هل هيا قضية انتماء؟ ام مجرد ود!!

[بنت شعنونة]

لينا جيران في العمارة بيلبسوا زي السعودين

حتى عطورهم زيهم تمام

ولسانهم كمان بيتكلم خليجي

ودايما ريحة البخرو العربي طالعا من بيتهم...

مع انهم مصريين مية المية!!!!!!!

مجرد كانوا عايشين في الخليج بس!!!!! :shock: :cry: :cry:

ناس تانية اعرفهم سافروا ليبيا رجعوا بيتكلموا زي الليبين او زي البدو ومش بيتكلموا مصري؟؟؟؟

واحد اعرفه سافر انجلترا شهرين رجع يتكلم انجليزي

قال ايه نسي العربي!!!!!!!!! :shock: :shock:

ترى ايه السبب؟

هل لآننا شعب ودود فلو حبينا حد نحب نقلده ونعمل زيه تمااااام

والا احنا بلا هوية!!!!

والا احنا كارهيين هويتنا المصرية؟؟؟؟؟

يعني انا عمري ما شفت خليجي او لبناني او ليبي بيتكلم مصري ابدااااااا!!!!!!!!!!

طب اشمعنى؟؟؟؟؟ :twisted: :twisted:

اللهم الا لو كانوا في مكان سيحاي في مصر بيحاولوا يعملوا نفسهم مصريين عشان ما يدفعوش اكتر

بس عشان كدا

الله؟؟؟

امال ليه احنا كدا؟؟؟؟

ايه السبب فعليا؟؟؟؟؟؟؟ :cry: :cry: :? :?

[Salwa]

شوفى ياشانا ياحبيبتى.

عاوزة تصدقى...صدقى.

مش عاوزة انتى حرة.

انا لوقتنا هذا.....انزل مصر....مفيش مخلوق،غير اهلى،يشعر انى

عايشه برة...ولااعوج لسانى ولاهبل من ده....احنا نقلد،بضم النون وفتح اللام،...ولانقلد،المرة دى بضم النون وكسر اللام.

اولادى..شباب..لايتحدثوا العربية.

واحنا فى مصر يتصرفوا كأى مصريين.

مرة ابنى راح،من كام سنه،يشترى جيلاتى.....عامل مفتح وبيفهم

وبعدين جه يدفع...سأل البائع...كام..قال له نصف جنيه.

ابنى زعق وقال له..ليه؟..ده بجنيه.

قال له..ماشى تحت امرك.

وهنا ...عمرنا..ماحاولنا نقلدهم...وربى شاهد عليه...هم اللى بيقلدونا

انهى اسرة فى اوروبا عندها 4 أولاد..وكلهم جامعيين ومتفوقين؟

ربنا يحميهم يارب.

اللى بيعوجوا لسانهم ..دى ناس ..اساسا محرومه...وعندهم نقص.

انا أسفة...لو شفتى حد من عائلة معروفه،او ابن ناس بيعمل كدة

من حقك تزعلى....

وبعدين اسباب السفر....كتيرة.

ومش شرط ،المادة،

كفاية احساسك انك انسانه.

انهاردة..تانى...فيه مظاهرات..ذكرى لمظاهرات 15 فبراير...كل الشعب

بيقول لا للحرب...حتى //خوسيه ساراماجو//الحاصل على جائزة نوبل

للادب.،البرتغالى،يتزعم الناس.....فيه حريه ياماما...فيه حريه ياحبيبتى

انما اللى بيقلدوا........

ناس بتحس انها لازم تبقى خاضعه..لناس تانيه.

حتى لو سابوهم.

زى واحده جارتى،عجوزة،..زوجها كان بخيل قوى قوى.

وكانت تشتكى منه،وهى تحب تصرف،بس بتخاف منه.

مات.

اقسم لك.

بقت زيه بالضبط......عندها فلوس كتير جدا....بتخاف منه حتى وهو

ميت.

والناس دى كمان كدة.

لو فهمتى.....كويس.

لو مفهمتنيش...يبقى مش كويس.

انا اللى اكيد مش عارفه اعبر لك عن رأيى

سلام.

[Seafood]

المسألة لا علاقة لها بالإنتماء إذا كنا نتحدث عن التكلم بلهجات عربية مختلفة ... أعتقد أن كل واحد يتكلم باللهجة التي يستحسنها .. و هذه حرية شخصية لا يجب أن ننتقدها .. و هي كحب الإستماع إلى أغاني بلهجة عربية دون الأخرى ... و أعرف عرب كثيرين يتحدثون معي باللهجة المصرية ... لأنهم يحبون أن يتكلمون بها ... و لما نذهب بعيداً ... ياسر عرفات نفسه و هو قائد ... عندما يرتجل فإنه يتحدث بلهجة قريبة من المصرية أكثر من قربها إلى الفلسطينية ....

أما إذا كنا نتحدث عن التكلم بلغة مخالفة تماماً كالإنجليزية مثلاً , حتى و لو كان بإستعمال كلمات أجنبية داخل الحوار ... فهنا لنا وقفة ... لأن الدافع إلى ذلك يكون غالباً غير محمود .. و نتائجه أيضاً غير محمودة ... و لا أريد أن أخوض فيها ....

ما أريد أن أخوض فيه ... هو قضية أن ينشأ الأولاد في الدول الغربية لا يتحدثون العربية ... رغم أن أحد أبويه أو كلاهما لغته الأم هي العربية ... و هي بكل المقاييس جريمة يرتكبها الآباء في حق أبنائهم ... و لا مبرر لها عندي إلا غياب الأب عن حياة أبنائه .. أو موته أو إنفصاله عن الأسرة ... و بغير ذلك انا لا أتصور أي عذر قد يقدمه أب أو أم عن عدم تعليم أبنائه لغة دينهم , التي يقرأون بها القرآن و يفهمونه بها , و هو أمر له مؤشرات خطيرة لا أريد أن أذكرها ..

و لكن الحمد لله أن الجيل الجديد يعي خطورة هذا الأمر الآن ,و أرى الكثير ينهي أولاده عن التكلم بلغة غير العربية عندما لا يكون هناك حاجة للكلام بغيرها ...

و أصاب بخيبة الأمل عندما أجد صينياً بوذياً .. أو هندياً مجوسياً ... يقول لي أنه لا يتكلم مع أبنائه في البيت إلا بلغته الأم حتى يتعلم أبناءه لغة أبائه... بينما أجد آباءاً و أمهات مسلمين يتباهون بأن أبنائهم لا يتكلمون من العربية غير كلمة أو كلمتين ... :?

[crossfield]

عزيزتى سلوى عزيزتى شانا :

متتصوروش قد ايه أنا مبسوطة ان الموضوع دة اتفتح هنا . يا ريت الموضوع يقتصر على مجرد تقليد فى الكلام و اللهجة و بس ؛لكن الأخطر من كدة العقلية نفسها.أنا نفسى شفت شباب مصريين (أولاد بالتحديد) الغربة قلبت موازينهم بالكامل و عملتلهم ازدواج بشع فى الشخصية .أفتكر من كام سنة لما كنت راجعة فى مرة من اسبانيا كل الشباب المصريين (رغم اننا منعرفش بعض)اتجمعنا جنب بعض فى الطيارة و هاتك يا كلام عن اسباب السفر الخاصة بكل واحد فينا و عن رأيه فى أسبانيا و المجتمع الاسبانى...الخ لحد ما جه الدور على شاب ما يتعداش ال27 سنة و كانت اراءه صاعقة للكل :"المجتمع بتاعنا ده(قصده المصرى) متخلف. فيها ايه يعنى لما الواحد يعيش مع خطيبته أو الانسانة اللى عايز يرتبط بيها فترة قبل ما يتجوزوا ؟أمال يعرفوا بعض و يفهموا بعض ازاى؟..." طبعا لما فهمنا الأخ دماغه شغالة ازاى سبناه مع نفسه بعد ما دخلنا معاه فى مناقشات عقيمة .شئ محزن فعلاأن الواحد لما يسافر بره شويه يحاول يضحك على نفسه و يغير جلده زى التعابين و يفتكر للأسف ان هيه دى الحرية و هوه ده الرقى و التحضر بعينه. مش كده؟

[EBN ELBLD]

ياشعنونة ياختى دى ناس بتوع حركات قرعه وبنشوف منهم كتير هنا بيكونوا لسه جايين من ورا ........ وبعد شهر او 2 لسنهم اتعوج ونسيوا العربى وهاتك يا انجليزى من بتاع مرسى الزناتى

واللي بكلمنى منهم انجلزى بعمل فيها اهبل وقول انا لسه جاى من مصر من اسبوع واحد

الحمد لله بعد 30 سنه عند العم سام ولما انزل مصر الناس بقولى انت تلاقيك كنت مستخبى فى بولاق والا القلعه وتقول كنت فى امريكا

[Proud Muslim]

اذا كان تغيير اللسان و اللهجة شيئا مخزيا ..

فالأخزى منه ..تغيير الفكر و العقيدة :?

[بنت بحري]

السلام عليكم

ما أريد أن أخوض فيه ... هو قضية أن ينشأ الأولاد في الدول الغربية لا يتحدثون العربية ... رغم أن أحد أبويه أو كلاهما لغته الأم هي العربية ... و هي بكل المقاييس جريمة يرتكبها الآباء في حق أبنائهم ... و لا مبرر لها عندي إلا غياب الأب عن حياة أبنائه .. أو موته أو إنفصاله عن الأسرة ... و بغير ذلك انا لا أتصور أي عذر قد يقدمه أب أو أم عن عدم تعليم أبنائه لغة دينهم , التي يقرأون بها القرآن و يفهمونه بها , و هو أمر له مؤشرات خطيرة لا أريد أن أذكرها .. 

:?

كلامك يا أ/ سيفود كان والله على لساني وكنت أريد فتح موضوع للحديث في هذا الشأن.

الوضع هنا مرعب ومفيش كلمة تانية ممكن تعبر عن ما بداخلي .

أنا هنا عندي صديقات كثير كلهم أكبر مني سناً وعندهم أولادهم في المراحل الثانوية والجامعة.

مفيش ولا شاب أو فتاة بيتكلم اللغة العربية مع العلم أن أبائهم مصريين ومتدينين جداً و لا يتحدثون إلا اللغة العربية في المنزل . ومع ذلك لم يتأثر الأبناء بأبائهم بل تأثروا بالمدرسة و أصدقائهم :? :?

ونتيجة ذلك : لا يفهمو، القرأن بتاتاً . أيات الترغيب وأيات الترهب لا بيتأثروا ولا تفرق معاهم .

ويترتب على ذلك :- عدم المحافظة على الصلاة ( يقطعوا قلب أهاليهم علشان يصلوا الفرض وبعد كده يصلوا وهما مش غلى وضوء )

صدقات مفتوحة كل جنس مع الجنس الأخر ومش قادرة أقول إيه إل بيحصل بينهم .طبعاً من وراء أهاليهم . بس أنا عشان سني قريب من سنهم إلى حداً ما وخدين راحاتهم قدامي :? :? :?

نصحت كتيييييييير ولا حياة لمن ينادي :D :lol: :lol:

أخر حاجة شوفت شاب أبن واحدة أعرفها لابس حلق وعامل شعره هاي لايت أحمر كنت حتجنن .

كلمت والدته قولتها أنتي راضية على المنظر إل أبنك فيه ده قالتلي هي ديه الضريبة إل بندفعها للغربة وبكره يغقل ........ :lol: :oops:

والله والله لي صديقة متدينة جداً ترتدي الزي الإسلامي على حق ومبتفوتش درس في المسجد أبنها عنده جيرل فريند وعايشة معاه في البيت وبعد سنتين أتجوزه :mad: :mad: :mad:

طيب يا ترى ديه غلطة الأباء يكونوا مثلاً من الأول معرفوش يربوا ولا هي ديه نتيجة الغربة

ربنا يستر .......

[Seafood]

أنا لا أسميها غلطة الأباء ...و لكنني أسميها جريمة الأباء ... و سأقصر حديثي هنا عن اللغة و ليس الأخلاق و الإلتزام الديني ... حتى لا يتشعب بنا الكلام و ندخل في جدال ..

الطفل عجينة في يد الأباء ... بل هو كالإسفنج في مرحلة من عمره .. و الإسفنج يمتص أي ماء حوله ... و لا أتخيل أن يصر الأباء على الكلام في البيت بالعربية ثم ينشأ الطفل لا يتكلمها ... لذلك فهي مسئولية الأباء دون شك ... و من لم يتكلم العربية .. فهو لم يسمع أبويه يتكلماها و يأمرانه بالكلام بها في البيت ... إنها قاعدة لا تختل ...

و لا أعرف كيف أجد أناس من أمريكا اللاتينية يتحدثون الإنجليزية و الأسبانية .. و صينيين يتكلمون الصينية و الإنجليزية .. ثم أجد عرباً لا يتكلمون غير الإنجليزية .. إنها مأسآة بمعنى الكلمة ... و ما يخفف منها أن الأجيال الجديدة كما قلت بدأوا يأخذون حذرهم .. بالإضافة إلى إنتشار الفضائيات ... لكنها تبقى أولاً و أخيراً مهمة الأباء , و ليس التلفزيون أو المدرسة .. أو الأصحاب ... لذلك لا بد من التوعية ... فمن يركن إلى التلفزيون ليعلم أبناءه العربية ثم ينشأ الأبناء لا يتحدثونها فالذنب ذنب الأب و الأم ...

هل تعرفون على ماذا يتحسر الداخلون في الإسلام هنا في أمريكا ؟ إنهم يتحسرون على شيئين ..

الأول : على السنين التي مضت من عمرهم لم يكونوا فيها مسلمين ..

الثاني : أنهم لا يتكلمون العربية" لغة القرآن" ..و لذلك لا يستمتعون بقرآته مثلنا ...

ثم نأتي نحن و نضيع هذه الفرصة على أبنائنا ....

يا أبآء ... أرجوكم ...إتقوا الله في أولادكم ... علموهم العربية لغة القرآن ... فلا حجة و لا عذر لكم إن لم تفعلوا ...

[Mohammad Abouzied]

انا هنا بقالي خمسة وعشرون عام في السعودية ولفيت تقريبا كل مناطقها من الشمال الى الجنوب

وللعلم كل منطقة بتكتسب منها لهجة مختلفه ايضا وطريقة نطق الفاظ معينة وعلشان نرجع نتكلم باللهجة المصرية بناخد وقت طويل وبتكون الاجازة انتهت ونرجع من جديد

اما نطق اللغة العربية بنطقها السليم دي عاوزه علم لوحدة ودراسة مختلفة تماما وتحتاج لوقت وليس اللهجة المصرية قريبة من اللغة العربية بل بدأت تغزوها مصطلحات واسلوب نطق يبعدها عن لغة القران مثلها مثل كل اللهجات الاخرى بعد ان كانت اللهجة المصرية هي الاقرب للغة العربية

[mnman]

والله ياشانا الموضوع من وجهة نظري لة شقين... لو عشت فترة طويلة في بلد عربي خاصة حتتكلم زيهم.. انا هنا من أسبوعين و والله العظيم لساني اتعوج مش فذلكة بس كل ما اتكلم مصري يقولوا هة و يعلموهالي بالسعودي فأضطر اقولها بعد كدة بالكنة السعودي... زي أمبارح مثلا عمالين يتكلموا علي الطواحين وانا قاعد زي الباشا لحد ما سمعت من واحد انة راح لدكتور سنان علشان يشيلة واحد من طواحينة وهنا مقدرتش اسكت و سألت اية علاقة دكتور السنان بطواحين الهوا و هنا كلهم ماتوا من الضحك لان طواحين يعني ضروس... وهكذا.. فتخيلي انسان عايش 20 سنة بيتكلم اللكنة دي فهل ممكن في اسبوعين تلاتة يغير لكنتة تاني للمصري أشك.

انما الحال مختلف لو اللغة أجنبية تماما لان الموضوع مش لكنة بس دي لغة كاملة و هنا لما ترجع بلدك اللغة دي مش من المفروض انها تأثر علي لغتك الاصلية او تنسيهالك ممكن تغير لكنتك شوية بس مش لدرجة التهتهة.. :D :lol: :lol:

ومع السلامة انا عندي دوام دلوقتي... :lol: :oops:

[Seafood]

ومع السلامة انا عندي دوام

مانمانوه .. عن التطنز .. يللا عاد .... :D :lol:

[ابو يوسف]

هى المشكلة فة الى راجعين من برة و عاوجين لسانهم ؟؟؟؟

طيب ما تشوفوا اللى عايشين هنا و يكلمك عربى على انجليزى على فرنساوى .... و غالبا ما بيكون حمار فى التلاتة .... لكن لزوم المنظرة و استعراض الثقافة الوهمية ...

و لو سألته يقول لك .... اصلى مش لاقى التعبير اللى انا عاوزه فى العربى .... !!!!!!!!!!!!!

الله يرحم اهاليهم ...

[se_ Elsyed]

الموضوع ممكن أن نتناولوا من ناحيتين :

1- المغتربين اللى عايشين فى دول أجنبية .. وهؤلاء إذا كان عندهم بعض العذر فى عدم تحدث أولادهم للغتنا العربية لكن هذا العذر لا يعفيهم من المحاولات المستميتة لكي يعودوهم على ذلك بشتى الطرق ، أنا عن نفسي أختي الصغيرة وأولادها وزوجها مقيمين فى أحدى الدول الأسكندنافية وأولادهم بيتكلموا عربي لبلب وبتشجيع من مدرسيهم الاسكندنافيين الذين يحرصون على ان يتكلم كل مغترب لغة بلده الأصلية ليحافظ على هويته ، أما لغة البلد الأصلية فسوف يكتسبها غصبٍ عنه فى المدرسة.

2- المغتربين اللى عايشين فى دول عربية : لم أصادف أحد يتحدث لهجة غير لهجة بلده طوال الوقت ، ولكن من الممكن أن يتحدث بعض الكلمات القليلة بطريقة عفوية ، أنا عن نفسي بتكلم مع أهل البلد بلهجتهم على أساس " خاطبوا الناس على قدر عقولهم " لأنهم اوقات كتيرة مابيفهموش بعض كلماتنا لكن مش قادر أتصور ان واحد مصري يرطن مع واحد مصري تاني بلهجة خليجي مثلاً :?:

[أسد]

اللهجة العامية المصرية هل لهجة مفهومة بالكامل للجميع في كافة الدول العربية .. وذلك بفضل المد الإعلامي المصري (سابقاً) والذي كان يدخل كل بيت في الدول العربية.

لذلك فإذا تحدثت مع أي شخص عربي يمكنه بسهولة فهم ماتقول ، ونستثني من ذلك لعض كبار السن الذين لا يشاهدوا التليفزيون .. في بعض المناطق.

ولكنه يستعصى عليك فهم بعض المترادفات التي تستخدم في اللهجات المحلية في الدول العربية مثلما قال منمان عن الطواحين.

ولكنك إذا قلت لهم ضروس .. فالجميع سيفهمها.

أما لماذا يستخدم البعض تلك اللهجات أو اللكنات أو اللغات حتى حين عودتهم لمصر .. فعلاً لا أدري لماذا ..

أما عن العادات الحياتية أو ما يسمى Lifestyle فلا أعتقد أن في ذلك بأس .. ولا شئ في ذلك .

أما عمن يعيشون في أوروبا أو أمريكا ويتحدثون مع بعضهم بلغة البلد التي يعيشون فيها فذلك لا ينطبق على المصريين فقط .. بل على معظم العرب الذين يهاجرون إلى أوروبا أو أمريكا.

ذات مرة كنت في مدريد .. ولي أصدقاء سوريون يعيشون في أسبانيا منذ زمن طويل ، كما أن هناك جالية سورية كبيرة في اسبانيا. ولهم نادي إجتماعي هناك وكانوا .. وحضرت معهم إحتفال وعشاء .. وكانوا جميعاً يتحدثون بالإسباني مع بعضهم ..

في رأيي أن هذه عادة عربية .. وليست مصرية بحتة

[mnman]

سي فود كتب:

مانمانوه .. عن التطنز .. يللا عاد .... :D  :lol:

أنجليزي دة يامرسي... مش كفاية طواحين و دوام و مندي و مظبي حرام.. :lol: :lol: :oops: :cry:

[crossfield]

سي فود كتب:

مانمانوه .. عن التطنز .. يللا عاد .... :D  :lol:

طواحين و دوام و مندي و مظبي حرام.. :lol: :lol: :oops: :cry:

و دى تتكتب و الا تترسم يا خواجة‍‍؟‍‍‍‍‍‍‍‍‍‍‍‍؟؟

ما شاء الله ما شاء الله على أعضاء المنتدى الأبهة الفخفخة :?

[بنت شعنونة]

لالالالالالالا

الموضوع كدا بقى 3 اجزاء مش اتنين بس زي ما تفضلتوا..

1- المغتربين المصريين اللي عايشين في الدول العربية...

2- المغتربين المصريين اللي عايشين في الدول الأجنبية..

3- المصريين اللي عايشين جوا مصر..

انا ها امسك اول واحدا عشان دي كانت هدفي من البداية..

انا لا انكر انه لما انا رجعت مصر كان "نص" كلامي مش مفهوم

وعشان ادخل مكان لازم يشوفوا بطاقتي عشان يتاكدوا اني مصرية!!

ومازلت انا واخواتي نعاني من موضوع البطاقة دا لحد دلوقتي .. :?

اما اللغة ف لسا فيه شوية مفردات ضااااااايعة عندي بالمصري

زي كلمة دوام.. ودفتر..وغيره :D

وفيه كلمات تانية مصرية متداولة لحد يومنا هذا انا ما افهمهاش يعني ايه!! :roll: :oops: :oops:

دا غير طبعا طريقة لبسي اللي اوقات بقلبها خليجي لمجرد "حبي" فيها

وفيه ناس تانية غيري كدا..

بس حاولت افهم ليه؟؟ ما عرفتش؟؟

يمكن حبا فيهم؟ عشان فعلا انا كنت بحب هناك؟

يمكن ظريقة اعتراض واظهار رفض للمجتمع دا بالأنتماء علانية لمجتمع اخر من نفس الطبقة!!

بجد مش عارفا؟

في حين على النقيض..

زماااااااان اول ما جينا كانت عربية بابا ملاكي "دقهليه" بحكم انه من المنصورة

وكنا بنمشي فيها في مصر

ومن اول اسبوع رفضنا تماااااااااااما موضوع ملاكي دقهلية دا

عشان كل ما نعمل حاجا غلط

نسمع كلمة

يا فلالالالالاحيييييييييين

:twisted: :twisted: :twisted:

ولو الزمن اتغير كنت برضه ها اغيرها الى ملاكي جيزة او القاهرة او اي حاجا

بس ليييييييييييه؟؟؟؟

مش عارفا!! :oops: :oops:

[Salwa]

تحياتى.

بصراحه فؤجئت باكثر من رد ورغم تعودى على عدم اعطاء مبررات

لتصرفاتى،لثقتى ان تصرفاتى دائما،لكننى هنا سوف اعطيكم مبرر.

انا قلت غلطتى.

فى اول سنين الغربه كان عمل زوجى يضطره للسفر كثيرا.

على كان يقع العبء الاكبر.

اعتقد انى اتحدث العربية جيدا،وتعلمتها على يد جدى،رغم انها لم تكن

من اساسيات دراستى ،تعلمت فى مدارس اجنبيه وكنت فى القسم

الفرنسى،فقط حصه واحدة عربى فى الاسبوع.

ظللت لمدة 4 سنوات...

اتحدث العربيه مع زوجى فقط...وساعات قليلة فى اليوم.

لم اكن اضيع الوقت فى قراءة قصص بوليسية او عاطفيه او خلافه...

مع انها ممكن تحصل....مكانش عندى فى هذا الوقت اى كتب بالعربى

فكرت..

انا ايضا افكر.....ومثل الرجال.....اتخذ قراراتى.

كيف اتفوق.

ويتفوق اولادى.

فترة الدراسة....صباح ومساء....تنتهى الساعه6..

بعدها فيه نشاط رياضى...

اولادى يفهموا العربى كويس جدا....لكن ميعرفوش يتكلموا....

طيب ؟كنت حكلم نفسى؟ ابوهم علمهم الصلاة...واحضر لهم من مصر ومن هنا،كل الكتب الدينيه،بس باللغه الاسبانية،

التلاوة.

نستمع لكل مقرئى القرآن الكريم.

اولادى يستمعوا ايضا.

لكن لاتقولوا.......جريمة.

كانوا يدرسوا بثلاثة لغات.....وانا كانى فى سباق....اريد ان يكون ابنائى

خير الابناء...اتابعهم...اذاكر معهم ، اولادى عمرهم ما اخدوا دروس

خصوصية.

كنت اعتقد ، ولعلنى مازلت اعتقد، انى فعلت الصواب بعدم

محاولتى ــ لخبطتهم ـ بدراسة العربية ...ايضا...

والله العظيم اولادى مسلمون ،عن اكثر الشباب اللذين يعيشون فى بلاد عربيه..

سلام.

[بنت بحري]

نستمع لكل مقرئى القرآن الكريم.

اولادى يستمعوا ايضا.

لكن لاتقولوا.......جريمة.

كانوا يدرسوا بثلاثة لغات.....وانا كانى فى سباق....اريد ان يكون ابنائى

خير الابناء...اتابعهم...اذاكر  معهم  ، اولادى عمرهم ما اخدوا دروس  

خصوصية.

كنت اعتقد  ، ولعلنى مازلت اعتقد،  انى فعلت الصواب  بعدم  

محاولتى  ــ  لخبطتهم  ـ بدراسة العربية   ...ايضا...

والله العظيم اولادى مسلمون ،عن اكثر الشباب اللذين يعيشون فى بلاد  عربيه..

سلام.

إيه ده إيه ده إيه ده :shock: :shock: :shock: :shock:

أنا ملاحظة كده نبرة زعل ومن مين من أرق شخصية قرأت لها في المنتدى .

لالالالالا أستني كده :shock: أوعى أنت و هو من هنا مين مزعل ناس أسكندرية الجدعان :oops: :oops: :oops: :oops:

حبيبة قلبي :oops: :oops: مش معنى أن أولاد حضرتك ربنا يخليهم لك يارب لم يتحدثوا اللغة العربية يبقى جريمة ....أبداً .....

طيب والله في أجانب أسلموا ولهم دور عظيم في نصرة الأسلام أكثر من الذي قام به المسلمون منذ المولد .زي (كات إستيفن ) إل سمى نفسه ( يوسف إسلام ) ومش حنتكلم في الموضوع ده دلوقتي.

بس إل عايزة أقوله وأكيد أنتي متفقة معايا

مش في ناس عرب ومسلمين أولادهم أصبحوا لا يمتوا للإسلام بأي صلة . بلاش للإسلام للعادات والتقاليد الشرقية حضرتك شوفتي المناظر ديه ولا لأ.

.طيب يا ترى إيه الأسباب . :?: :?: هل :-

البعد عن اللغة وعدم فهم القرأن والأحاديث والتفسيرات

عدم الأنتماء زي ما قالت شانا عدم الأنتماء لكل ما هو عربي حتى الأخلاق .

أو أنشغال الأب و الأم وترك الأبناء للمجتمع الأجنبي يربيهم على طريقته .

ديه مشكلة يعاني منها ناس كتييييييير أوي في البلاد الأجنبية .

بمعنى أصح الغربة على أد ما بتفيد من علم وحرية وديمقراطية و أتساع أفق الأولاد وأعطاء لهم الفرص لتحقيق الذات .

على أد ما بضر في موضوع الأخلاق( إلا من رحم ربي ) وبسم الله ما شاء الله حضرتك من الناس إل ربنا كرمهم بسم الله ما شاء الله

بس مش كل الناس زيك صح ولا لأ

بتمنى أني أكون زيك . ربنا يكرمك يا رب :oops: :oops: :D

[Salwa]

يابنت بلدى الجميله....انتى واسكندريه.

سبق لى وقلت لشانا فى موضوع آخر....لو كنتى زعلانه من شخص

وباقيه عليه....عاتبيه.

انا مش زعلانه...كلهم حبايبى...

بس فجأة....رغم فرحتى بيكم كلكم،بدون استثناء،

حاسة ان،،بتتلخبط حياتى،،

حتى زوجى،متدين جدا جدا،لكن....مش كده.

عارفه يابنت بحرى....

احنا اتغربنا....فى وقت....كان اللى يطلع من مصر.

اهله يودعوه....كانهم خلاص....فقدوه.

وانا فعلا فعلا ....اخذت افضل ما هنا....وافضل ماهناك.

وفى اى مكان....واى مجلس....اولادى يفخروا انهم مسلمون

ومصريون .....وبعدين الزملاء يزعلوا....وبفخروا انهم لاب وام..اسكندرانيه..

.ححاول احضر اولادى للذهاب للعمرة فى خلال سنه...وربنا كريم.

شكرا لكلماتك الرقيقه...وكلكم حبايبى....والا...لماذا احكى لكم مبرراتى....سلامى.