ما هى اضرار عدم النوم

[م.سامح المصرى]

السلام عليكم ورحمة الله وبركاتة

انا حبيت استفتسر عن اضرار عدم النوم ..... علشان ما ابقاش كداب قلة النوم

يعنى لو الواحد نام فى اليوم ساعتين ونص او تلت ساعات ما هى اضرارة

انا سمعت انة بيأثر على جهازة العصبى

وكان فى واحد بيدرس فى كلية الطب قالى دا بيعمل زى حالة تنبلة (قلتلة ما تشتمش :wub: )

فهل لية اضرار تانية

[nash]

أيون يا سامح..أسألني أنا......لإني واخداها وراثه من بابا الله يرحمه.....بحس أن النوم ده عبأ كبير في حياتي....

اولا ..واخيرا....قله النوم بتسبب...هلوسه وخيالات وإكتئاب وعدم إنتظام ضربات القلب..وعصبيه وحط تحت عصبيه الف خط

يعني بتقرب كتير لمرحله الجنون...

أنتبه

[إيزيس]

ناش دخلتي غلط يا ماما موضوع أضرار النوم الزيادة على إيدك اليمين بعد موضوع خطوبة عمرو بموضوعين

[nash]

ناش دخلتي غلط يا ماما موضوع أضرار النوم الزيادة على إيدك اليمين بعد موضوع خطوبة عمرو بموضوعين

أسفه أنا كنت حابه اشارك..يعني واقوله اضرار النوم.... :h!!!h:

ييه سوري قله النوم....

أنتبه يا سامح بجد ممكن تقربك لدرجه الهذيان...انا قولتلك وماليش دعوة :P

[AMEIR]

عن نفسي اذا مانمت بصدع وبكون نعسان ومش عارف اعمل اي حاجة وكسلان وكمان الاعصاب ببتعب من السهر وقلة النوم النوم راحة لكل الجسم وكل الاجهزة اللي في جسم الانسان والنوم مفيد جداً خصوصاص لما الوامد ينام بعد الشعاء ويحصى يصلي الفجر الرزق بتوزع الصبح بدري من رب العالمين :h!!!h:

[عصام]

اولا ..واخيرا....قله النوم بتسبب...هلوسه وخيالات وإكتئاب وعدم إنتظام ضربات القلب..وعصبيه وحط تحت عصبيه الف خط

يعني بتقرب كتير لمرحله الجنون...

مش عايز أزعجك .. لكن ليا واحد صاحبى مر بكل دا وانتهى الموضوع انه مات بسكته دماغيه .. (عافانا الله منها جميعا)

رحمة الله عليه

[nash]

لاااااا حضرتك ما ازعجتنيش ولا حاجه..... :h!!!h:

بسيطه إن شاء الله...

ربنا يرحم الفقيد ويلهم أهله الصبر يااااارب

ماتحاولوش في العلاج....مالهاش للاسف...

يومين صحيان يتعبها أربع ساعات نوم ..يتبعها يومين منتظمين في النوم يتبعها يومين صحيان...

ياريت اللي عنده حل ...مع اني شايفاها وراثه لإني الوحيده اللي أخدتها من والدي وكنت متصورة أن طبيعه شغله( مباحث جنائيه ) هي التي فرضت عليه قله النوم...

لكن يبدوا أني كنت واهمه للأسف

[ابو محمود]

إقتباس(nash @ Mar 16 2008, 10:46 AM)

اولا ..واخيرا....قله النوم بتسبب...هلوسه وخيالات وإكتئاب وعدم إنتظام ضربات القلب..وعصبيه وحط تحت عصبيه الف خط

يعني بتقرب كتير لمرحله الجنون...

مش عايز أزعجك .. لكن ليا واحد صاحبى مر بكل دا وانتهى الموضوع انه مات بسكته دماغيه .. (عافانا الله منها جميعا)

رحمة الله عليه

ربنا يكرمك يا عمنا دة بقى الواحديخلية مستعد اصلى انا يادوب ساعتين واقومصاحى ومفنجل رغم انى بطلت السجاير والشاى ابطل ايية تانى يعنى علشان أهرب من الصحيان اعمل اييةبس

[نانو]

هو صاحبك بتاع كليه الطب ده يا سامح جابلك قول مفيد مختصر

تنبله و ممكن نسميها تهنيج بلغه الكومبيوتر

النوم مصدر من مصادر الحياه زيها زي الميه والهوا وقله النوم بيأثر بالسلب علي كل أجهزه الجسم بلا استثناء

