اجراءات الزيارة

[scoper]

السلام عليكم ورحمة الله وبركاته

عثرت على المنتدى اثناء بحثي على الشبكة لكيفية عمل زيارة لاحد افراد عائلتي

طبعا لاني لا اجد المعلومات الصادقة لدى الكفيل كالعادة هذه اول سنة لي بالمملكة واعتقد انها ستكون اخر سنة ايضا ان شاء الله

عندما سألت الكفيل عن كيفية احضار والدتي قال لي ان تقوم بشراء تأشيرة عمرة ولكن بعض الزملاء اخبروني بسهولة الموضوع وانه يمكن ان ارسل لها بزيارة دون اي مجهود مع العلم اني مهنتي مهندسة واعمل كمدربة للحاسب الالي في اكاديمية خاصة ارجو التوضيح لاني اشعر بهم بجانب هم الغربة الذي يقتلني وجزاكم الله خيرا

:blink:

[se_ Elsyed]

لحسن حظك إن اليومين دول الزيارة العائلية فاتحه ومسهلينها وبقت ميغه

بص يا ستي خطوات الزيارة :

1- إدخلي على الموقع ده وعبي النموذج

موقع وزارة الخارجية

2- قومي بطباعة النموذج وخلي الأخ الكفيل يوقع التوقيع المعتمد من الغرفة التجارية ويختمه لكي ... وتاخدي النموذج هذا فقط بعد ختمه من الغرفة ومعاه صورة إقامتك وصورة جوازك وطيران على وزارة الخارجية اللي في حي الناصرية ...

3- هاياخدوا منك الطلب ويقولوا لك شيكي على النتيجة من خلال الموقع بعد يومين ...

4- تقعدي يومين بقى وإنتي ماسكة ورده وعماله تقطفي فيها وتقولي ( هايوفقوا مش هايوفقوا وكده يعني ) ... بعد ما تدخلي الموقع وتشيكي برقم طلب التأشيرة هاتلاقيهم وافقوا وطلع لك نموذج أخضر فيه بيانات نينه الحاجه ..

تروحي طابعة النموذج ده وتبعتيه لوالدتك صورة منه باميل بقى بالفاكس أي حاجه

5- طبعاً هاتفرح وتدعي لك وتقول لك .. ربنا يفتح لك الأبواب المسدودة يا سكوبر يا بنتي .. وتعيط زي أي ام ما بتعمل

6- تاخد بقى والدتك الطلب ده مع جواز سفرها وتذكرة رايح جاي وتروح أي مكتب حوالين القنصلية السعودية اللي في المنيل وتدفع لهم ما بين 200 إلى 400 ج اتعاب وتعطيهم الحركات دي ( ليس مطلوباً شهادة صحية في الزيارة ) وتنتظر إسبوع ولا حاجه لحد التاشيرة ما تطلع ...

7- توصل بقى والدتك السعودية وهي جايبه لنا بط ووز وفراخ بلدي ونقعد ناكل ونزقطط ... بس ياريت ما تعملش زي واحده صاحبتنا إسمها ميرا اللي حلقت لي وقالت لي مع نفسك يا سين سين الحاجه بقت غاليه نار ...

وكل سنة وإنتي طيبة

[scoper]

جزاك الله خيرا اخي والله لقد أدخلت على قلبي السرور بمعلوماتك واسلوبك الظريف وارو الدعاء بتيسير الامور والكفيل ميعقدهاش

[scoper]

جزاااااااااااااااك الله خيرا أخي على المعلومات القيمة والاسلوب الظريف والله لقد أدخلت السرور الى قلبي

ارجو الدعاء بتيسير الامور

ويارب الكفيل ميعقدش الدنيا جزاك الله خيرا :blink: :huh:

تم تعديل 13 مارس 2008 بواسطة scoper

[mkhvip]

السلام عليكم

انا محمد موجود هنا وعملت الزيارة اكثر من مرة

وحبيت افادتك

امام طريقين

الاول عن طريق مكتب الاستقدام

بتقديم خطاب لمكان عملك

وبعدين هما بيعملوا خطاب في وظيفتك وراتبك

وفي نموذج ممكن تأخذي من مكان عملك او من مكتب الاستقدام وتأمليه وتوقيه وتختميه من مكان عملك

وبعدين تروحي تقديمه في مكتب الاستقدام وإن شأ الله بيطلعوا ورقة التأشيرة الي انت تبتعيها مصر

او بعد ما تطلعي الورقة من مكتي الاستقدام يقولوا لازم تتختم من فرع الخارجية السعودية في مكان اقامتك

اما الطريقة الثانية وهي التي سهلت على ناس كتير

تدخلي على موقع وزارة الخارجية السعودية

وفي نموذج على الموقع في لعمل تأشيرة زيارة عائليه في قسم خاص بالتأشيرات على الموقع

وبعدين بعد ما تعبيها وتعملي لها حفظ وطباعه تأخذي الورقه وتوقيعها وتختمها من مكان عملك وطبعاً في كل الاحوال لازم يكون معاكي صورة جواز السفر لوالدتك وهم على الموقع موضحين الاوراق المطلوبة

وتقديمها الاوراق في فرع وزارة الخارجية السعودية وبعدين بيقولوا رجعي الموقع علشان ترعفي النتيجة بعد 3 ايام

وفي رقم اعلى يسار الورقه اسمه رقم الطلب احتفظي به عشان تبحثي عن التأشيرة على موقع الوزارة بعد 3 ايام من تقديم الاوراق

والله الموفق

حولتي اجيب رابط الموقع عشان متتعبيش لكن عندي مشكلة في النت ولم اتمكن

انا قرأت مدخلة الاخ سي السيد وعلى فكرة لو انت من خارج القاهرة انا بنصحك تروحي القنصلية في السويس او الاسكندرية

لان القاهرة في مكاتب استغلاليه ويبيعوا الهوا في ازايز

في السويس العملية سهلة جداً انا مجربتش الاسكندرية لكن لو انت من العاصمة روحي وامرك لله القنصلية وربنا معاكم

انا كل مرة بأبعتها على السويس ودا طبعا انت بتحديده وانت بتعبي النموذج على النت

خلي بالك وانت بتعبي النموذج على النت

ولو عوزاه تيجي بري او بحري ممكن

واتمنى لكي التوفيق

تم تعديل 13 مارس 2008 بواسطة mkhvip

[se_ Elsyed]

طمنيني يا سكوبر .. البط جه .. قصدي ماما جت ؟

شوفي يا ستي الحاج سين سين عمل إيه ؟

روحت يوم الأحد قدامت على تأشيرة زيارة لحمايا وحماتي في طلب واحد ... ده بعد ما عبيت الطلب عن طريق موقع وزارة الخارجية .. وطبعت الطلب وختمته من الغرفة التجارية ... وروحت على الوزارة لقيت أمة لا إله إلا الله لإن زي ما قلت لك اليومين دول هيصة والزيارة مفتوحه للجميع .. المهم قدمت الطلب مع صورة جواز سفر وإقامتي فقط ... ولم يستغرق الموضوع اكثر من ساعتين بالرغم الزحام الشديد إلا إن في نظام ممتاز ..

وكل يوم كنت ادخل الموقع أشيك برقم الطلب ورقم إقامتي تطلع لي رسالة تفيد إنه تم إستلام الطالب .. النهاردة الصبح إتغيرت الرسالة إلى : الطلب تحت الدراسة under process يعني إيه بالعربي ؟ ... جيت من الغدا بعد الضهر لقيت التأشيرة إتوافق عليها للإثنين روحت طابعها وباعتها بالإيميل لشركتنا في مصر عشان يوصلوها لحمايا ..

عُمر عمال يذل فيا ويقول لي تيته وجدو جايين وهايدفعوا عني ضدك :lol:

[vipwithyou]

رأيك خبر فى الجرائد امس عن التأشيرات الالكترونيه فقلت يمكن تفيدكم

موقع الشركة السعودية

[sayed metwally]

السلام عليكم

يا جماعه انا دخلت علي الرابط والازم اكتب سبب الزيارة

وانا عايز اعمل زيارة لوالدتي وحماتي مع بعض

[afadly]

السلام عليكم

ما هى أقصى مدة لتمديد التأشيرة؟

أنا أحضرت زوجتى و أولادى بتأشيرة زيارة (مكتوب عليها عدة سفرات لمدة 90 يوم)

هل يمكن تمديدها لمثلا 6 أشهر من داخل السعودية

أو هل يمكن أن أذهب إلى البحرين مثلا لتمديها؟

[sayed metwally]

اختي العزيزة

انتي ممكن بسهوله جدا تعملي زيارة للحاجه

كل ما في الامر انك تدخلي علي الموقع http://visa.mofa.gov.sa/VisaFamilyApp/FamilyApp.aspوتملي الطلب وبعدها تطبعي الطلب وتوثقيه من الغرفه التجاريه واكتبي في خانه نوع الزيارة انها عائليه

وتروحي بالطلب الي وزارة الخارجيه وتسلمي الطلب هناك وتنتظري ثلاث ايام وبعدها تدخلي علي النت ومعاكي رقم الطلب وان شاء الله هتلاقي التاشيرة مباشرة

[mohammadoto]

السلام عليكم

ما هى أقصى مدة لتمديد التأشيرة؟

أنا أحضرت زوجتى و أولادى بتأشيرة زيارة (مكتوب عليها عدة سفرات لمدة 90 يوم)

هل يمكن تمديدها لمثلا 6 أشهر من داخل السعودية

أو هل يمكن أن أذهب إلى البحرين مثلا لتمديها؟

[/

عليك بالتمديد من الامارة بتمدد 3 شهور وغيرها من الهيئات 2 أو 1 فقط

[mohammadoto]

السلام عليكم

ما هى أقصى مدة لتمديد التأشيرة؟

أنا أحضرت زوجتى و أولادى بتأشيرة زيارة (مكتوب عليها عدة سفرات لمدة 90 يوم)

هل يمكن تمديدها لمثلا 6 أشهر من داخل السعودية

أو هل يمكن أن أذهب إلى البحرين مثلا لتمديها؟

عليك بالامارة واياك أن تذهب لغيرها لأن من الامارة 3 شهور

أما غيرها فيعطيك شهر واحد أو اثنين

[الطير السافر]

السلام عليكم

انا بصراحة فرحان جدا انى بشارككم فى المنتدى الجميل جدا وديه اول مشاركة ليا

والله بعمل مهندس فى الرياض بس مسمى الاقامة بائع ادوات صناعية وكنت بفكر اجيب والدى ووالدتى للزيارة فكده مفيش مشكلة ولا ايه ولو كده لازم اجيب صورة باسبوراتهم ولا مش مشكلة وبعدين لازم اروح الداخلية الاول وبعدين الخارجية ولا ايه النظام

وجزيل الشكر للاجابات

[الطير السافر]

ايه يجماعة فينكوا

ممكن اعرف اذا كان ممكن اعمل زيارة للوالد ولا بس الام

[د محمد على]

ارجو الافادة من اصحاب الخبرة

قمت بعمل زيارة لحماتي و يجب ان تسافر في اول رمضان

سؤالي هب يمكن تسافر مع زوجتى و ابقي ان هنا في مصر لاكمال اعمالي او اننى لازم اكون في السعودية وقت حضورها

بمعنى اخر هل يسمح لها بدخول السعودية دون ان اكون انا هناك

ارجو سرعة الافادة

و من له احد في الاستقدام او المطار يسال لى و اكون شاكر له جدا

[Alrefaey]

ارجو الافادة من اصحاب الخبرة

قمت بعمل زيارة لحماتي و يجب ان تسافر في اول رمضان

سؤالي هب يمكن تسافر مع زوجتى و ابقي ان هنا في مصر لاكمال اعمالي او اننى لازم اكون في السعودية وقت حضورها

بمعنى اخر هل يسمح لها بدخول السعودية دون ان اكون انا هناك

ارجو سرعة الافادة

و من له احد في الاستقدام او المطار يسال لى و اكون شاكر له جدا

السلام عليكم د محمد

طبعا هو المفروض لا يسمح بدخولهم الا اذا كان حضرتك موجود لكن من هيقول لموظفى المطار انك موجود او مش موجود لو حد سألهم يقولوا له انك موجود داخل السعودية

انا هقول لحضرتك موقف حدث معى شخصيا السنة اللى فاتت جائت والدتى لى فى اول رمضان المفروض انها كانت تيجى على الرياض محل اقامتى انا لكن ماوجدت تذاكر الا انها تيجى عن طريق جده وما عرفت انا هذا التغير الا قبل اقلاع الطائرة بساعتين وما وجدت طيران الرياض جده لى لان الوقت كان ضيق عشان اروح استقبلها وبالفعل نزلت لوحدها طيران جدة

الظابط اللى فى المطار سألها انت جاية لمين يا امى قالت له لابنى فى الرياض قال لها طيب وليش جاية على جده طالما ابنك فى الرياض فحكت له الموضوع واتصلت على

فقمت انا بمحادثة الظابط وقلت له انى فى الرياض وما هقدر اجى استقبلها فأنا هارسل لها ابن خالتى يستقبلها ويحجز لها طيران داخلى من جده الى الرياض وكان

طولت عليك انا بس حكيت لك الموقف ده عشان اقولك انه عادى ولا حد يسألهم انك موجود او لا

[se_ Elsyed]

موضوع الشخص اللي جاي زائر سهل للغاية وماحدش بيسأل حد إنت جاي هنا ليه ..

يعني ممكن تكون في الرياض واللي إنت عامل له زيارة ييج جده عادي جداً من غير مشاكل .

[moshtaak]

لو سمحت ياجماعه

هو ميةن يحق ليه انى ابعت له زيارة

يعنى هل ممكن ابعت لاختى او لوالدى او لاهل زوجتى

يعنى درجة القرابة لكام

وهل فى سن محدد لاى حد هابعتله

[د محمد على]

شكرا جزيلا

انا هاعتمد على كلامكم و ارسل الجماعة بمفردهم اما انا فسابقي بمصر لاسبوعين اخرين

يا ريت لو حد فيكم عنده معلومة مؤكده تاني يخبرني بها و اكون شاكر له

[se_ Elsyed]

لو سمحت ياجماعه

هو ميةن يحق ليه انى ابعت له زيارة

يعنى هل ممكن ابعت لاختى او لوالدى او لاهل زوجتى

يعنى درجة القرابة لكام

وهل فى سن محدد لاى حد هابعتله

الزوجة والأولاد

الأم ... أكيد

الأب ... ساعات وساعات ... حس مزاج وزارة الخارجية

الحما والحماة .... أكيد

بس الزوجة والاولاد الزيارة مفتوحة لهم طوال العام ..

أما البقية فمن شهر شعبان إلى الحج بتبقى الزيارة لهم غير مسموحة ....