وعليكم السلام من مصر

[MKG]

بس كده يا عم مسرى انت تأمر

بص يا سيدى

الناس شبه مزهولة (دا الجو العام مش كل الناس طبعاً)

و الحديث فى الموضوع منتشر بشكل او باخر فى اى حوار

و الناس مخنووووووقة جداااااااااااااااااااً

خصوصا بعد البث التلفزى لما رأيناه من سقوط بغداد و ضرب تمثال صدام بالجزم

فيه ناس متعاطفة مع صداااااااام جداً

ومصريين انه بيضحك على الامريكان و بيجرجرهم عشان يقضى عليهم :idea:

و بيأكدوا على كده بأن ناس شفوه فى مسجد وواحد اداله سبحة(خبر غير مؤكد) و بيسألوا ما لو وقع طب فين الاسرى :cool:

الفريق التانى

و دول بقه الاخوةال..........فرحانين و ازاى ان بغداد اتحررت و دول مش شفتهم بس سمعت عنهم

و هم قلة اقل من القليلة

جمييييل

ناس تانية بتقول ان بغداد لم تسقط و ان المناظر ديه متصورة فى الاردن

(عارف انها واااااااااااااااااااااااااااااااااااااااسعة شوية)

و النقاش بيتطرق الى ما بعد صدام و الاحتلال الامريكى

و غير كده زى اى مكان فى العالم

بخصوص العراق

مع محبتى

مكج

[عمر بيك]

بس كده يا عم مسرى انت تأمر

بص يا سيدى

الناس شبه مزهولة (دا الجو العام مش كل الناس طبعاً)

و الحديث فى الموضوع منتشر بشكل او باخر فى اى حوار

و الناس مخنووووووقة جداااااااااااااااااااً

خصوصا بعد البث التلفزى لما رأيناه من سقوط بغداد و ضرب تمثال صدام بالجزم

فيه ناس متعاطفة مع صداااااااام جداً

ومصريين انه بيضحك على الامريكان و بيجرجرهم عشان يقضى عليهم :idea:  

و بيأكدوا على كده بأن ناس شفوه فى مسجد وواحد اداله سبحة(خبر غير مؤكد) و بيسألوا ما لو وقع طب فين الاسرى :cool:  

الفريق التانى

و دول بقه الاخوةال..........فرحانين و ازاى ان بغداد اتحررت و دول مش شفتهم بس سمعت عنهم

و هم قلة اقل من القليلة

جمييييل

ناس تانية بتقول ان بغداد لم تسقط و ان المناظر ديه متصورة فى الاردن

(عارف انها واااااااااااااااااااااااااااااااااااااااسعة شوية)

و النقاش بيتطرق الى ما بعد صدام و الاحتلال الامريكى

و غير كده زى اى مكان فى العالم

بخصوص العراق

مع محبتى

مكج

هههههههههههههههههههههه :lol: :D :D :D :D ههههههههههههههههه

عمر :D

[masry]

بس كده يا عم مسرى انت تأمر

شكرا جزيلا

[goold]

ازيك اخى mkg

لو سمحت كدة بما انك فى مصر ...

وبعد تعويم الجنيه ممكن تقولى لو طالب عايز يدرس فى مصر يكفيه كام عيشة وسكن ومصاريف دراسه عيشة عاديه تفتكر كام فى الشهر مثلاً ... حضرتك مجرب ... اشكرك ...

[MKG]

س

بس

الاخت العزيزة جوووولد

بصى بقى يا ستى

معلموماتى فى الموضوع ده مش كبيرة :roll: لأنك مش قريتى كل ما كتب فى الموضوع :?

و الله العظيم أنا مصرى

و معلوماتى تنحصر فى

1 لن أتكلم عن المصاريف الحكومية لإختلافها و حسب كون الهيئة التعليمية التى يدرس فيها جكو مية ام لا

2 كل واحد وظروفه يعنى لو هو ساكن جاهز(ليه شقة هنا يعنى أو عند حد من قرايبه)يكون خير

لو معندوش ممكن يأجر شقة و أكيد مفروشة و دا خراب بيوت لأنها

و دا حسب الحالة سوف تراوح من عشة الحاجة سنية(حوالى 100 إلى 150جنيه شهرياً)إلى شقة محترمة و عليها القيمة (من 700إلى ما شاء الله)

و يا ستى ليه المصاريف ممكن لو كان مصرى يسكن فى سكن جامعى (بس ليه المرمطة)

و ساعتها شارب و اكل نايم لاعب مذاكر على حساب الحكومة وفى مقابل مبلغ رمزى جداً

و ممكن يشترك مع حد مغترب و يأجروا شقة (بصراحة أنا لا أحبذ موضوعغ الشقق المفروشة سيبك إنتى شباب اليومين دول بيفسدوا بعض و فيه عيال هنا ما يعلم بيهم إلا ربنا)

طيب الأكل

لو فى السكن الجامعى ممكن يحتاج حوالى 200جنيه وإنتى طالعة

و دا عشان يحافظ على ادميته ويحتفط بشكله البشرى(بهزر دول هيقضوا)

أما لو لوحدوا فى شقة ف 600 جنيه وإنتى طالعة على أساس ان الاكل كله من الخارج و أكل مطاعم

و الولد لو ماسك إيده فى 300 جنيه حلو أوى دانا مرة قعدت شهر صرفت على الاكل اقل من 150 جنيه

و لازم برضه يعرف حاجة إسمها فووووول و طعمية وكشرى

الملابس

إحنا هنستعبط يبقى يجبهم معاه :mad:

نثريات(+مصروف جيب)

حسب الحاجة بس مش تبحبحيها قوى لحسن الفلوس الكتير غلط على الشباب اللى فى السن ده

ممكن من 60 الى ما شااااااااااااء الله

و ممن يشتركله فى مركز شباب بلاش حكاية النادى

(ما هو مش موت و خراب ديار )و مركز شباب الجزيرة كويس

ده لو عايز رياضة يعنى و ممكن يعمل اللى هو عايزه فىت الكلية إن شالله ينط الحبل :cool:

و غير كده لو عاوز يروش يعنى عربية (متلقيش)

و موبايل (إبقى اقفلى السكة فى وشه و قليلى الخط اتقطع)

خروجات(إمال أنا مدياك نثريات ليه)

:twisted: :twisted:

غير كده فيه متوسط حاجة كده للحبايب و ده لو حد عايز يعرفه كتيره 300 جنيه شهرياُ لكلللللللللل :shock: حااااااااااجة

:wink:

مع محبتى

مكج

[goold]

ازيك استاذ mkg ...

ده فعلاً كلام معقول ...

نورتنى ...

[MKG]

يا ستى

فى الخدمة

أرجو أن تتكلموا عن مصر فى كل شىء ونلتقى بعد 50 يوم

[ahmedarab]

ساستحضر اول ايامي في مصر..

عندما تراها من فوق السحاب تشعر ان قلبك بدا يخفق من اول وجديد

وانك قد دبت فيك الحياة مجددا

ترا تلك البيوت المتقاربة ونهر النيل الأزرق تشعر انك تريد ان تركع على الأرض لتقبلها

وما ان تهبط الطيارة على الأرض

ويفتح الباب

حتى تتنسم عبير مصر

والله يا جماعا هوا مصر ليه ريحة مميزة كدا

جميييييييييلة جدا

تخلي الواحد يحس انه في عالم تاني

وما ان تدخل لمطار وترى وجوه الناس

المصريين

تحس انك عاوز تسلم على كل واحد وتاخده بالحضن

تلاقي ناس بشوشة بتشتغل وهيا بتضحك ولو معاك طفل يلاعبوه

واحيانا يهزروا معاك شخصيا واهوا بيختملك الجواز

وتخرج من المطار

عشان تلاقي وجوه اهلك واخواتطك وحبايبك وكللللللللهم واقفين مستنينك بربطة المعلم

واللي يحضنك واللي يبوسك واللي يشيل ماك الشنطة

كللللللل دا وهما بيقلولك اد ايييييييييييييه انت واحشهم

وتنزل مصر وتلاقي الشوارع ليها اضاءة مميزة

وريحة مميزة

واصوات مزيكا او قراءن من العربيات اللي حواليك

واطفال بتلعب كورة في جنينة منتصف الرصيف

وناس غلابة نايمة عليه

وواحد بيعمل شاي او فول والناس ملمومة عليه

ياااااااااااه

احساس جميل جدا

وياسلام لو كنت قريب شوية عشان تشم ريحة الفول دي او ريحة عربية الكبدة

وبعدها تطلع البيت عشان تتفرج على تلفزيون مصر

ومذيعات مصر

حتى صوت مزيكة نشرة الأخبار كللللللللل حاجا بتكون وحشاك

طعم الأكل

طعم الجبنة

اللبن

حتى قرص الطعمية

ياااااااااااااه

وللحديث بقية...:)

الله .................... اللـــــه عليكى وعلى كلام يا اختى العزيزة

والله كلامك صح 100 %

وكلامك جية على الوتر الحساس ووجع قلبى

فعلا كل حاجة فى مصر ليها طعم وريحة وملمسة ومذاق مختلف وجميــــــــــــــــــــــــــــــــــــــــل قوى

بالنسبة لحكاية الهوا دى انا فعلا حسيتها بجد اول ما طلعت وشى وخدت اول نفس حسيت ان روحى رجعتى وان الهواء ريحتة حلوة قوىىىى.

[tahereyad]

أولا أحب ابعث بتحيه غاليه جدا جدا كلها حب لجميع الاخوه اللي المشاركين فالحوار

أنا الحقيقه ماقدرتش لضيق الوقت اني أقرأ كل المداخلات,,, بس الملحوظ هو اختلاف كبير في الآراء و طريقة تعبير كل شخص و نظرة كل واحد لبلد,, اللي هيه بلدنا كلنا, و حبيبتنا, و فيها كل غالي علي قلوبنا مهما كانت الظروف و مهما ساءت المعيشه..

أوجه الاختلاف بتيجي من حاجات كتير,,,

أولا: الظروف الاجتماعيه لكل شخص: يعني مثلا هات واحد عاطل عن العمل أو موظف شبه معدوم الدخل أو حتي طالب جامعي شايف ان المستقبل أمامه مجهول و عينه علي آلاف الخريجين العاطلين و عينه علي الموظفين اللي عايشين تحت خط الفقر و عينه علي الفساد و البيع و الخصخصه اللي بتحصل فالبلد,,,, و بعد كل ده يتكلم عن ريحة الجو و جمال النيل و حلاوة قرص الطعميه

طبعا ده غير اللي ربنا رزقه بالوظيفه المناسبه و الحياه المقبوله وأهم من ده كله الرضا بما قسمه الله,, و غير اللي متغرب عن بلده و بيشتغل و بيتعب و بيدوق ألم فراق الأحباب في الغربه (ولو اني معترض علي اسم الغربه ده,,, هو الرسول صلّي الله عليه و سلّم لما أكمل حياته في المدينه المنوره كان في غربه؟),, و كتير بيجي عليه لوقت و يقعد مع نفسه و يفتكر أيامه و حبايبه و ذكرياته في مصر و بيعد الايام بل واللحظات عشان يرجع يقعد معاهم و يحكيلهم و يحكوله,, طبعا ده أكيد اللي بتكتب هي مشاعره و أحاسيسه بكل صدق ايه اللي هيه حاسّّاه و نفسها فيه,, ريحة الجو اللي بتحكي عنها من الجانب العملي هيه ريحه عادم السيارات و دخان المصانع و تلوث الجو,, ولّا ريحة الفول و الطعميه اللي في ناس كتييييييير جدا زهقانه منهم و بتقول يارب توب علينا,, ريحه الجو و الطعميه والشاي والاولاد اللي بيلعبوا فالشارع حاجه تضايق فالحقيقه, انما بالنسبه لها ارتبطت بذكريات جميله و ناس قريبين من القلب هي مفتقداهم و بتعد لحظاتها لحد ماترجعلهم

ثانيا: الحاله النفسيه لكل شخص وقت الكتابه لهل برضه تأثير كبير علي رأيه,, و علي فكره,, بصراحه و عن تجربه,, كتر قراءه الجرائد المعارضه (اللي هيه فعلا بتتكلم بصراحه) و الفرجه علي البرامج اللي من عينة 90 دقيقه (ولو انها بتعرض واقع كلنا عايشين فيه), كل ده بيصيب الانسان باحباط كبير جدا و بيخليه متحامل علي كل اللي حواليهو بتوصل فالآخر انه يتحامل علي مصر بلده و يفتكر ان العيب فيها و كأن كل اللي بيحصل ده كانت مصر سببه أو ليها ذنب فيه,, و مصر بلدنا ووطنا الغالي بريئه من كل اللي بيحصل فيها من فساد و اهمال و سرقه و ديكتاتوريه و تزوير,, بل و سلبيه و سكوت علي كل ده,, ايه هيه هتصلّح نفسها بنفسها ولا ايه,, يبقي احنا لازمتنا فيها ايه؟؟

بما أن الشئ بالشئ يذكر,,, أحب احكيلكم علي تجربه شخصيه,,,, أنا كتير عدّت عليه في مصر أوقات صعبه,, زي اللي بتحصل لأي حد فالثانويه العامه أو امتحانات الكليه لما يكون مش عارف المنهج بيتكلم عن ايه,,, لكن حقيقي عمركم ماهتصدّقوا أنا أصعب و لأسود أيام عدت عليه كأني فالسجن كانت فين,,, لا يمكن هاتصدقوا أبدا,, مش في مصر علي فكره,, في بلد تاني,, بلد من اللي بيقولو عليه متقدّم و رائع و هايل,, و بالتحديد فرنسا,, مش بس كده,, في باريس كمان,, عاصمة النور والامل زي مالمنبهرين بيها بيقولو,,, و علي فكره,, أنا ماكنتش رايح أدوّر علي شغل ولا اتعذب أنا كنت ساكن علي بعد 10 دقايق بالمترو من "شاتليه" اللي هيه قلب العاصمه الفرنسيه,, و كمان كنت ساكن في فندق نوفوتيل 5 نجوم,,, انما كانت أصعب ايام في حياتي قضيتها هناك,,,,, للحوار بقيه بعدين عشان هاروح أطعّم الكابتن أحمد,,, بقه عنده سنه دلوقتي,,, سلام موقّت