مطلوب سياره ب5 الاف جنيه

[هشام الكندي ان شاء الله]

بسم الله الرحمن الرحيم

هو عنوان الموضوع غريب حبتين بس المواصلات اصبحت عذاب, و في نفس الوقت الواحد مش هيقدر يجيب عربيه غاليه او حتي معقوله علشان زي ما انتم عارفين انا قاعد في الجيزة و مستني من كندا الفيزا

و سمعت ان فيه عربيات زستافا سعرها في حدود 5 الاف جنيه و ان فيه فيات ار و لا العار و ان الاسعار عمرها ما توصل 7 الاف جنيه

يا تري فيه عربيات بالاسعار دي و لا دي اشاعات؟

و يا ريت حد متخصص في العربيات يقولنا علي مزايا و عيوب الزستافا و الفيات الار و يقولنا اذا كان فيه عربيات ارخص شويه

اذا كان فيه اصلا

اخوكم

هشام الكندي ان شاء الله

[حسام يوسف]

السلام عليكم

أنا عارف ان القاهرة خنقة يا عم H

بس انك تجيب عربية صغيرة دى مخاطرة

لأنها ممكن تجيبلك الضغط والسكر

فرأيى تستنى شوية

لما ربنا يكرمك

[هشام الكندي ان شاء الله]

يا ريت يا دكتور حسام بس الفلوي بتتحوش علشان تروح كندا مش لتجار العربيات في مصر

[osaimi]

طب ما تجيب فيسبا ولا موتوسيكل أحسنلك وحل عملي أكثر من عربية تدوخك

[هشام الكندي ان شاء الله]

يا ريس الفسبا او الموتسيكل سواقتهم مش امان بعكس العربيه

كمان دا اسمه موت سيكل

يعني ذكرت كلمه موت قبل كلمه سيكل

هههههههههههههههههه

فيه موتوسيكلات هارلي بيقولوا عليها جميله و رخيصه بس مهما كان موت سيكل برضه

[سهران]

يا عم هشام ممكن تلاقي عربية بالسعر ده لكن اللي مش ممكن هو أنها تمشي بيك .... صدقني هاتجيب لنفسك وجع الدماغ و لو ركبتها ساعة هاتقعد أسبوع عند الميكانيكي و هأتصرف عليها قد التاكسي عشر مرات و هاتقف عليك بخسارة ... أنا مشفق عليك لأني شفت تجارب زي كدة مع صديق و كره نفسه .... و أنا مش عاوزك تكره نفسك .... تحياتي

[هشام الكندي ان شاء الله]

الف شكر ليك علي النصيحه يا اخ سهران