مش بس الجهاز العصبي و لوأنه يعتبر مصدر لاصدار الأوامر لباقي اجهزه الجسم

علي سيبل المثال لا الحصر لو حد بيعاني من اي نوع من أنواع الحساسيه هتزيد بشكل رهيب بدءا من حساسيه الجلد لغايه حساسيه الصدر

لو حد بيعاني من مشاكل في الهضم أو القولون برضه هتزيد بشكل واضح

بيإثر بشكل واضح جدا علي البشره و الجلد بصفه عامه

بيسبب اضطراب في ضربات القلب وإرتباك في معدل الضغط

يعني صديق عصام شوقي اللي توفي ده أكيد كان عنده مشاكل صحيه اخري تتعلق بتصلب الشرايين وهو مش واخد باله

و مع الاضطراب الزايد اللي بسيببه قله النوم حصل أرتفاع مفاجيء في الضغط و ادي الي جلطه في الدماغ وتوفي بعدها

بيتهيئلي كده كفايه ولو في إيدك أنك تنام عدد ساعات زياده يبقي ياريت يعني لو يبقوا 6 ساعات يوميا المفروض ان ده الحد الادني لعدد ساعات النوم الصحي

عدم النوم لساعات كتير غالبا بيبقي وراثه زي ناش ما قالت لكن اللي بيعملها تعمد ....بلاش والطيب أحسن

ياريت اللي عنده حل ...مع اني شايفاها وراثه لإني الوحيده اللي أخدتها من والدي وكنت متصورة أن طبيعه شغله( مباحث جنائيه ) هي التي فرضت عليه قله النوم...

بلاش شغل مباحث طيب وانتي تنامي كويس -_-

لأ بجد حقيقي الانسان الحساس هو أكثر شخص ممكن يعاني من التوتر بسهوله وبسرعه جدا

بصرف النظر هيا حاجه فرحته او ضايقته بس علي اثرها بيتوتر و يبدأ يفنجل عينيه و عايز عشره يكتفوه علشان يهدي وينام

أنا نفس حالاتك كده ... :) .لدرجه أني لما أكون تعبانه جدا من قله النوم أبعد عن كل حاجه حلوه أو وحشه

و شويه انفصال علي جنب ( ولو انه ده مستحيل يعني ) و أبدأ محاوله جديه لصرف الذهن و ابدأ أفكر في أي حاجه تانيه تهدي اعصابي و تشتت تفكيري عن الموضوع الاصلي اللي شاغلني

من الأخر مافيش أمل لازم نضحي بالدكتور والأم والمريض علشان المستشفي تفضي :amb:

[nash]

بلاش شغل مباحث طيب وانتي تنامي كويس

ماقولنا وراثه اقول تاني؟؟ :amb:

و شويه انفصال علي جنب ( ولو انه ده مستحيل يعني ) و أبدأ محاوله جديه لصرف الذهن و ابدأ أفكر في أي حاجه تانيه تهدي اعصابي و تشتت تفكيري عن الموضوع الاصلي اللي شاغلني

صدقيني يا نانو حاولت كتير...بس إذا فيه حاجه في ذهني يبأة لازم اجيب أخرها....نو واي اسيب حاجه متعلقه أبدا...فتلاقي نفسك غصب عنك بترجعي تفكري في الموضوع...

من الأخر مافيش أمل لازم نضحي بالدكتور والأم والمريض علشان المستشفي تفضي

زي ماتوقعت مالهاش حل...صدقتيني....؟؟ -_-

وعلشان بس مايجيش حد يضيف شويه نصايح... فأنا وأعوذ بالله من كلمه أنا اللهم لك الحمد متسامحه مع الدنيا كلها ....وحاسه أن فضل ربي عليه كبير بشكل غير عادي...ونيتي صافيه ولله الحمد... :)

[هشام الكندي ان شاء الله]

اسالوني انا عن قله النوم او النوم في مواعيد غير طبيعيه

الانسان الطبيعي لازم ينام من 6 الي 8 ساعات

لو نام اقل بيحصل كل اللي بنقول عليه و لو نام اكتر من 9 ساعات يوميا هيبقي تنبل كبير

انسب اوقات النوم هو الليل و اوعوا حد يعمل زيي و ينام الساعه 7 الصبح لان النوم بالنهار بيضعف الجسم حتي لو نمت ساعات 6 او 8

عن تجربه, قله النوم بتؤدي لضعف في التركيز و اللي كنت بتعمله في ساعه هتعمله في 2

[badroora]

سلامات يا سامح يا ترى ايه اللى مطير النوم من عيونك :amb:

شوف يا سيدي على حسب فى ناس بطبعم نومهم قليل والحالة دى بيكون طبيعي ومش بياثر عليهم لان دى طبيعتهم كدا .

اما لو شخص عادى وكان بينام بانتظمام وفجئة تغير طبيعة نومة لاسباب ما على حسب تحديد الاسباب دى ممكن تجنبها .

وطبعا بخصوص اضرار عدم النوم

نبتدى بالبشرة طبعا بتكون مجهدة ويظهر هلات سوداء حول العين .

عدم النوم بياثر على العين والتركيز والتفكير والمود بيتغير وبيجعل الشخص عصبي جدا ولو زاد عن كدا بتكون اضرارة كتيرة جدا .

فالاهم من معرفه اضرار عدم النوم هو معرفة الاسباب التى تؤدى الى عدم النوم وحلها قبل تضخم المشكلة وتنتج عنها مضاعفات .

مع تمنياتى بنوم هاديء واحلام سعيدة

تم تعديل 16 مارس 2008 بواسطة Badria Mekkawy

[جويرية]

اكيد ساعتين او تلاتة ده وقت قليل

بس هو الواحد يعالج السبب اللي بيخليه ينام الوقت القليل ده

[م.سامح المصرى]

السلام عليكم ورحمة الله وبركاتة

ما شاء الله والله

بجد افدتونى جدا

بس انا ابل كدة اعدت اكتر من تلت شهور ما بنمش اكتر من ساعتين يومين

كنت اطلع من الشغل دا للشغل دا ...... كنت عصبى جدا جدا وكنت مش مركز اوى

بس المرة دى اختلف الوضع

--------------------

استاذة ناش وراثة ازاى

انا معلشى مش وصلالى مهوا يمكن تكون ارق شوية :)

طب يعنى لو حضرتك حاولتى تنامى اكتر ما بتعرفيش

بس شكرا على المعلومات الجميلة انا فعلا فى حالة عدم تركيز شوية

----------------

استاذة نانو

يعنى يكون الولا بتاع الطب دا بيفهم فى الطب

هوا فعلا فسرلى كدة بس دا من مدة

طب هل قلة النوم دى لية اضرار تانية

يعنى انا على ما اعتقد مش بعانى من اى حاجة تانية (دا الى انا حاسس بية ) هل مثلا يترتب علية اى مرض زى الى حضرتك قولتيهم

-------------------

بدرية :amb: نورتى

الله يسلمك يا ست الكل

بس لية السؤال المحرج دا -_-

بصى يا ستى اصلى بحب والى بيحب بيسهر ساعتين وينام تمانية انا قلت اغير العادة دى وما ابقاش تقليدي فقلت اسهر تمن ساعات

وانام ساعتين

لالالالا .... بصى يا ستى ..... الحكاية وما فيها

ان انا عايز ابقى فى مدة معينة ....... اوصل لمستوى معين ....... ابقى فى خبرة كبيرة فى شغلى ...... ازيد من معلوماتى فى الجرافيك

بس فحبيت انى اخلص شغل واروح اترمى فى البيت اذاكر لغاية ما اخلص الدروس التعليمية الى انا بنزل فيها دلوقتى

بس دى كل الحكاية .

بس طالما هاتوصل للبشرة والحاجات دى كلها هحاول انام 6 ساعات ان شاء الله

بس انا كنت عايز استغل اكتر وقت ممكن بس هحاول امشى على سيستم معين وهنظم وقتى

--------------

جويرية اولا عايز اقولك

ان الاسم دا جميل جدا (جويرية بنت الحارس) رضى الله عنها

ثانيا المشكلة زى ما قلت انى عايز اتعلم حاجات جديدة بس

وسلامى لكم جميعاً

[م.سامح المصرى]

ياة ......

شوفت اخرت قلة النوم نسيت ناس مهمة (ركز بقي -_- )

استاذة قرنفل ايوة كدة خليكي واخدة بالك لحسن كانت تكتبلى الرد فى باب السياسة

------------

استاذ عصام

هوا فعلا ممكن يحصل كدا بس على ما اعتقد زى ما الدكتورة نانو قالت ممكن يكون كان عندة حاجة تانية

-------

استاذ محمود

هوا لو حضرتك بطلت السجايز والشاى وبرضو ما حصلش حاجة يبقي افضل انك ترجع تشربهم تانى :amb:

لا لا ما تسمعش كلامى ........ بس اديك شوفت الاضرار انتا تعمل اية ...... تروح حمام مغربى وتزبط التظابيط هاتروح تنام على طول

--------------

أتش

بص يا سيدى انتا نام بالنهار وبلاش تسهر ها ...... بلاااااااش تسهر علشان مضر للجهاز العصبى واديك عارف اضرارة

----------

[سهيلة]

متهيالى يا جماعة انتوا حصرتوا تقريبا كل اضرار عدم النوم

لكن انا من وجهة نظرى ان النوم اقل من 5 ساعات يوميا دة حاجة تسمى ارق

ولازم نعرف اسبابة عشان نعرف العلاج

من اسباب الارق ما يلى

سبب الأرق إما عضوى أو نفسى

و يمكن أن يكون بسبب ضغوط الحياة والتفكييييييييييير ف المشاكل الحياتية خصوصا قبل النوم

أو شرب الكحوليات أو الكافيين بكثرة و فى نصف الحالات يكون السبب غير معروف !

أما بالنسبة للعلاج

فهناك العلاج الدوائى و هناك العلاج الغير دوائى

و نبدأ بالعلاجات الغير دوائية و التى تعتمد أساساً على ارادة المريض

و من أهم الأشياء التى تساعد على النوم :

1 - تثبيت ميعاد النوم بدون تغييرات كثيرة !

2 - الاستعداد للنوم , و ذلك يكون بالاسترخاء الذهنى و البدنى إما بأخذ حمام دافئ أو شرب كوب لبن دافئ أو قراءة كتاب أو القيام بمجهود بسيط مثل مشاهدة التلفاز

3 - الابتعاد عن الكحوليات أو الكافيين والمنبهات قبل النوم على الأقل ب4 ساعات !

4 - تهيئة الجو الملائم للنوم بالسرير المناسب و الضؤ الخافت و الهدوء !

5 - يقال إن التنفس من خلال البطن ( أى بتحريك الحجاب الحاجز ) يكون مفيد قبل النوم مباشرة !!!

6- اول ما تخلد الى السرير انسى كل همومك ومشاكلك ويا ريت تنام على وضوء بعد صلاة القيام على الاقل ركعتين قبل النوم

ثم ذكر دعاء قبل النوم والاستغفار

دة كلو هيهدى من سريرتك ويجعلك ف جو روحانى جميل

هذا بالإضافة إلى التفكير فى أشياء خيالية جميلة

...

أما بالنسبة للعلاجات الدوائية فمنها ما هو بسيط و سهل و لا يسبب أى إدمان و منها ما هو مهلك و خطير و يسبب الإدمان و التعود !

فهناك عدة مجموعات من الأدوية مثل : مضادات الهيستامين ( الجيل الأول ) - البينزوديازيبين و مشتقاته - و غيرها !

وانا شخصيا لا احبذ وصفها لاى مريض بالارق الا ف الحالات المزمنة

وانا قريت مرة عن تجربة عملوها لمعرفة اهمية النوم عند الانسان والحيوان

لقد أجريت تجارب على الحيوان والإنسان، بحرمانه من النوم ،ومعرفة تأثير ذلك عليه وهل النوم (ضرورة) أم ( لا حاجة له) ؟!

.. وهل يمكن (الاستغناء عنه)أم (لا)؟!

فلقد أخذت حيوانات، كالكلاب مثلاً، وأعطي فريق منها غذاءه الكامل، ولكنه حرم من النوم! .. وأما الفريق الثاني، فقد حرم من الغذاء، ولكنه ترك لينام كما يشاء!..

فبعد خمسة أيام، وجد أن الكلاب التي حرمت النوم، لم يبق منها أحد على قيد الحياة! وذلك بخلاف التي حرمت من الغذاء، وتركت لتنام، فقد قاومت الجوع عشرين يوماً!..

وفي تجارب أخرى، استطاعت الكلاب المحرومة من النوم، أن تقاوم حتى اليوم الثامن عشر أو العشرين، ثم نفقت وهلكت .. رغم أنه بعضها كان يأخذه النوم على الرغم من كل حائل دونه! .

.

ولقد وجد العلماء، تغيرات أساسية في خلايا قشر دماغها، بعد مدة حرمان من النوم، تزيد على أسبوع!

وعند الإنسان، وجدوا بالتجارب، أنه لا يتحمل فقدان النوم، أمداً طويلاً!.. وهو عن فقدانه أعجز منه عن فقدان الطعام والجوع! ..

,,وطبعا الحرمان من النوم دة وسيلة للتعذيب بيستخدموها بتوع المخابرات وامن الدولة للضغط العصبى على اى حد عايزين يحصلوا منة على معلومات

ربنا يجعل كلامنا خفيف عليهم :amb:

فى كلمات حلوة اوى اتقالت عن النوم وعجبتنى هنقلهالكم

فسبحانك يا رب! ..

سبحانك، يا من كنت بنا رحيماً!

نحن الضعفاء .. الذين تدميهم العثرة .. وتحرقهم الرمضة! ..

سبحانك يا كريم! ..

يا من جعلت الليل لباساً، وجعلت النوم سباتاً! ..

سبحانك، يا من مننت علينا .. بنوم! ..

.. فيه نرتاح من بعد عناء!

ونجد نشاطاً من بعد تعب!

ونسكن من بعد حركة! ..

سبحانك يا من جعلت، النوم لباساً .. نستتر به ..

.. ونسكن فيه! ..

سبحانك يا من جعلت النوم .. نغمض فيه أجفاننا عن (عالم العمل )!

لنفتحها في (عالم الأمل )!!

..سبحانك! ..

كيف ( يخطر ) لعبادك، ألاّ يناموا .. والذي لا ينام هو أنت ؟!

.. فتلك صفتك، يا واحد، يا قهار .. لا يشاركك فيها أحد! ..

.. أنت ( الله لا إله إلا هو الحي القيوم، لا تأخذه سنة ولا نوم ) البقرة 255.

أنت الحي الباقي، نزهت ذاتك، سبحانك، عن السنة الخفيفة أو النوم المستغرق!.. فلا تنام أبداً!

أنت الحي القيوم .. الواحد الأحد .. الفرد الصمد .. ليس كمثلك شيء! .

أنت يا كريم!

يا من تكرمت على عبادك المؤمنين، وتفضلت! ..

.. فمنحتهم حياة أبدية، في الآخرة ،وجعلتهم (لا ينامون )!!

قال رسول الله صلى الله عليه وسلم ( النوم أخو الموت، وأهل الجنة لا ينامون )

[nash]

- تثبيت ميعاد النوم بدون تغييرات كثيرة !

2 - الاستعداد للنوم , و ذلك يكون بالاسترخاء الذهنى و البدنى إما بأخذ حمام دافئ أو شرب كوب لبن دافئ أو قراءة كتاب أو القيام بمجهود بسيط مثل مشاهدة التلفاز

3 - الابتعاد عن الكحوليات أو الكافيين والمنبهات قبل النوم على الأقل ب4 ساعات !

4 - تهيئة الجو الملائم للنوم بالسرير المناسب و الضؤ الخافت و الهدوء !

5 - يقال إن التنفس من خلال البطن ( أى بتحريك الحجاب الحاجز ) يكون مفيد قبل النوم مباشرة !!!

6- اول ما تخلد الى السرير انسى كل همومك ومشاكلك ويا ريت تنام على وضوء بعد صلاة القيام على الاقل ركعتين قبل النوم

ثم ذكر دعاء قبل النوم والاستغفار

دة كلو هيهدى من سريرتك ويجعلك ف جو روحانى جميل

هذا بالإضافة إلى التفكير فى أشياء خيالية جميلة

...

أختي الغاليه سهيله...

كل الإرشادات كلها كلها عملتها.....

حتي كوب حليب ساخن أو بارد ..شربته وانا بكرهه...

حمام سخن وبارد عملته....

حتي النيه صفتها.....طب أعمل ايه اكتر من كده؟

لا زلت ارفض تماما أخذ أي عقاقير للأرق...

أخر ماتفتق عنه ذهني ..أن اتجاوب مع نفسي بمعني إذا جافاني النوم ابقي مستيقظه ..وإذا أحسست بالنعاس علي اقرب صوفا أترمي

مش مشكله أي حاجه تانيه ..لإن الحمدلله معنديش اطفال محتاجين التواجد اربع وعشرين ساعه تحت امرهم...وزوجي العزيز متفهم تماما للموضوع..لإنها ليست حاله عابرة..ده تاريخ طويل...

شخصيا إذا حصلت علي 6 ساعات نوم متواصل ..بكون في قمه السعاده نظرا لإنها نادرة...والغريب انها ممكن تقلب إلي حاله من الوخم...والكسل...

مع حالتي أري خمس ساعات نوم متواصله إن حدث... شيء رائع..وبعد العصر ..يمدحون نوم القيلوله..من ساعه إلي ساعه ونصف...والحياة تكون ورديه في عيوني...واتحول إلي ملاك هادي ..ليس لي طلبات في الدنيا( كدابه)..

أتمني أن أكون مثل صديقاتي..ينامون حتي الساعه العاشرة صباحا...ويكونوا بادئين من الساعه 12 بالليل...جبابرة