لن تزيد الرواتب ولن تهبط الاسعار!

[واثق الخطوة]

فتحت الأهرام المسائي اليوم الخميس 13/3/2008

مرسي عطا الله في الصفحة الأولي يقول أنه (دردش) مع حسنى مبارك في الطائرة خلال جولته الأوروبية الحالية ..

المهم خرج من كلامه معه بما يلي : ( الكلام منشور بالجريدة )

1 لان نية لزيادة الرواتب لان زيادتها سوف يؤدي لحدوث تضخم نقدي، وأن كل من يطالب بزيادة الرواتب انسان غير واعي أو يقول ذلك للدعاية واثارة الناس فقط ..

2-لا يمكن التحكم في زيادة الأسعار لأننا في بلد تتبع الاقتصاد المفتوح.. ولأن الحكومة من الصعب عليها بالفعل السيطرة على الأسعار ..

3-يجب أن تسيطر الحكومة على مخابز العيش !

بصراحة كلام غريب

الدول كلها زاد فيها أسعار المواد الغذائية

الدول كلها رفعت المرتبات ودعمت المواد الغذائية

والدول كلها وقفت أمام جشع التجار ..

إلا مصر

الأسعار تزيد يوميا

والأسعار تتفاوت بين كل تاجر والأخر ..

كان زمان يقولوا الأسعار زادت علشان الدولار زاد

طيب دلوقتي المحروس الدولار في النازل طيب ليه الأسعار في الطالع؟؟

مش عارف ؟

عندنا شوية وزراء اقتصاد و تخطيط ومالية ... تشوفهم في التليفزيون تقول ( مصر بخير) ويقعدوا يرصلولك أرقام عن زيادة معدلات الاستثمار و تقرير الأمم المتحدة عن الاقتصاد المصري .. وشهادة تقدير من اليونسكو .. و اليابان طالبة خبراء اقتصاديين مصريين ... ومعهد البادنجان في تقريره الأخير قال مصر عندها نهضة استثمارية .. و احتياطي النقد زاد ..

كلام لو سمعته تتخدر

تمد ايدك في جيبك تلاقيه فاضي

المرتب ما بيكفيش يومين ثلاثة .

الأسعار نار

التخضم بيزيد

الشركات عمالة تتخصخص .

الكهرباء والماء والتليفون تعريفاتهم زادت ؟؟

كلام في كلام .. بس

والواقع مرير ..

لكني

لا يزال يحدوني الأمل أن يفرج الله علينا (الكربة) التي نعيشها ...

بتغيير وزاري

بتغيير رئاسي

بتغيير (ضميري)

مش عارف

بس إن شاء الله ربنا يفك الكربة

[aymin wafay]

نستاهل

تم تعديل 14 مارس 2008 بواسطة aymin wafay

[حسام يوسف]

صح

[عصام]

فى حوار على الجزيرة كانوا مستضيفين شخص بارز فى حزب التجمع الحقيقة مش حاضرنى إسمه .. بس كان له تعليق ظريف ..

قالك كل ما نتكلم يقولوا الأسعار العالمية زادت .. الحكومة تقول كدا لما نكون بناخد مرتبات عالمية برضه ..

وجهة نظر مش كدا؟

وبرضه حضرنى بمناسبة الكلام عن الدولار .. ان كمال الجنزورى لما اتشال من الوزارة كان من الأسباب المعلنة ان الدولاؤ ارتفع فى عهده من 3.40 غلى 3.60 يعنى عشرين قرش زيادة اتعمل فيها كدا

يا ترى لما يرتفع بقى الضعف .. المفروض يحصل ايه؟

[سيف الدين جلال]

متى تنتهى شرعية حرب اكتوبر ....؟.....ادمغة العسكريين المصريين ...لا تصلح كى تكون قيادة سياسية للبلد...اثبتوا فشلهم.........وعندهم عقد نقص تجاه الاكفاء من غير العسكريين

[واثق الخطوة]

افضل ما قرأته ما قالته خيري رمضان في المصري اليوم

" شعب تستطيع أن تلهيه شهر بقضية لاعب كرة .. وشهرين بشريط فاضح لراقصة ورجل أعمال .. وثلاثة شهور بدورة أفريقيا.. هو شعب من السهل أن تحكمه " !!

[فيصل رافت]

نفسى افهم مش قادرين يحكموها يسبوها ولا لسه ما اكتفوش