تغييرات هامة على سياسة الهجرة الكندية

[ramyfathalla]

ايه أخباركم يا جماعه الخير

محدش سمع حاجه عن التعديلات الجديده

أنا جالي ايميل من مكتب ديفيد بيقول ان التعديلات

صدرت بتاريخ 27/6/2010 و الوظائف المطلوبه قليله

بس منها الصيااااااااادله :D

و طبعا أنا عارفه ان الخبر ده هيعمل قلبان

بس أنا دلوقتي بسأل هل ينفع و أنا قانون قديم

أقدم في القانون الجديد و هل ده هيؤثر على

القديم في شئ برضوا الامر مايسلمش

يا ريت حد يرض عليه و هل الخبر ده صحيح فعلا B)

أختى الغالية بنت مصر منورة المحاورات

الاجابة نعم ينفع تقدمى كذا ابليكشن و لا يوجد أى تعارض طالما وظيفتك فى اللستة

أنا عن نفسى حاقدم فى القانون الجديد و ياحنا يا هم

و الأوراق المطلوبة كالتالى

وثيقة الزواج

شهادة الميلاد لكل الأفراد

فيشة و تشبيه لكل ما هو فوق 18 سنة

شهادة الخبرة

الايلتس طبعا

شهادة التعليم

و كل ده مترجم الى الانجليزية

و كل ما تقدمى بدرى كل ما هو أحسن

و تحياتى و بالتوفيق

[bent misr]

الف شكر لك يا أخ رامي

والله انتوا كلكم تستاهلوا كل خير

و أنا معاكم طبعا B)

أنا كتبت المداخله بتاعتي و بعدين لقيت

كل حاجه نازله قبلها معلش بقى أصلي بنام

عارف مشكلتي ايه يا أ/ رامي ان كل اوراقي جاهزه

بس بستهبل و لسه ممامتحنتش الايلتس :D

كنت فاكره ان لسه بادري علينا و ما تخيلتش

اني ممكن أفكر أقدم من جديد

أعمل ايييه ؟؟؟؟

[mmdd]

السلام عليكم

برده محدش رد عليا امته بيطلبوا الفيش؟

وجزاكم الله خير على الردود السريعة

[ramyfathalla]

السلام عليكم

برده محدش رد عليا امته بيطلبوا الفيش؟

وجزاكم الله خير على الردود السريعة

عزيزى أستاذ محمد

حضرتك مقدم على القانون القديم مكتب لندن

و أنا أعتقد القانون القديم بتقدم الفيش لما يطلبوا منك الابديت مع باقى الأوراق و الله أعلم

ممكن أى حد يعرف يقولنا أنت عارف أنا لسه ما مرتش بالمرحلة دى

و ربنا يوفقك و يعينك على تطليع الفيش من كل الدول اللى أنت ذكرتها

و تحياتى

[salamatarek]

السلام عليكم

برده محدش رد عليا امته بيطلبوا الفيش؟

وجزاكم الله خير على الردود السريعة

عزيزى أستاذ محمد

حضرتك مقدم على القانون القديم مكتب لندن

و أنا أعتقد القانون القديم بتقدم الفيش لما يطلبوا منك الابديت مع باقى الأوراق و الله أعلم

ممكن أى حد يعرف يقولنا أنت عارف أنا لسه ما مرتش بالمرحلة دى

و ربنا يوفقك و يعينك على تطليع الفيش من كل الدول اللى أنت ذكرتها

و تحياتى

الفيش فى النظام القديم بيتقدم ساعة الابديت فعلا يا رامى

مع تحياتى

[kaza]

ممكن افهم حاجة ؟ شهادة الميلاد مهمة في ايه ؟

[salamatarek]

ممكن افهم حاجة ؟ شهادة الميلاد مهمة في ايه ؟

شهادة الميلاد مهمة طبعا يا كازا لاثبات عمرك, لان الدرجات تختلف حسب العمرفى كل من النظام الفيدرال وكيبك والناس دى تحب تمشى رسمى وكل شئ بالقانون والاثباتات

[محمد رءوف]

معلش يا جماعة هتاقل عليكوا بتين لا فى حاجات كتير مش قادر افهمها ....

اولا , ان مش فاهم يعنى ايه الهجرة فيدرال او لكيبك .... ايه الفرق بينهم ؟ ومين احسن ..؟

ثانيا : انا دلوقتى لسه طالب فى اولى صيدلة و عايز اهاجر , يا ترى تنصحونى احاول من دلوقتى واكمل دراستى هناك ولا استنى اكمل فى مصر وبعدين ابقى اشوف موضوع الهجرة وابقى اعمل معادلة لشهادتى , ولا ايه النظام ؟؟

فى حاجة كمان , هو ينفع اصلا اقدم هجرة من دلوقتى وانا لسه طالب و مثلا على ما تيجى الموافقة اكون خلصت دراسة ( لانى سامع ان ممكن الموضوع ده ياخد سنين ) فانا بقول اقدم من دلوقتى استثمارا للوقت .... وبعدين موضوع الدراسة و معادلة الشهادة , هل ينفع الايام دى وانا بدرس اشوف المطلوب علشان اعادل شهادتى وابدأ اخد فكره عنه علشان لما ربنا يكرمنى واخلص يبقى عندى خلفيه كويسة عنه .............

قبل ما انسى انا كنت عايش فى الامارات , هل لازم اجيب فيش وتشبيه من هناك ؟؟ , لانى عرفت انك بتجيبها من اى بلد اقمت فيها اكتر من 6 شهور ...

بجد انا عايز حد يفهمنى ..................

[أحمد سيف]

معلش يا جماعة هتاقل عليكوا بتين لا فى حاجات كتير مش قادر افهمها ....

اولا , ان مش فاهم يعنى ايه الهجرة فيدرال او لكيبك .... ايه الفرق بينهم ؟ ومين احسن ..؟

ثانيا : انا دلوقتى لسه طالب فى اولى صيدلة و عايز اهاجر , يا ترى تنصحونى احاول من دلوقتى واكمل دراستى هناك ولا استنى اكمل فى مصر وبعدين ابقى اشوف موضوع الهجرة وابقى اعمل معادلة لشهادتى , ولا ايه النظام ؟؟

فى حاجة كمان , هو ينفع اصلا اقدم هجرة من دلوقتى وانا لسه طالب و مثلا على ما تيجى الموافقة اكون خلصت دراسة ( لانى سامع ان ممكن الموضوع ده ياخد سنين ) فانا بقول اقدم من دلوقتى استثمارا للوقت .... وبعدين موضوع الدراسة و معادلة الشهادة , هل ينفع الايام دى وانا بدرس اشوف المطلوب علشان اعادل شهادتى وابدأ اخد فكره عنه علشان لما ربنا يكرمنى واخلص يبقى عندى خلفيه كويسة عنه .............

قبل ما انسى انا كنت عايش فى الامارات , هل لازم اجيب فيش وتشبيه من هناك ؟؟ , لانى عرفت انك بتجيبها من اى بلد اقمت فيها اكتر من 6 شهور ...

بجد انا عايز حد يفهمنى ..................

أولا: فيدرال يعني بتقدم طلبك مباشرة للحكومة الفيدرالية في كندا وكيبك يعني بتقدمها لحكومة مقاطعة كيبك اللي لها نظام خاص للهجرة يختلف عن باقي مقاطعات كندا لرغبتها في الحفاظ على خصوصيتها الثقافية

ثانيا: بدون استكمال دراستك ففرصتك في الهجرة من خارج كندا معدومة تقريبا ... لذلك ليس أمامك سوى أن تستكمل دراستك في مصر وتشتغل سنه وبعدين تقدم على الهجرة ... إلا طبعا إذا كان عندك ثروة تمكنك من الدراسة في كندا على فيزا طالب وبعدها التقديم على هجرة من هناك.

لازم تكون مخلص دراسة الأول وبعدين تقدم على هجرة ... ومشوار الهجرة دلوقت بياخذ شهور أو بالكثير سنة واحدة.

بتجيب فيش من أي بلد أقمت فيه أكثر من 6 شهور بعد أن يتجاوز عمرك 18 سنة.

نصيحتي ما تشغلش دماغك بموضوع الهجرة من الآن ... خلص دراستك الأول وبعدين ابقى فكر فيه.

[محمد رءوف]

شكرا على ردك الوافى استاذ احمد ....

و ربنا يوفق الجميع . ربنا معاكوا كلكم .......

و شكرا مرة تانية ..

[yehzak]

الاخوه الاعزاء اصحاب العلم في مجال التقديم للهجره

بالنسبه ل مبلغ Settlement Funds لازم يكون مبلغ في البنك ولا ينفع أقدم عقد تمليل الشقه مثلا او السياره؟؟

و لو قمت بعمل ايداع في البنك بالمبلغ اكيد ساعة التقديم مش حيكون فات عليه حتي ولا شهر ايه العمل؟؟

[العمدة الكبير]

الأخوة الأفاضل أنا مقدم على كندا عن طريق لندن و مجمع 68 بوينت :unsure:

مطلوب مني اسلم الورق للندن قبل 18-9-2010 المهم وانا بجهز الورق والشهادات واللازمنه....

افتكرت ان شهادة المدام انتساب

هي متخرجة من جامعة الملك عبدالعزيز بجده من كلية ادارة الأعمال و مكتوب على الشهادة External

هل ده له تاثير سلبي مع العلم اني انا الApplicant والا ده مالوش تأثير على اساس انها درست اربع سنين و الشهادة من جامعة معترف بيها.

[salamatarek]

الأخوة الأفاضل أنا مقدم على كندا عن طريق لندن و مجمع 68 بوينت :rolleyes:

مطلوب مني اسلم الورق للندن قبل 18-9-2010 المهم وانا بجهز الورق والشهادات واللازمنه....

افتكرت ان شهادة المدام انتساب :unsure:

هي متخرجة من جامعة الملك عبدالعزيز بجده من كلية ادارة الأعمال و مكتوب على الشهادة External

هل ده له تاثير سلبي مع العلم اني انا الApplicant والا ده مالوش تأثير على اساس انها درست اربع سنين و الشهادة من جامعة معترف بيها.

لو انت معتمد على الثلاث او الاربع درجات تبع تعليم الزوجة , يبقى أكيد الكلام ده له تأثير , واللى هيحدد موافقتهم هو شهادة الساعات اللى بتوضح ساعات الحضور, بمعنى اذا كنت تقدر تجيب شهادة من الكلية انها كانت بتحضر ساعات ولو كانت قليلة ممكن تجمع الساعات دى وتحسبها على انها بارت تايم, انما لو مافيش شهادة تثبت اى ساعات للحضور هيبقى صعب على السفارة تحديد مدة الدراسة الكلية للزوجة.

انما لو انت مش معتمد على نقاط تعليم الزوجة يبقى الكلام ده ما لوش اى تاثير على حالتك

وانا لو مكانك ابعت الورق فى كل من الحالتين لانك فى مرحلة متقدمة ولو ما وافقوش هتعرف لما يجيلك ال AOR من السفارة

مع تحياتى

[om saif]

الوثائق الاصليه ام الصور

يعنى الشهادات الدراسيه مثلا؟

لله ينور عليك يا أستاذ سلامة طول عمرك بتوافينا بأحدث الأخبار ربنا يباركلك

أما بخصوص القانون القديم اللى هو احنا الصابرين تفتكر مصيرنا حايكون ايه

أنا رأيى انهم لو اشتغلوا زى ما كانوا شغالين قبل سبتمبر2009 و بنفس المقياس ممكن يخلصوا الطابور الجديد اللى هو تبع لستة نوفمبر 2008 فى خلال سنة

و قول كمان سنة على القانون القديم اللى هو ما قبل فبراير 2008

يعنى الحكاية كلها سنتين و يخلصوا كل المتأخر و ده طبعا بالنسبة لمكتب القاهرة

و لا أنت ايه رأيك يا صاحبى

الله يا يكرمك يا رامى باشا, ده بس من ذوقك, وانا اتفق معاك ومع ياسر انها ان شاء الله سنتين ثلاثة بالكتير وبخلصوا القديم, ويا مسهل التساهيل يا رب.

اما اخر الأخبار فكل اللى هيقدم جديد لازم يبعت كل السبورتنج دوكيومنتس الى نوفاسكوشيا مع الابليكاشن , يعنى كل شهادات الخبرة+ الفيش والتشبيه+ الايلتس+ شهادة البنك وفقا للرابط التالى:

http://www.cic.gc.ca/english/information/applications/skilled.asp

ومعنى كده ان نوفاسكوشيا هى الى هتخلص الليلة كلها علشان السفارات تبدأ تفوق شوية للملفات القديمة.

[salamatarek]

الوثائق الاصليه ام الصور

يعنى الشهادات الدراسيه مثلا؟

يتم تقديم الوثائق الاصلية يا ام سيف وخصوصا للشهادات الدراسية

مع تحياتى

[drmohamed ibrahim]

بسم الله الرحمن الرحيم

سلام عليكم

ربنا يخليكم يا جماعة ويكرمكم علي مساعدتكم للناس

انا طبيب بشري وكنت فكرت في موضوع الهجرة وكان لي شوية استفسارات ودة بعد اذنكم طبعا:

1-هو الواحد لو قدم الورق الخاص بية ودفع المبلغ والورق متقبلش لاي سبب الفلوس بترحعلة تاني ولا كدة راحت علية؟

2-لو الواحد متقبلش ينفع يقدم تاني؟

3-اية حكاية الايلتس دة انا لو حبيت اذاكرة اية المراكز اللي بتدية في مصر؟

وبياخد وقت اد اية في المذاكرة؟

ونظام الامتحان اية يعني فين؟وبكام؟والنجاح ازاي؟

وكمان ياريت تقوللي اية احسن المصادر اللي اذاكر منها والاقيها فين علي النت؟

4-هو الواحد لازم ياخد ايلتس ولا ممكن التويفل يكون معتمد عندهم يعني ايلتس بس؟

5-اول مرحلة بيتبعت فيها ليهم لازم شهادة الايلتس ولا ابعت كدة وبعدين اكون ذاكرت الايلتس واضم شهادتة بعد كدة؟

وشكرا ليكم جدا واسف علي الاطالة بجد

وجزاكم الله كل خير

شـكــ وبارك الله فيك ـــرا لك ... لك مني أجمل تحية .

[salamatarek]

اهلا بيك يا دكتور محمد فى المنتدى والاجوبة على اسءلتك كما يلى

1- الفلوس بترجعلك لو ما اتقبلتش فى مرحلة البداية, انما لو كان عليك احكام او فيه تزوير فى شهادات التخرج او الخبرة تبعك يبقى مش هترجع فى المراحل التالية

لكن اطمئن , قدم وما يهمكش, اللى بيتقبل فى الأول غالبا ورقه بيمشى وكله بيبقى تمام

تبع النظام الجديد لو ما اتقبلتش فى البداية علشان العدد المطلوب عندهم استوفى, ممكن تقدم السنة اللى بعده -ا2

لو عليك احكام مش هتعرف تقدم تانى

لو شهادات خبرتك او تخرجك مزورة واتمسكت او ثبت اى كذب فى الموضوع تمنع من دخول كندا لفترة, على ما اتذكر ثلاث سنوات, بس برضه الحالات دى فردية, ما تخافش قوى من الكلام

3- الايلتس تمتحنه فى البريتش كاوسل فقط

انما الكورسات ممكن تاخدها فى اى مكان

وممكن تقرأ عنها فى الرابط التالى

http://www.britishco...exams-ielts.htm

4- يفضل انك تقرأ الموضوع التالى, لان فيه كل شئ بالتفصيل, والسعر 850 جنيه وممكن تذاكر فى مدة شهرين مثلا

http://www.egyptiant...showtopic=60121

5- لازم تبعت شهادة الايلتس فى الاول والا ورقك يترفض ويرجع

مع تحياتى

تم تعديل 14 أغسطس 2010 بواسطة salamatarek

[salamatarek]

مصر كلها هتهاجر ولا ايه يا جدعان ؟؟؟؟؟

سبعمائة الف مصري طلبوا الهجرة في 2010

الأحد, 22 أغسطس 2010

القاهرة - يو بي آي - أفاد تقرير مصري بأن نحو 700 الف مواطن غالبيتهم من الشباب، «تقدموا بطلبات هجرة، تحديداً الى الولايات المتحدة وأوروبا هذه السنة». وأشار موقع «المصريون» الإخباري، الى أن غالبية أصحاب الطلبات «يحملون شهادات جامعية في الاختصاصات العملية، من بينهم 7000 يحملون درجة دكتوراه و4000 يحملون الماجستير في تخصصات متنوعة، من بينها هندسة كهرباء وميكانيك وطيران، إضافة إلى خريجي أقسام كيمياء وفيزياء.

وحظيت الولايات المتحدة بالحصة الأكبر، إذ سجل 120 ألفاً رغباتهم في السفر إليها، تلتها بريطانيا ثم أستراليا وإيطاليا وكندا وهولندا وسويسرا والسويد وألمانيا وجنوب أفريقيا وكوريا وتركيا واليونان. وبينت أرقام وزارة القوى العاملة والهجرة، أن عدد المصريين في الخارج يبلغ 6.619 مليون.

تم تعديل 22 أغسطس 2010 بواسطة salamatarek