تغييرات هامة على سياسة الهجرة الكندية

[Pathfinder]

عجبني اوي التحليل بتاع الاستاذ سلامه خصوصا النقطه رقم 6 فعلا يا جماعه الناس دي اخر همها المهاجرين لسبب وهو ان المهاجر مالوش صوت في الانتخابات فعامل زي الحيطه المايله. همه مش فارق معاهم يقولو النظام نجح او فشل المهم انهم بيدخلو فلوس لبلدهم وبيرضو الناس اللي قاعده من غير شغل جوه واللي بيضايقو لما يلاقو المهاجرين جايين ياخدو مكانهم. بس ليه ما يكونوش صرحاء مع نفسهم ومع الناس ويقولو خلاص استكفينا ومش عايزين هجره او يرفعو السكور المطلوب ويحطو اشتراطات قابله للتنفيذ بدل الضحك عالناس وسرقه فلوسهم. عايزين يستبعدو جنسيات او اديان معينه حتى مش مشكله بس يبقو صادقين مع الناس بدل المسخره دي.

[salamatarek]

يااااااااه عشر سنين

بس برضه انا اكتر منك............ انا بافكر فى الهجرة من سنة 93 وبرضه لسه ماهاجرتش

وشكلهم كده هينسفوا الموضوع من اساسه !!

بس حضرتك مقدم من الوقت ده ولا من امتى؟؟

بس حقيقى فضل المحاورات علينا لايمكن ان ينكر

ويكفى ان المنتدى عرفنا على ناس افاضل كتيييير

وده شىء انا اتشرف بيه

ربنا يوفق الجميع

من سنة 93 يا نهار ابييييييييييييييييييييييييييييييييييض :rolleyes: ده انا مستجد بقى :blush2:

انا مقدم على النظام القديم قى ديسمبر 2007 ولحد الان طبعا لا حس ولا خبر.

ربنا يدينا الصحة ويتممها على خير.

[ramyfathalla]

عزيزى رامى باشا فتح الله

تحليلاتك و مداخلاتك كلها ممتازه جداً و باعتبرها أفضل مرشد لينا فى وسط هذا الضباب القاتل

بس اللى محيرنى أن وزارة الهجره الكنديه عندها خيار و فاقوس بمعنى ... ليه بيدوا الهنود و الصينيين أفضليه مبالغ فيها عننا ؟

يعنى إشمعنا الهندى اللى مقدم عن طريق مكتب نيودلهى يخلص ور قه فى 6-9 شهور ؟ و إشمعنا الطابور فى الهند ماشى بسرعة الصاروخ ؟

و إشمعنا مكتب الهجرة الكندى فى الهند وزارة الهجره الكنديه معينه فيه هذا الجيش الضخم من موظفى الهجره ؟ و إشمعنا مكتب نيودلهى يستولى على نصيب الأسد فى الكوته الخاصه بفيز الهجره سنويا ؟ و الكلام نفسه ينطبق على الصين أيضاً .

نيجى لمدينه ميتروبوليتان زى تورونتو نلاقى أن السواد الأعظم هنود أو صينيين و ده منافى لإدعاءات الحكومه الكنديه بأن المجتمع الكندى مجتمع موزاييك متعدد الثقافات

على فكره .. فى ناس كتيره من أصول عرقيه مختلفه كانت أول ما تاخد الباسبور الكندى من تانى يوم بيهجوا على أمريكا أو الخليج أو أى مكان بيلاقوا فيه فرصه أفضل إلا إذا البزنس بتاعه ماشى فى كندا كويس

عامة الأمريكان شايفين أن الكنديين حاجه كده عامله زى و لا مؤاخذه عبيط القريه

أنا حبيت أفضفضلك بالكلمتين دول علشان ما تزعلش منى يوم ما تلاقينى واخد عزالى و نازل على كاليفورنيا

و لا أنت شايف إيه ؟

ياسر باشا منور يا حبيب قلبى

أشكرك على كلامك الحلو و بجد الواحد بيرتاح لما يكتب هنا فى المحاورات مع الناس الحلوة اللى بقى فيه عشرة كبيرة بيننا و بينهم و على الرغم من الخلافات اللى بتحصل كل شوية انما احساسى بالمكان ده غريب شوية و كل ما أقول أنا حاسكت و اتفرج من بعيد ارجع تانى

