مدينة العين - الامارات

[Handasah]

احبائى كنت عايز اسئلكم عن عرض لاخى هو مهندس معمارى 6 سنين خبرة مقيم بالسعودية ولكنة غير مرتاح فى الاقامة والعمل مع شركتة

ويريد العمل فى مكان اخر وجاء له عرض فى مدينة العين فى مكتب استشارى هندسى ب 6000 درهم شامل السكن وتذاكر السفر وكل شىء ماعدا الانتقالات الداخلية على حساب صاحب المكتب فكنت عايز اعرف من احبائنا فى الامارات او من عندة اى معلومة لانى لا اعلم شىء عنها مع العلم انة متزوج وعدد افراد اسرتة 4 افراد واكبر اولادة عندة سنتين هل الراتب هذا مجزى لة للتغيير من السعودية الى العين بالامارات وماهى طبيعة العمل والاقامة هناك وماهى مصاريف العائلة المكونة من 4 افراد شهريا وماهى تكلفة السكن وكل شىء افادكم الله عن المدينة . :blush2: :blush2:

[إيزيس]

يكفي أن تعرف إن أقل شقة في العين 35 ألف في السنة ده غير المدارس الخاصة و الكهربا و المياة

رأيي ماينفعش لو جاب له سكن و تذاكر و كهربا يمكن تكفيه يعيش فقط

[Handasah]

الاخت قرنفل

فرحت جدا لان كان احساسى بيقولى انك اول واحدة هتردى عليا فى المشورة دى ودة اللى حصل انا شاكر ليكى ومقدر تعبك وياريت تشرحنا اكتر عن المصاريف وخلافة ........

[إيزيس]

عزيزي أبو عمر

الحياة في الإمارات عموما غالية يعني أكل و شرب بس لأربع أفراد في الشهر مش أقل من 4000 في الشهر

مثال : اسطوانة الغاز 95 درهم

كهرباء لشقة صغيرة مش أقل من 450 درهم شهريا

ده غير البنزين و خلافه و العيادات و الأدوية حدث و لا حرج لأن الأول كانت المستشفيات مجانا دلوقتي خلاص المستشفى زي العيادة الخاصة تقريبا

لأ أعتقد 6000 ما ينفعش أبدا و أصلا قليل على مهندس دي لازم شركة صغيرة

ياريت حد كمان يرد علشان رأيين أفضل من واحد

تمنياتي بالتوفيق

[المشغولة]

السلام عليكم ورحمة الله وبركاته،،

الأخت العزيزة قرنفلة الأخ العزيز أبو عمر

اعتزر عن الرد المتأخر ولكن عموما أنامن سكان أبو ظبى والكهرباءندفع لها شهريا حوالى 150 درهم واسطوانة الغاز ب 27 درهم والتليفون حوالى 250 درهم

لكن معلوماتى ان العين أرخص من أبوظبى ان السعودية أرخص من الاثنين يا ريت تقنع صاحبك انه يفضل هناك لان الزيادة فى الاسعار هنا فى الامارات عموما بقت شهرية مش سنوية وربنا يرد غربتنا كلنا wst:: :sad:

[galaxy]

السلام العليكم يا استاذ ابو عمر.................

العين والله مدينه جميله للغايه .................ولكن اولا........مرتبه كمهندس ذو خبرة عريضه قليل جدا جدا ..........وخصوصا ان رواتب المهندسين هنا عاليه والحمد لله....................فما بالك بذوي الخبرة.........فان مصر علي السفر او تغيير الشركه لعدم راحته كما ذكرت............فأما ان يطلب زياده المرتب وهذا طبعا بخلاف تذاكرالسفر..........او البحث عن شركه افضل .........لان هذه المقومات مش اقل من 10000 في ظل اسعار البلد و متوسط رواتب المهندسين هنا

السكن في العين والامارات عموما غالي........اسعار المعيشه عموما هنا عاليه......اسطوانه الغاز في العين بحوالي 20 درهم لاننا كنا نسكن في العين لفترة.....وبالفعل هي ب 95 درهم في دبي والشارقه ........المواصلات الداخليه لا تشكل مشكله لان العين مدينه صغيرة...........اما المدراس بالفعل لا بديل عن المدارس الخاصه وبالتالي المصاريف عاليه جدا..........دا غير ما تفضلت باضافته العزيزة قرنفله والعزيزة المشغوله.

رأيي ...........المرتب صغير جدا لمهندس ذو خبره في مجال واسع ومطلوب بكثرة في الخليج نظرا للطفرة المعماريه........ايضا صغير للغايه بالنسبه لمستوي الاسعار والمعيشه هنا في الامارات....................وربنا يعمل اللي فيه الخير

[Handasah]

شكرا للاخت مشغولة والاخت جلاكسى على الرد بس الحمد لله دة كان موضوع قديم وانتهى بالنسبة لاخى ........

[salemhegazy]

السلام عليكم جميعا لعلكم بخير

ياخى انا من سكان العين من مدة طويلة نسبيا

العين اجمل مدينه يمكن ان تعيش فيها

بالنسبة لاخيك اذا الشركة و فرت له سكن بيكون افضل كثير

المدارس كما فهمت من كلامك ان اكبر اولاده سنتين يعنى لشه شويه على المدارس و سا عتها ممكن يكون وضعه اتحسن

كما انه و هو موجود هنا تتاح له فرص كثيرة و بمميزات و راتب اعلى و خصوصا فى المجال العقارى

نقطة مهمة جدا جميع من عاش فى السعودية يقولون ان الاماراتت افضل بكثير من الناحية الاجتماعية و الانسانية و كل شىء

و االشىء بالشىء يذكر اذكر ان الشيخ السديس زارنا هنا فى العين و قال كلمة جميلة ساعتها

قال " اهل العين فى العين " و فق الله الجميع للخير