفتح لازم يتصدق بجزء من النعمة دي والصدقة تكون بأنه يساعد اهله وجيرانه أهل بلده ، الرجوع لمصر من أجل الأصلاح صدقة وواجب ،الرجوع لعمل مشاريع لتشغيل الناس صدقة ، الرجوع لتعليم الناس من العلم اللي خته في الدولة المتقدمة صدقة ، الرجوع لتبصير الناس عن الفرق بين العيشة في ظل الأسلام والعيشة من غيره صدقة ، الرجوع عشان تربط أولادك ببلدهم وبأهلهم صدقة ، ........................................ إلخ

وده رأيي المتواضع

ياسلااااااااااااااااااام, والله الدنيا لسه بخير

هو لسه فى حد بيفكر كده؟!!!

طب قول الحمدلله :lol:

[محمد عبدالعزيز]

طب قول الحمدلله :lol:

طبعاً الحمد لله, ويسعدنى جداً عودة هذه الروح للمنتدى بعد أن شعرت إن الكل يا إما مهاجر يا إما عاوز يهاجر.

[somebody]

***************************

تم تعديل 1 أغسطس 2008 بواسطة somebody

[mahmoh]

الهجرة الى الغرب وعدم العودة الى مصر بتاتا مثل الاخ هشام الكندى انشاء الله