المكان ده فيه سحر بيشدنا اليه

المهم يا باشا أنت اضافت لى معلومات عن حاجات تانية كتير بس ليه مصر بالذات مضطهده مش كفاية اللى أحنا فيه

و على رأى د/ قناوى كلمة قالها و فعلا فى محلها (نشكر كندا على انها اتاحت لنا فرصة الحلم بالهجرة )

شكرا ياسر على مداخلتك الجميلة و معلوماتك القيمة

[salamatarek]

عجبني اوي التحليل بتاع الاستاذ سلامه خصوصا النقطه رقم 6 فعلا يا جماعه الناس دي اخر همها المهاجرين لسبب وهو ان المهاجر مالوش صوت في الانتخابات فعامل زي الحيطه المايله. همه مش فارق معاهم يقولو النظام نجح او فشل المهم انهم بيدخلو فلوس لبلدهم وبيرضو الناس اللي قاعده من غير شغل جوه واللي بيضايقو لما يلاقو المهاجرين جايين ياخدو مكانهم. بس ليه ما يكونوش صرحاء مع نفسهم ومع الناس ويقولو خلاص استكفينا ومش عايزين هجره او يرفعو السكور المطلوب ويحطو اشتراطات قابله للتنفيذ بدل الضحك عالناس وسرقه فلوسهم. عايزين يستبعدو جنسيات او اديان معينه حتى مش مشكله بس يبقو صادقين مع الناس بدل المسخره دي.

الله يكرمك يا Pathfinder , انا متفق معاك ان المهاجر ملوش صوت انتخابى, ولكن فى حسابات حزب المحافظين الحاكم افكار اخرى, بمعنى ان فى ناس كتير داخل كندا ليها قرايب عايزينهم يروحوا كندا والناس دى لو حست ان الحكومة مش عايزة تدخل قرايبهم, مش هينتخبوها, وكده هتقل شعبيه حزب المحافظين وتنتقل الشعبية الى الحزب الليبرالى وحزب الديمقراطين الجدد اللى بيشجعوا الهجرة وفى اجندتهم ان الحل الوحيد لازمة الهجرة هو زيادة ميزانيات السفارات وزيادة اعداد العاملين فيها وهو فكر صحيح.

وبالتالى فيه اتجاهات وتيارات كتير داخل كندا بتقول ان كندا بلد مهاجرين فى الاساس وكمان 15 الى 20 سنة سيكون اعتمادهم على الهجرة لزيادة معدل السكان هو الاساس.

وعلى ذلك فليس من مصلحة الحزب الحاكم اعلان عدم الحاجة الى مهاجرين :wub: هما اللى بيعملوه حاليا انهم كل شوية يطلعوا تصريحات ويقولوا ان السنة دى فى زيادة تاريخية فى اعداد المهاجرين وكل سنة يقولوا الكلام ده. لكن على ارض الواقع هما بيكتتفوا نظام الهجرة واحدة واحدة.

اما بالنسبة لموضوع استبعاد جنسيات او ديانات معينة, فالموضوع ده حقيقى فعلا, لكن لا يجب ان يعلنوا عنه حتى لا يؤثروا على سمعة كندا المعروفة بالتعدديات الثقافية المختلفة وانها ارض المساواة والكلام الطيب ده كله wst:: , ولكن هناك اراء كتير بتقول انهم مركزين مثلا مع الهند والصن ودول تانية مختلفة , لعدة اسباب , اولها طبعا الكثافة السكانية العالية لتلك الدول واللى لازم يوازيها quota كبيرة ايضا, وثانيها ان هذه الدول ديانتها الهندوسية والبوذية والسيخ وناس تانية مالهاش ملة, الناس دى سهل اندماجها فى مجتمعهم اكتر من المسلمين - فى وجهة نظرهم - لان المسلمين بيتمسكوا بديانتهم جدا وصعب يتحولوا عنها وحتى انهم بيفرضوا عاداتهم الثقافية والفكرية مثل الحجاب - فى وجهة نظرهم - ناهيك عن قضايا الارهاب والذى منه :ninja: , وكلنا عارفين الفيديو الكندى اللى نزل على ال Facebook اللى بيقول ان المسلمين هياخدوا منهم اوروبا وكندا وامريكا بعد خمسين سنة ولازم الكلام ده يتمنع من دلوقت, طبعا ناس كتير كدبت الموضوع ده لكن ده بيثبت ان الفكر ده موجود.

وما تنساش ان كندا هى ال backyard بتاعت امريكا, وان امريكا ساعات بتتدخل فى سياسات كندا للهجرة خصوصا علشان حكاية الارهاب.

تم تعديل 18 يونيو 2010 بواسطة salamatarek

[ramyfathalla]

والله يا سلامة يا صديقى أنا مش باستمخ و استمتع الا بتحليلاتك و مداخلاتك الجميلة و خصوصا هنا فى المحاورات

المهم الخلاصة و أحلى حاجة أنت قلتها ان كل شىء بأوان و مقدر عند الله سبحانه و تعالى

شكرا يا باشا و فى انتظار أى تطور يحصل قلنا على طول

[ramyfathalla]

المحصلة اللى أنا شايفها يا صديقى انهم موقفين الهجرة بس بشكل تطفيش يعنى يزهقونا لغاية لما نقولهم خلاص مش لاعبين و بكدة يبقى الوزير المبجل نجح فى تخفيض عدد الطلبات و لا أنت ايه رأيك

برافو عليك يارامى ......... هو ده اللى وصلوله فعلا ؟؟

والدليل على كده جواب التخيير اللى بيبعتوه

بيسألولك هييييه لسه مزهقتش ؟؟!!....لسه مصمم على الهجرة ولا صرفت نظر

بلدك اولى بيك !!...راجع نفسك

فوضنا امرنا الى الله

نشكرك استاذ سلامة على المجهود الرائع لمتابعة احوال الهجرة

ربنا يباركلك

د/ ارورا الغالية أرجوك لا تفقدى الأمل

ان شاء الله ربنا يفرحنا بخبر حلو عنك

و ادينا بنتسلى و ياحنا يا هم

أنت فات من الوقت الكثير أمال أنا أقول ايه ده أنا شكلى حاخلل هنا و لوحدى

أنا الأخير يا أرورا يعنى على الوضع ده ممكن أوصل كندا على 2015 :wub:

يعنى أكون طلعت على المعاش

[salamatarek]

والله يا سلامة يا صديقى أنا مش باستمخ و استمتع الا بتحليلاتك و مداخلاتك الجميلة و خصوصا هنا فى المحاورات

المهم الخلاصة و أحلى حاجة أنت قلتها ان كل شىء بأوان و مقدر عند الله سبحانه و تعالى

شكرا يا باشا و فى انتظار أى تطور يحصل قلنا على طول

حبيب قلبى يا رامى, ده من ذوقك بس يا باشا , واى اخبار ان شاء الله هاكتبها على طول.

والرابط التالى للفيديو الكندى اللى اتكلمت عليه:

http://www.youtube.com/watch?v=6-3X5hIFXYU

[arora]

يعنى إشمعنا الهندى اللى مقدم عن طريق مكتب نيودلهى يخلص ور قه فى 6-9 شهور ؟ و إشمعنا الطابور فى الهند ماشى بسرعة الصاروخ ؟

و إشمعنا مكتب الهجرة الكندى فى الهند وزارة الهجره الكنديه معينه فيه هذا الجيش الضخم من موظفى الهجره ؟ و إشمعنا مكتب نيودلهى يستولى على نصيب الأسد فى الكوته الخاصه بفيز الهجره سنويا ؟ و الكلام نفسه ينطبق على الصين أيضاً

انا اتهيالى الموضوع له صلة مباشرة بمكتب القاهرة

عن مكتب القاهرة العتيد الاجرام,

حد عنده راى

اشمعنى يعنى القاهرة بالذات ؟؟؟

[arora]

المحصلة اللى أنا شايفها يا صديقى انهم موقفين الهجرة بس بشكل تطفيش يعنى يزهقونا لغاية لما نقولهم خلاص مش لاعبين و بكدة يبقى الوزير المبجل نجح فى تخفيض عدد الطلبات و لا أنت ايه رأيك

برافو عليك يارامى ......... هو ده اللى وصلوله فعلا ؟؟

والدليل على كده جواب التخيير اللى بيبعتوه

بيسألولك هييييه لسه مزهقتش ؟؟!!....لسه مصمم على الهجرة ولا صرفت نظر

بلدك اولى بيك !!...راجع نفسك

فوضنا امرنا الى الله

نشكرك استاذ سلامة على المجهود الرائع لمتابعة احوال الهجرة

ربنا يباركلك

د/ ارورا الغالية أرجوك لا تفقدى الأمل

ان شاء الله ربنا يفرحنا بخبر حلو عنك

و ادينا بنتسلى و ياحنا يا هم

أنت فات من الوقت الكثير أمال أنا أقول ايه ده أنا شكلى حاخلل هنا و لوحدى

أنا الأخير يا أرورا يعنى على الوضع ده ممكن أوصل كندا على 2015 :wub:

يعنى أكون طلعت على المعاش

ما تقلقش يارامى

انا قاعدة معاك

2015 قريبة

اللى قعدنا من 93 نقعد ل2015

الموضوع بقى ضباب

وادينا قاعدين

[Lendo]

اية يا جماعة اجنا هنخلل هنا ولا اية عايزين نسافر قبل ما يحصل حرب بالمنطقة

[salamatarek]

يعنى إشمعنا الهندى اللى مقدم عن طريق مكتب نيودلهى يخلص ور قه فى 6-9 شهور ؟ و إشمعنا الطابور فى الهند ماشى بسرعة الصاروخ ؟

و إشمعنا مكتب الهجرة الكندى فى الهند وزارة الهجره الكنديه معينه فيه هذا الجيش الضخم من موظفى الهجره ؟ و إشمعنا مكتب نيودلهى يستولى على نصيب الأسد فى الكوته الخاصه بفيز الهجره سنويا ؟ و الكلام نفسه ينطبق على الصين أيضاً

انا اتهيالى الموضوع له صلة مباشرة بمكتب القاهرة

عن مكتب القاهرة العتيد الاجرام,

حد عنده راى

اشمعنى يعنى القاهرة بالذات ؟؟؟

والله يا ارورا ممكن نفكر فيها باسلوب تانى يعنى مثلا عدد سكان الهند مليار و 200 الف نسمة , انما عدد سكان مصر 85 مليون نسمة, مع العلم ان عدد طلبات الهجرة التى تمت الموافقة عليها فى مكتب القاهرة فى 2008 هو 2350 تأشيرة, معنى كده بالنسبة والتناسب ان الهند بعدد سكانها الكبير المفروض انها تاخد اكتر من 30 الف تاشيرة , الا انهم اخدوا 25000 الف فى 2008 ووصلوا لاكتر من 30 الف تاشيرة فعلا فى كل من سنة 2005 و 2006.

لكن العامل الثانى المؤثر هو عدد المقدمين على الهجرة سنويا بالنسبة الى عدد التاشيرات المسموح بها لهذا البلد, معنى كده ان عدد المقدمين على الهجرة اكبر من المسموح به فسيحدث تأخير وتراكم.

ومن الممكن ان الهند يكون عدد المقدمين على الهجرة سنويا مناسب لعدد التاشيرات الممكن منحها وبالتالى يقل الزمن ولا يحدث تراكم, وطبعا كل ما scale الهجرة كبر زى الهند امكانية وميزانية السفارة الكندية بها بتكون اكبر من السفارة الكندية فى القاهرة.

هذا والله اعلم.

[salamatarek]

اية يا جماعة اجنا هنخلل هنا ولا اية عايزين نسافر قبل ما يحصل حرب بالمنطقة

طب ومصر يا رأفت :wub:

[Lendo]

اية يا جماعة اجنا هنخلل هنا ولا اية عايزين نسافر قبل ما يحصل حرب بالمنطقة

طب ومصر يا رأفت :ninja:

لو زنقت نحاربلها بروحنا يا كام :wub: ل

[Lendo]

اية يا جماعة اجنا هنخلل هنا ولا اية عايزين نسافر قبل ما يحصل حرب بالمنطقة

طب ومصر يا رأفت wst::

لو زنقت نحاربلها بروحنا يا كام :wub: ل

نفديها بروحنا يا كامل :ninja:

[أحمد بدر]

لو كلامك صح يا زيدان تبقي مشكله بالنسبه لي عارف ليه؟

لاني مبرمج نفسي انهم يكلموني بعد 3 او 4 سنين اكون اخدت نقط الخبرة كامله لان عندي سنه واحده خبرة حاليا فلو كلموني كمان سنتين هتبقي مصيبه لاني هنقص درجات سنه خبرة

طيب اعمل ايه ساعتها؟

ينفع اسيبهم سنه و بعدين اروحلهم السفارة و لا ايه؟

و لا اقولهم استنوا علشان انا محتاج نقط الخبرة كامله؟

يا ريت حد يقولي يا جماعه انا هقدم فيدرال في شهر 6 يعني خلاص العد العكسي بدأ

هشام الكندي ان شاء الله

يا أستاذ هشام يوجد ملاحظة فى طلب التقدم للهجرة أن عدد سنين الخبرة و التعليم التي تم تقييمك على أساسها يجب أن تكون حتى تاريخ تقديم الطلب و ليس بعده ، و المدة بين تقديم الطلب و البدأ فى الإجراءات غير محسوبة

و الله أعلم

[yassergaafar]

أرشح استاذنا الكبير قوى سلامه طارق وزيراً للهجره الكنديه

أنا واثق أن المصرى لو خد فرصه عادله و دعم و تشجيع حقيقى يقدر يوصل للعالميه بسهوله

فعلاً معلم كبير كبير كبييير

[salamatarek]

أرشح استاذنا الكبير قوى سلامه طارق وزيراً للهجره الكنديه

أنا واثق أن المصرى لو خد فرصه عادله و دعم و تشجيع حقيقى يقدر يوصل للعالميه بسهوله

فعلاً معلم كبير كبير كبييير

شكرا يا ياسر على ذوقك وكلامك الحلو يا جميل.

وأنا من منبرى هذا سأبدأ الحملة الانتخابية للترشيح كوزير للهجرة الكندية وأول وعودى الانتخابية كما يلى:

1- أى مشترك فى المحاورات من حقه انه يقدم على الهجرة هو وكل أفراد أسرته على أن تكون ال processing times ليهم فى مدة اقصاها اسبوعين.

2- سيتم اتاحة الهجرة الى كندا لجميع المصريين دون أى شروط أو ما يسمى فى العصور الوسطى بليستة الوظائف.

3- سيتم تهجير ال 80 مليون مصرى فى مدة اقصاها سنة واحدة الى كندا حتى نكون أغلبية على الثلاثين مليون اللى هناك.

4- سأعلنها عالية مدوية جمهورية كندا العربية المتحدة.

5- سيتم اختيار جميع الوزراء والسفراء وأصحاب المناصب من ذوى الخبرة المحاوراتية المشهود لهم بالكفاءة فى كل المجالات.

والله على ما أقول شهيد

الله المحاورات جمهورية كندا العربية المتحدة

[salamatarek]

استكمالا لموضوع خلفيات التغييرات المرتقبة فى نظام الهجرة الى كندا , والحوار الدائر حول تحليل أسباب هذه التغييرات. فقد تم لقاء بين وزير الهجرة جيسون كينى و the Economic Club of Canada يوم 9 يونيو 2010 فى ندوة بعنوان the future of immigration in Canada وقد القى الوزير خطبة طويلة موجودة فى الرابط التالى :

http://www.marketwire.com/press-rele...nt-1273950.htm

وقد استعرض الوزير احوال الهجرة فى السنتين اللى فاتوا ورؤيته للتغييرات المرتقبة وأغلب كلامه قريب جدا من الاراء التى نتداولها وساكتب بعض مقتطات منها كما يلى:

ولو حبينا نتكلم عليها نقطة نقطة, هتلاقوا ان كلامه فعلا قريب جدا لاراءنا اللى بنكتبها, رغم ان فيه حاجات طبعا هو قلها فى الندوة لمجرد التصريح الاعلامى كالتالى:

1- زى ما قلنا قبل كده فى حدود كام سنة قليلين ستعتمد كندا على المهاجرين بنسبة 100% لتغطية الوظائف فى سوق العمل.

2- دول كتير زى امريكا وانجلترا واستراليا قللت أعداد المهاجرين علشان الأزمة المالية العالمية, لكن كندا بتخطط على مدى أكبر ومن أجل political reasons طبعا زى ما قلنا قبل كده عن توجهات حزب المحافظين الكندى والتيارات المختلفة فى كندا والتى تؤيد الهجرة.

3- فى نوفمبر 2008 - يعنى لما طلعت لستة الوظائف الحالية, راح جيسون كينى يكلم رئيس الوزراء هاربر وقاله بص يا ريس احنا وضعنا صعب قوى علشان فى بطالة كبيرة فى البلد والأزمة المالية فى أمريكا أكيد هتأثر علينا وتودينا فى داهية, فهاربر قاله عيب عليك يا جيسون يا كينى احن لازم نفكر بأسلوب تانى بعيد المدى وطبعا ومن أجل political reasons زى ما قلنا قبل كده.

الواد جيسون كينى ده بيفكرنى بالناس اللى بتقول عندنا (نحن نعمل طبقا لتوجيهات الرئيس وحكمته والكلا م الحلو ده) :lol:

4- بعد كده الكلام راح ناحية المهاجرين تبع ال skilled workers وقال انهم مش بيلاقوا شغل علشان الخبرة الكندية والكلام اللى احنا عارفينه, وده طبعا تمهيد للنقطة بتاعت ال international students& temporary workers اللى هنتكلم عليها بعد كده.

5- بعدها اتكلم على موضوع معاداة الهجرة اللى اتكلمنا عليه قبل كده هنا وفى المحاورات, واتكلم على حاجة كنت عايز اتكلم عليها من اسبوعين, وهى قانون اريزونا للهجرة, اللى ناس كتير اعتبروه عنصرى, ,وكمان كنت عايز اتكلم عن التغيير اللى بيدرسوه حاليا فى قانون الهجرة الأمريكى علشان يلغى حاجة من المسلمات فى قوانين الهجرة الغربية , وهى حق الحصول على الجنسية تبع حق الأرض(مكان الولادة) الا اذا كان احد الوالدين يحمل الجنسية الامريكية, طبعا الحكايه وصلت الكونجرس , واوباما نفسه دخل فى الخط , ده حتى شاكيرا كان ليها رأى فى الموضوع

وكل ده لتقليل عدد المهاجرين اللى بيستفيدوا من خدمات أمريكا, ولو نفس التفكير امتد الى كندا وباقى الدول , تبقى حاجة مش ولا بد طبعا, والناس اللى كانت بتسفر زوجاتهم علشان يولدوا فى امريكا مش هيعرفوا يعملوا كده فى المستقبل , لكن من الواضح ان التفكير ده ممكن يبقى جد فى المستقبل.

6- بعدها اتكلم عن ال international students& temporary workers اللى اتكلمنا عنهم قبل كده وقال اننا لازم ناخد التوجه ده ونشجعه فى المستقبل لانه احسن لكندا.

7- بعد كده اتكلم عن التغييرات فى اللستة اللى ناوى يغيرها قريب وانها ضرورية علشان ال backlog وانه مسيطر على الوضع وكله عال العال :lol:

طبعا من الواضح ان الخطبة كلها خطبة عامة بتتكلم عن الظروف والاسباب والخلفيات ولم تعطينا خلاصة تغييرات اللسيتة القادمة لانهم لسه شكلهم بيطرحوا ويجمعوا, وادينا مستنيييييييييييييييييييييييييييييييييييييييييييييي ييييييييييييينننننننننننننننننننننننننننننننننن.

مع تحياتى.

تم تعديل 20 يونيو 2010 بواسطة salamatarek

[arora]

7- بعد كده اتكلم عن التغييرات فى اللستة اللى ناوى يغيرها قريب وانها ضرورية علشان ال backlog وانه مسيطر على الوضع وكله عال العال mad2.gif

طبعا من الواضح ان الخطبة كلها خطبة عامة بتتكلم عن الظروف والاسباب والخلفيات ولم تعطينا خلاصة تغييرات اللسيتة القادمة لانهم لسه شكلهم بيطرحوا ويجمعوا, وادينا مستنيييييييييييييييييييييييييييييييييييييييييييييي ييييييييييييينننننننننننننننننننننننننننننننننن.

اهم حاجة انه مسيطر على الوضع وكله عال العال

طمنتنى يا استاذ سلامة لحسن انا كنت قلقانة لا مايكونش مسيطر

لكن دلوقتى اطمنت على الااااااااخر

وادينا معاك مستنيييييييييييييييييييييييييييييييييييييين

[bent misr]

مستنيييييييييييييييييييييييييييييييييييييييييييييييييييييييييييييييييييييييييييي

ييييييييييييييييييييييييين :blink: :lol: :lol:

تم تعديل 20 يونيو 2010 بواسطة bent misr