الأمثال الحديثة

[حسام يوسف]

فاقد الشىء يدور عليه

اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

جت الحزينه تفرح شغلت شريط حكيم وقعدت ترقص

قال يامحشحشين يكفيكوا شر الكمين

اللى ياكل لوحده يشبع

لاتبكى على اللبن فى البسكوت

اقطع عرق و حته بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خلتها فى مارينا

ياداخل بين البصله وقشرتها حط قطرة علشان هادمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

المال السايب يعلم الطلبه

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

حجه البليد بصرف فلوسى على الوييد

المركب اللى فيها رايسين يلعبوا طاولة

اللى خدتوا الأرعه تخدو ام الخلول

what اللى ميعرفش يقول

أكل العيش يحب الطعميه

lenses العين عليها

قاوا للحرامى أحلف قالهم وحياة قلبى وأفراحوا

أمثــــــال عربيــــات النقــــل

متبصليش بعين رضيه دنا طلع عين أمى فى السعوديه

ربنا يحميكى من الميكانيكى

الحلوة أسمها تفاحة للسفر والسياحة

الحلوة من حلوان وصاحبها راجل غلبان

الحلوة من دمياط وعليها أقساط

قصه كفاح مش جايه على المرتاح

متزمروش يابهايم دا السواق نايم

اجرى جري الوحوش اوتوبيس 710 ماتلحقوش

[ابو محمود]

iههههههههههههههههههههههههههههههههههههههههه

اية دة يا دكترة واللة حلوين أوى شوية الأمثال دى بس هى الأمثال بس اللى حديثة الحياة ايضآ اتغيرت للأحدث فكرتنى الأمثال دى بالشارع المصرى بقى حديث؟؟؟ الناس بتمشى لورا هههههههههههههه

ودة بسبب العيش وسنينة .......... وآل اية رايح بولندا يجيب دقيق نسى ياخد الشوال معاة

مثل دة ولا عسل ههههههههههههههههههههههه

[محمد عبدالعزيز]

وعندك مثلين جداد سمعتهم من صديق:

إذا كان حبيبك عسل... هات رغيف وغمس

إربط الحمار مطرح مايقول الحمار

[ابتسامة رضا]

هههههههههههههههههههههههههههه

أمثال عصرية مناسبة للواقع اللي بنعيشه

[حسام يوسف]

السلام عليكمأى خدمة يا عم محمود

الواحد بيدور على أى حاجة تضحك

فالعيشة الحلوة قوى اللى عايشينها دى