وعليكم السلام من مصر

[Al 7aZeeN]

معلش يا أخت شعنونة بس أنا شايف أن دى نظرة سياحية لمصر يعنى ذى السائح اللى جى يقعد أسبوع او 10 أيام وبيشوف حاجة جديدة ذى دى0

أما اللى حيعيش هنا الأمر معه بيختلف وحتى لو شاف مصر بالمنظور اللى حضرتك قلتيه فأن هذا الشعور لا يستمر كثيرا وخلال شهر بالكثير سيتحول الى شعور بالأحباط وخصوصا لما يعرف كم المعاناة التى تعانيها الناس0

حتى الهواء المميز لمصر ملىء بالرصاص الذى يزيد 6 أضعاف عن أى دولة متقدمة تخيلى :?

[Salwa]

تحياتى

شكرا جزيلا للاخت الفاضلة/goold

الانسان بيتولد وحب ارضه وبلده جواه..

الظروف عمرها ماغيرت الاحاسيس.

فيه أم تكره ابنها..حتى لو كان عاق؟

فيه ابن يكره امه...حتى لو كافرة؟

انا ..لااعجب...على الغريب...الذى يكره.

لكنى...احزن واضرب كف على كف...على ابن البلد ...العاق.

دى مش حرية تعبير....ده عدم انتماء.

الاعتراض على افعال مجموعه...ليس معناه....سب...البلد ككل.

شانا حبيبتى.

كنت منتظرة منك...الكلمتين دول....شوفى بريدك عندك رسالة.

مش حاسس بقيمة مصر....غير اللى بعيد عنها...والاصيل اللى فضل

العيش تحت سماها....لانها تعيش فى دماؤه.

اما...اللامبالى...والمتصيد للاخطاء...حايتعب داخل وخارج مصر.

لانه ببساطه...معندهوش انتماء.

احنا بنتكلم على مصر.....كوطن.

وطن.

ماأجملها من كلمة.

سلامى.

[بنت شعنونة]

معلش يا أخت شعنونة بس أنا شايف أن دى نظرة سياحية لمصر يعنى ذى السائح اللى جى يقعد أسبوع او 10 أيام وبيشوف حاجة جديدة ذى دى0 

اخ unkown

مصر فيها وفيها

انا كنت ناويا اكمل التسلسل

بس ها اقطعه واجيب اخر الكلام :oops:

حضرتك عاوز تشوف مصر بخق وحقيقي

عاوز تشوف ايه فيها بالظبط؟

ها اديك نموذج يوم من ايام حياتي العادية كشكل..

الصبح وانا نازلة الشغل البواب مستملني ببوز محترم وهوا مش طايقني اصلا عشان هوا غلاوي من غير حاجا

لكن انا قلتله سلام عليكم وابتسمت وهوا "ردها" وان كانت ببوز :oops:

رحت الشغل عشان الاقي زميلي في الكفاح د.هاني وهوا مسيحي مبتسم ومستقبلني بقصيدة تهزيق عشان اتاخرت وعشان انا بتدلع في الشغل وانا طبعا اتكسف واقعد اتخانق معاه (كل دا هزار طبعا) انه انا قلبي ضعيف ولما يعمل ايه مش ناوية اتعلم الغرز بينما هوا مصمم يعلمهالي عشان في نظرة خسارة واحدا زيي ما تبقاش دكتورة

بقية زملاءنا في الكفاح واحد منهم "محمد" دخل غرفة العمليات كل يوم عشان يهرب من المشاوير

بينما البقية نتقاسم العمل حلوة ومرة

ويبدا العمل

بنشوف الف عيان وعيان منهم اللي بيشتمنا من غلبه ومنهم اللي بتصوت ومنهم اللي بيطلع عينا على ما نكشف عليه

لكن في الأخر كلهم بيودعونا بابتسامه وهما بيدعولنا ويعتذرولنا

و والله في مرة واحدا ست كانت جايا تكشف فاكرا عندها سرطان ولما طلعت سليمة باست كل الدكاترا حواليها :oops:

اقلية جدا اللي بيخرجوا وهما لسا بيبرطموا و يشتموا فينا

نخلص ونروح عشان نشوف عربية الأسعاف والكل بيجري ويتقطع نفسه عشان يلحق مواطن مجهول مرمي في الشارع

ارجع البيت

الكهربا مقطوعة

فضلت ساعة

كلمت لمصلحة ورجعت بعد ساعا كمان

قبل كدا كانت بتيجي بعد كذااااااااا ساعا

خرجت في الشارع

في ناس مبوزة وبتخانق دبان وشها

وناس مبتسمة

كنت باكل شوكلاته في العربية

وواحد قاعد في عربية مركونة جنبي (راجل كبير)

قالي طب ما تجيبي حتة "كان بيعاكس"

رحت احرجته ونزلت واديته حتة فعلا

قعد يشكرني ولا نص ساعا وهوا بيعتذر كمان :oops:

الشهر العقاري

مملين ويطلعوا عنيك

جرب تبقى مكانهم بس

وتعذرهم

وكل شيء بالهداوة

شايف كاااااااااان حاجا وحشة قدامك في اليوم دا؟

وشايف كام حاجا حلوة؟

المهم انت بتتعامل معاها ازاي

وصدقني

لكل فعل رد فعل...:oops:

[elbana]

ما حدش يقدر ينكر إن عندنا مساوئ كتير ، بس لا يمكن ده يخلينا نقبل ييجي حد يمسك البلد ويطلع فيها القطط الفطسة (اللي احنا عارفين إنها كتير) ويسيب البلاوي الزرقة اللي في بلده ، خصوصاً لما تكون بلده كلها بلاوي زرقة .

المهم ، وجود المساوئ في مصر ما يعنيش أبداً إن احنا نخليها عرضة لكل من هب ودب يبهدل فيها ويقعد ينقدنا وكأنه جاي من سويسرا ، أنا فوجئت لما عرفت إن طارح الموضوع مش مصري ، ليه؟ ، لأنه في الحالة دي كان لازم يعرض علينا اللي بيحصل في بلده الأول ، ويتكلم عن بلاوي بلده الأول ، أقله من باب تبادل الثقافة والمعرفة ، مش يخش فينا شمال من غير إحم ولا دستور ، وهاتك يا تقطيع في البلد اللي قاعد بيتعلم على إيدين أساتذتها .

ما علينا من ده ، أنا يا جماعة لما باشوف أي حاجة مش كويسة في مصر بأحس بالإشفاق عليها مش باتضايق منها ، زي بالظبط لما الواحد يشوف أمه مريضة أو معتلة ، أو فيه حاجة مضايقاها وكابسة على نفسها ، بيلاقي نفسه بيحس بالإشفاق عليها ويتمسك بيها أكتر . ويحاول يصلح فيما يتعلق بنفسه ، يعني مثلاً ، أنا لا يمكن تحت أي ظرف من الظروف أرمي أي حاجة في الشارع مهما كانت صغيرة ومهما الشارع كان قذر ومليان قمامة ، وصاحبي يتتريق علىّ ويقول لي : يعني المنديل الورق اللي معاك هو اللي ح يوسخ الشارع ، ما هو الشارع مليان بلاوي . أرد عليه ببساطة وأقول له : ولو .

ربنا رزقني ببنتي زينب وعمرها 3 سنين ونصف وابني علي وعمره شهرين ، بأعلم زينب ومن بعدها علي إن شاء الله ، ما تعملش حاجة غلط ، وبأعرفها إن رمي القمامة في الشارع كارثة ، وإن السكوت على الظلم غلط ، وإن ، وإن وإن ...

يعني باختصار كل واحد لازم يشتغل في محيطه ومنطقته ، ويعلم الناس المسؤولين منه ، ويحاول يؤثر قدر الإمكان ، دي بداية لابد منها في ظل غياب الحكومات الواعية القادرة على تسيير دفة الأمور بنجاح والخروج بنا من المأزق .

[Al 7aZeeN]

ربنا رزقني ببنتي زينب وعمرها 3 سنين ونصف وابني علي وعمره شهرين ، بأعلم زينب ومن بعدها علي إن شاء الله ، ما تعملش حاجة غلط ، وبأعرفها إن رمي القمامة في الشارع كارثة ، وإن السكوت على الظلم غلط ، وإن ، وإن وإن ... 

يعني باختصار كل واحد لازم يشتغل في محيطه ومنطقته ، ويعلم الناس المسؤولين منه ، ويحاول يؤثر قدر الإمكان ، دي بداية لابد منها في ظل غياب الحكومات الواعية القادرة على تسيير دفة الأمور بنجاح والخروج بنا من المأزق .

ربنا يبارك فيك يا أستاذ البنا ويبارك فى ولادك يارب ويكونوا أن شاء الله شعلة وقدوة فى المستقبل

فعلا أحنا محتاجين جيل جديد خالص

وللأسف الكثير من الآباء والأمهات بيسيبوا أولادهم يكتسبوا صفات الأطفال الأخرى بدون حسيب ولا رقيب والنتيجة هى اللى أحنا بنشوفها دلوقتى من سلوكيات قذرة للكثير من الأطفال

ربنا يقويك مرة تانية على تربيتهم اللى أكيد مش سهلة وشكرا

[Al 7aZeeN]

اخ unkown

مصر فيها وفيها

انا كنت ناويا اكمل التسلسل

بس ها اقطعه واجيب اخر الكلام :cry:

...:cry:

يا ست شعنونة الله يخليك كملى

ليه بس خدتى من كلامى أنى مش طايق كلامك

بس برده كل شخص وله نظرته

يعنى أنا لو مسافر مثلا ومستقر فى الخارج ورجعت حكون مشتاق ذى ما أنت قلتى بالظبط لكل حاجة حتى لو ناس نايمة فى الشارع ذى ما قلتى بس بمرور الوقت هل ستستمرى تنظرين الى الأمور بتلك الطريقة؟ هذا ما أقصده0

ويختلف رد فعل الناس على ما يشاهدونه يوميا من تسيب وأهمال

بعضهم لم يرى فى حياته غير ذلك وأعتاد عليه وكيف نفسه على هذا الحال

البعض الآخر لا يعجبه شىء حتى أذا وجد بعض الأيجابيات فهى تختفى مع السلبيات وهو يشعر بكراهيه لكل ما حوله

البعض الآخر مثل الأخ البنا يشعر بالأشفاق على حال البلد وهو مثل الكثير من الكرام الذين يحاولون أنشاء جيل جديد بالتربية الجيدة رغم ما حولهم من سلبيات0

على فكرة أنا كنت بحسب أن البواب عندى بيعاملنى بس وحش وببوز بس أكتشفت أن دى طلعت ظاهرة قومية

أيه رأيك لو فتحنا توبك جديد عن البوابين وأحوالهم فى مصر :cry:

بس للأمانة أنا بشوف ناس من سكان العمارة وخصوصا سيدات بيعاملوه معامله أقل ما يقال عنها أنها غير آدمية

يعنى مرة واحدة بتنداهله من السلم وهى أعتقد كانت فى الدور الرابع أو الخامس فمسمعهاش

فطلعتله من شباك شقتها بقصيدة ردح وبصوت حيانى "أنت قاعد وأنا عمالة أنده عليك" رغم أن المنطقة راقية تقوليش السفيرة عزيزة، فكان رده مقتضب "حاضر جاى" :? :roll:

قصدى أنهم بيتعرضوا لضغوط كثيرة ومعاملة من الآخرين وحشة جدا فبتكون النتيجة البوز اللى أحنا بنشوفه منه على الصبح اللى يقطع الخميرة من البيت

عموما أتمنى أن أناقش هذا فى مكانه

[عمر بيك]

أولا اشكر MGK للمشاركه بتجربته وطريقه عرضها الظريف....

انا لاحظت انفعال بعض المصريين عند ما تنقد مصر او مايحدث فيها خصوصا لما يكون النقد ممن يبدو غير مصري او مصري يعيش في الخارج. أعتقد هذه الظاهره تحتاج الي دراسه فقد اصبحت مرضيه. انا اعتقد ان المصريين اصبحوا يتعاطوا شئ لكي لا يفكروا في الموضوع والنقد الظاهر بيضيع المفعول. بصراحه حاجه مزعجه غير صحيه لما تشوف الناس العيب امامها وبعينها وبتزعل لما واحد آخر يلاحظها. الأخطر من هذا ان البعض يعتقد ان مصر ملكا له لوحده واعتقد ان الحساسيه دي نابعه من المشاركه بطريقه ما فيما يحدث في مصرنا !

عمر! :?

[Salwa]

فعلا...ظاهرة تحتاج الى دراسة...فقد اصبحت مرضية....

شوف ازاى؟

حاجة غريبة..احنا بنتحمق ليه؟...

وكمان بتحيى ...الناقد الجهبذ....

هو سيادتك متأكد...من مكان الولادة...فى بطاقة الهوية...انه...مصر؟

اصل الوحيد اللى يعرف.....هو انت......،احنا...منعرفش.

فيه فرق....بين ...النقد..................والتشريح.

ومش من حق اى...بنى آدم...ينقد موطن...بنى آدم آخر...بهذا الشكل.

اما...قولك...الغير مصرى.....او....اللى يعيش بالخارج...لو انتقد...تزعلوا

اقولك......ستوب.

90% من اللى عايشين برة....بيتمنوا...يرجعوا..يعيشوا تحت سماها.

وده مش كلام اغانى.

ولا احنا...ناس مغيبه....بتتعاطى حاجه....لاسمح الله.

ولكننا من النضج...والوعى...الكافى....نستطيع ان نفرق....بين مصر

الشعب...والأرض.

ومصر الحكومة.

يسيران...معا...كقضبان القطار......ولكن..

من الاستحالة ان يتقابلا فى نقطة واحدة.

هذه هى مصرنا....نحن.

مش عارفه...مصرك هى ايه؟...او ارضك......ياعمر ..باشا.

سلامى.

[الطفشان]

أولا اشكر MGK  للمشاركه بتجربته وطريقه عرضها الظريف....

انا لاحظت انفعال بعض المصريين عند ما تنقد مصر او مايحدث فيها خصوصا لما يكون النقد ممن يبدو غير مصري او مصري يعيش في الخارج. أعتقد هذه الظاهره تحتاج الي دراسه فقد اصبحت  مرضيه. انا اعتقد ان المصريين اصبحوا يتعاطوا شئ لكي لا يفكروا في الموضوع والنقد الظاهر بيضيع المفعول. بصراحه حاجه مزعجه  غير صحيه لما تشوف الناس العيب امامها وبعينها وبتزعل لما واحد آخر يلاحظها. الأخطر من هذا ان البعض يعتقد ان مصر ملكا له لوحده واعتقد ان الحساسيه دي نابعه من المشاركه بطريقه ما فيما يحدث في مصرنا !

عمر! :?

و انا اؤيدك يا اخ عمر

عندنا حساسية زائدة لا داعي لها

تعمينا عن الموضوعية في كثير من الاحيان

و رحم الله امرءا اهدى الي عيوبي!

[Salwa]

حساسية....ملهاش علاج.

وهذا ليس ...اهداء للعيوب...حتى نطلب له الرحمه.

الخلاصة....

انا بحب كل ذرة فى هواء مصر...

والموضوع اسمه...السلام عليكم من مصر.

وبرضه......مازلت اقول ...فيه فرق..بين النقد...والتشريح.

وطبعا.....لانبعد عن الموضوعية.

انا....تعلمت منذ نعومة اظفارى...

الاستماع جيدا...للرأى الآخر.

وبموضوعية...

احييك...اخى الفاضل طفشان....على طولة بالك.

لو انا منك....ماأسمعنيش.

عنيدة.

سلام.

[MKG]

السلام عليكم ورحمة الله و بركاته

احبتى

مش عيب اسبكوا اسبوع القيكوا مبهدلنى اخر بهدلة كده

طب براحة

اللى بيطعنى فى انتمائى

و اللى مُصر انى مش مَصرى

و اللى يقول ده يائس

بس الحمد لله دلوقتى اقدر اوضح نقط اعتقد انها مش مفهومة كويس

طبعا لازم اقول انى سعيد بكل الردود دى و مش زعلان من ولا واحد منها لانها نقد بالرغم من كل شىء ايجابى (عدا واحد كان ذاتى بعض الشىء)0

[MKG]

و الرد التفصيلى و لتوضيح وجهة نظرى و للدفاع عن نفسى ابدأ

بالاخ مصرى

طبعا لا جدال فى الموضوع ده و يكفيك الذهاب لرؤية درس لعمرو خالد فى 6 اكتوبر قبل ما يترحل (ايوه يترحل سواء بطريق مباشر او غير ) و دروس العزيز بالله فى الزيتون و الجمعية الشرعية والشيوخ محمد عبد المقصود و محمد حسان و محمود المصرى وغيرهم وغيرهم لكن انا كتبت حوالى اربع مداخلات حول مصر اللى ممكن تكتب فيها مليون سيرفر

وعلى فكرة مش العواجيز بس فى شباب كتير امل اكون منهم بيعمروا بيوت الله

الاخ كوا

العبارة اللى بين قوسين مجرد دعابة و سخرية ليس الا و ليه مش ختوها على محمل انى شايف ان فيه تعليم احسن بره !!!!!!!!!

و عن تركى مصر انا لسه ميئستش بعدين

و لسه فيه بدل الجولة عشرة و اللى ايده فى الميه مش زى اللى ايده فى النار

صدقنى انا بحاول بكل الطرق اعمل حاجة من اول الكلام مع الزملاء فى الجامعة حتى الرسائل الاليكترونية و مجلات الحائط و الله الموفق

[MKG]

الاخت سلوى (مداخلة كاملة يستى عشان ارد عليكى)

فى البداية لازم ارفع القبعة على الوصف الدقيق لاسبانيا

و بعد(هى و بعد شكلها جَد جداً بس مش مشكلة)

الاخت سلوى قالت:

بحكم انى مصرية حتى النخاع  

تصدقينى لو قلتلك مش لوحدك

الاخت سلوى قالت:

انا كنت عارفة انك مش مصرى.  

اصل المصرى له كدة .....هالة...وهامه.....مهما حاولوا ومهما عملوا  

موجوده ...وغلاوتك

دا اكبر دليل انك لازم تراجعى الموضوع ده كويس انا مصرى و اتمنى ان اكون فعلا و ليس اسما

وكمان يا ستى فيه كلام و تعابير مينفعش يقولها غير المصرى وده واضح من الكلام

الاخت سلوى قالت:

مالها مصر

يا ستى من 4 مداخلات عن مصر عرفتى كل رأى فيها و لو لاحظتى انا كتبت فى اول موضوع عبارة مش كل صوابعك زى بعضها

"ملحوة:مش كل صوابعك زى بعها"

معلش نسيت ظ وض

و طبعا انتى عارفة ان النقد غالبا بيبقى فيه شىء من المبالغة و دى على فكرة احد اساليب البلاغة و العربى كلغة بيحبها(دى مش حصة عربى)

و ده مش موضوع بحثى ده مجرد بيان لجوانب انا اول واحد نفسى نقضى عليها

وده اللى خلانى اقول حلول فيما بعد

الاخت سلوى قالت:

لما هى وحشه كده .  

بتتعلم فيها ليه.  

وبلدك الكاملة ...مفيهاش جامعه

و الله العظيم مصرى و بلدى فيها حوالى 28 جامعة انا فى واحدة منهم

الاخت سلوى قالت:

عندنا....احنا المصريين......مثل بيقول ......ادعى على ابنى ...  

والعن اللى يقول ....آمين.

يا ست كل ده مش نشر الغسيل القذر

و لكن انا ابنها و من حقى اقول السابيات بالاضافة لذكر الحلول و اللى انتى حتى مهانش عليكى تبقى موضوعية شكل كافى و على كده فهناك كتيبة من الخونة بيكتبوا فى باب الفسادو السياسة و اعتقد موضوع الجنسية هيعفينى من الرد على نقط كتيرة

الاخت سلوى قالت:

مش عاجبك الحمامات .  

مش عاجبك المترو.  

مش عاجبك الموظفين.  

مش عاجبك الاوتوبيسات

البركة فيكى تقنعى ملايين بالاعجاب بيها انا بقول واقع و الواقع ده كان مقتصر على اماكن مثل الحمامات اللى فى نفايات(قطارات)الدرجة الثالثة و بدل ماتقولى كده روحى اتفرجى عليها(ماانا عارف انك فى اسبانيا ,طب بدل انتى بره ايه اللى عرفك انى متحامل و لا هو نقد وخلاص)

الاخت سلوى قالت:

........لو انا منك ..........  

امشى من البلد ........الوحشة دى

طب اروح فيييييين

و اسيب مصر لمين ؟

الاخت سلوى قالت:

حتى المفروض لو حد ...ساكن فى البيت اللى جنب بيتنا....  

يبقى..  

لازم يحب بيتنا....زى ما احنا بنحب بيتهم.  

والا ايه؟  

ايه؟  

آه......بتقول...ايه.  

ماشى.  

سلامى

مش بقولك ان موضوع الجنسية هيحل حاجات كتير

دا حتى فيه واحد قال

)وإذا رجعت إلى باب الفساد فستجد الكثير من هذه الأمثلة(

الله, طب بدل باب الفساد اشمعنى اتشتم انا هنا(اشمعنى انا)

الاخت سلوى قالت:

الانسان بيتولد وحب ارضه وبلده جواه..  

الظروف عمرها ماغيرت الاحاسيس.  

فيه أم تكره ابنها..حتى لو كان عاق؟

انا مش شايف انى بروبلم

الاخت سلوى قالت:

لكنى...احزن واضرب كف على كف...على ابن البلد ...العاق.  

دى مش حرية تعبير....ده عدم انتماء.  

الاعتراض على افعال مجموعه...ليس معناه....سب...البلد ككل

بصراحة كده اما انك مش قرأتى كل مدخلاتى او اترك لك توضيح كلامك اكتر

و أعتقد انى قلت بالحرف

ان مش كل صوابعك زى بعضها

وقلت

"طبعا ازم اقول انى قابلت قلة من الموظفين فى قمة الادب والضمير"

------------------------------------------------------------

و سبت تحتها الخط و على الفكرة لما تلاقى كلام تحتيه خط ده ليه دلالة لغوية معروفة

"مع العلم ان هناك لسه فيه موظفين شرفاء نزهاء "يقال انك ممكن تشوفهم فى متحف الاثار"عشان مظلمش حد)"

الاخت سلوى قالت:

احنا بنتكلم على مصر.....كوطن.  

وطن.  

ماأجملها من كلمة

لا تعليق الا على "كلمة"؟!!!!!!!!راحماً اياكى من جدال فلسفى عن معنى كلمة وطن و يعنى ايه وطن اعتقد الموضوع ده اتفتح قبل كده فى المنتدى

شاكرا الاخ عمر

على تفهم وجهة نظرى (كما امل)

و أخيرأ شكرا

و السلام عليكم ورحمة الله و بركاته

[MKG]

الاخ الاكبر العزيز جداً رجب

حضرتك قلت:

"السيد mkg

يرجى البعد عن الغمز واللمز واحترام مصر والمصريين قولا أو تلميحا

حتى لا تضطر الإدارة آسفة للتصرف واتخاذ اللازم نحوك

رجب"

الغمز فى ايه بالضبط فيه حاجات بس دى فىال structure بتاعى مجرد لتنشيط الانتباه دعوة للتفكير و فى الغالب دعابة و هزار

و اعتقد ان موضوع الجنسية واضح ولا يحتاج الان الى اى دفاع يا جماعة ايه الظلم ده كله على

[MKG]

الاستاذ ابو حلاوة قال:

"انا لم افهم من كلام المداخلات ان كاتبها غير مصري "

اخيرا حد خد باله

"هل تفريغ شحنة انفعالية ورائها احساس بالعجز و الظلم و الاحباط اصبح ممنوع .."

بقى انا برده اللى بغمز و بلمز حرام عليكوا

مع اهداء هذا الاقتباس الى رواد قسم الفساد و السياسة وفلسطين....الخ

الست جوولد حقك عليه وانا ميهونش على زعلك و موضوع التعليم ده فيه كلام برضه لكن تأكدى ان شاء الله ان معظم مجهودى شبه متوجه لاصلاحه

أخUnknownPowerSpots :

"فياريت بلاش الحساسية الزائدة دى من بعض الأخوة"

وده المفروض يكون موضوع لوحده ممكن نناقشه هنا او فى موضوع جديد ,وان كان قد بدأ النقاش فيه بالفعل و حتى لو كان اللى كتب غير مصرى دى مصر دى قلب الوطن العربى يعنى ممكن حاجة بسيطة فى مصر تتعرف للعرب قبل حاجة كبيرة عندهم

"وخلوا الراجل يكمل عن الحقائق اللى كلنا عارفنها0"

ثانى ضربة تحت الحزام

[MKG]

الاستاذ ابو حلاوة قال:

"انا لم افهم من كلام المداخلات ان كاتبها غير مصري "

اخيرا حد خد باله

"هل تفريغ شحنة انفعالية ورائها احساس بالعجز و الظلم و الاحباط اصبح ممنوع .."

بقى انا برده اللى بغمز و بلمز حرام عليكوا

مع اهداء هذا الاقتباس الى رواد قسم الفساد و السياسة وفلسطين....الخ

الست جوولد حقك عليه وانا ميهونش على زعلك و موضوع التعليم ده فيه كلام برضه لكن تأكدى ان شاء الله ان معظم مجهودى شبه متوجه لاصلاحه

أخUnknownPowerSpots :

"فياريت بلاش الحساسية الزائدة دى من بعض الأخوة"

وده المفروض يكون موضوع لوحده ممكن نناقشه هنا او فى موضوع جديد ,وان كان قد بدأ النقاش فيه بالفعل و حتى لو كان اللى كتب غير مصرى دى مصر دى قلب الوطن العربى يعنى ممكن حاجة بسيطة فى مصر تتعرف للعرب قبل حاجة كبيرة عندهم

"وخلوا الراجل يكمل عن الحقائق اللى كلنا عارفنها0"

ثانى ضربة تحت الحزام

[MKG]

اختى العزيزة شنشن

الاحساس ده برده حسيت بيه( عدا اللى بيخدوك بالحضن ويستنوك لان مش بحب نظام الوداع والاستقبال ده)

و ده بنحس بيه لما نتغرب شوية عن مصر والاخUnknownPowerSpot وفر على رد طويل فشكرا له

و كمان انا حاولت اشوف كل الطبقات اللى فى مصر يعنى ان يستحيل انك تركبى قطار درجة تالتة او تجربى بعض الاشياء اللى جربتها يا بنتى انا جربت الف فى شوارع و حوارى كنت بندم انى لابس الساعة بس الناس كانوا زى الفل و كانت جولة شفت فيها مصر تانية معتقدش انك شفتيها

اماكن لو واحد فتح شباكه شقق العمارة اللى قدامه كلها تبقى كتاب مفتوح قدامه

فيه ناس تقول مش كل الناس عندها عربيات و ناس بتقول مش كل الناس عندها شنطة جديدة يروح بيها المدرسة

و ناس بتقول مش كل الناس بتقدر تتعشا

فى مناطق فى مصر القديمة ممكن تنزلى محطة مترو مارجرجس من عكس اتجاه الكنائس وتعمقى لجوه شوية

فيه بولاق

فيه حتت فى شبرا و الباطنية

فيه كوارث انسانية فى قرى

شفت كتير منها بعينى لكن عمر ما بضعة جنيهات بيحلوا مشكلة

يا سيدتى هناك من لا يزال لا يجد المأوى و ليس nokia9200

و شكرا

وهذا يا أخUnknownPowerSpots ما لا تعرفه وهذا ما سأرويه

قريبا ان شاء الله ومتفقك معك فى موضوع البوابين ده

[MKG]

اخى الفاضل البنا الجزء الاول من مداخلتك رد عليه

على فكرة بالنسبة لموضوع الزبالة والرمى على الارض ده

بص يا سيدى نفس الموضوع معايا بس اللى بيمشى معايا لو رمى اى حاجة على الارض بخليه يرجع يشلها و يحطها فى جيبه او يمسكها لغاية اى صندوق زبالة و يا ما شفت مواقف بسبب الموضوع ده وعلى فكرة انا فى مرحلة اعداد ورق صغير هنى حكم الدين فى اشياء عدة و اعدادها باسلوب كويس و من ضمن المواضيع الموضوع ده

متزعلش منى ده كل اللى اقدر اعمله

و انا عمال احكى عن بلدى عشان متزعلش

خلاااااااص انا تعبت المفروض تجمعوا من بعض و تصالحونى بهدية ولا حتى اى حاجة

بس بكرر انا و الله العظيم مش زعلان من حد الا واحد مردتش و مش هرد عليه

و كلكوا مش هتخرجوا عن اخ اخت او اب ام و فى كل الحالات توجد النصيحة الصادقة و حتى النقد الموضوعى

و ناتقى معكم بعد اسبوع ان شاء الله عشان امتحانات اعمال السنة دعواتكم

مكج

[Salwa]

الأخ الفاضل/mkg

شكرا للرد.

لكن....كيف لك ...وانت مصرى..ان تنتقد بلدك بهذا الشكل...

وحتى لاتفهمنى غلط.

كان ممكن ...تحكم بالعدل...حاجة حلوة...او..حاجتين...وحاجة وحشة.

كل...شباب المصريين...بنات وبنين...اولادى فعلا...وهذا احساسى.

اهو انا دلوقت زعلت اكثر....لأ....اتقهرت...بمعنى أصح.

شاب فى مقتبل العمر...شايف كله...ضلمه كدة.

مليش دعوة..بباب الفساد....لان اسمه باب الفساد.

انت قلت...السلام عليكم من مصر...

ورحت مجهزلك شوكة وسكينة...وهات ياتقطيع.

عموما...حصل خير...

أكيد فيه ايجابيات كتير...قول لنا عليها.

وتانى.

الموضوع اسمه السلام عليكم من مصر.

بور سعيد...والسمسمية.

اسكندرية....//ملكش دعوة بيها//..ها ها ها.

القاهره....الاهرام...القلعة...المساجد...القاهرة الاسلامية.

المنصورة....دار ابن لقمان.

دنشواى...

الغردقة....وسيناء كلها.

رشيد...واستكشاف الحجر....وكفاحها.

الوجه القبلى كله...الأقصر وأسوان..

والناس.

الناس.....يامحمد.

سلام.

انا قلتلك سلام.

[MKG]

الاخت الفاضلة سلوى

شكرا على ردك

لكن....كيف لك ...وانت مصرى..ان تنتقد بلدك بهذا الشكل...

السلام عليكم من مصر

المقترح منه تقديم صورة كاملة مكتملة عن مصر و مازالت جعبتى ممتلئة بالكثير مما رأيته و صادفته و ليس من المعقول انه من4 مداخلات و ان كان فيهم بعض النقد الاذع و لكن هذه ليست نشرة الادسة مساء من افتتح السيد الرئيس و شهد مجلس الوزراء

وهى ليست نشرة سياحية فكلنا مصريين و ان كان هذا جزء من الموضوع و لكنه لن يبتلع الموضوع كله

و بالنسبة للقهر

معلش اوعدك انه فى اقرب وقت ممكن هنزل بعض المداخلات اللى بعدها كل ماضغطك يرتفع اقريها و هتدعيلى

مع محبتى مكج

ايه اللى عرفك انى اسمى محمد :?: