هل مراتك صديقتك تشاورها و تفضفضلها في كل شيئ

[om marawan]

بس انتوا برضوا مش معايا ان فى ستات عقلها صغير شوية

يا ام مروان انا رأيي فى كدة ان فعلا لازم يكونوا الزوجين شخص واحد بكل ما تعنيه الكلمه

مش اسرار بس لكن كل حاجة

ودة هدفى فى الحياة والحمد لله متحقق من الآن

بس أنا بأتكلم على شريحة تانية خالص بتكون طبيعة شخصية المرأه نفسها الى حد ما غير سوية وتكون من النوع اللى ما يتبلش فى بقه فوله .. طيب اذا كان الزوج ممكن يبوح بكل ما فى صدرة لزوجته هل من حقها هى ان تخرج اى كلمه مما باح زوجها بها لها حتى لو على ضغط اى مشكلة ولو حتى لوالدتها او اختها ناهيكى عن صديقاتها .. هل هذا صح ام غلط ؟ شريحة كبيرة من السيدات تفعل ذلك للأسف وأعرف تجارب تم فيها ذلك بعيدة عنى لكن عرفتها بالصدفة وربما كنت وسيط للحل فى احدى المشاكل وافاجىء من طرف الزوجة بأنها هى اللى تتكلم عن اسرار بينهما وانا من كنت اقول لها لا تتكلمى مش عايز اعرف حاجة خولنا فى موضوعنا .. فكلامى دة بناء عن واقع لمسته

معلش اتأخرت عليك فى الرد بس واضح اننا بشكل عام متفقين على حاجة ان زى مافى زوجات بتحكى عن بيتها ففى رجالة كتير بتحكى وتشتكى وده واقع لمسته انا كمان

ومش معقول ماتكونش بتسمع " الواحد مش عارف يقعد فى البيت " طلباتها مابتخلصش " دى مخها على قدها " بقت مبهدلة فى نفسها او أى شكاوى من النوع ده

والله ياتامر انا شفت نماذج بيروح يحكى لأهله على كل كلمة بتقولها زوجته وبدون الدخول فى تفاصيل بس حاجة تكسف يعنى وطبعا دول مالهمش علاقة بالصداقة

وأعتقد ان الام هنا لها دور كبير فى انها تعود ابنها أو بنتها على كده يعنى امهاتنا دايما كانوا يقولوا مشاكلك ماتطلعش برة بيتك لأنها عرفة ان ده من مصلحتى

ولو الزوجة عندها مشكلة انها بتحكى على اسرار او مشاكل بيتها فى حالة الخلافات فصدقنى دى اكيد مش مشكلتها الوحيدة دى نتاج شخصية غير متزنة سواء كانت راجل او سيدة

ربنا يفرحنا بيك ياتامر وبعروستك احنا بس ردينا على رسالتك التحذيرية للرجالة انهم مايكونوش أصدقاء زوجاتهم لأن الطبيعى ان الراجل بيدور على الزوجة اللى يقدر يحكيلها وياخد رأيها كمان

ابعتلى بقا شريط ترانكولايزر من عندك

[طه المصرى]

بعد السلام عليكم ورحمه الله

فأن الأمر جد خطير

وذالك بالعوده الى اصل الموضوع وهو سؤال

هل مراتك صديقتك تشاورها و تفضفضلها في كل شيئ, أم مجرد أم العيال و ست البيت بس؟

والاجابه................. ان لم تكن الزوجه بها نصف السؤال الاول

صديقتك تشاورها و تفضفضلها في كل شي

فما هو المعنى من الزواج

واما النصف الاخر من السؤال فهو شىء طبيعى فهى ام العيال وام الزوج كمان وست البيت وست الكل وهذا لا ينقص من قدرها

فهى الصديقه وهى عندى كل شىء و اول شىء فن لم تكن

فتحيا العزوبيه..........والرهبنه

تم تعديل 18 مارس 2008 بواسطة طه المصرى

[vipwithyou]

وأعتقد ان الام هنا لها دور كبير فى انها تعود ابنها أو بنتها على كده يعنى امهاتنا دايما كانوا يقولوا مشاكلك ماتطلعش برة بيتك لأنها عرفة ان ده من مصلحتى

بالظبط كدة هو دا الكلام .. الأصل فى تربيه الرجل والمرأة ونشأتهم

من خلال ذلك نعرف ان كانوا سيكونوا ازواج صالحون ام لا وأصدقاء يتوجوا على عرش المودة والرحمة

فيبقى الأصل فى التربية بجد

ربنا يفرحنا بيك ياتامر وبعروستك احنا بس ردينا على رسالتك التحذيرية للرجالة انهم مايكونوش أصدقاء زوجاتهم لأن الطبيعى ان الراجل بيدور على الزوجة اللى يقدر يحكيلها وياخد رأيها كمان

انا والله ما طلبت من الرجال انهم ما يصادقوش زوجاتهم لكن انا حذرتهم من الصداقة المتناهيه الا اذا تأكد الرجل ان تلك المرأة تستحق تلك الثقه العمياء .. لان ممكن فترة الخطوبة ما تبينش حاجة زى كدة لان أكيد الكل بيتجمل علشان يبان كويس للتانى فيبقى صعب اكتشاف المرض دة قبل الجواز بس بيبان اكيد من مواقف كتير .. فكل اللى بأقوله هنا وهنا فقط ياخد الراجل حذرة .. بس

ابعتلى بقا شريط ترانكولايزر من عندك

انا معنديش والله من اللى بتقولى عليه دة .. الأخ mzohairy هو اللى واخد 2 منه وشارب حجرين معسل كمان

فخليه لما يبجيب يبقى يحدف عليا حبايه لما اشوف ايه دة

تم تعديل 18 مارس 2008 بواسطة vipwithyou

[zizetta]

كالعادة يا زوهيري مواضيعك ساخنة وتستفزني للقراءة والكتابة والأندرستاندينج .. والأوفر ستاندينج كمان ...

موضوع مهم ..وبإختصار أنا لا أرى أن هناك صداقة بين الرجل وزوجته .. ممكن يكون فيه راحة نفسية فيه تفاهم فيه ود وإحترام ولكن حكاية الصداقة دي .. أشك فيها .. يعني مثلا ممكن يحكي لها عن مشاكل شغله أو بعض وحط خط تحت كلمة بعض من مشاكل وأحداث عائلته اللي بيحب يقولها بس .. لكن صداقة صداقة يعني .. لا أظن ..

وبصراحة أنا ما بحبش الراجل صديق زوجته ده يعني كل كبيرة وصغيرة يحكيهالها .. يبقى كتاب مفتوح .. الراجل لازم يتميز شوية بالغموض .. وكمان لازم يبقي ذكي ويترك الفرصة لزوجته أنها تمارس هوايتها في الأرأرة ومحاولة سحب الكلام وقال يعني وقعته وخلته يحكي لها ..

والستات عقلهم مش صغير ولا حاجة بس هم بيحبوا يعملوا مشاكل .. وده في رأي الشخصي نوع من شد الإنتباه ليهم .. أو جعل الزوج ياخد باله انها ممكن تنكد عليه عيشته لو ما كانتش في الصورة .. كمان هو هواية عند البعض تعكير المزاج علشان لما يغضب وبعدين يتصالح يبقي فيه أكشن .. شوية بهارات يعني علشان الحياة يبقى لها طعم ..

الراجل لازم يبقي كتوم .. لأن معظم الستات بتحب الرغي (خلي بالكم من مرادفات بعض الستات ومعظم .. يعني علشان السيدات المثاليات حيدخلوا في الجزء اللي ما ذكرتوش ) ...

الزوج ده لو مخباش مرتبه أو دخله .. حيخبي أن أمه هي اللي بتقويه .. أو انه شاري حتة أرض ومخبي علي مراته .. أو ان الموظفة الجديدة شكلها حلو وهندامها أحلى .. أو انه شايل قرشين للزمن مش عايز يقولها عليهم علشان ما تفرتكهمش علي اللبس والمصيف ..أو توضيب البيت .. أو انه بيعمل شاتنج من المكتب مع بنات أو سيدات خارج القطر وداخله...

السؤال بقى وياريت الزوجات تجاوبني بصراحة .. هل زوجك صديقك .. يعني ممكن يرفع سماعة التليفون ويسمع حوار بينك وبين صاحبتك الأنتيم من غير ما تعرف هي انه علي الخط... أرجو الإجابة ..

( نفسين تفاح معاك والنبي يا زوهيري )..

تحياتي

زيزيتا

تم تعديل 18 مارس 2008 بواسطة zizetta

[AMEIR]

السلام عليكمورحمة الله وبركاته اما بعد

الزوجة هي الزوجة الصديقة والحبيبة والعاشيقة وشريكة الحياة وام العيال وهي السكن والحنان ممكن نشارو الزوجة لكن مش في الحيان نشاروها بعض الأمور نشاورها ولعضها لا :D

[vipwithyou]

هييييه زيزيتا تعالى اقفى جمبى :D

[mizo]

[color="#FF0000"]السؤال بقى وياريت الزوجات تجاوبني بصراحة .. هل زوجك صديقك .. يعني ممكن يرفع سماعة التليفون ويسمع حوار بينك وبين صاحبتك الأنتيم من غير ما تعرف هي انه علي الخط... أرجو الإجابة

ايه مافيش اى رد ليه كل الجنس الطيف فين

اقوللك الرد كل الستات ترفض ان زوجها يسمع مكالمتها مع صديقتها لكن مافيش مانع انها تسمع جوزها وليه كده علشان الرجاله عينها زايغه

ياراجل ده انت لو اخدت راى مراتك وفى نظرك انه غلط ولم تاخذ به تبقى ليله ويسلام لو كان حاجه تختص بالعائله ياسلام ياسلام ياسلام

وسلامى الى كل الرجاله المستقلين بعيد عن حزب الاصدقاء

[size="5"]عاش الرجل الحر المستقل

[nash]

الظاهر الواحد المفروض يشكر ربنا اكتر من كده علي نعمه الغربه...لإن الحمد لله طباعنا لازالت علي الفطرة..ولا توجد دسائس ومؤامرات يقوم بها احد الازواج تجاة الطرف الاخر...

بل الاثنين كتاب مفتوح....لا يخفي احدهم سر..والعلاقه اقرب إلي المثاليه من اي شيء اخر...ولله الحمد... :D

وبصراحه أراء لطيفه جدا ...مستمتعه وانا بقرأها.....استمروا يا قوم...علشان الواحد يتعلم شويه...يمكن يكون ابو ياسر مخبي مليون دولار في البنك ومش عايز يقولي ولا حاجه wst::

[vipwithyou]

ايه يا ام ياسر انتى هتشجعى ان الزوج يخبى على زوجته فى حاله انه بس يخبى فلوس بس يجى ويديهم لها بعد كدة علشان تلحق تصرفهم ؟!!

[nash]

الزوج يا تامر لو اخفي اي شيء هو يريده عن زوجته...فبالتأكيد لن تعرف ..مايخفيه..لإنه سيكون حريص علي ألا تعرف..والعكس صحيح في حاله أخفت الزوجه شيء عن زوجها..وتتحول الحياة غلي اي شيء غير انها حياة زوجيه مثاليه...

ثم أنا كما قلت الظاهر الحياة في الغربه بتقرب الأزواج من بعض بطريقه غير عاديه..فلا يوجد من يتدخل في شؤونهم الشخصيه ولا يتدخل طرف في فض نزاع يقوم بينهم...

ثم أن الزوج يخبر زوجته بكل أمورة الماليه تحسبا لأي طاريء أليم ...فتستطيع الزوجه أن تتصرف سريعا...

هي اشياء بسيطه ولكن رائعه تقرب بين الطرفين بطريقه لا يعرفها من لم يغترب...تجعل الأثنين كانهم إنسان واحد ....

صدقني التشاور والفضفضه بعتبرة مزاح إذا قارنته بأرض الواقع...هنا في الغربه..حيث لا يقدم أحد الطرفين علي خطوة إلا إذا تأكد إن شريكه يوافقه ويدعمه بشكل كامل...مش تقولي شويه فضفضه....ولا إستشارة؟؟ لأ والجميل أن كتير شايفينها كتير علي الزوجه....

علشان كده بقول استمروا في النقاش ...علشان اتعرف علي أراء جديده..واثقه انها لن تفيدني ولكن ستزيد معرفتي بطباع الأخرين..

وبعدين بذمتك المليون دولار دول يعملوا أيه ولا ايه اليومين دول هه؟ ده يادوب تمن أكله في استيك هاوس... :D

تم تعديل 18 مارس 2008 بواسطة nash

[vipwithyou]

بالفعل يا ام ياسر فى ترابط الزوجين فى الغربة اكتر واحسن وهما فعلا محتاجين بعض اكتر هناك

يمكن تواجدهم فى مصر مع الاقارب والصاحبات الكتير اللى ممكن يعمل مشاكل

[MZohairy]

الموضوع بإختصار مسألة استنضاف عقليات

و ده بيرجع تاني لإختيار الراجل

هل هو عايز دماغ و ربة بيت في آن واحد ولا مجرد هاوس كيبر

تحياتي

[Folana]

السلام عليكم ورحمة الله....

