الازواج والزوجات

[ملك]

علامة اسنفهام توضع للرجال

اي مشكلة تكون المراة هي الشماعة التي يعلق عليها الخطا

فلماذا لاينظر الرجل الي اخطاءة

فهل مطلوب من الزوجة ان تكون الجارية فقط

فالرجل يبيح لنفسة كل شئ

فهل الماءة بجمد لا يشعر ولا يحس

تجد الرجل خارج المنزل وضحكتة تكاد تسمعها

الزوجة بمنزلها

ويدخل المنزل وتكشيرة لا تطاق لماذا

ليس معني ذلك ان المراءة لا تخطا

لا تكشر

لا تغضب

ولكن من السبب

واذا بثنا عن ااجابة سنجد اننا

في دائرة مغلقة لان الرجل سيقول نكدية

غير مهتمة بي

واذا سالنا المراءة

قالت

نكدي وغير مهتم بي

فهنا من المخطا

[حسام يوسف]

السلام عليكم

بعيدا عن التعصب للرجال

النكد أو السعادة مسئولية مشتركة

وأوافق حضرتك على انى أرى كثيرا من الرجال

يضحك وودود خارج المنزل

وبالداخل يقلب وشه تماما

ولكن هناك أيضا الست النكدية

وهناك مشكلة فى المرأة الشرقية

لا أراها فى المرأة الغربية بنفس الدرجة

التدقيق فى التفاصيل بشكل يجيب كل أنواع الشلل

النصفى والرباعى

وما يستجد من أنواع الشلل

وصدقونى

المسؤلية مشتركة

[رحاب]

السلام عليكم

بعيدا عن التعصب للرجال

النكد أو السعادة مسئولية مشتركة

وأوافق حضرتك على انى أرى كثيرا من الرجال

يضحك وودود خارج المنزل

وبالداخل يقلب وشه تماما

ولكن هناك أيضا الست النكدية

وهناك مشكلة فى المرأة الشرقية

لا أراها فى المرأة الغربية بنفس الدرجة

التدقيق فى التفاصيل بشكل يجيب كل أنواع الشلل

النصفى والرباعى

وما يستجد من أنواع الشلل

وصدقونى

المسؤلية مشتركة

[رحاب]

السلام عليكم اتفق معك تماما فمن المعروف والمسلم به ان هذه الامور تكون اسبابها مشتركه بين الزوجين ولا نستطيع ان نلقى مسئوليتها على طرف دون الاخر

[مصر]

بمناسبة النكد والمشاكل النسائية ممكن احط الموضوع دة مع اختلاف بسيط بس انها لحد دلوقتى مش زوجتى هى لسة خطيبتى وبجد بجد انا تعبت جدا معاة ونفسى حد يقولى حل مناسب ولكم الموضوع

صباح الخير عليكم جميعا

صراحة انا مخنوق وعندى مشكلة وياريت الاقى اى حل عندكم بس ياريت الردود تبقى بدون تهريج او مجاملات لانى بصراحة تعبت ونفسى اعرف ان كنت انا غلطان او لا

الموضوع ممكن يكون طويل شوية بس ياريت تستحملونى علشان احكى التفاصيل كاملة

انا شاب عندى 32 سنة اعمل واقيم فى السعودية منذ حوالى عامين وفكرت فى الارنباط وانا هنا والحمد للة ربنا هدانى لبنت كنت اعرفها قبل كدة بس المعرفة ما كانتش متعمقة لدرجة انى افهمها كويس يعنى كنا ممكن نتكلم فترة ونقطع فترة اطول وهى اساس فى قرابة بينا والحمد للة اخلاقها عالية جدا ومتزنة ومحترمة وعمرى فى يوم من الايام لو كنا لبعض او ما حصلش نصيب عمرى ما اشك فيها لانى عارف اخلاقها كويس

بس المشكلة الوحيدة فى خطيبتى انها عندية جدا عندية لدرجة انها بتعاند لمجرد العند وعيب تانى انهامستحيل تعترف بغلطها لو غلطت واللى مش متاكد منة قوى انها ممكن تكون بتكذب فى بعض الاحيان

وحصل بينا كذا مشكلة وتبقى هى الغلطانة وارجع انا واتكلم معاها وافهمها ان الحياة بالعند مش ها تستمر وانا ان كنت برجع علشان احل المشكلة وانا مش غلطان فيها فدا بس لانى حريص على ان المركب تمشى وان مش لازم الحياة تبقى كلها شد وجذب لا لازم كل واحد فينا يتنازل شوية علشان نقدر نستمر

المهم كل الكلام دا ما بيجبش معاها اى نتيجة لان بصراحة حصل بعد كدة كذا مشكلة من نفس النوع والاقيها بردة مصممة على موقفها وانها ما تتنازلش عن عندها

واخر مشكلة احنا فيها دلوقتى البعد فيها طال زيادة عن اللزوم لدرجة اننا دخلنا فى شهر تقريبا ما بنتكلمش وانا خلاص زهقت وعايز ارسى فى الموضوع دا على بر وبصراحة فكرت كتير انى افسخ الخطوبة دى واريح دماغى لانى بصراحة عايش فى قلق بسبب المشاكل دى وان كان حد منكم جرب الغربة وشاف ازاى بيبقى محتاج حد يتكلم معاة وحد يحس بية وقد اية بيبقى محتاج لهدوء نفسى وعصبى اكيد ها يشعر بكل اللى انا بتكلم فية

انا عارف ان فى ناس ها تقول انى ما حكتش المشكلة علشان يحددو ان كنت غلطان ولا هى اللى غلطانة بس الموضوع دا بجد ها يخلى الموضوع يكبر اوى واكيد ها تملو منة فانا قلت احى باختصار مع انى حاسس بردة ان الموضوع كبر من

اسف ان كنت طولت عليكم بس اعزرونى

[galaxy]

اتفق مع الدكتور حسام و مع الاخت العزيزة رحاب في كون المسئوليه مشتركه علي كلا منهما في الغالب............ bv:-

واتفق ايضا مع دكتورحسام في كون بعض الرجال يتعامل بشخصيتين واحده داخل المنزل و اخري خارجها......

وبعضهم يعتقد ان ما يواجهه خارج البيت من مشكلات او مسئوليات هو اكبر واهم من اي شيئ يحدث بالمنزل .......وان مهما كانت متطلبات الزوجه او مشاكلها فهي واحد علي عشرة مما يقاسيه في الخارج.

.......الا ان الزوجه من رأيي عليها عامل كبير ايضا..........

انتقاء الزوجه للوقت و الموضوعات ومراعاة المناسبه للحال مهم جدا في مناقشه الامور المختلفه بينهم.......وخصوصا ان في الغالب احقاقا للحق يكون الرجل مسئولياته خارج المنزل اكبر من الزوجه خارج المنزل ايضا..........وهذا لا ينفي مسئوليه الزوجه الكبيرة جدا داخل المنزل ...........الا ان نصاب المسئوليه خارج المنزل الاكبر يقع علي عاتق الرجل..................وبالتالي فهناك نوع من النساء لا يحلو لها النقاش او الجدال او حتي مجرد السرد الا في اقسي حالات التوتر.........معتقده انه بمجرد دخوله للمنزل رمي بكل مشاكله خارجه ..........ودا للاسف صعب جدا لاي شخص .

ولكن الزوجه الذكيه من وجهه نظري هي التي تعرف المدخل الاساسي لزوجها ووقته المناسب ..........للحصول علي اعلي درجه مشاركه من الزوج في المنزل..............

الخلاصه ان من وجهه نظري الزوجه يكون العامل عليها اكبر الي حد ما وذلك بالفعل لاهتمامها بالتفاصيل المفيده والغير مفيده في معظم الاحيان............لذا انا مع التفاهم و معرفه متطلبات كل طرف منهم يعني شويه عليه و شويه عليها زي ما بنقول اكيد الامور هتمشي للافضل. :rolleyes:

الاخ الاستاذ مصر ................عذرا لتدخلي .........ليس هناك افضل من الحوار بصراحه اعتمادا علي رصيد كل منكم لدي الاخر وخاصه اذاكان كلا منكم يحمل رصيد من الود لابأس به للطرف الاخر مهما كبرت المشكله . :rolleyes:

[vipwithyou]

صراحة انا مخنوق وعندى مشكلة وياريت الاقى اى حل عندكم بس ياريت الردود تبقى بدون تهريج او مجاملات لانى بصراحة تعبت ونفسى اعرف ان كنت انا غلطان او لا

السلام علكيم اولا

حسيت ان حضرتك محتاج فعلا تتكلم مع طلبى من صاحب الموضوع ان نتطرق عن الموضوع ونتحدث عن تلك المشكلة

حتى نستطيع ولو بأقل الممكن ان نفك كرب احد الاعضاء او حتى المساهمة فى جزء بسيط من ذلك

بس المشكلة الوحيدة فى خطيبتى انها عندية جدا عندية لدرجة انها بتعاند لمجرد العند وعيب تانى انهامستحيل تعترف بغلطها لو غلطت

أولا النقطة دى موجودة فى اى بنت وخصوصا ً فى فترة الخطوبة والنصيحة الدائمة فى تلك المواقف اذا كنت متاكد من حسن اختيارك من البداية ان تعجل بالزواج لأن طول فترة الخطوبة يزيد من المشاكل

واللى مش متاكد منة قوى انها ممكن تكون بتكذب فى بعض الاحيان

لا .. هنا لازم تقف وقفه بجد وتتأكد من كدة لأن دى مشكلة مش سهله ولا عادية والصراحة مهما كلفت من اهم اعمدة الحياة الزوجية السعيدة فلازم تتأكد بنفسك وميكونش عندك اى شك فى قرارك انها بتكذب ولا لا ؟

وحصل بينا كذا مشكلة وتبقى هى الغلطانة وارجع انا واتكلم معاها وافهمها ان الحياة بالعند مش ها تستمر وانا ان كنت برجع علشان احل المشكلة وانا مش غلطان فيها فدا بس لانى حريص على ان المركب تمشى وان مش لازم الحياة تبقى كلها شد وجذب لا لازم كل واحد فينا يتنازل شوية علشان نقدر نستمر

اللى بتعملة يا عزيزى صح مش غلط واللى هى بتعملة دة طبيعى فى الفترة دى لأن دة كبرياء البنت لكن لازم تتأكد هل هى كدة علطول ولا هتفضل كدة علطول بينك وبين نفسك حاسس منها ايه ؟ ممكن تتفهم الحياة بعد كدة وتغير من طريقة تعاملها بالعند ام لا ؟

المهم كل الكلام دا ما بيجبش معاها اى نتيجة لان بصراحة حصل بعد كدة كذا مشكلة من نفس النوع والاقيها بردة مصممة على موقفها وانها ما تتنازلش عن عندها

عجل بالزواج

واخر مشكلة احنا فيها دلوقتى البعد فيها طال زيادة عن اللزوم لدرجة اننا دخلنا فى شهر تقريبا ما بنتكلمش وانا خلاص زهقت وعايز ارسى فى الموضوع دا على بر وبصراحة فكرت كتير انى افسخ الخطوبة دى واريح دماغى لانى بصراحة عايش فى قلق بسبب المشاكل دى وان كان حد منكم جرب الغربة وشاف ازاى بيبقى محتاج حد يتكلم معاة وحد يحس بية وقد اية بيبقى محتاج لهدوء نفسى وعصبى اكيد ها يشعر بكل اللى انا بتكلم فية

بادر فورا باتصال سريع لانك خارج مصر اكيد دلوقتى يعنى مش هينفع تروحلها

البنت لما بتتخطب وخطيبها بعيد عنها بتحس بفراغ اكتر مننا كرجاله

وتحس انها مخطوبة مع ايقاف التنفيذ

انما احنا ممكن كلمتين حلوين فى التليفون المخفض اللى بعد الساعة 11 يريحونا ويهونوا علينا الغربة خالص

لكن حط فى حسبانك انها مظلومة وهى مخطوبة لحد بعيد عنها

انا ما عرفش المشكلة اللى بينكم بس حط فى اعتبارك كدة وانت بتحكم على توتل الموضوع

بصى يا سيدى

الوصفة السحرية ..

اتصل بيها ..

استحمل ردها اكيد هيكون فيه برود

بس هى هتكون محتاجاك جدا ً

حاول تتجاهل سبب المشكلة اللى انتوا فيها

بس الاول استنى .. اسأل سؤال وجاوب بصراحة ؟

انت بتحبها ولا لا ؟ جاوب الحب مش عيب لما تقول بحب خطيبتى ؟

لو بتحبها اعمل الوصفة دى واسمع كلام اخوك

اشحن كارت بـ 100 ريال مش بـ 50 ريال ماشى ماتبقاش بخيل يعنى

اتصل بيها وجر شكلها بالهزار والدلع فاهم اكيد اسلوبها عايزة ايه

روق كدة شوية وحياتك فى آخر المكالمه هتلاقيها بتعيطلك وتفضفض بكل اللى جواها

وعجل بالزواج .. عجل بالزواج .. لو انت بتحبها وهى بنت حلال

ياراجل يا طيب مفيش مشكلة ملهاش حل .. والبنات لهم فترة لازم يكونوا كدة .. لكن اصل البنت الكويس بيظهر عادة ً بعد الجواز

اسمع كلام وجرب وحاجة كمان مهمه اوعى توسط حد يحل مشاكلكوا انت بس وهى بس اللى تقدروا تحلوا مشاكلكوا لأن دخول اى وسيط بيعقد المشكلة

وأخيرا لكن منى كل الأمانى لحياة سعيدة

وشكرا

اخوك

تامر السيد