هل مراتك صديقتك تشاورها و تفضفضلها في كل شيئ

[MZohairy]

لاحظت يا إخواني في عدة مواضيع في الفتره الماضيه بعض الملحوظات حول آراء بعض الأخوه في المحاورات حول كينونة المرأه

و في انها يجب الا تخرج من بيتها الا للضروره و كونها كائن كثير النسيان و ما شابه فحبيت اطرح الموضوع ده لتكوين فكره اشمل عن منظوركم للمرأه و دورها

احلى حاجه في الدنيا الصداقه الحقيقيه

و تخيلوا لو صديقين عايشين مع بعض

بيفضفضوا لبعض

و بيشكوا لبعض همومهم

و بيستشيروا بعض في كل شيئ

و بيفرحوا لبعض و بيزعلوا لبعض من قلبهم

في رأيي الزواج المكتمل هو وجود الصداقه بين الطرفين و استمراريتها طول العمر

احيانا بيكون الزوج بيعامل زوجته بما يرضي الله تماما ولكنه يراها فقط أم للعيال و ست للبيت فقط ...أما التشاور و الفضفضه فهي لناس آخرين

رأيكم ايه؟

[عصام]

هل مراتك صديقتك تشاورها و تفضفضلها في كل شيئ

بل أضيف أننى أحيانا أشعر أنها الصديق الوحيد ..

عموما يا عم زوهيرى .. أنا شخصيا باتبع مبدأ الفضفضة والتشاور والكلام دا .. لكن اللى بيدخل دماغى باعمل بيه واللى ما بيدخلش بيبقى كأنى ما سمعتوش ..

وعلى رأى حكيم قال "ديموقراطية الحوار ودكتاتورية القرار"

وان قلت ما تخافش وان خفت ما تقولش

والآرزاق على الله وما بياخدش النفس غير اللى خلقها :unsure:

[أسد]

أنا أعتبر زوجتي صديقة لي ..

وهي أيضاً أقرب اصدقائي إلى قلبي ..

وأتناقش معها في كل كبيرة وصغيرة .. وكل الأمور التي نقوم بها وتكون متعلقة بحياتنا ومستقبلنا وإبننا .. يجب أن نكون متفقين عليها تماماً ..

بل أنني أوكل لها العديد من المهام والمسئوليات ولا أناقشها فيها .. ونتعامل على النتائج .. وخاصة أمور تربية وتعليم إبننا ..

ويجب أن توافق وأوافق أنا على كل شئ ..

يابختها ...

[vipwithyou]

تحذير ..

لا تصادق زوجتك لدرجة تندم عليها بعد ذلك

فعلا .. صدقونى مهما كانت درجة الحب والتفاهم هناك خطوط حمراء يجيب ان تكون المرأة بعيدة عنها

هذا ليس انقاصا ً لدور المرأة فى صداقة زوجها وأنها الوحيدة التى يحق لها وتصلح لذلك

لكن لأن المرأة وكل المرأة من الممكن فى لحظة واحدة زعل تفيض بكل ما بداخلها

ان لم يكن خارج بيتها لكن حتى لمواجهة زوجها به فى وقت نقاش حاد مثلا

صدقونى انا عارف المرأة اكتر منكم رغم انى مش متجوز وبحب خطيبتى جدا ً وعارف انها افضل صديق ليا وواثق جدا ً فى عقلها

لكن دى حاجة خارجة عن ارادتهم او دى طبيعة المرأة فعلا

وشكرا

( مش هأقول اسمى علشان عارف ان الستات كلهم هيشتمونى )

تم تعديل 17 مارس 2008 بواسطة vipwithyou

[رحاب]

لكن دى حاجة خارجة عن ارادتهم او دى طبيعة المرأة فعلا

وشكرا

( مش هأقولك اسمى علشان عارف ان الستات كلهم هيشتمونى

السلام عليكم اخى العزيز اسمح لى دى مش طبيعة المرأه والصداقه مع الزوجه فعلا هى احسن الطرق للاستقرار العائلى وشكرا

[vipwithyou]

يعنى انتى يارحاب مش معايا فى انكم فى لحظة ممكن تهدوا كل حاجة وتعملوا زى شمشون

[حسام يوسف]

الحمد لله أنا وزوجتى أصدقاء بالفعل

وهذا كان اتفاقنا من أول يوم ارتبطنا فيه

وأنا لست نادما على هذا

وقد قلت لها كل ما مر بى من تجارب قبل أن أعرفها

وهى قدرت ذلك لى

وأفكر معها -فى الحاضر وحتى تخطيطى للمستقبل -بصوت عال

رغم أنى أخشى أن هذا المنطق لا يمكن تعميمه على كل بنات حواء

لكنى والحمد لله محظوظ بزوجتى

[vipwithyou]

رغم أنى أخشى أن هذا المنطق لا يمكن تعميمه على كل بنات حواء

لكنى والحمد لله محظوظ بزوجتى

هو دة اللى انا بأقوله لأن النسبة اللى مبيبقوش محظوظين بيكون أكتر من 90 %

[حسام يوسف]

السلام عليكم

ياعم فى أى بى

انشاء الله ربنا يكرمك بحظ أحسن منى كمان

[~Heba~]

ليه بس سوء الظن ده يا تامر دا احنا طيبين اوى والله :unsure:

[vipwithyou]

السلام عليكم

ياعم فى أى بى

انشاء الله ربنا يكرمك بحظ أحسن منى كمان

انا والله ما بتكلمش يا دكتور على مسأله شخصية لكن انا بأتكلم بصورة عامة عن عيب موجود فى نسبة كتيرة من السيدات

ليه بس سوء الظن ده يا تامر دا احنا طيبين اوى والله :unsure:

يا مهندسه هبه بذمتك عقل الستات مش صغير شويتين ؟ يبقى بذمتك ينفع الواحد يحكيلهم كل حاجة

تم تعديل 17 مارس 2008 بواسطة vipwithyou

[رحاب]

يعنى انتى يارحاب مش معايا فى انكم فى لحظة ممكن تهدوا كل حاجة وتعملوا زى شمشون

السلام عليكم

يا عزيزى شمشون دا كان راجل

مما يثبت ان هذه طبيعة الرجال

ولا رأي حضرتك ايه

اختك رحاب بنت مصر

[badroora]

الزوج صديق زوجته هههههههههههههههه يا عم زوهيري اذا كان الزوج بعد الزواج مش بيبقي وراه حاجة غير الشكوى من حرمه المصون يبقي ازاى هيشتكى منها لها .

لكنى طبعا سعيدة جدا بان فيه نماذج كويسة هنا ذكرها بعض الاخوة الاعضاء وربنا يديم عليهم الصداقة يا رب .

اما بقي النصف التانى من الرجال اللهم ماحفظنا دول مينفعش يبقي بينهم وبين زوجتهم صداقة

لازم يشتكى من اسلوب المعاملة والتجاهل و,,,,,,,,,,,,,,,,,,,الخ مش عاوزة اكمل احسن اعقد الناس .

ولكن جميل جدا ان يكون فيه اشياء كتيرة تربط بين الزوجين مش بس ارتباط زوج وزوجة

.والاجمل ان زوج يكون صادق وامين ويكون فيه مواضيع وحوارات بينه وبين زوجته بعيدة عن مسؤليات البيت .

موضوع جميل يا مستر زوهير يسلموا :unsure:

تم تعديل 17 مارس 2008 بواسطة Badria Mekkawy

[nash]

يا مهندسه هبه بزمتك عقل الستات مش صغير شويتين ؟ يبقى بزمتك ينفع الواحد يحكيلهم كل حاجة

ماتوقعتهاش منك يا تامر...حقيقي.. :unsure:

بس يؤسفني بجد تكون هذه نظرتك للمرأة والتي في يوم من الايام إن شاء الله قريب ستصبح زوجتك...

وبعدين لا تقل بزمتك....قل بذمتك... :)

.....................................................

بيتهيألي التجارب الجميله التي ذكرت هي الطبيعي والعادي.وغير ذلك يعتبر شيء شاذ..ولا يمت للسكن والموده في شيء...

الرجل لا يمن علي المرأة بأنه يستشيرها في كل دقائق حياته ولا المرأة تمن علي الرجل بأنها تحفظ عليه بيته وماله...وتعطيه النصيحه الخالصه لصالح الأسرة في المقام الأول...

