خطوبة عمرو حورس .. نبأ عاجل

[vipwithyou]

صرح مصدر موثوق منه

أنه تم القبض على عمرو حورس وهو متلبس بقراءة الفاتحة امس بعد خروجة مسرعا ً

من مجال العذوبيه وانحرف يسارا ً فى اتجاه الحبس الأبدى

هذا وقد اعترف المتهم بهذه الواقعة

أمرت النيابه العامة بحبس المتهم على زمة خطيبته لمدة يومين فقط حيث انه سيغادى مطار القاهرة غدا ً باذن الله

علما بأن المدعو عمرو حورس لم يكن يعرف أن بفعلته هذة سيتورط فى هدية لعيد الأم ( زيادة لأم خطيبته طبعا ً )

وربما عندما يصل للمملكة العربية السعودية يعود الى عقله ويهرب من هذا السجن

وهذا ما لا نتمناه ابدا ً

لانه سجن عسل يا عمور وربنا يتمم لك على خير يا رب

باركوله بقى يا جماعه

وشكرا

اخوكم

وكيل النيابه

تامر السيد

تم تعديل 15 مارس 2008 بواسطة vipwithyou

[رمضان]

الف مبروك يا عمرو وربنا يوفقك يارب ويتمم لك على خير

وعقبال كل العزاب

[vipwithyou]

ليه يا رمضان كدة بتدعى على كل العذاب ليه يا راجل ما تسيبهم مش متورطين زيينا

[رمضان]

ليه يا رمضان كدة بتدعى على كل العذاب ليه يا راجل ما تسيبهم مش متورطين زيينا

ما تقلقش يا باشا ما انا من العزاب

[vipwithyou]

خلاص يابنى خليك كدة احسن

ادينا دايخين اهه على هدايا عيد الأم ودى اقل حاجة فى الخطوبة

يا اما تشمر ايديك ورجليك وتخطب وما تنساش حسابك فى البنك يكون مغطى

[إيزيس]

ألف ألف ألف مبروك عقبال الزفاف يا عمرو

و الله ده أجما خبر سمعته و يا سلام يا باشا منشن على عيد الأم

ربنا يسعدك يارب

:yahoo: :sad: :wub: wst:: :110:

[vipwithyou]

مش بأقولكم تلاقيه من اثر الصدمة مش واخد باله انه كدة اتورطت فى هديه لعيد الام زيادة واكيد كمان لخطيبته باعتبارها ستكون مستقبلا زوجته أو بأى مسمى آخر

هو الستات هيغلبوا فى المسميات

والله المستعان

[امانى]

بجد خبر رائع وجميل يا تامر تستحق عليه دعوة حلوة بالتوفيق فى حياتك وربنا يسعك ويهنيك مع عروستك

الف مبروك يا عمرو بتزاكر من ورانا تعملها كدة من غير ما تقول لنا حتى كنا جينا وزغرطنالك

بجد بجد والله فرحت لك من كل قلبى ربنا يتمم لك بخير ويحالفك التوفيق فى الجواز والعمل فانت تستاهل كل خير

اكيد محظوظة بيك يا عمرو دعوات اختك امانى الدائمة للك بالسعادة وراحة البال اللهم تقبل منى وعقبال كل شباب

المحاورات اللى لسه متجوزوش ربنا يكرمهم كلهم ونفرح بيهم امين يارب العالمين

اختك امانى

تم تعديل 15 مارس 2008 بواسطة امانى

[إيزيس]

دي يارة و أصحابها فرحانين بخالو عمرو

[vipwithyou]

ايوة كدة تسلم ايديكوا

شايفين يا شباب

الستات بيحتفلوا بعمرو

وامانى جايبه ورد جميل وقرنفل زقططتله الدنيا وجابت يارة واصحابها كمان

بيجروا رجل الراجل فى الأول

وبعد كدة هيسلخوه هدايا

انا عارف :wub:

آه منكن يا معشر السيدات ( طبعا ً بأهزر )

ربنا يتم لعمرو على خير ويكون اللى اختارها تستاهله ويستاهلها

تم تعديل 15 مارس 2008 بواسطة vipwithyou

[امانى]

عقبال ما نحتفل بيك يا تامر بالفرح ويكون عن قريب يارب ونعملك احلى فرح ونجيب احلى ورد وعقبال سامح ورمضان

وجميع الشباب والانسات فى المحاورات لما نفرح بيهم كلهم امين يارب العالمين

[إيزيس]

ولا يهمك يا تامر الهدايا المرة دي علينا

هديتين لتامر و عروسته و البافي للعرسان الجداد

[زهرة الجبل]

ما شاء الله

أخي الكريم تامر...شكراً على الخبر السعيد

و عقبالك إن شاء الله

أخي عمرو ...الف مبروك يا عريس وعقبال الزفاف

...بارك الله لكما وبارك فيكما وجمع بينكما في خير وعلى خير

اللهم آمين

اليوم نبارك الخطبه و قريباً إن شاء الله نقول

ربنا يكرمك يا رب و يجعل خطبتك بدايه سعيده لحياه هنيئه مستمره مثمره

ويرزقك السعاده والرضى و الحياه الهادئه والذريه الصالحه ياااارب

قول آمين بقى

تحياتي لك وللعروسه طبعاً

أختك .... أم كريم

تم تعديل 16 مارس 2008 بواسطة زهرة الجبل

[م.سامح المصرى]

مبرووووووووووووووووووووك يا عمورى يا ابو العمارير

بقى كدة يا عمورى ما تعزمنيش ..... دا انا ما كنتش هاكلفك حاجة دا انا كنت هاجيلك واجيب معايا بطانيتي وفرشى ولا كنت هاكلفك

قرش صاغ

هان عليك البطاطس بالكتشب بتاع تيبيستى :D

كلمة واحدة ارد بيها على الى عملتة دا

مبرووووووووووووووووووووووووووووووووووووووووووووووووووووووووووووووووووك يا عمور

وعقبال يا تمور كدة عقبال ما نجوزك ونجوز ولادك وولاد ولادك ونبقى ندور بقى احنا على عروسة :wub:

[سهيلة]

الف الف الف مبرووووووووووووووووووووووووووووووووووووووووووووووووك يا استاذ عمرو

:wub: :D

زواج مبارك ان شاء اللة

[Folana]

السلام عليكم ورحمة الله....

الف مبروك ياعمرو.....خبر جميل والله....

فينك يا صديئتى بدرية...ماحدش بعت لها دعوة ولا ايه؟...ماينفعش كده يبقى فيه مناسبة وبدرية مش فيها....

خلى بالك ياعمرو ان العروسة لازم تجيب لها هدية فى عيد الام هى كمان....وحتى بعد الزواج...ليه؟...ما اعرفش ..هو النظام عندنا كده....

الف مبروك..... :wub:

[أسد]

الأخ / عمرو

مبروك

وربنا يتمم بألف خير ..

[مصري أصيل]

ألف ألف مبروك يا عمرو علي الخطوبة وعقبال ما نفرح فيك قصدي نفرح بيك

بس أنت جاي تعملها قبل ما تسافر بيومين ؟؟ كنت أتمني أنك تخطب أول ما تنزلت عشان تلحق تعيشلك يومين بس يلا خير متعوضه أن شاء الله . الف مبروك مره تانيه.

و أن شاء الله نباركلك يا تامر بالزواج عن قريب أن شاء الله

[Handasah]

الف مبروك :wub: وربنا يباركلك ويتمم عليك بخير :D

بس نصيحة بقى تقل جيبك واتوصى بحماتك قوى

[vipwithyou]

عقبال ما نحتفل بيك يا تامر بالفرح ويكون عن قريب يارب ونعملك احلى فرح ونجيب احلى ورد وعقبال سامح ورمضان

وجميع الشباب والانسات فى المحاورات لما نفرح بيهم كلهم امين يارب العالمين

أخجلتم تواضعنا .. وشكرا لدعوتك والله

هديتين لتامر و عروسته و البافي للعرسان الجداد

أنا اخترت الهديتين بتوعى ( قصدى بتوعى انا وخطيبتى ) وبعدين مرة من نفسنا تيجيلنا هدايا يا قرنفل

فينك يا صديئتى بدرية...ماحدش بعت لها دعوة ولا ايه؟...ماينفعش كده يبقى فيه مناسبة وبدرية مش فيها....

بدرية تلاقيها مش عايزة تجيب هدية لعمرو ولا حاجة .. بطلوا بخل بقى :D

خلى بالك ياعمرو ان العروسة لازم تجيب لها هدية فى عيد الام هى كمان....وحتى بعد الزواج...ليه؟...ما اعرفش ..هو النظام عندنا كده....

مش انا قلت الواد اتورطت يا رجاله وآدى العزيزة فولانه كمان اتضمت لصف الستات ناش وامانى وقرنفل واعلنوا الحرب على عمرو وكل الرجاله

الف مبروك..... :wub:

تم تعديل 16 مارس 2008 بواسطة vipwithyou