وعليكم السلام من مصر

[MKG]

بسم الله الرحمن الرحيم

السلام عليكم ورحمة الله و بركاته

أحبتى

طبعا انا حاحكى ليكوا عن خبرتى فى مصر طبعا معلومات زى تقع فى شمال شرق معرفش ايه و عدد سكانها 70 ايه دى حاجات اكاديمية و معلومات عامة ممكن الكتب و النت توفرها

انا هتكلم عن تجربتى و ياريت الواحد يستفيد من خبراتكم

[MKG]

طبعا لازم تعرف اننا هنا فى مصر من ما جيت ليها و كلمة السر و الشعار الامثل المنتشر هنا خاصة لما تعوز حاجة هو "أبجنى تجدنى"

صحيح دا نوع من الفساد وطبعا بعض المتطرفين امثالى بيسموا ده رشوة

و بيرفضوا الموضوع ده نهائى لكن انا بس بانقلك الواقع

و هديلك حكاية صغيرة

مرة واحد كان صاحبى راح مع والده قسم السيدة زينب عشان يعمل محضر لشركة تكييف جهازها بايز ومش كمل اسبوع و الشركة ولا معبراهم ولا حتى بيهتموا بكلامهم

راح الراجل والد اللى كان صاحبى

رايح القسم يعمل المحضر واده اللى بيعمل المحضر 20 جنيه الراجل ابتسم ليه و مد ليه ال 20 جنيه(تقريبا ده اللى حصل على ما اتذكر)وقاله ياريت واحدة كمان و دفع الراجل 40 جنيه بس عشان يعمل محضر

"ملحوة:مش كل صوابعك زى بعها"

و لما تروح اى مصلحة حكومية لازم تكون عارف نظرية الدرج المفتوح ودى اهم من النسبية هنا فى المصر

و الدرج ده بتحط فيه اللى فيه الاسمة

على العموم اكمل ليكوا المرة الجاية

سلاااااااااااااام

[freefreer]

وعليكم السلام من مصر

بداية موفقة :) استمر

[ragab2]

معقول

كل دة بيحصل فى مصر

[MKG]

الف شكر للا ستاذ فرى و استاذ رجب

على هذه المساندة المبدئية و ارجو ان اكون عند حسن الظن بى

و هكمل بكره ان شاء الله

[مريم]

طبعا لازم تعرف اننا هنا فى مصر من ما جيت ليها و كلمة السر و الشعار الامثل المنتشر هنا خاصة لما تعوز حاجة هو "أبجنى تجدنى"  

صحيح دا نوع من الفساد

نعم للأسف هذا ما يحدث في مصر بالفعل.

إنا لله وإنا إليه راجعون .

وطبعا بعض المتطرفين امثالى بيسموا ده رشوة  

و بيرفضوا الموضوع ده نهائى

أنا أيضاً من هؤلاء {المتطرفين} .

نعوذ بالله من الرشوة.

[MKG]

اكمل ليكوا بقه

بالنسبة للموظفين فبالاضافة لما ذكرت سابقا (مع العلم ان هناك لسه فيه موظفين شرفاء نزهاء "يقال انك ممكن تشوفهم فى متحف الاثار"عشان مظلمش حد)

فحدث و لا حرج

كسل ايه و اهمال ايه

يعنى مثلا مرة كنت فى الكلية (اصل انا بدرس هنا فى مصر) رحت مع صديق عشان يستفسر عن حاجة من شئون الطلاب تخيلوا الموظفة سيبانا و عمالة تتكلم عن اسعار قمصان النوم

مرة كمان كنت عايز اطلع بيان حالة (حاجة كده تثبت انى فى الكلية)بعد ماطلع عينى و كل يوم رايح جاى فى حاجة المفروض تتعمل بالكتير فى ساعة

خلصت بعد حوالى 4 ايام وانا بلعن فى الكلية والموظفين (بصراحة انا بدأت افهم الارهاب جه من ايه)

اما لو شغلك يخلص من مصلحة فانا بنصحك بتناول حبوب التخلف :!: العقلى و الانهيار الانفعالى عشان مش ترتكب جريمة ولا حاجة(ممكن الاستغناء عنها بسماع 3 تصريحات عبيدية بعد الاكل)

طبعا لازم تسأل هم الموظفين ليه بتعمل كده اقولك يا سيدى

1

عقد نفسية :shock:

2

مرتبات قليلة (لا تنسى حكمة الموظف المصرى "على قد فلوسهم و اللى مش يخلص النهارده يخلص بكره و اللى مش يخلص بعده عنه ما خلص :wink: ")

3

الاهمال الادارى و الرقابى(كلوا فى الضياع)

4

.......................(لا ياعم مش عايز اروح فى داهية :twisted: )

5

و ده اهم سبب مفيش وعى دينى صحييييييح

الا من رحم ربى

(يعنى تخيل واحد عارف ان

1

هياخد ثواب عظيم و هيمر مر البصر من على الصراط من قضاء حوائج الناس

2

عارف ان الرزاق ربنا

3

عارف ان الرقيب مش الاستاذ عبد المتجلى و لكن رب العالمين

اعتقد انه يبقى موظف ممتاز)

و الى اللقاء فى المداخلة اللى تحتيها.

مكج

[MKG]

طبعا ازم اقول انى قابلت قلة من الموظفين فى قمة الادب والضمير

----------------------------------------------------------------------

الروتيييييين

الروتين فى مصر علامة زى الهرم كده

يعنى مثلا اول ما افتكر مصر افتكر الهرم و البرج والروتين

و الروتين مش زى عندنا بمعنى النظام اليومى لكن بمعنى ريد تابred tape

الله لا يوريك من استارات ملهاش اخر معرفش عين ط 12 و الى اخر هذه المهازل حاجة كده لزوم التعقيد يعنى لما حضرتك تعوز مثلا تعمل حاجة و تدفع رسوم ممكن يقولك اعمل حوالة (حوالة بريدية يعنى)

و ما ادراك ما الحوالة و كان وجود خزنة فى المصلحة رجز من عمل الشيطان

طبعا بتدور على مكتب بريد و بعد كده ترجع لموظف و دوخينى يا لمونة

حكاية صغيرة

مرة قابلت واحد موظف كبير بالصدفة بيشتغل فى الهيئة العربية للتصنيع اقعد يقولى على مهازل بتتعمل فى المستثمرين الاجانب و استمارات ايه و امضاءات ايه و اختام ايه بتخلى الناس تتجنن

اما عن المواصلات فى الى المداخلة اللى تحت :D

[MKG]

المواصلات فى مصر نموذج مكبر شوية لعلب السردين

يعنى ربنا يستر لان لو الاستاذ وزير السياحة نشر الصور بتاعت المترو و الاتوبيسات فى امريكا خاصة لوس انجليس سياح بالهبل و مصر هتبقى تايلند الى بالى بالك (الله يماسيكى يالخير يا هالة بنت سرحان) المهم

عندنا حاجات كبيرة بطلع عوادم ذرية تكفى لتلوث كوب اسمها اتوبيسات و دى بعيد عنك مفيهاش حقوق انسان و لا يحزنون كل اللى فيها عبارة عن كلمتين

تذاكر

العربية فاضية قدام يا حضرات (الى الان لم استطيع فهم حكاية فاضية قدام دى)

فى اول الاتوبيس مكتوب على الباب نزول و الباب الاخر صعود

لكن اما تشوف نظام فى الموضوع ده(الا من رحم ربى)ده اللى مش ممكن ابدا

المترو برضه زحمة جداً و الدولة بتحاول تعمل قرد عشان تنظم الحركة فيه (الصعود و النزول)

بس دا بعينها المصرىىىىىى هيفضل مصرىىىىىىىىىى

طبعا القطارات و مصلحة السكة الحريق على رأى استاذنا رجب

فبلاش اتكلم على عربيات نقل البهايم بتاعت الدرجة الثالة :mad: اللى لو جبنا بقر من اوروبا ممكن يرفضوا يعدوا جمبها

و كله كومم والحمامات كوم تانى

وهذا باعتبار ان فيه حمامات اصلا

لانها بتكون مكدسة بشر (ركاب مش لاقين مكان)

لذا انصح الاخوة المحظوظين خارج لبلاد بالصمت عن موضوع الرجوع ده :twisted: مفهووووووم

:twisted:

متخفش مش هنسى اقول ليك على الاهوال التعليمية و ازاى ان الطالب بيلعن المدرسة و بيكره نفسه ويكره حتى اسمها

ولكن هذه ستكون مداخلة اخرى ان شاء الله

[masry]

و مصر فيها فى كل شارع تقريبا جامع. لما تكون فى أى مكان حتسمع صوت الجامع و تقدر تتوضا و تصلى جماعة. مطرح ما تكون فى كل حته حتلاقى جامع و أذان و صلاة جماعه.

لما الناس بيكبروا و يطلعوا على المعاش تيلائيهم بيتجمعوا فى الجامع اللى جنب بيتهم. و يقضوا وقتهم مع اللى زيهم فى السن فى قراءة قرآن و صلاة.

ما بين المغرب و العشاء وساعات بعد صلاة العصر فى جوامع بتدى دروس. فى كل حتة تلاقى جامع فيه درس.

و فى كمان فى مصر ناس كويسة كتير. رغم كل الظوف الصعبة عمرهم ما ينسوا ربهم. صابرين و واقفين مع بعض. وفى كمان شباب رغم كل شئ لسه بيحاول و مايئس.

[KWA]

يعنى مثلا مرة كنت فى الكلية (اصل انا بدرس هنا فى مصر)  

بسم الله الرحمن الرحيم

السلام عليكم ورحمة الله وبركاته

يعني افهم من الجمله دي ان سيادتك مش مصري...

مصر هتبقى تايلند الى بالى بالك

ده انت مافيش حاجه عجباك في البلد...ايه رايك في موضوع اسمه...أنت هندي ...في باب المناقشات العامه و ممكن تجد فرصه للمعيشه في الهند ...افضل من مصر كما توصفها....فكر و بلغ سيفود علشان هو صاحب الموضوع و الغكره

KWA

[Salwa]

الاخmkg

انا فعلا اسفه .....اسفه جدا جدا ......انى حارد عليك.

بس ساعات كدة ...بحكم انى مصرية حتى النخاع ....مقدرش اسكت.

وربك.....

انا كنت عارفة انك مش مصرى.

اصل المصرى له كدة .....هالة...وهامه.....مهما حاولوا ومهما عملوا

موجوده ...وغلاوتك.

مالها مصر.

لما هى وحشه كده .

بتتعلم فيها ليه.

وبلدك الكاملة ...مفيهاش جامعه ؟

شوف .....يا محترم .

مصر بلدنا .

واحنا ولادها.

وهى كمان ......بنتنا.

عندنا....احنا المصريين......مثل بيقول ......ادعى على ابنى ...

والعن اللى يقول ....آمين.

فيه عندنا فى المنتدى ....اخ فاضل محترم جدا جدا ....مش عاوز مشاكل ...وكلنا سمعنا كلامه ....قال ....اهل مكة ادرى بشعابها.

خلاص.

اتفقنا يا سيدى الفاضل.

دخلت ضيف.....اهلا وسهلا .

من غير تلطيش.

ايه اللى بيحصل .

هى مصر ملطشه للكل .

مش عاجبك الحمامات .

مش عاجبك المترو.

مش عاجبك الموظفين.

مش عاجبك الاوتوبيسات.

........لو انا منك ..........

امشى من البلد ........الوحشة دى

بصراحه .....مش حقول سلام ..........

[Faro]

السيد ميترك كيلوجرام

ماذكرته وما تريد أن تذكره ليس غريبا علينا نحن المصريين ... وإذا رجعت إلى باب الفساد فستجد الكثير من هذه الأمثلة وبالرغم من ذلك فأنا أتعجب من السائح الأوروبي الذي يكرر زيارته لمصر كل عام... ولكن لماذا لا تسرد علينا بعض محاسن وطنك الأم ... على سبيل المثل لم تتاح لى الفرصة لزيارة السودان ولكني سمعت وقرأت عن تايلاند والفلبين, وزرت 90% من بلاد أميركا الجنوبية.

[Salwa]

فارو الفاضل...

ارفع القبعة..تحية لسيادتك.

لماذا لم تقل لنا....انك ابن عم....حشيش.

ربنا يخليكم...

حتى المفروض لو حد ...ساكن فى البيت اللى جنب بيتنا....

يبقى..

لازم يحب بيتنا....زى ما احنا بنحب بيتهم.

والا ايه؟

ايه؟

آه......بتقول...ايه.

ماشى.

سلامى.

[ragab2]

السيد mkg

يرجى البعد عن الغمز واللمز واحترام مصر والمصريين قولا أو تلميحا

حتى لا تضطر الإدارة آسفة للتصرف واتخاذ اللازم نحوك

رجب

[شيكو المصري]

و مصر فيها فى كل شارع تقريبا جامع. لما تكون فى أى مكان حتسمع صوت الجامع و تقدر تتوضا و تصلى جماعة. مطرح ما تكون فى كل حته حتلاقى جامع و أذان و صلاة جماعه.

لما الناس بيكبروا و يطلعوا على المعاش تيلائيهم بيتجمعوا فى الجامع اللى جنب بيتهم. و يقضوا وقتهم مع اللى زيهم فى السن فى قراءة قرآن و صلاة.

ما بين المغرب و العشاء وساعات بعد صلاة العصر فى جوامع بتدى دروس. فى كل حتة تلاقى جامع فيه درس.

 

و فى كمان فى مصر ناس كويسة كتير. رغم كل الظوف الصعبة عمرهم ما ينسوا ربهم. صابرين و واقفين مع بعض. وفى كمان شباب رغم كل شئ لسه بيحاول و مايئس.

احلى ما قيل في هذا الموضوع . احييك يا استاذ مصري

[ابو حلاوه]

أنا لم افهم من كلام المداخلات ان كاتبها غير مصري كما توصل لذلك بعض الاخوة في المداخلات التالية ... و بعدين لماذا تلك الحساسية الشديدة .. هل ما كتبه الاخ MGK كلام وهمي غير حقيقي ام هي حقيقة يعرفها و يعيشها كل مصري علي فيض الكريم في ارض الكنانة

هل تفريغ شحنة انفعالية ورائها احساس بالعجز و الظلم و الاحباط اصبح ممنوع ..

[goold]

احيكى ياست سلوى بس عارفه ليه بيجوا يتعلموا فى مصر لانهم على قناعه ان التعليم فى مصر هو التعليم الحقيقى والواحد مش هيبقى حاجه الا بشهادة من مصر دة وحده والثانيه انا عيالى هنا بالكويت اتربوا وتعلموا هنا للثانوية اجد فرق بينهم وبين اولاد اقاربى الـ هم فى سنهم فى مصر فرق فى التفكير وفى الجراءة والشطارة والنصاحه بس عادى لما نزلوا الجامعه بقوا زيهم ...

الفاضل الدكتور أبو حلاوة هو الـ بيقولوه الأخ MGK ده تفريغ شحنه - كويس بس الشحنه بتعته ده عملتلى شحنه كبيرة من الزعل زى الـ عند الست سلوى

[Al 7aZeeN]

فرضنا ان الكاتب غير مصرى ويتكلم بموضوعية وعن أشياء كلنا متأكدين أنها حقيقية0 يبق فين المشكلة هنا؟

حتى أذا كان بيدرس هنا فهو عارف أن ما أتى به ألى هنا مشاكل أكبر فى بلده0

فياريت بلاش الحساسية الزائدة دى من بعض الأخوة وخلوا الراجل يكمل عن الحقائق اللى كلنا عارفنها0

كمل يا أخ mkg وبالتوفيق :)

[بنت شعنونة]

ساستحضر اول ايامي في مصر..

عندما تراها من فوق السحاب تشعر ان قلبك بدا يخفق من اول وجديد

وانك قد دبت فيك الحياة مجددا

ترا تلك البيوت المتقاربة ونهر النيل الأزرق تشعر انك تريد ان تركع على الأرض لتقبلها

وما ان تهبط الطيارة على الأرض

ويفتح الباب

حتى تتنسم عبير مصر

والله يا جماعا هوا مصر ليه ريحة مميزة كدا

جميييييييييلة جدا

تخلي الواحد يحس انه في عالم تاني

وما ان تدخل لمطار وترى وجوه الناس

المصريين

تحس انك عاوز تسلم على كل واحد وتاخده بالحضن

تلاقي ناس بشوشة بتشتغل وهيا بتضحك ولو معاك طفل يلاعبوه

واحيانا يهزروا معاك شخصيا واهوا بيختملك الجواز

وتخرج من المطار

عشان تلاقي وجوه اهلك واخواتطك وحبايبك وكللللللللهم واقفين مستنينك بربطة المعلم

واللي يحضنك واللي يبوسك واللي يشيل ماك الشنطة

كللللللل دا وهما بيقلولك اد ايييييييييييييه انت واحشهم

وتنزل مصر وتلاقي الشوارع ليها اضاءة مميزة

وريحة مميزة

واصوات مزيكا او قراءن من العربيات اللي حواليك

واطفال بتلعب كورة في جنينة منتصف الرصيف

وناس غلابة نايمة عليه

وواحد بيعمل شاي او فول والناس ملمومة عليه

ياااااااااااه

احساس جميل جدا

وياسلام لو كنت قريب شوية عشان تشم ريحة الفول دي او ريحة عربية الكبدة

وبعدها تطلع البيت عشان تتفرج على تلفزيون مصر

ومذيعات مصر

حتى صوت مزيكة نشرة الأخبار كللللللللل حاجا بتكون وحشاك

طعم الأكل

طعم الجبنة

اللبن

حتى قرص الطعمية

ياااااااااااااه

وللحديث بقية...:)