الأصل في الزواج ...السكن والموده والرحمه....

ربنا يوفقنا في حياتنا... ويقدر كل طرف علي إسعاد شريك حياته وإدخال البهجه والسعاده علي الأسرة

[om marawan]

الحمد لله ربنا فضله كبير جدا جدا جدا عليا بزوجى فهو حبيب وصديق وزوج وحاجاااااااات كتير فى حياتى :unsure:

وطبعا هأرد بداله على السؤال فهو يعتبرنى أقرب أصدقاؤه و بيحكيلى كل اللى بيضايقه او مايضايقوش :)

يعنى زوجى عودنى انى دايما أسمعه وانه دايما يسمعنى ومش معقول ناس عاقلين وكبار هيرجعوا يعايروا بعض بعد كده

يعنى يا تامر الزوج هو اللى بيعلم زوجته انه يكون صديقها لأنه يأتمنها على بيته وعلى حياته وعلى اولاده فازاى مش هيأتمنها على أسراره وان شاء الله لما تتجوز هتغير رأيك

وزى ما العزيزة الغالية اللى وحشتنى جدا ناش قالت هو ده "" السكن "" والمودة

خالص تحياتى للفاضل زهيرى على موضوعه

[vipwithyou]

يا مهندسه هبه بذمتك عقل الستات مش صغير شويتين ؟ يبقى بذمتك ينفع الواحد يحكيلهم كل حاجة

ماتوقعتهاش منك يا تامر...حقيقي.. :happy:

بس يؤسفني بجد تكون هذه نظرتك للمرأة والتي في يوم من الايام إن شاء الله قريب ستصبح زوجتك...

وبعدين لا تقل بزمتك....قل بذمتك... :blush2:

شكرا للتعديل وتم تصحيح الخطأ ..

انا ما قلتش حاجة يا أم ياسر .. لأنى والحمد لله خطيبتى دى يمكن تكون الصديق الوحيد اللى أستأمنه على حياتى كلها مش اسرارى بس لكن أنا باتكلم عن شريحة كبيرة انا شفت منها تجارب كتير

لكن كلنا نتمنى ان تكون الزوجات صديقات لأزواجهن بكدة هتكون الحياه وردى

فى مقوله بتقول ( اذا كنت عايز تنشر خبر .. أخبر امرأة ) انا مش عايز حد يزعل منى بس هما فعلا ما بيمسكوش لسانهم شويه

بيتهيألي التجارب الجميله التي ذكرت هي الطبيعي والعادي.وغير ذلك يعتبر شيء شاذ..ولا يمت للسكن والموده في شيء...

الرجل لا يمن علي المرأة بأنه يستشيرها في كل دقائق حياته ولا المرأة تمن علي الرجل بأنها تحفظ عليه بيته وماله...وتعطيه النصيحه الخالصه لصالح الأسرة في المقام الأول...

الأصل في الزواج ...السكن والموده والرحمه....

الموضوع دة بعيد عن السكن والمودة والرحمة .. دى حاجة ودى حاجة تانيه

ربنا يوفقنا في حياتنا... ويقدر كل طرف علي إسعاد شريك حياته وإدخال البهجه والسعاده علي الأسرة

[vipwithyou]

الحمد لله ربنا فضله كبير جدا جدا جدا عليا بزوجى فهو حبيب وصديق وزوج وحاجاااااااات كتير فى حياتى :happy:

وطبعا هأرد بداله على السؤال فهو يعتبرنى أقرب أصدقاؤه و بيحكيلى كل اللى بيضايقه او مايضايقوش :blush2:

يعنى زوجى عودنى انى دايما أسمعه وانه دايما يسمعنى ومش معقول ناس عاقلين وكبار هيرجعوا يعايروا بعض بعد كده

ربنا يبارك لحضرتك فى زوجك يارب

بس انتوا برضوا مش معايا ان فى ستات عقلها صغير شوية

يعنى يا تامر الزوج هو اللى بيعلم زوجته انه يكون صديقها لأنه يأتمنها على بيته وعلى حياته وعلى اولاده فازاى مش هيأتمنها على أسراره وان شاء الله لما تتجوز هتغير رأيك

يا ام مروان انا رأيي فى كدة ان فعلا لازم يكونوا الزوجين شخص واحد بكل ما تعنيه الكلمه

مش اسرار بس لكن كل حاجة

ودة هدفى فى الحياة والحمد لله متحقق من الآن

بس أنا بأتكلم على شريحة تانية خالص بتكون طبيعة شخصية المرأه نفسها الى حد ما غير سوية وتكون من النوع اللى ما يتبلش فى بقه فوله .. طيب اذا كان الزوج ممكن يبوح بكل ما فى صدرة لزوجته هل من حقها هى ان تخرج اى كلمه مما باح زوجها بها لها حتى لو على ضغط اى مشكلة ولو حتى لوالدتها او اختها ناهيكى عن صديقاتها .. هل هذا صح ام غلط ؟ شريحة كبيرة من السيدات تفعل ذلك للأسف وأعرف تجارب تم فيها ذلك بعيدة عنى لكن عرفتها بالصدفة وربما كنت وسيط للحل فى احدى المشاكل وافاجىء من طرف الزوجة بأنها هى اللى تتكلم عن اسرار بينهما وانا من كنت اقول لها لا تتكلمى مش عايز اعرف حاجة خولنا فى موضوعنا .. فكلامى دة بناء عن واقع لمسته

وزى ما العزيزة الغالية اللى وحشتنى جدا ناش قالت هو ده "" السكن "" والمودة

خالص تحياتى للفاضل زهيرى على موضوعه

[nash]

ياراجل...بأة أنك تستشير وتشير زوجتك حاجه والسكن والموده والرحمه حاجه تانيه؟؟؟ :happy:

أحنا خسرنا بعض خلاص يا تامر..... :blush2:

أم مروان.....والله انتي اللي وحشتيني جدا...ماتطوليش الغيبه...

[Folana]

السلام عليكم ورحمة الله....

بعيدا عن السفسطة والكلام المنمق ..انت فعلا يا تامرتطرقت لنقطة فى غاية الاهمية...

ارجو ان نعطيها حقها فى النقاش......ماذا اذا كانت الزوجة فعلا لا تحافظ على اسرار بيتها..وكذلك الزوج؟

حارجع ارد عليك ياتامر فى النقطة دى بالذات ....

صباحك جميل ... :happy:

بس أنا بأتكلم على شريحة تانية خالص بتكون طبيعة شخصية المرأه نفسها الى حد ما غير سوية وتكون من النوع اللى ما يتبلش فى بقه فوله .. طيب اذا كان الزوج ممكن يبوح بكل ما فى صدرة لزوجته هل من حقها هى ان تخرج اى كلمه مما باح زوجها بها لها حتى لو على ضغط اى مشكلة ولو حتى لوالدتها او اختها ناهيكى عن صديقاتها .. هل هذا صح ام غلط ؟ شريحة كبيرة من السيدات تفعل ذلك للأسف وأعرف تجارب تم فيها ذلك بعيدة عنى لكن عرفتها بالصدفة وربما كنت وسيط للحل فى احدى المشاكل وافاجىء من طرف الزوجة بأنها هى اللى تتكلم عن اسرار بينهما وانا من كنت اقول لها لا تتكلمى مش عايز اعرف حاجة خولنا فى موضوعنا .. فكلامى دة بناء عن واقع لمسته

وفعلا المودة والسكن والرحمة حاجة والصداقة بين الزوجين والائتمان على الاسرار حاجة تانية ...طبيعى ان المودة والرحمة تشمل فى طياتها الصداقة والراحة والامان بين الزوجين...ولكن انا فاهمة قصدك ياتامر ...وحاناقشك فيه...

الموضوع دة بعيد عن السكن والمودة والرحمة .. دى حاجة ودى حاجة تانيه

حارجع لك ياتامر بس اعذرنى مشغولة شوية دلوقت............ :blush2:

[MZohairy]

ايه اللي دخل ان الست تكون سويه و غير سويه في الموضوع؟

و هو الراجل مش ممكن يكون غير سوي هو كمان؟

الموضوع في المجمل على الناس الطبيعيه ..يعني الراجل العادي اللي متجوز ست عاديه

و سيبونا الله يخليكوا من واحد اعرج متجوز واحده كتعه و واحده غير سويه متجوزه واحد اعور و كده يعني :happy: