ماهي حقوق المالك و المستأجر في الشقق المؤجرة "قانون جديد"

[Modest]

إخواني الطلبة بكليات الحقوق و معهد أمناء الشرطة :D

لي صديق عزيز جداً لديه شقة جديدة في القاهرة و يريد تأجيرها ... سألني كام سؤال كده و من واقع خبرتي الواسعة في هذا المجال كانت كل إجاباتي شبه بعضها .. و هي "ماعرفش"

أطرح تساؤلاته هنا كي نحصل له لها على إجابات من أهل الخبرة في هذا المجال و ليستفيد من الردود مَن له وضع مشابه.

أفتونا يا أهل القانون الجديد في هذه التساؤلات:-

1- هل هناك صيغة محددة لهذا النوع من الإيجارات تضمن حقوق الطرفين؟

2- أين يمكنه الحصول على هذه الصيغة؟.. من السمسار؟ من المكتبات؟ من مكتب محامي؟ و لا منين

3- في حال تأجير الشقة عن طريق سمسار.. هل صحيح أن السمسار يحصل على قيمة إيجار شهر من المالك؟ و ما الذي يحصل عليه من المستأجر.

4- ماهي ضمانات عدم "الاستيلاء على الشقة" بواسطة المستأجر .. بمعنى آخر ما هو الإجراء المتبع لحماية المالك من أي تلاعب؟

5- كيفية تحصيل الإيجار في هذه الحالة

و إذا افتكرت أسئلة تانية هارجع أرازيكوا بيها :wub:

[Simba]

استاذ موديست والله صاحبك المفروض فعلا ياخد كل احتياطاته هو العقد بيقولوا انه شريعة المتعاقدين يعني انا شفت قبل كده عقود ايجارات المدة الفقرة المهمة اللي فيها انه ممكن العقد يتجدد بواسطة الطرفين وفي حالة رفض اي طرف المفروض انه يبلغه كتابيا قبلها ب 3 شهور

واسمحي لي بقي اني اعيط هنا علي صفحتك علي شقة سوبر لوكس 120 متر علي ناصتين وفي قلب عاصمة المحافظة ايجارها 15 جنيه بس تمتلكها سيدة مسنة لديها من خمسة بنات كل ما تشوف ال 15 جنيه كل شهر تتقهر علي الشقة

بالله ده يرضي مين والمصيبة ان الشقة دي اللي هي اصلا مش ملك المستأجر من حقه يورثه لولاده بعد وفاته

بقي في الدنيا في كده حد يورث حاجةمش بتاعته

لا حول ولا قوة الا بالله

[Modest]

استاذ موديست والله صاحبك المفروض فعلا ياخد كل احتياطاته هو العقد بيقولوا انه شريعة المتعاقدين

ما هو يقصد إيه بقى الاحتياطات دي يا سيمبا؟

لإن حصل لواحد في محيط أصدقائي المقربين مشكلة بسبب تزوير حصل في عقد إيجار شقة و كانت النتيجة استيلاء المستأجر على الشقة و فضلت القضية سنين في المحاكم لغاية ما الحمد لله رجع له حقُّه بسبب خلاف بين المستأجر و أعوانه.. يعني الحرامية اختلفوا مع بعض و رجعوا شهدوا ضد بعضهم في المحكمة و هما اللي بوّظوا القضية و ليس لأي سبب تاني.

أما بالنسبة للإيجارات القديمة إياها .. فالحكايات حولها لا تنتهي عن الظلم الواقع على المُلاك، و عدم جرأة أولي الأمر على إتخاذ قرار يعيد الحقوق لأصحابها.

[Simba]

معلش يا استاذ موديست انا ماليش خبرة في الموضوع ده لكن كل اللي اعرفه ان المفروض يكون فيه شاهد ا و اكثر علي العقد ويكون معروف للمالك وبعد كده بيتعمل حاجة في الشهر العقاري اسمها صحة توقيع وده تقريبا بتكون قضية وطبعا كل الاجراءات المفروض انها تكون علي ايد محامي

وبيني وبينك وفي ودنك سمعت ان المالك لما بيكون قلقان من اي تلاعب بيخلي المستأجر يوقع شيك علي بياض

[Modest]

للرفع للأهمية

و شكراً يا سيمبا على اهتمامك :amb: