المحتسب .. وحمار " التجريس "

[achnaton]

من جهود الأخ الفاضل عادل أبو زيد التى أشكره عليه حتى اليوم .. لفت نظرى الى صحفى مصرى شدتنى حيادته .. وموضوعيته .. ولا أرى فيها تملقا أو نفاقا إذا ذكرت لكم اليوم أسمه .. وآمل الا أكون قد أخطأت فى تقديرى له .. أنه رئيس تحرير جريدة " الوفد النعمانى " الأستاذ عباس الطرابيلى ..

لفت نظرى اليه كما قلت أخينا الفاضل الأستاذ عادل عندما أشركه وعرض عليه مشكلة قلعة الصناعة المصرية فى أسوان المسماه " شركة كيما " ومن يومها وأنا أحرص على قراءة عموده " هموم مصرية " وأحيانا أسعد بسماع آرائه فى برنامج " خاص للتلفزيون " ..

ومنذ قليل .. سالت الدموع من عيناى من الضحك تارة .. ومن الأسى تارة أخرى ومازلت والحمد لله أضحك .. كان الأستاذ عباس بيناقش فى حديثة أرتفاع الأسعار وجشع التجار .. وتناسى تماما ولا أدرى إذا كان تناسيه هذا لأنه مش عاوز يدين سياسة " غراب الخراب " الاقتصادية .. وأنتم طبعا عارفينه .. أيوه .. خبير الكساد اللى حط علينا فى مصر .. لدرجة أن تلميذ الأبتدائى - كما قيل لى - أتعلم أنشوده بينشدها وهو رايح المدرسة بسندوتش - لحم حمير - يقول فيها ..

ياشمس يا شموسه .. ادينا حمار وخدى الجاموسة .. { والمعنى فى بطن المؤلف المجهول } !!!!!!

الأستاذ عباس بيحكى .. أن كان زمان فى سوق التجار عند باب زويله .. موظف من الدوله أسمه " المحتسب " بيقبض على آى تاجر "العوبان "بيغش فى البضاعة أو الميزان .. او بيرفع الأسعار فى بدون أسباب .. وخاصة فى أيام الأزمات الهباب .. وكان بيحكم عليه بعقوبة " التجريس " .. فيضعة العسس على حمار .. ولكن بالمندار .. يعنى وشه مكان قفاه .. ويزفه الأطفال فى والشوارع والأزقة .. والكبار يزقوه وهو راكب كام زقه .. ..ويحدفوه بالطوب ..

بالذمة عباس ده مش عسل .. ياريت تعود عقوبة " التجريس " .. { من جرسه وفضيحة } ونزف يومها كل سارق للمال العام .. ودى طبعا حتعمل أزمة فى الحمير .. فمن أين سنوفر آلاف الحمير لنزف آلاف اللصوص .. وطبعا دى حتبقى مشكلة .. وحلها بسيط حسب تصورى .. نركبهم بعضهم البعض ..

يعنى الحرامى من دول .. يآخذ زميل له على كتفه .. ونعمل لهم " جرسه " ..

هل تمكنت من أضحاكم معى .. ربنا يسعدكم .. ويسعد أيامكم .. ويخلصكم من غراب الخراب وأعوانه .. قولوا معى آمين ..

أخناتون المنيا الحزين المرضان

[crossfield]

بالذمة عباس ده مش عسل .. ياريت تعود عقوبة " التجريس " .. { من جرسه وفضيحة } ونزف يومها كل سارق للمال العام .. ودى طبعا حتعمل أزمة فى الحمير .. فمن أين سنوفر آلاف الحمير لنزف آلاف اللصوص .. وطبعا دى حتبقى مشكلة .. وحلها بسيط حسب تصورى .. نركبهم بعضهم البعض ..

يعنى الحرامى من دول .. يآخذ زميل له على كتفه .. ونعمل لهم " جرسه " ..

هل تمكنت من أضحاكم معى .. ربنا يسعدكم .. ويسعد أيامكم .. ويخلصكم من غراب الخراب وأعوانه .. قولوا معى آمين ..

أخناتون المنيا الحزين المرضان

الله يكرمك يا أخ إخناتون؛ حل مثالى فعلا.لكن المشكلة إن الحمير السوبر اللى انت عارفها كلها حجم عائلى مخدتش بالك من الحكاية دى؟ و يبقىحرام علينا قوى نضحى بحميرنا الرخيصة العادية و نفطسها بسبب دول .دى أرواح برضه.فى الحالة دى مش هيبقى فيه قدامنا حل غير انهم يركبوا فعلا لبعض.بس برضه ساعتها مش هيريحوا.ده هيقولك أى أى "كيمو" تقيل قوى على دراعى :) وأن عكست و خليت "تيفة" فوق هيقولك لأ هاتوا لى "شوشو"أخف شوية :D ومش هنخلص برضه.يعنى الخلاصة:لا ريحوا وهمة على الكراسى و لا هيريحوا و همه على البرادع :D :D :D

[Proud Muslim]

س أكيد محتاجين عدد كبير من الحمير .. و الأطفال علشان يزفوا و يجرسوا هؤلاء ..

:?

[الطفشان]

نبذة بسيطة عن مهنة المحتسب و الاحتساب

هذه المحنة كانت موجودة في الدول الاسلامية و مهمتها رقابية على مختلف الصناعات و المهن و التأكد من انه لا يوجد غش يضر بالناس

و هناك كتاب اسمه "معالم القربة في احكام الحسبة" لابن الاخوة القرشي

و فيه تفاصيل عجيبة، مثل: "باب الحسبة على النقانق" يعني السجق!

و الى اليوم يوجد عائلات باسم "المحتسب" في فلسطين و الشام

http://www.awkaf.net/islamicbooks/tareef/e...m-ehetssab.html

نعود للموضوع الاصلي

[صعيدي]

أكيد محتاجين عدد كبير من الحمير .. و الأطفال علشان يزفوا و يجرسوا هؤلاء ..

:?

أقترح ان الحرامى اللى على درجة وزير او أعلى يٌجرس على حصان برضه الناس مقامات حتى الحرامية و بالنسبة الى الاطفال ممكن نشغل شرايط كاسيت :idea:

[achnaton]

أكيد محتاجين عدد كبير من الحمير .. و الأطفال علشان يزفوا و يجرسوا هؤلاء ..

:?

أقترح ان الحرامى اللى على درجة وزير او أعلى يٌجرس على حصان برضه الناس مقامات حتى الحرامية و بالنسبة الى الاطفال ممكن نشغل شرايط كاسيت :idea:

قصدك يعنى حصان خشب على عجل .. فسوف تكون إهانه كبيرة للحصان إذا ركبه من هو أقل منه مرتبه ..

والله يا اخى صدق المثل

اخناتون المنيا الحزين المرضان

[Salwa]

تحياتى

انا زعلانه منكم جدا جدا

ليه تبهدلوا الحمير

طيب دى الحمير لها مكانه عظيمه دائما فى التاريخ

ذنبها //تتحمل // كل ده

لازم تفتكروا ان الحمار مكانته عاليه جدا جدا

ومن زمان العالم كله عارف قيمته

وياما كتبوا عليه وفيه اشعار وكتب وقصص ومتاهات تانية كتير

وابسط مثل لتقدير الحمار

لما جورج واشنطن اصبح اول رئيس للولايات المتحدة الامريكية

سنة 1785 كارلوس الثالث ملك اسبانيا اهدى له حمارين //شوف العظمه// والتقدير

اما بقى الحاصل على جائزة نوبل فى الادب عام 1956 //

juan ramon jimenezفهو كتب روايته المشهورة التى يمجد فيها الحمار

platero y yo عام 1917 ومش عاوزة اقول لكم انه له ابيات شعر عظيمه جدا جدا بيقول فيها ما معناه ان امل الانسان ان تكون له ذاكرة مثل ذاكرة الحمار ولكن هذا لن يكون

والا كمان francois rene chateaubriand كتب احلى مؤلفاته

memoires d,UN ANE

ومش حانسى SHAKESPEARE فى عام 1595 فى قصته المشهورة

حلم ليلة صيف

عنما جعل بوك يهزر مع بوتوم وظهر براس حمار

ذنبه ايه الحمار يشيل كل الهموم دى ويستحملهم

مش كفايه احنا مستحملين

ومحدش كتب فينا شعر ولا نثر

سلامى

وربنا معانا كلنا

ويصبرنا