حضرتوا هديه ماما؟؟

[إيزيس]

طيب يا تامر أنا راضية ذمتك

واحد جاب لأمه التي حملته في بطنها تسعة أشهر ( أو سبعة عادي ) و أرضعته من لبنها و منحته من حنانها و رعايتها و أنام و تسهري و تباتي

تفكري و تصحي من الآدان وتيجي تشقري

جاب لها كورة

بتقولوا إيه ياولاد

كورة

وعايز عيد اب

تفتكروا نجيب إيه لموديست في عيد الأب ؟؟

[nash]

دائما في مثل هذه الايام المعطرة برائحه الورد والياسمين والكادي...ياتي من يحاول ان يتمرد ويعلن العصيان...

هذه المحاولات لا اعتبرها عصيان مدني لقوانين الزوجيه..بقدر ما اعتبرها ...حاله من البوح لمايعتمل في الصدور من الجنس الخشن تجاة الجنس اللطيف..

لذلك يجب علينا ان ناخذ بايديهم ونحن نرشدهم إلي عناوين المحلات ومكائن الصراف الألكترونيه...ثم في أخر اليوم ونحن نضع اقدامنا داخل محلات الجاتوة والايس كريم..مثل باسكن..نتجاذب معهم أطراف الحديث..حيث أن النفس ( الخاصه بالرجال) تكون علي وشك الإنفجار..من حاله الإستنزاف المادي..وينصح الطب الشعبي في هذه الحاله بل ويؤكد علي مواصله الكلام حتي نقضي علي اخر معقل تمرد في دماغ الرجل...ونجده وقد...رفع رايه الغستسلام ذات اللون الابيض النقي كنقاء جيوبهم أخر النهار.....

محلله الاسرة ...ناديه

الشهيرة بأم ياسر.... :rolleyes:

[Diab]

أعتقد أنه لو توفرت الإمكانات المادية فإن العمرة وزيارة مسجد النبي صلي الله عليه وسلم تعتبر هدية جميلة

[امانى]

ايه النور ده كله يا نوشة اغيب يومين الاقيكى عاملة كرنفال عيد الام وهدايا وحاجات كتيرة

موضوع رائع يستحق التحية خصوصا انه تشجيع لمن فى نيته الهروب او التكاسل عن الهدية انه يرجع

لصوابه كدة ومفيناش من هروب هتجيبوا الهدايا يعنى هتجيبو الهدايا مفيش مفر امال احنا لازمتنا ايه

نربى ونكبر ونطبخ وننظف ونيجى فى الاخر نطلع من غير حتى( كلمة شكر) طبعا متنفعش لوحدها

لازم هدية وبما انى بحب الدهب والدهب غالى فأنا راضية بحاجة رمزيه كدة يعنى خاتم او قلب اعلقه

فى السلسلة اهو حاجة بسيطة وخلاص علشان ميدعيش عليا ابو العيال عند الصائغ اما عن هديتى

لأمى فأنها مريضة ولا تستطيع الخروج فأنا مع اقتراح تامر هشتريلها كام طقم بيتى كدة صيفى وعليهم

زجاجة برفان من النوع اللى بتحبه

وياريت مننساش الاب فى هذا اليوم نفتكره هو كمان بهدية ولو بسيطة حتى لو كان هو اللى هيتحملها

ويدفع ثمنها بس هو يبقى حاسس انه هو كمان فى التفكير والحسبان علشان مودست ميزعلش ابدا

حضر بقى فلوس زيادة علشان هديتك انت كمان معقولة تجيب الهدايا دى كلها وفيش هدية ليك ده كلام

بجد انا كل يوم عيد ام كنت بفتكر والدى واجيب له هو كمان هديه وكان رحمة الله عليه بيكون سعيد اوى

انى فكراه هو كمان ماهو هو كمان ياما اتحمل واشترى هدايا باسمنا علشان نقدمها لست الحبايب

نوشة اقترح هدايا اخرى غير اللى قالوها الاخوة الافاضل ندخل على قسم المفروشات يعنى مثلا طقم سرير

من الانواع المحترمة ----- لحاف من النوع الفيبر واللى ينفع مفرش سرير ----ستارة شيك لحجرتها

طقم شنطة وشوز محترمين والله فى حاجات كتير تنفع وهو كله على حساب ابو العيال ولا ايه

اسفة للاطالة بس ياريت نخرج منها بهدية كبيرة من ابو حمادة و محمد واحمد اولادى الوسيمين

كل سنة وانت طبة يا نوشة وجميع الامهات بخير وبيستلمو الهدايا وكمان جميع الابهات بخير وبيدفعو المعلوم :rolleyes: :lol: :cry:

امانى

[رحاب]

والله الاخ دياب قدم احسن اقتراح

دا فى رأيى الشخصى يعنى

فعلا العمره وزيارة النبى

احسن هديه للام فى عيدها

اشكرك على الفكره الجميله دى يا استاذ دياب

وان شاء الله احاول انفذها

رحاب بنت مصر

[امانى]

فكرتك رائعة يا اخى دياب وخصوصا ان عيد الام السنة دى يتوافق يومه زكرى المولد النبوى الشريف كل سنة وحضرتك وجميع

الاخوة والاخوات طيبيين . مفيش شك انها احلى هدية تتمناها كل ام مسلمة وربنا يقدر كل ابن او زوج على تحقيقها للزوجة

او الام . لكن يا دياب لو الزوج والابن ليس فى استطاعتهم تحقيق هذه الامنية الان او هذا العام ميضرش اى هدية من الهدايا

السابقة وهو كله فايدة ولا ايه؟

امانى

[Diab]

والله الاخ دياب قدم احسن اقتراح

دا فى رأيى الشخصى يعنى

فعلا العمره وزيارة النبى

احسن هديه للام فى عيدها

اشكرك على الفكره الجميله دى يا استاذ دياب

وان شاء الله احاول انفذها

رحاب بنت مصر

الأخت العزيزة رحاب

لو في حد يستاهل الشكر تبقي مدام ناش الشهيرة بأم ياسر بتاع جامعة يمامة بيضاء ومنين أجيبها بالرياض

إسأليها وهي هتشرحلك

العزيزة أماني

لو أخدتي بالك أنا قولت في أول كلامي لو توفرت الإمكانات المادية

السنة دي قضيها كل شيء كان

ملحوظة هامة

أكتشف كل يوم في عزيزي أبو أحمد الشهير بمودست صفة جديدة وفي تلك المرة هي الدهاء الشديد

ليه

قولوتلي ليه

لأنه عارف إنه لما إشتري كورة فمين هيلعب بيها غيره وبالتالي هو مغرمش حاجة منها جاب هدية عيد الأم ومن جهة تانية إشتري لنفسه كورة

مودست

أرفع لك القبعة إحتراما

تحياتي

تم تعديل 15 مارس 2008 بواسطة Diab

[رحاب]

انا فعلا بشكر ام ياسر

لانها قدمت الموضوع الجميل ده

وشكرا ليك مره تانيه يا اخ دياب

بس انا كنت اقصد فكرة العمره

وعلى العموم سلااااااااااااااااااااااااامى للجميع

رحاب بنت مصر

[Diab]

انا

بس انا كنت اقصد فكرة العمره

رحاب بنت مصر

واخد بالي بس هي الفكرة إنا كنت أقول الفكرة فين لو مكنتش فتحت الموضوع ده

شكرا لكي مرة تانية

تحياتي

[امانى]

العزيزة أماني

لو أخدتي بالك أنا قولت في أول كلامي لو توفرت الإمكانات المادية

السنة دي قضيها كل شيء كان

الاخ العزيز دياب

والله انا قريت الكلام وفاهمة قصدك بس انا محبتش ان ابو العيال يهرب من الهدية خصوصا انه طلعنى عمرة رمضان اللى فات

معاه وقلت ايوة هيقولى هديتك وصلت مقدما زى ما قال دياب ومينفعش اى حاجة تانية مش هتكون احسن من العمرة

علشان كدة انا اشرت للهدية كل سنة وانت طيب وعقبال ما تتجوز وتخلف وتبقى اب وتجيب هدية عيد الام لاولادك وزوجتك

امانى

[vipwithyou]

يا معشر الرجال

اتحدوا

محدش يجيب هدية ( غيرى طبعا ً انا هأجيب علشان ماما وحماتى ) دا بس علشان الضرب

بس واضح ان الزوجات بيطالبوا هما بهدية عيد الأم عينى عينك كدة

يعنى كلامى فى اول المشاركة كان مظبوط وعرفنا نيتكوا يا سيدات المجتمع

ناش ( الشهيرة بام ياسر ) وقرنفل وكمان امانى وقفت معاهم

يعنى تاخدوا هدايا قبل الجواز فى الخطوبة

وتاخدوا كمان بعد الجواز ( فى عيد الزوجة )

وكمان تيجوا تطالبوا بالشغل وتاخدوا المرتب كله

يا جماعة ارحموا بقى شوية

[nash]

تفتكروا نجيب إيه لموديست في عيد الأب ؟؟

كشف حساب من البنك بعد اليوم الدموي وبعد حصر الهدايا... wst::

................................................................................

.......

أعتقد أنه لو توفرت الإمكانات المادية فإن العمرة وزيارة مسجد النبي صلي الله عليه وسلم تعتبر هدية جميلة

أقتراح رائع يا دياب ...بجد وجد...وجيه جدا وعجبني......هاعملها السنه القادمه بإذن الله ..بس ماما اللي توافق تيجي...لإن أخر مرة حرمت وروحها فرفطت من كام شهر بس قضتهم هنا...

إسأليها وهي هتشرحلك

ليه هه؟؟ ليه كل واحد ينكد عليه وأقعد أجتر الذكريات مع كل قسط هه؟ مانت كنت كويس وفرحت قلبي بإقتراحك الجميل لازم يعني ...الله يسامحك يا دياب.... :sad:

خصوصا وانى بعيد عن مصر ومش عارفه ايه الهديه المناسبه دلوقتى

أهلا بيكي يا رحاب..منورانا يا قلبي....إن شاء الله هانحصر الهدايا تاني..ووقتها هاتبأة حركه جميله لو كل واحد أعلن بشفافيه مطلقه ..اشتري ايه لزوجته حبيبته أو لخطيبته حبيبته او لمامته حبيبته.... :wub: أنا شخصيا هاخد مرتين...هييييييييه بصفتي زوجه ومرة بصفتي ماما... :yahoo:

معلش علشان ...الناس اللي بتحقد علينا..

[nash]

اينو الجميله...منوراني يا قلبي....

تصدقي ..اول مرة أعرف ان المولد النبوي سيتوافق مع عيد الام؟؟

تصدقي اخر مرة شوفت فيها حلويات مولد النبي كان أيام القرن 18 ...

ده ايه الهنا ده....إن شاء الله هايكون يوم مبروك وسعيد...

هارجع لإقتراحاتك واحصرها ...ونجمعها مع بعض.....

أماني...مثال الرقه والجمال........قالت الكلمه الفصل...لا تنازل عن الهديه...

أماني اثبتي انك من حزب النساء المفتريات .....تعالي يا حبيبتي ...اقعدي جنبي... :yahoo:

[إيزيس]

أنا جيت يا ناش وسعي خديني جنبك يا أماني

عجبني أوي اقتراح دياب

وعايزة أقول للرجالة المعترضة على هدية للزوجات

مين اللي جاب لك العيال اللي مطلعة عينك و مخلصة على فلوسك علشان تتحسسك بالأبوة الجميلة؟؟؟

مين بتطبخ لك لقمتك ..مين بتغسللك هدمتك ..ومين لو ما جبتش الهدية هتعمل و تسوي في حضرتك؟؟

شوف انت لوحدك قلتها ما حدش قالهالك و خللي بالكم يا ستات هم بيدخلوا هنا بس يففضوا زي ما بيقولوا طق حنك لكن هم شاطرين و أمورين و جايبين

هدايا للزوجات و الأمهات و الحموات و للمدرسات كمان

ربنا ما يحرمنا منكم و تعيشوا و تجيبوا ياااارب

[AMEIR]

لازم الواحد يهادي امه مع ان الأم كل يوم لها عيد الام مصدر الحنان الم المدرسة اذا اعادتها اعادت شعب طيب الاعراف بس االي امه الله يرحمها لمين يجيب هدية عيد لأخته لخالته لعمته أو حد يحس انه في مكانة امه يحنين عليه وبيح له الخير وبنصخه لمصالحته انا امي ماتت لكن وجدت الشخص المنتاسب اللي اعتبرها في مكانة امي واشناء الله يوم الجمعة21 مارس اهاديها وبعد عيد الام 22مارس عيد ميلادي انا موليد22مارس1980

[إيزيس]

لمين يجيب هدية عيد لأخته لخالته لعمته أو حد يحس انه في مكانة امه يحنين عليه

كنت لسه ها ها هاكتب لأمير أنا ماما و أنا بابا و أنا .............

لكن كملت كلامه واكتشفت ذكاؤه الخبيث و خبثه الذكي

22مارس عيد ميلادي

فهمتوا..... يعني الي تاخده يوم الجمعة يطلع لامؤاخذة على البودي بتاع حضرتك يوم السبت

ولذلك أقوللك يا أمير يا ابن الأمراء تصدق على روح والدتك الله يرحمها و مفيش مانع تهدي الشخص المناسب اللي قلت عليه

و بما إن عيد ميلادك 22 مارس يبأه مصلحة وكل سنة و انت طيب

[Modest]

مش أحنا اللي بنربي...وبنطبخ ...وبنرتب البيت...يووووووة بنعمل حاجات كتير..

أمه التي حملته في بطنها تسعة أشهر ( أو سبعة عادي ) و أرضعته من لبنها و منحته من حنانها و رعايتها و أنام و تسهري و تباتي تفكري و تصحي من الآدان وتيجي تشقري

أنا هارد عليكم بأسئلة قاطعة و باترة لهذه الادعاءات التي نسمعها مع ست الحبايب يا حبيبة كل عيد أم mf_p:

إتفضلوا

مين حبيب بابا

مين روح بابا

مين اللي نازل كع و شال عشانكوا الهم مين؟

مين اللي داق اليع عشان تدوقوا المم مين؟

مين اللي بيهريك لعب؟ باااااااابا

مين لما تكح اترعب؟ باااااااابا

مين اللي متدبّس؟ بابا

مين اللي بيلبس؟ بابا

مين اللي جاب بامبرز لحد ما فلس؟

مين اللي بقى صاحبك؟ بابا

مين اللي بيحبك؟ بابا

و لما يوم تغلط مين اللي هايلبّك؟ أناااا

اسمعوها بصوت المُربي الفاضل محمد هنيدي

أفحمتكم :h!!!h:

كورة يا موديست؟؟ كووووورة.... :P

مالها الكورة .... موش فاهم نظرية سعادتك يعني -_- ... مش أديتها لها و بعدين اخدتها ألعب بيها أنا و كانت هي في قمة الانبساط و السعادة إن أنا مبسوط و سعيد؟ .. أمّا حاجة غربية :110:

تفتكروا نجيب إيه لموديست في عيد الأب ؟؟

لو تجيبوا اللي دفعتُه في هدايا عيد الأم يبقى كتّر ألف خيركم bsh:)

[nash]

أنا مش هارد عليك دلوقتي علشان أنا مفحومه.... -_-

بس انا متأكده أن ورايا ممهات تاكل الظلط..... mf_p:

مالها الكورة .... موش فاهم نظرية سعادتك يعني ... مش أديتها لها و بعدين اخدتها ألعب بيها أنا و كانت هي في قمة الانبساط و السعادة إن أنا مبسوط و سعيد؟ .. أمّا حاجة غربية

يعني من زمان أوي أوي وسيادتك مشروع ديكتاتو صغير....مااااااااشي.... :P

لو تجيبوا اللي دفعتُه في هدايا عيد الأم يبقى كتّر ألف خيركم

تؤتؤ مش هايحصل bsh:) :h!!!h: ...حضرتك بتحلم أحلام لا تمت لإرض الواقع بصله....بكسر الباء ...

[Modest]

طيب استنوا لما أقفل الباب و أجهّز الحبر السري :h!!!h:

هاحكي لكم حوار دار بيني و بين زوجتي العزيزة (تيبيكال للحوار اللي بيحصل بينكم و بين أزواجكم :P)

أنا: فاكرة يا حبيبتي لما جبت لك هدية عيد الأم السنة اللي فاتت؟

هي: أه طبعاً يا حبيبي.. هي كانت ايه؟ bsh:)

أنا: الهدية الغالية إياها اللي دفعت فيها دم قلبي

هي: أه أه افتكرت .. مالها بقى

أنا: فاكرة لما قلتي لي دي غالية أوي يا حبيبي

هي: لأ مش فاكرة :110:

أنا: افتكري بس كويس ..

لما قلتي لي الهدية دي غالية و قيّمة جداً .. دي كفاية عليا و مش ضروري هدايا تاني في أعياد الأم في العشر سنين اللي جاية. :110:

هي: أنا قلت كده؟ mf_p:

أنا: أه -_-

هي: لأ يا حبيبي .. انت بس كبرت و بقيت تنسى

أنا: يا حبيبتي أنا 43 سنة .. لسه لي سنتين و أبتدي أنسى

هي: لأ فيه رجالة بتنسى إبتداءاً من 21 سنة

أنا: بس أنا فاكر كويس

هي: لأ بيتهيألك :110:

أنا: mfb:

هي:

هي:

هي:

هي:

هي:

هي:

أنا: :cry:

[nash]

انت حاطط أجهزة تنصت في بيوتنا يا موديست :P

.....ماتوقعتهاش منك.... mf_p:

وبعدين احنا مش لسه مباركين العيد ال43 السنه اللي قبل اللي فاتت؟؟؟ أنت بتخم في اللعب يا موديست .....؟؟ bsh:)

إذا تقبلت الأمر الواقع ونزلت بلرجنه كل سنه كما أعتدت هاعديهالك وأقول 34 مش 43...ها قولت أيه؟؟ :h!!!h:

إلا صحيح هديه السنه اللي فاتت كانت أيه؟؟ علشان أغش وأقول لأبو ياسر....