اذهب إلى المحتوى
محاورات المصريين

هل مراتك صديقتك تشاورها و تفضفضلها في كل شيئ

MZohairy

بواسطة MZohairy
في الأسرة و الطفل

 مشاركة

Recommended Posts

Folana عضو جديد

Folana

بتاريخ:
بتاريخ:
ايه اللي دخل ان الست تكون سويه و غير سويه في الموضوع؟

و هو الراجل مش ممكن يكون غير سوي هو كمان؟

الموضوع في المجمل على الناس الطبيعيه ..يعني الراجل العادي اللي متجوز ست عاديه

و سيبونا الله يخليكوا من واحد اعرج متجوز واحده كتعه و واحده غير سويه متجوزه واحد اعور و كده يعني :happy:

السلام عليكم ورحمة الله....

:blush2:

مش مرتاح انت كده يازهيرى... :roseop: ....ماهو علشان الموضوع نطلع منه بفوائد متعددة...وطالما ان هناك فئة تعتبر شاذة ...وطالما ان احد الاخوة له رأى مخالف عن باقى الاخوة...يبقى لازم ومن كل بد نناقش الموضوع من جميع جوانبه....

الا اذا كان الهدف ان نجاوب بنعم او لا زى اسئلة الامتحانات كده....

ودورنا وخصوصا انت صاحب الموضوع اننا نصحح بعض المفاهيم اللى وردت...زى ان الستات عقلهم صغير مثلا...او نناقش رأى ان بعض السيدات او الرجال لا يؤتمنوا على اسرار الطرف الاخر.....علشان فى النهاية نقدر نوصل لنفس الفكرة الجميلة اللى تفضلت بطرحها عن الصداقة بين الزوجين وكيف تتحقق.....وكيف تصبح الزوجة هى صديقة زوجها الوحيدة والعكس صحيح....

خصوصا ان حضرتك ذكرت فى اول مداخلة

احيانا بيكون الزوج بيعامل زوجته بما يرضي الله تماما ولكنه يراها فقط أم للعيال و ست للبيت فقط ...أما التشاور و الفضفضه فهي لناس آخرين

ازاى بقى يصبح الزوج صديق لزوجته وازاى يتوفر بينهم الامن والامان بحيث يبقوا ستر وغطى على بعض زى مابيقولوا؟

هذا هو السؤال...

يعنى طالما ورد ذكر العرجة والاطرش يبقى لازم نوضح صح؟....

صباحك زى الفل........... :) :razz:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
  • الردود 62
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

MZohairy عضو جديد

MZohairy

بتاريخ:
  • كاتب الموضوع
بتاريخ:
الا اذا كان الهدف ان نجاوب بنعم او لا زى اسئلة الامتحانات كده....

و مين اللي قال كده؟ :razz:

انا يافولانه هانم بطرح الموضوع بشكل عام

يعني زي ما اقول مثلا ان جهاز التكييف جهاز عظيم و اللي اخترعه راجل يستاهل كل خير

مينفعش نييجي نقول لا والله انا اعرف واحد جه يشغل مره التكييف فراح متكهرب و مات و بالتالي التكييف جهاز قاتل

انا بطلب قليل من الموضوعيه بس و حياة عصام الحضري :blush2:

نهارك الذ :happy:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
Folana عضو جديد

Folana

بتاريخ:
بتاريخ:
الا اذا كان الهدف ان نجاوب بنعم او لا زى اسئلة الامتحانات كده....

و مين اللي قال كده؟ :razz:

انا يافولانه هانم بطرح الموضوع بشكل عام

يعني زي ما اقول مثلا ان جهاز التكييف جهاز عظيم و اللي اخترعه راجل يستاهل كل خير

مينفعش نييجي نقول لا والله انا اعرف واحد جه يشغل مره التكييف فراح متكهرب و مات و بالتالي التكييف جهاز قاتل

انا بطلب قليل من الموضوعيه بس و حياة عصام الحضري :blush2:

نهارك الذ :happy:

السلام عليكم ورحمة الله....

تمام.....يبقى لما واحد يقول ان جهاز التكييف بتاعه خربان...نقوله تؤتؤتؤ...مش كل اجهزة التكييف كده وهناك ظلم فى التعميم ...وننصحه يغير جهاز التكييف ده....اقتنع كان بها ..ما اقتنعش يبقى يستاهل يتكهرب بقى

مين الحضرى ده؟

:roseop:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

يعني كلكو بقيتوا فتوات ..

أومال من اللي هاينضرب في الفيلم ؟

ما شاء الله كل الرجالة بقت كتب مفتوحة أما زوجاتها وبياخدوا رأيهم في كل صغيرة وكبيرة وشاردة وواردة وبؤهم بقى ينقط سوووكر

طب بالعند فيكو بقى إني أستشير زوجتي في الأمور التي أريدها وأحددها أنا ... لس إنتقاصاً في رجاحة عقلها لا سمح الله ولكن ذلك يعود إلى طبعي المنيل واللي اتربيت عليه وهو إني باكتم في نفسي كتير ولما بيكون عندي مشكلة معينة ما بأحبش أحمل الأخرين اكثر مما يحتملوا ومنهم زوجتي في بعض المشاكل خصوصاً التي تتعلق بالعمل ...

يعني هاقولكو على حاجه ظريفة ماحدش يعرفها غير قلة قليلة

في بداية العام اتخذت قرار بترك العمل بشكل نهائي والرجوع إلى مصر .... وما قلتش لمراتي

وسيبتهم هنا إسبوعين عند خالهم ونزلت مصر عملت كام إنترفيو ولميت شوية عروض ورجعت

وبعدين قلت لها ويا عيني على القلق بقى اللي زود قلقي أنا شخصياً وما بقتش ملاحق .. كوكتيل قلق في البيت من قلقها هي .. وقلق في الشغل والشد والجذب

بس الحمد لله الشركة توصلت معي إلى حل مناسب وكملنا شويه ...

لكن هذا لا ينفي إن امور إدارة البيت من أول الجبنة الدوبل كريم لحد المذاكرة للعيال متروكة لها تماماً وأنا باعمل فيها مهندس مراجيح وبأشرف على سير العملية التعليمية من وقت للاخر ...

زائد إدارة الأمور المنزلية الاخرى دي طبعاً بتبقى متروكة للزوجة تماماً مع إشراف الزوج ....

فوتكوا بعافية

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ:
ياراجل...بأة أنك تستشير وتشير زوجتك حاجه والسكن والموده والرحمه حاجه تانيه؟؟؟ :happy:

أحنا خسرنا بعض خلاص يا تامر..... :blush2:

ليه بس يا أم ياسر دا انتى عارفانى كويس

انا ما بأتكلمش عن نفسى احنا بنناقش قضية عامة

والهدف منها فعلا زى ما قالت الأخت فولانه من مضمون كلامها اننا كلنا نوصل لنتيجة كويسة وهى صداقة زوجاتنا

انا لا احترم ان يخرج سر بين اثنين من الاصدقاء العاديين رجلين او سيدتين

ما بالك ان كان هذا السر بين زوجين

اذا حدث من الرجل ذلك فيكون هذا الرجل غير مسئول ويصل لدرجة انه غير سوى فعلا

بالتالى اذا حدث ذلك من المرأة يكون نفس الشىء

هدفنا هو الحياة المثلى .. لكن نحن نتكلم ونناقش واقع

ياريت يتاخد الموضوع من جوانب عامه كتير

وبعدين مش المشكلة فى التكييف بتاع شخص معين المشكلة فى نوع تكييف صينى ما يستحملش الشغل وبيعطل بسرعة

ونوع تكييف يابانى ( ميتسوبيشى مثلا ) حمار شغل وقليل الأعطال فيه

الفرق فى الكومبوريسور ألا وهو العقل

هل نشأ الرجل على كتمان السر بينه وبين رجل صديق له

بالتالى من الأولى ان تكون زوجته افضل واحب الاصدقاء له

هل تربت البنت ولاحظت امها تحافظ على اسرارهم وتعرف ان الحياة الزوجية مودة ورحمة وسكينه واذا حصلت مشكلة لا تنسى كل هذا

كان فى نكتبه بتقول لما الزوجة بتزعل فى لحظة بتقول ( ياللى ما شفت معاك يوم حلو )

انتوا معايا فى كدة ولا لا

يعنى اللى ما شافتش معاه يوم حلو دة ما عاشتش معاه ايام بتعشه فيها وتقول دا مفيش غيرك فى الدنيا

ليه ممكن الست فى لحظة تنسى دة والراجل كمان انيل لكن النسبة الأكبر فى السيدات

وياريت تفهمونى

هدفنا واحد يا جماعة

شكرا

أخوكم

تامر السيد

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
حسام يوسف عضو جديد

حسام يوسف

بتاريخ:
بتاريخ:

والله يا ابو السيد انا أمتلك الشجاعة

و أقولك احنا(أنا وزوجتى) اصحاب

ولو بتسأل عن اللى هيضرب فى الفيلم

فأكيد اللى مرضوش ييجوا ناحية الموضوع أساسا

فيهم نسبة من الرجالة اللى بتضرب

وبالنسبة للأخ فى اى بى

ماتزعلوش مننا يا بنات حواء لأن ما قاله هو الحقيقة

ولو حبينا نقولها بشكل ألطف

الست بتهتم بالتفاصيل بشكل كبير جدا

فى حين أن الرجل يهتم بالاطار الخارجى من برة

يعنى المهم انه ياكل

كل جبنة

كل محشى

مش فرق كبير

انما الست

ممكن اهتمامها بالتفاصيل يبقى أكبر من الموضوع نفسه

وعشان كدة ربنا خلق الست للراجل لأنه من غيرها

أطار خارجى ينقصه كثير من التفاصيل

وخلق الراجل للست لأنها محتاجة للاطار اللى ينظم لها كتير من الحاجات اللى بتحتاجها

والله أعلم

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ: (معدل)
والله يا ابو السيد انا أمتلك الشجاعة

و أقولك احنا(أنا وزوجتى) اصحاب

ولو بتسأل عن اللى هيضرب فى الفيلم

فأكيد اللى مرضوش ييجوا ناحية الموضوع أساسا

فيهم نسبة من الرجالة اللى بتضرب

وبالنسبة للأخ فى اى بى

ماتزعلوش مننا يا بنات حواء لأن ما قاله هو الحقيقة

ولو حبينا نقولها بشكل ألطف

الست بتهتم بالتفاصيل بشكل كبير جدا

فى حين أن الرجل يهتم بالاطار الخارجى من برة

يعنى المهم انه ياكل

كل جبنة

كل محشى

مش فرق كبير

انما الست

ممكن اهتمامها بالتفاصيل يبقى أكبر من الموضوع نفسه

وعشان كدة ربنا خلق الست للراجل لأنه من غيرها أطار خارجى ينقصه كثير من التفاصيل

وخلق الراجل للست لأنها محتاجة للاطار اللى ينظم لها كتير من الحاجات اللى بتحتاجها

والله أعلم

ايه الحلاوة دى يا دكتور ايوة كدة تعالى شوفهم بيضربونى ازاى

فعلا كلامك مظبوط والله وواقعى جدا ً

تم تعديل بواسطة vipwithyou

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
nash عضو جديد

nash

بتاريخ:
بتاريخ:

بغض النظر عن راي كل طرف في الطرف الأخر....سواء سلبي او أيجابي...إلا ان موضوع إفشاء الاسرار موضوع بشع...

إفشاء الاسرار أو كتمانها عن الناس ..مسأله شخصيه...لإن ممكن جدا الرجل يحكي عن اسرار بيته مع صديقه وليس الموضوع حكرا علي المرأة ...

وزي ماقال زوهيري أحنا بنتكلم عن الزوجه الطبيعيه..مش المريضه نفسيا....لا اظن أن هناك زوجه متزنه نقوم بهذا الأمر ...ولا زوج متزن...

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
MZohairy عضو جديد

MZohairy

بتاريخ:
  • كاتب الموضوع
بتاريخ:

زي ما نوهت قبل كده في موضوع تاني

كله يعتمد على الراجل و هو رايح يتجوز

هل عايز يتجوز زوجه و في نفس الوقت دماغ؟ يعني دماغ زي دماغه ينفع يطرحوا على بعض مواضيع و ياخدوا و يدوا فيها و يوصلوا لأفضل الحلول؟

ولا عايز ست تقوم بشئون البيت و خلاص و الدماغ دي بقى يدور عليها بره؟

مع العلم ان الست الدماغ ممكن تبقى ست بيت كمان

انما الست اللي مش دماغ مستحيل تبقى دماغ

تحياتي :happy:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ:
بغض النظر عن راي كل طرف في الطرف الأخر....سواء سلبي او أيجابي...إلا ان موضوع إفشاء الاسرار موضوع بشع...

إفشاء الاسرار أو كتمانها عن الناس ..مسأله شخصيه...لإن ممكن جدا الرجل يحكي عن اسرار بيته مع صديقه وليس الموضوع حكرا علي المرأة ...

وزي ماقال زوهيري أحنا بنتكلم عن الزوجه الطبيعيه..مش المريضه نفسيا....لا اظن أن هناك زوجه متزنه نقوم بهذا الأمر ...ولا زوج متزن...

يا أم ياسر .. ما احنا لو هنتكلم عن الزوجة الطبيعة يبقى ايه لازمة الموضوع

اذا كانت كل حاجة طبيعية يبقى خلاص وصلنا للحياة المثلى

واذا كان الزوجين متزنين يبقى اكيد مش هيكون فى مشكلة

لكن احنا عايزين نناقش الوحش قبل الحلو

لأن الحلو هنقول عليه برافو ويتحط فى لوحة الشرف ويبقى حاجة جميلة وخلاص

لكن ربما يخرج احد من المتفرجين بمعلومة تصلح حياته الزوجية

صح ولا لا ؟

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
nash عضو جديد

nash

بتاريخ:
بتاريخ:
مع العلم ان الست الدماغ ممكن تبقى ست بيت كمان

انما الست اللي مش دماغ مستحيل تبقى دماغ

فكرتني بنظريه القياس أو الكل والجزأ...حاجه كده...

طبعا أكيد في رجال يفضلونها جاهله إلا من أمور البيت وغير مسموح لها بمناقشه الجنرال فيما يخص أدق تفاصيل الحياة...

وهناك ايضا من يفضلها متعلمه وتتقن أمور المنزل وشؤون الأولاد ...علي اساس هايوفر تمن الدروس الخصوصيه...

وهناك من يفضلها إلي جوارة كتف بكتف في البيت وخارجه....بحيث لو لا سمح الله حدث مكروة ..للجنرال أو لأي فرد من افراد الاسرة ..أستطاعت ان تسيطر علي الموقف....

مش نلاقيها غرقانه في شبر ميه وبتقول الحوقني..ومستنيه اي إنسان يمدلها يد المساعده

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ: (معدل)

يا جماعة انا بأتكلم عن نسبة كبيرة من السيدات فيهم الصفة دى واذا موجودة الصفة دى فى نفس النسبة من الرجال فتبقى مصيبة

وبرضوا مش لدرجة افشاء الاسرار خارج البيت ( دى حاجة ما فيهاش حل يبقى الجواز باااااااطل ويبقى فى حاجة غلط فيهم )

فى نقطة تانية

المصارحة بين الزوجين دى من اهم اعمدة الحياة الزوجية وماحدش يقدر ينكر دة

طيب البوح بأسرار ( الزوج لزوجته مثلا والعكس ) فى اوقات حلوة .. علما بان الاسرار دى لو ظهرت فى ظروف زعل هتبقى مصايب

يبقى ايه وضع الكلام دة ؟

مش بوح الاسرار دى خارج البيت لكن علم الطرف التانى بالاسرار دى

ممكن يكون فى وقت كويس لكن وقت الحرب المرأة هتطلع كل الأسرار دى وتستخدمها مدفع فى وجه الزوج ( مش هنقول هتستخدمها اسلحة ضده خارج البيت لأن دى حاجة تانية خالص )

ياريت تفهمونى

تم تعديل بواسطة vipwithyou

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
nash عضو جديد

nash

بتاريخ:
بتاريخ:

صدقني يا تامر أنا فاهمه قصدك..لكن فيه مشكله صغيرة...مش المفروض فيه فترة خطوبه قبل الزواج؟؟

إذا راي الرجل أن خطيبته تأتي بسيرة فولان وعلان أو اسرار بيت الأسرة أو الشقيقات وازواجهم..فليتأكد تماما أنها لا يمكن تؤتمن علي سر...

هناك شواهد كثيرة قبل الزواج توضح شخصيه الطرفين....

هل هي مفشيه للاسرار أو تافهه أو غيرها من الصفات....لإن هناك صفات سيئه تنسب علي الطرفين لا يختص بها أحد دونا عن الأخر...

سواء النميمه ...الغيبه...إفشاء الأسرار وغيرها من عادات ذميمه....تعتبر صفات إنسانيه بحته...وبالتالي مش منطقي أبدا توصم بها الزوجه دونا عن الزوج...

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
nash عضو جديد

nash

بتاريخ:
بتاريخ:
يا جماعة انا بأتكلم عن نسبة كبيرة من السيدات فيهم الصفة دى واذا موجودة الصفة دى فى نفس النسبة من الرجال فتبقى مصيبة

وبرضوا مش لدرجة افشاء الاسرار خارج البيت

عندك دليل علي الكلمه اللي باللون الأحمر؟؟

انا ممكن أغير العبارة واقول نسبه كبيرة من الرجال فيهم نفس الصفه...ايه المشكله؟؟؟بسيطه..وياما راينا وسمعنا ومن ناس محترمه وأصحاب مراكز وظيفيه مرموقه....

صدقني الأمر ليس حكرا علي طرف دونا عن الاخر يا تامر

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ: (معدل)
يا جماعة انا بأتكلم عن نسبة كبيرة من السيدات فيهم الصفة دى واذا موجودة الصفة دى فى نفس النسبة من الرجال فتبقى مصيبة

وبرضوا مش لدرجة افشاء الاسرار خارج البيت

عندك دليل علي الكلمه اللي باللون الأحمر؟؟

انا ممكن أغير العبارة واقول نسبه كبيرة من الرجال فيهم نفس الصفه...ايه المشكله؟؟؟بسيطه..وياما راينا وسمعنا ومن ناس محترمه وأصحاب مراكز وظيفيه مرموقه....

صدقني الأمر ليس حكرا علي طرف دونا عن الاخر يا تامر

انا عارف كدة وشوفى الأحمر تانى

انا بنفسى شفت رجاله زباله بتكلموا عن زوجاتهم خارج البيت وكانهم بيتباهوا بذكر اى شىء عن زوجته

والله حصل الموقف دة وانا جالس مع احدى اصدقائى فى صيدليته واذ بشخص سافل يدخل علينا ويطلب شىء معين واذا به ودون سابق انذار ولا حد سأله حاجة نلاقيه يتكلم ويجيب فى سيرة زوجه اشبه بالملاك ومربيه اجيال كمان

تركتب الصيدليه ووقفت فى الهواء حتى ينصرف هذا الشيطان وعدت لصديقى واجده يلعن فى هذا الرجل الذى باح بأسرار ودون حتى وجود مشكله فهذا المثل من الرجال موجود للاسف

لكن صدقينى طبيعة المراة فضفاضة وتحب الكلام اكثر من الرجل

لا نتكلم عن السيدات المتعلمات الرزينات وليست المتعلمات فقط لكن المتربيات لان التربية لها دور كبير فى نشأت الرجل والمرأة

خروج الاسرار خارج المنزل شىء فظيع وغير مقبول بالمرة ونتفق جميعا ً على ذلك

وكما ذكرت مثال للرجل الغير سوى هناك امثله للمرأه ايضا ً

...

طيب من فترة قال الأستاذ اسد فى احدى المشاركات على ما اذكر ان الرجل طفل كبير

معنى ذلك انه لو مرتاح مع زوجته هتبقى اكتر من والدته ووالدة وكمان تكون افضل اصدقاءة

ماذا لو لم تقابل المرأة هذا الاستسلام التام من الرجل وبوحه بكل ما بداخله لها

تخيلوا يوم زعلت منه ماذا ستفعل ؟

لو هى طبيعية وكويسة مش هيبقى فى اى مشكلة ويتحل الموضوع بعقلانيه

لكن لو هى من النسبة اللى بأتكلم عنها يبقى ايه الحل ؟

شوفوا شكل الراجل بقى هيكون ايه ؟

احكمى انتى يا ناش

واحكمى بعكس المثال برضوا

تم تعديل بواسطة vipwithyou

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

اطمئن ياتامر....لا يطلق مصطلح زوجة مريضة نفسية على الزوجة اللى ممكن تخرج اسرار بيتها أو زوجها...المريضة نفسيا دى بتقوم بافعال تانية خالص....

كما اطمئنك ايضا ان نظرية القياس مالهاش دخل فى موضوعنا...خليك معايا انت بس...

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

علشان بس موضوع اخونا الفاضل الزهيرى مايتحولش الى مشاحنات وسفسطة....وعلشان نرجعه لاصله...

اقوله..متهيألى يازهيرى فى الزمن ده ماحدش بيتزوج علشان خدمة البيت فقط...واوافقك طبعا ان هناك زوجات كتير وقد لايعملن ولكن على قدر كبير من تحمل المسئولية وبتمثل سند لزوجها فعلا او بتكون معاه كتف بكتف كما قالت الفاضلة ناش...

الصداقة بين الازواج بتعتبر نوع من التواصل النفسى له أهمية فائقة فى التقارب وتخطى المشاكل بين الزوجين ....ويمكن هنا ياتامر بتتضح المشكلة اللى حضرتك بتتكلم عليها وهى ان الصداقة حاجة والمودة والرحمة حاجة....

يعنى اذا لم يكون هناك قناة تواصل بين الزوجين ومشاركة وصداقة..ممكن جدا يتسرب الملل لحياتهم نتيجة الجمود والصمت وادعاء المعاملة بالحسنى وخلاص...

والحوار المشترك بين الزوجين يساهم فى التجديد ويقوى اواصر العلاقة الاسرية.

قليل هم من النساء من يسربن اسرار الزوج كنوع من الرغى النسائى ......وده فى حد ذاته له مشاكل كتير..مش موضوعها هنا....

لا اتفق معاك فى وصف النساء بان عقلهم صغير...والا لما استطعن تربية اجيال ورجال يشهد لهم برجاحة العقل.....

يعنى كلمتين كده لانى قلت لك حارجع ارد عليك ...بس ده كان قبل الحرب العالمية.......فاكتفى بهذا

سامعة واحد بييقول طب ماتتكلمى عن نفسك....حاضر

انا وزوجى اصحاب جدا...من زمان...والصداقة اللى بينا مش معناها انى لازم اعرف منه كل حاجة كتقرير يومى ...لكن لما بيحب يتكلم باكون مستمعة جيدة جدا له..وباعرف امتى اتناقش معاه وامتى اسيبه لما يبدأ هو الكلام.......وده شعور جميل فعلا ....

زهيرى موضوعك جميل بس اتمنى انه يستمر على نفس الموجة الهادئة علشان نعرف نكتب بس.... :D

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
MZohairy عضو جديد

MZohairy

بتاريخ:
  • كاتب الموضوع
بتاريخ:
زهيرى موضوعك جميل بس اتمنى انه يستمر على نفس الموجة الهادئة علشان نعرف نكتب بس.... wst::

انا واخد اتنين ترانكلايزر و شارب حجرين معسل تفاح و آخر روقان وامواج هادئه و احلام سعيده و كل حاجه فل :roseop:

معاكوا يا فلانه هانم :D

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله...

:D

ربنا يسعدك ويفرح قلبك....والله كده بقى انت فتحت نفسى فعلا انى استكمل الحوار...اصلى دخلت اتخضيت بصراحة.....لكن مادام الجو جميل وعال العال...نكتب بقى

بس اغدى البشر اللى ورايا وارجع...

صباحووووووووو

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ: (معدل)
السلام عليكم ورحمة الله....

اطمئن ياتامر....لا يطلق مصطلح زوجة مريضة نفسية على الزوجة اللى ممكن تخرج اسرار بيتها أو زوجها...المريضة نفسيا دى بتقوم بافعال تانية خالص....

كما اطمئنك ايضا ان نظرية القياس مالهاش دخل فى موضوعنا...خليك معايا انت بس...

ماشى انا معاكى للآخر ..

تم تعديل بواسطة vipwithyou

أستغفر الله الذى لا اله الا هو الحى القيوم وأتوب اليه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف]إذا كان أجرها ومنصبها أعلى منك.. هل تقبل؟ مراتك مديرك!
      بعد أن أصبح تمكين المرأة واستقلالها وتحسين وضعها السياسى والاجتماعى والاقتصادى والصحى هدفا فى غاية الأهمية وعرض المقال كاملاً

      بواسطة News Bot
      كُتب

    • قاهرى
      36
      تعمل اية لو مراتك قالتلك اكتب الشقة باسمى ؟
      الى كل المتجوزين ؟؟؟ مهما تكون بتحب مراتك جدااااا وهيا بتحبك ووخدين بعض عن حب وهيا ام عيالك وبينكم عشرة كبيرة فى ناس لما يشترى شقة جديدة او يحط فلوس فى البنك يكتبها باسم مراتو وفى منا مبيرضاش بكدة هل انت مع ام ضد ذالك ولماذا ؟وماذا سوف تفعل لو مراتك قالتلك خلى الفلوس مثلا باسمى او اكتب الشقة باسمى هل هتحرج ولا هتعمل كدة ولا هتولع البيت خناقة ولا هتقولها مش ضامنك ؟؟؟؟ السوال باختصار : هل تأيد انك تخلى تحويشة عمرك مع مراتك ام لا ؟ ولماذا ؟ وازاى تتصرف معاها لو هى الى طلبت منك كدة فى انتظا

      بواسطة قاهرى
      كُتب

    • Scorpion
      8
      بتساعد مراتك ؟؟
      يعني بتساعدها في اعمال البيت ... تنضيف .. ترتيب .. كنس .. مسح .. غسيل .. مواعين .. رعاية الأولاد و لا مقضيها تليفزيون و كومبيوتر ؟؟ و هل لسه صورة السيد أحمد عبد الجواد و زوجته امينة موجودة في عصرنا الحالي ؟؟

      بواسطة Scorpion
      كُتب

    • ابوهنا
      8
      لو مش خايف من مراتك اتفضل معانا
      للامانه هذا الكلام منقول بس شفت خلينا نعيش شوية ذكريات ونعيش شوية رومانسية بعيد عن البيت والعيال والطبيخ والخروج ولبس الصيف وباندا وهايبرباندا اللى مشطبه على المرتب ستة اسئله حضرتك تجاوب عليهم من غير مجامله للزوجه او الام او الاولاد وعلشان نولعها اكتر الشرط ان لايكون من ضمن اجباباتك الزوجه او الاب او الام او الاولاد حتى لو كانوا هم اول حاجه هات اللى بعدهم اذا اردت ان تبكى على من تبكى. من ستختار ليمسح دموعك من يسكن قلبك الان مستحيل انساك لمن تقولها انت كل شئ فى حياتى لمن تقولها وحشتنى

      بواسطة ابوهنا
      كُتب

    • الدكتور ياسر
      26
      إزاى تعكنن على مراتك ؟؟
      نصايح غالية أيها الزوج العزيز إزاى تعكنن على زوجتك الحبيبة .. .......................................... الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان .. اشمعنى انت ؟ ولو حاولت ترجع تنام تانى قول لها مادام صحيتى حضري الفطار بقى اذا كنت بتتفرج على التلفزيون وهى عايزة تغير القناة قولها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة , ولو كنت بتتفرج على ماتش كورة هيبقى الموضوع اسهل و كل ما حد م

      بواسطة الدكتور ياسر
      كُتب

×
×
  • أضف...