صباح الفل يا زهيرى.....مش عارفة ايه حكاية الدماغ معاك..من امبارح عمال تقول دماغ دماغ... :sad:

نعم يا زهيرى انه يريد الكل فى واحد...دماغ لزوم التفكير والتدبير...وعضلات لزوم النظافة والغسيل... :sad:

أرد انا يازيزيتا..مش معنى ان زوجى صديقى...انى اسمح له يتجسس على مكالمتى مع صديقتى..بمناسبة اننا كلنا اصدقاء فى بعض وهيييييه...لا طبعا..لان انا كده ما احترمتش خصوصيتها ولم أكن امين معاها....يمكن تحب انها تتكلم عن اى شىء يخصها..مال زوجى بقى؟...هه؟

ممكن احكى له انا ...بس برضه الجزء اللى يخصنى... :sad: ولو انه بيفضل يقولى مين؟مين؟... :lol:

وعلى فكرة ياميزو..مش ادعاء مثالية ولا حاجة ...لكن انا فعلا لا اتجسس على مكالمات زوجى ايضا....مش ثقة بس ولكنه شىء يتعلق بالمبادىء وخيانة الامانة...... ولاتجسسوا ولا يغتب بعضكم بعضا....بالرغم من وجود صراحة وصداقة الا انه يجب احترام الخصوصيات

الحقيقة مانقدرش نعمم الموضوع ولا نقصره على فئات دون الاخرى....كل اسرة لها ظروفها.....يمكن لو فيه صراحة وصداقة الحياة مش حتستقيم مع البعض...والعكس

واخيرا حرية الرأى مكفولة للجميع...كل واحد يقول رأيه ومش شرط اننا كلنا نتفق على رأى واحد ولو حد قال رأى مختلف...نقوله دش دش (بالكسرة)...خلينا نتفرج !!!!

صباحكم جميل

[MZohairy]

صباح الفل يا زهيرى.....مش عارفة ايه حكاية الدماغ معاك..من امبارح عمال تقول دماغ دماغ... :sad:

الدماغ اللي هي المخ يعني

[om marawan]

انا والله ما طلبت من الرجال انهم ما يصادقوش زوجاتهم لكن انا حذرتهم من الصداقة المتناهيه الا اذا تأكد الرجل ان تلك المرأة تستحق تلك الثقه العمياء .. لان ممكن فترة الخطوبة ما تبينش حاجة زى كدة لان أكيد الكل بيتجمل علشان يبان كويس للتانى فيبقى صعب اكتشاف المرض دة قبل الجواز بس بيبان اكيد من مواقف كتير .. فكل اللى بأقوله هنا وهنا فقط ياخد الراجل حذرة .. بس

ابعتلى بقا شريط ترانكولايزر من عندك

انا معنديش والله من اللى بتقولى عليه دة .. الأخ mzohairy هو اللى واخد 2 منه وشارب حجرين معسل كمان

فخليه لما يبجيب يبقى يحدف عليا حبايه لما اشوف ايه ده

بالنسبة للنقطة الاولى عندك حق جدا فيها بلاش نقتح قلبنا بزيادة يعنى فى الخطوبة بعد الجواز الامور بتبان اكتر كتير وممكن تبان للافضل يعنى كمان

اما الترانكولايزر هههههههههههه معلش ماخدتش بالى بس ده ياسيدى المهدىء يعنى ومانصحكش بيه لأنه له تأثيرات مختلفة حسب نوعه وحسب حالتك

انصحك بالقرفة باللبن او شوية حلبة مفيدة وهتروقك جداااااااا

[MZohairy]

انصحك بشوية حلبة مفيدة وهتروقك جداااااااا

مشكلة الحلبه انها بتخلي ريحة العرق مش ولابد ابدا و ده ينطبق على البسطرمه ايضا لأن الحلبه احد مكونات التتبيله:closedeyes:

[Nonna]

ماشاء الله المشاركات قوية و دخلنا بقى في ان الست عقلها صغير و بتعمل من الحبة قبة

و يا حلاوة بقى لما الاقي راجل يقول الستات ناقصات عقل ودين gt:

يا سلااااااااام

ببقى مستنية اسمع الجملة

طيب

عشان بقىمعلش انا على الصفحة الرابعة بقيت اقول لنفسي هو السؤال كان ايه

و مع الصفحة الخامسة بقيت ابص في عنونا الموضوع قبل ما اقرا المشاركات

_العيب فيّ انا انا اللي على طول تايهة كدة معلش _

السؤال مراتك صديقتك تشاورها و تفضفضلها ولا ست البيت واما العيال و بسسس؟!!

اجابة السؤال اما بنعم او لا

وبم انى ما اعرفش اللي بيحصل في البيوت ايه

انما اعرف اللي المفروض يحصل في البيوت ايه

هجاوب على السؤال اجابة تانية :closedeyes:

والدتي عودتني اطلع الكلمات من السؤال و احط تحتها خط عشان اعرف انا هتكلم في كام جزئية

و ما تفوتنيش معلومة كان المفروض اقولها

مع شوية اعادةترتيب بقى

ناخد الفول مارك

يعني ايه صديق و يعني ايه زوجة

اذا قلنا ان الصديق هو القريب مننا _معنويا مش شرط ماديا بالسكن يعني_ مودة يعني

فالزوجة قريبة من زوجها _ماديا و معنويا _يعني سكن و مودة

ولو قلنا ان الصديق شخص ما بنفضفض معاه لما نحزن و نضايق

مش هنختلف

هقول ان النبي صلى اله عليه و سلم نفسه كان له أصدقاء و متوفر بينهم الثقة

زي أبو ابكر الصديق و عمر بن الخطاب و غيرهم من الصحابة رضي الله عنهم و أرضاهم

انما برده نقول

ان الزوجة ما هي شخص برده و قريب مننا و متوفر طبعا بنهم الثقة

ده انا بتكلم على اساس انهم زوجين اختاروا بعض و واثقين في بعض اخلاق طريقة تفكيروخلافه

اقول

طيب ماهو ده عامل تاني مشترك بين الصديق و الزوجة

حاجة كمان

الصديق ده اللي افرح معاه لما اضايق القاه ما اتحرجش وانا بتكلم معاه لما اكون محتاجة مشورة

ما يقولش لا ولما احتاج نصيحة ما يضنش بيها

مش عارفة فرقت ايه عن اللي المفروض الزوجة تبقى عليه؟!!

يعني في الزوجة صديقة و لكن الصديق مافيهوش زوجة

_ده باعتبار ان الزوج ما بيكلمش الا رجالة انما لو بيكلم ستات تانيين يبقى فيها قولان اخر و جوزان تاني (جوزان من جايز :sad:)_

بس للحق بقى نقول

مش كل حاجة لازم تتقال للزوجة زي ماهو مش كل حاجة لازم تتقال للزوج

مثلا يعني _مش عارفة جاز يتقال هنا او لا_

لما جه النبي صلى الله عليه و سلم في سكرات الموت

على الرغم من مكانة السيدة عائشة رضي الله عنها و ارضاها

الا انه قبل ما يتوفى قال سر لابنته فاطمة الزهراء رضي الله اعنها

و ما قالوش لزوجته في الدنيا والاخرة

_طبعا عارفين السر _

يعني لعلة ما عشان ما تزعلش مثلا عائشة رضي الله عنها لما تعرف انها مش هتكون اول من يلحق به بعد وفاته

ومع ذلك

هنلاقي اغلب الاحاديث بروايتها

_حاجات مهمة يعني في اساس الاسلام _

افتكر كمان في صلح الحديبية

مين اللي أشار_ت_ على النبي صلى الله عليه و سلم بيه

زوجته أم المؤمنين رضي الله عنها

أم سلمة

_حاجة مهمة في اساس الاسلام و من صميم عمل او شغل النبي عليه الصلاة و السلام_

خديجة رضي الله عنها كانت سند النبي و كان بيشاورها في أموره

و كمان أنجب منها

يعني الزوجة مش ست بيت و ام للعيال وخلاص

يعني

طبعا لازم الزوج يفضفض لزوجته و يتشاوروا و يتحاوروا

انما مش كل حاجة يقولها يعني

_واللي هيخبيه او هيحتفظ بيه لنفسه يبقى قليل قليل جدا_

[vipwithyou]

كلام جميل ومتزن يا nonna ربنا يكملك بعقلك

عايز بس حضرتك تجاوبينى على سؤال ..

هل هناك نسبة من السيدات يحبون الكلام الكتير ام لا ؟ كم تبلغ تلك النسبه ؟

هل فى تلك الحاله من السيدات يصح ان تكون الزوجة هى الصديقة للزوج ؟ ام يخاف الزوج على سر معين يقوله فى لحظة تعتبر لحظة ضعف من كتر الهموم مثلا ويفاجأ الزوج بعد ذلك بتسرب هذا السر حتى ولو كان فقط لأم الزوجة ؟

لا نتكلم عن شخص معين او زوجة معينه لست انا او انت او المحاورين بدليل اننا نناقش القضية

كلنا نود ان نصل للمعلومه الصحيحة والنصيحة التى لا يضر بها احد

شكرا ليكى .. بجد كلامك كويس

[vipwithyou]

take this quote.

"Don't give your friend much power, secrets,&trust.Because if he turned one day against you 'll do serious injury to you ."

مع خالص مودتى :)

حبيت بس أنقلكم الحته دى من الأخت بدرية :)

[MZohairy]

شفت حبيبي و فرحت معاه

كان وصل جميل حلو يا محلاه