الضرائب العقارية ضريبة مصريتنا

[mkhvip]

السلام عليكم ورحمة الله وبركاته

اخواني الاعزاء اسف جدا لإثارة مشكلات تخصنا سواء وإحنا في بلادنا او تخصنا واحنا خارجها

احبائي ارجو كل من لديه اقتراح رؤية معلومة عن موضوع الضرائب العقارية

وكما سألت ناس لهم علم بهذا الموضوع خريجين من كلية تجارة اي درسوه في سنوات دراستهم

اجاب احدهم انا النسبة ممكن ان تصل الى 32 % وحتى درس واتخرج وهوه بيحاول يعرف ليه 32% بالذات

وانا بضيف ليه ضرائب عقارية على واحد ساكن في بيته ولا بيستغله ولا بيأجره ولا ولا ولا حاجات كتير

واجاب الاخر انها ضريبة تقدر عليك انت مالك البيت من ناحية اذا وخلي بالك من إذا أجرت المنزل هيجيب كام وبالتالي تحسب قيمة الضريبة

وانا اضيف وخلي بالك هيدخل فيه اكيد مواصفات البيت هل هوه ( هاف أوبشن ولا فل أوبشن ) لان الحاجات دي بتأثر في الايجار

وفي موضوعي السابق موضوع جوازات السفر الجديدة اقتنعت 100% لما قال لي احد الاعضاء انه نظام عالمي وطلبت قفل باب المناقشة

في الموضوع

وانا دلوقتي بسأل نفس السؤال هو ممكن احنا نغير حاجه في الموضوع دا ولا دا نظام عالمي ولا نقفل باب المناقشة فيه هوه كمان

ولو سمحتوا اقول انها فعلاً حاجة تحزن

شكراً واسف لتحزنكم

تم تعديل 15 مارس 2008 بواسطة mkhvip

[سيد محسوب]

ياليلة كوبية

ونهار مش فايت

هو كمان بقى فى ضرائب على العقار (البيوت) أنا بصراحة زهقت من كتر ماالبلد بتكرهنا فى عيشتنا يعنى من الآخر ننتحر وخلاص (أستغفر الله العظيم) إيه اللى بيحصل فى البلد ده يااخوانا حد يرد علينا

هنروح فين بعد كده مش كفاية الغربة والبهدلة اللى احنا فيها

حرام كده والله حرام إزاى أكون قاعد فى بيتى وأدفع على القعدة دى ضرائب أنا بصراحة مش لاقى كلام أقوله كفاية كدة

أنا دمى اتحرق

[مزاميزو]

حسب معلوماتي المتواضعة لمشروع قانون الضرائب العقارية

إنه لو حضرتك عندك شقة تمليك تمنها حسب سعر السوق يتجاوز 250 ألف جنيه مصري مش استرليني ولا سوداني ... لأ جنيه مصري مالوش قيمة

يقدروا قيمته الإجارية بمعنى تاني لو حضرتك حبيت تأجر شقتك التمليك هتأجرها بكام

والضريبة إنك تدفع 14% من القيمة الإيجارية وطبعا شقة تمليك سعرها لا يقل عن 250 ألف يعني إيجارها مش راح يقل عن 700 جنيه بالميت يوم ما تقول رميتها

700 في 12 يساوي 8400 جنيه في السنة نسبة الضريبة منها 1176 جنيه سنويا دا على سبيل المثال

المشكلة إن الحكومة هي اللي هتقدر قيمة العقار وقيمته الإيجارية بالتالي أنت مش عارف اللي هيقدر هيقدر شقتك بكام

يمكن تمنها 200 يقدرها هو ب 400 وهنيالك يا فاعل الخير كله عشان الحكومة تأكل الشعب العيش

[mkhvip]

اضف الى معلوماتك يا اخ مزاميزو وذلك من خلال ناس مطلعة ان الضريبة تتراوح ما بين 10% و32 %

وكمان زي ما انا وانت قولت ان تقدير ايجار العقار يحدده الموظف

اي الضريبة مع انها محددة فإنها تقديرية وكذلك قيمة الايجار تقديرية

وهذا وذاك يفتح الباب على مصرعيه للرشوة والفساد اصل هيه نقصه

وزي ما انت قولت خلي الناس تاكل عيش

وشكرا على ردكم واسف للاخ سيد على حرقة الدم بس هذا واقعنا ايه رأيكم نعمل ان إحنا مش شيفين

تم تعديل 19 مارس 2008 بواسطة mkhvip