سؤال هام للمغتربين...؟..دعوة لأنشاء رابطة للمغتربين

[aiman]

بصراحة موضوع انشاء رابطة للمغتربين موضوع بيشغل بالي من فترة لاكتر من سبب:-

1- انه احنا مش ممكن ناخد حقوقنا في الغربة في اي بلد طول ما كل واحد فينا لوحده بدون ما حد يقف جنبه

2- احيانا يتعرض اي حد منا لظروف مادية او صحية او تعسف من صاحب العمل وما يلاقيش حد جنبه في الغربة ويضطر يقدم تنازلات كتير لانه محتاج للعمل او لان عنده التزامات

3- التعارف بين الاسر المصرية وحفاظنا على هويتنا كمصريين والاولاد يتعرفو على زمايل لهم مهم كتير وبيخفف كتير من الاحساس بالغربة لانه عاداتنا واحدة

4- سمعت كتير انه الاخوة السودانيين عندهم جمعيات بيجتمعو فيها ويتعرفو على بعض ويحلو مشاكلهم وده نموذج ممكن نعمل زيه

5- السفارات المصرية زي ما احنا عارفين ايدك والارض فخلينا نقف جنب بعض احسن ما نلجأ للسفارة واحنا عارفين انها مش هتعملنا حاجة

اما بالنسبة للطريقة القانونية والاجراءات وغيره فأنا بقول بلاش نحط العربية ادام الحصان احنا نتجمع الاول ونتعرف على بعض ونناقش الموضوع ولما نحس انه الموضوع قابل للتنفيذ وفيه عدد كافي متشجع للفكرة ممكن ناخد الخطوات اللي بعد كده وانا شخصيا هبدأ بنفسي أنا في الرياض بالسعودية وده ايميلي emo_20006@hotmail.com ممكن اي حد مقتنع يبعتلي ايميل او نتكلم على الميسنجر واهي خطوة

مع الشكر

ايمن

[مصري جدا]

الأخ أيمن

أولا أنا سعيد بك جدا لسببين

الأول أنك أول واحد تعبرني من حوالي شهر وأنا واقف أنده ولاحد معبرني الناس داخلة طالعة علي الموضوع ولاحد قال يلا بينا نبدأ.... وكأنني بأدن في مالطه

السبب التاني أنك عضو جديد ودم جديد يدينا الأمل ان اللي جاي أن شاء الله أحلي من اللي فات

المهم أننا نبدأ ومش مهم العربيه فين والحصان فين ......بس فيه نقطة أن علشان البدايه تكون صح يبقي فيه تخطيط للعمل المراد عمله ....وده اللي خلاني أسأل الأسئلةالأولي ؟؟؟؟ طبعا تجميع العدد المطلوب مهم وانا أيميلي موجود في البروفيل بتاعي بس عاوز أوضح نقطة عاوز محاوراتنا تبقي عامة علشان اللي يلاقي في نفسه رغبة للأنضمام يشرفنا

كده أنا مش لوحدي ....بقينا أتنين ...وفي أنتظار المزيد أن شاء الله .

:sad: :sad:

[desert_eagle70]

خليهم ثلاثة يا مصرى انا كمان عايز ادخل الرابطة .. وعينوا الفلوس كلها معايا ماشى :blink: .. فعلاً أحنا محتاجين لموضوع الرابطة أو الجمعية دى عشان فى مشاكل كتير بتحصل للمصريين .. وكمان فى حاجة أن الرابطة كمان هيكون ليها كلمة فى اى تصرف بيصدر من مصرى خارج عن المألوف بالتعاون مع السفارة .. بمعنى المشاكل المصرية المصرية يتم حلها ودياً ويتاخد فيها موقف معين .. بالإضافة للدعم المادى .. وكمان قاعدة المعلومات .. كمان الوظائف بمعنى لو فى مصرى فى منصب معين وعايز موظفين من مصر ممكن الرابطة تدى توفرله الناس الى عايزهم كمان . فى حاجات كتير ممكن تتعمل .. والفكرة ان هى مش مرتبطة بمكان ولا بميعاد .. أسامينا متسجلة .. إيميلات دورية أو يومية .

أتوكل على الله .. متيأسش

[مصري جدا]

الأخ العزيزنسر الصحراء

أهلا بك ....الحمد لله بقينا تلاته ...وعقبال تلاته مليون.....

ده أيه العز اللي أنا فيه ده في يومين عضوين جداد...زبعد شهر صيام حتي عن الكلام.......الحمد لله ربنا يزيد

أنا عملت تجميع للأفكار اللي عندي ...وياريت أشوف أفكاركم ...بس يبقي حاجه مهمه أتمني لو فيه حد في مصر عنده فكره عنها يقول لنا عليها .....وهي خطوات تسجيل جمعيه أو نادي ...مش عارف ممكن الأقي حاجة زي دي علي النت...

دي أفكاري وتصوري عن الجمعيه أو النادي المصري للمغتربين

أولا...أنا بفكر أن النادي يبدأ في مصر ..يعني المقرالرئيسي ..وبعدين كل مجموعة مغتربه في بلد تنضم له ...ويكون من أهدافه

1- الأهتمام بحل بمشاكل المغتربين والتي لها صلة بالبلد الأم علي سبيل المثال مشكلة تعليم اولادنا في بلاد الغربة علي أختلافها عربية أو غربية

2-إنشاء كيان للمغتربين يمكن من خلاله المشاركة في الحياة السياسية

3-العمل علي مساعدة المغتربين في بلاد غربتهم والمساعدة علي حل المشاكل التي قد يتعرضون لها

4 _موضوع المدرسة المصريه

لو عندنا نادي قوي ممكن نناقش الموضوع ده مع كل المسئولين في مصر عن التعليم ونطلع بنتيجه

مشكلة الثانوية العامة المصرية خارج مصر .....ممكن نتناقش فيها ونشوف لها حلول ....

...المقر الرئيسي في مصر و أي واحد مغترب عاوز يدخل في الرابطه من أي بلد ينضم لها ...وكل مجموعة تكون من نفس البلد في الغربه يكون بينها ترابط في بلد الغربه حتي ممكن لو واحد مثلا مسافر لأول مره ولسه مبقاش مغترب ...ممكن يسجل ويعرف البلد اللي مسافر لها فيها مين مصري ويتم أستقباله من قبل الأعضاء القدامي ..وبكده نسهل الأمور لبعض ....والله فيه حاجات كتيره حلوه ممكن تطلع من الموضوع ده بس كل واحد يصفي النيه ...

طبعا ده تجميع لأهم النقاط في كلامي السابق ...

أتمني تتابع لقائنا ومنتظر أفكاركم.........

mft: :waf:

[aiman]

شكراً يا أخ مصري جداً على اهتمامك بكلامي وأنا ليا تعليق على نقطتين من كلامك :-

1- أولا انا ما اعتقدش هيكون في تحمس انه تكون بداية تكوين الجمعية أو الرابطة من مصر لأنه المغتربين هما اللى حاسين اكتر بضرورتها فتكوين الرابطة خارج مصر وايجاد مجموعة كافية لتكوينها هتكون متاحة بره اكتر من جوه وده مش معناه انى معترض فلو فيه امكانية لتكوينها من البداية من مصر هيكون شيء جيد بس احب الفت نظرك انه دائما الجمعيات زي دي بيكون اهم اهدافها انها تفيد اعضائها اولا.

2- انا حابب انه نطلع للواقع واقابل ناس في نفس المدينة اللى انا فيها وكذلك انت والاخ نسر الصحراء كل واحد في البلد اللي هو متغرب فيها عشان يكون فيها ارادة جماعية في الموضوع لانه الافكار اذا ما اتحركتش لتنفيذها فعليا مش هنوصل لحاجة عن طريق النت غير كلام اكتر منه فعل

عموما انا كمان سعيد بانه فيه ناس متحمسين للفكرة وانا هابدأ اشوف الناس اللى حواليا واشوف رأي محامي قانوني في الموضوع واقولكم على التفاصيل اولا بأول

شكراً ليكم

أيمن

[aiman]

يا شباب وجدتها

وجدتها

لقيت جمعية بالرياض اسمها نادي ملتقى ابناء مصر ولهم موقع على النت

http://www.egyclub-riyadh.com/vb/index.php

انا هاحاول اتواصل معاهم واقولكم ازاي بدؤوا

صحيح اللي يدور يلاقي

أيمن

[أبو محمد المصري]

دبببببببل دة عنوان رابطة مصرية هنا في الرياض http://www.egyclub-riyadh.com/vb/index.php

[مصري جدا]

الأخوة الأعزاء

أنا سعيد جدا للحماس اللي حسيته منكم وأتمني أن يوفق هذا الحماس النجاح ......جميل جدا تجمع المغتربين مع بعض ...وأن كنت مازلت عند رأي أن الأصل يكون في مصر والفروع في كل العالم ...لأن كل بلد لها ظروفها وقوانينها اللي تسمح أو تمنع ...لكن لو ألأصل في مصر يبقي نعرف قانون واحد ونظام واحد ونبدأ بها ......بس برضه لازم تجميع أعداد من المغتربين في كل البلاد لبدأ التسجيل ....

الأخ أيمن

أنا قبلت دعوتك علي الماسنجر بس بعدها مش لاقي أسمك عندي ...مش عارف فيه حاجه غلط ولا أيه.....

أتمني لنا جمبعا التوفيق :lol: :lol: