الفيفا يحكم بأحقية نادى سيون السويسرى فى ضم الحضرى

[ابو محمود]

ياسى محمد أفندى ذيدان ... طب أرمى السلام .والأرزاق على اللة وبعدين العالم دىمقبولةمنك علشان احنا حاسين بيك

الأستاذ الغالي : محمود مصطفى

طبعاً غير مقصود تماماً أي معنى وحش ممكن يوصلك بالعكس والله لم أقصد بهذه الكلمة غير المداعبة واستفزاز الناس الحبايب اللي على المنتدى ليس إلا

ولعلم سيادتك أنا رايي رغم إني زملكاوي للنخاع ... إن الأهلي يرمي الحضري في الشارع مش كده وبس ده يلغي كمان عضويته من النادي وأنا لما قلت إن الأهلي عاوز يدفعه اللي خده وده غلط كان قصدي إن اللعيب ده ما يستاهلش إن كيان كبير زي الأهلي يجري ورا شوية فكة بس طبعاً ( بشوية تريقة ) وكمان أنا ها زعل جداً لو حسن شحاته خلاه يلعب بكرة ضد الأرجنتين

أما بخصوص إن الأهلي نادي مبادئ والكلام اللي بترددوه فده مايدخلش ذمتي ببصلة ( حتة استفزاز دي )وسلم لي على مجدي طلبة ومعتز إينو ومحمد عبد الله وعمرو سماكة وكل الناس اللي خطفها الأهلي

أكرر اعتذاري إن كان كلامي فهمتوا غلط والله لا أقصد أي حاجة وحشة بس حتة تسخين

بدال مانتو عمالين شاغلين نفسكوا أوي كده بالأهلي والزفت ، شوفوا حال البلد ونحاول نغير فيها حاجه ، الأهلي والزمالك دول لعبة من الألعاب السياسية لتنويم الشعب وشغله بالتفاهات ، ماشفتش شعب بيتخانقوا علي العيش ولسه عمالين يتكلموا علي الأهلي والحضرى والبطيخ ، مايروح انشالله يلعب فى المريخ حتي ، دا حاجه تقرف ...

والله عندك حق يا أستاذ osaimi بس احنا بنفضفض ونضحك شوية في أي حاجة تخرجنا من الأرف والخنقة وكل البلاوي السودة اللي احنا بنشوفها وبنسمعها كل يوم يعني حتة كده نضحك فيها .... والا كله ضرب ضرب مفيش شتيمة

Muhammad Zidan

ياعمنا انتا عايزنى ازعل منك بالعافية دة انتا حبيبى مش ممكن ازعل منك دة انا زعلان عليك هههههههههه

(حتة فرفشة ) طب دنا طول عمرى من وانا لسة فى اللفة بحب الأهلى وبعشق هزيمة الزمالك بس واللة انا بزعل عليكولأنكم هتسيبو ياعينى المركز المحترم (الثانى ) لغيركم ودة منكد علينا :كأهلوية هو دة الموضوع

اما بخصوص الحضرى دة عبيط دة لو قالو لكل أجوال مصر تحبو تحترفو فين هيقولو الأهلى عارف لية يا عزيزى لأنهم بيهبشو فلوس كتير زيى ما يكونو برة بالظبط بس الحضرى موضب كوبرى مع سيون علشان هيلعب فى نادى اخر بس حب المال والطمع خلاة يبيع من أكرمة وفى مثل بيقول ... ان أكرمت الكريم ملكتة وأن أكرمت

اللئيم تمردا ودةما حدث بالضبط انا مش زعلان منكولاحاجة يا عزيزى فنحن أخوة والحمدللة ولكن مجرد ظفرات من النفس لأخراج بعض الهموم التى نتحملها من الحياة فى شكل معارك رياضية ورغم هذا فأنى احب من لاعبى الذمالك كثيرآ منهم لأنى أحب كرة القدم وأمارسها من زمن مبروك عليكو افريكا اسبور عقبال ما ترجعومن هناك منصورين بس خلى بالك احنا مستنيين على أحر من الجمر فاه مطبعآ انا بأرمى لاية يا ذملكاوى ياصديقى ههههههههههههههههههههههههه صباحك عسل أحمر

[حسام يوسف]

العسل ما يبقاش عسل الا لما يبقى ابيض يا أبو حنف

[سيف الدين جلال]

الردود الكثيرة من الاهلاوية بصوت عالى دليل على ضعف الحجة

تم تعديل 28 مارس 2008 بواسطة سيف الدين جلال

[عصام أبوالفتح]

طبعا انا اهلاوى لكن رأيى كالآتى :

1- العقد شريعة المتعاقدين واذا لم توجد شروط جزائية تمنع اللاعب من انهاء العقد فى اى وقت فله ذلك

2- الاهلى لم يجرؤ على نشر العقد .. لأنه عارف انه عقد سخرة كما يفعل الكفلاء فى العاملين لديهم

3- نحن ابعد ما نكون عن الشفافية فى مصر والاعلام يطوع الراى العام ليردد ما يريده اصحاب المصلحة

اصحاب المصلحة هنا هم النادى الاهلى

4- ادعوا للحضرى بالتوفيق بدل ما تحقدوا عليه ( يا اخوانا يا مغتربين يااللى بتهاجموا الحضرى انتوا مش عملتوا نفس الحكاية .. ومشيتوا على الهدف الاستراتيجى الاعظم للمرحلة وهو تفريغ مصر من سكانها .. بمزاجكم او غضب عنكم .. زعلانين من الراجل ليه طيب ؟!!!)

5- نادى سيون بيتحرك بمحامين محترفين وادارة بيزنس وبيعمل دراسة جدوى لكل تحرك .. اما احنا وحتى فى الاهلى فما زلنا نتحرك بمنطق يونس شلبى الله يرحمه .. قاللى قلتله .. امى .. امك مالها ومال اللى احنا فيه يا عاطف !!!! ) :sad:

6- اذا احترف كل لاعبى مصر الاكفاء وخلت قوائم الدورى للاهلى والزمالك والاسماعيلى وحرس الحدود من اللاعبين .. فهذا شئ عظيم حتى لو انتهى شئ اسمه الدورى العام لموسم او اتنين .. هايطلع ناشئين جدد كل همهم التألق فى الدورى وعمل اسم جيد يؤهلهم لتقليد سابقيهم

والسفر والاحتراف للخارج .. الدورى والكأس عديمى القيمة اذا لم يكن لديك لاعبين محترفين يصحلوا لتمثيل مصر.. وافتكروا جورج وايا عمل ايه فى منتخب مصر لما طلعنا من التصفيات .

7- انا زهقت من انا ناخد بطولة الدورى والكاس ونغيظ الزملكاوية كل سنة .. زهقت من انتصارنا على نفسنا .. ليس له قيمة فى النهاية .. نفسى الاقى المنتخب حاجز مكانة فى بطولة العالم كل اربع سنين .. دى تكفينى ومش عايزين الدورى ولا عايزين الكاس .. !!!!!!!

[lefilsdunil]

كده يا أخ عصام جبت من الأخر وغطيت الموضوع من كل جوانبه بحيادية و خصوصا الناحية " الأحترافيه "وده مهم

[ابو محمود]

أحتراف اية اللى مش عاجبكو دة طب دة حتى اتخن لاعب فى مصر ما يجبش مليون جنية

الأهلى مش بيعرض العقود ليس لخوف ولا لسخرة يا عمنا ولاكن للحفاظ على أعصاب الناس يا محترم لما لاعب بياخد فى السنة مليون و250 الف يبقى الموظف اللى رايح يشجعة يعملة أية الحكاية لهى سخرة ولا زفت دة بس علشان الناس تفضل تشجع البهوات طب قولى من فضلك الأعلانات أم 5مليون فى السنة يعنى مين بيقبض تمنها دة حتى فى البلاد بتاعة الكورة بجد الأعلانات من حقوق النادى لأنك بتشتغل فية علشان كدة للنادى النسبة الأكبر او المناصفة لأن حضرات اللعيبة بتكون لبسا الزى (فالنة النادى )وبعدين موضوع الحضرى مش علشان مش عايز الأهلى يسيبة لأ لانة هرب سرآ الى الخارج وفية مثل لحضرتك ممكن تقولة لية لما أنسان بيشرب خمر بيخبى الزجاجة عن الناس ولا المخدرات ولا بيسرق أو بيفقع زونبة فى واحد مثلآ بيزعق ولا بصوت واطى وفى الدس عارف لية لأنة بيفعل شيء غلط من هنا يكون التعاطف والقياس وربنا يهدى كل لاعب محروم من الفلوس ويجرب سيون علشان بكرة نشوف العجب ما دامو ناس محترفون بيعملو كل حاجة بأحتراف معرفش لية بيسرقو لاعب لسة ماضى من 8شهور عقد ب3سنين الكلام كدة يبقى فى سياقة مش ناس محترفة وبتسير حالها صح وبعدين طول عمر الدنيا بتعلما وفيها أمثلةكتير ان من طمع فى شيء من حق أخر لا يبارك اللة فية والحضرى يحاول ان يضيع حق الأهلى فى أحترافة وهذا هو لب الموضوع انة موضوع فلوس ودة حتى عملها بلؤم وخباثة قروى ساذج وبينفذ كلام ناس حرامية ومش هيخصرو فى الأخر اكثر منة لو موضوعة فشل الموضوع مش أهلى ولا ذمالك الموضوع ان الأخ الحضرى مثال لمجتمع يعيش فية ويترعرع كل فاسد ومنتهز الفرص على حساب الأخرين فكل يوم لنا حكاية مع فنان أو لاعب كورة او رجل أعمال او عضو برلمان .ز أمثلة لما وصلت الية العزيزة مصر من تدنى الأخلاق والقيم والهبش وقتل كل ماهو جميل والبحث على المكاسب ولو بالتحايل على العقود والقوانين وما نشاهدة اليوم الا حلقة من حلقات التيية الذى تعيشة منطقتنا من تدنى روح التعامل بين شعوبها وما الحضرى الا رمز لهذا السقوط

وما كلامنا وتداخلاتنا فى التنافس بين ألوان فرقنا الا ترويح عن أنفسنا من متاعب الحياة ولن يصل ابدآ الى المعاداة فجميع انديتنا والوانها تذوب فى علم مصر وكلنا فى النهاية مصريين ولاكن المهم ان نعرف ذلك قبل ان نتمادى فى تشجيع من يخرج عن الصف فكم من مهندسين وبناة لصروح عظيمة قضو عمرهم ولم يحصلو على مرتب سنة من مرتبات بهوات الكرة مثل هذا الحضرى وغيرة من لاعبين لايقدمون لنا الا التنازع على تشجيعهم وبعدين الناس اللى سايبة مصر وهاجرت او للبحث عن عمل هم لم يكونو فى يوم شغالين فى شركة او عليهم التزام وهربو دول ناس اتصرفت علشان تنمى مستواهم مادامو من الصعب عليهم ان يعملو فى أوطانهم طب والنبى عمرك شفت عامل ولا موظف بيقبض فى الشهر 20 او 30 الف وسافر يأمن مستقبلة دة حتى الواحد منهم يتمنى كل شهر نصف اللى انا بقولة وهو قاعد وسط أهلة وعيالة مش مليون جنية فى السنة انتا عارف عمنا الحضرى بياخد كام رسمى فى السنة من بعد الترضية والأعلانات 6مليون جنية يعنى قد ما 100 موظف يأخدو قبض سنوات خدمتهم وعليهم المعاش ويجعلة عامر بسيون

[se_ Elsyed]

عصام كتب

- العقد شريعة المتعاقدين واذا لم توجد شروط جزائية تمنع اللاعب من انهاء العقد فى اى وقت فله ذلك

مفيش يا عصام وهو أستغل نقطة إنه تجاوز سن 28 سنة وإن من حقه يحترف .. بس بغباء لإنه ما قراش النقطة للاخر وهي إنه لازم يُخطر ناديه قبلها بـ 15 يوم ولازم يعوضه مادياً كمان .

2- الاهلى لم يجرؤ على نشر العقد .. لأنه عارف انه عقد سخرة كما يفعل الكفلاء فى العاملين لديهم

سُخرة إيه بس يا باشمهندس .. هدي نفسك .. دي عقود إحتراف موحده مفروضه على الأندية من إتحاد الكورة ومش كل نادي بيألف عقود على مزاجه ونسخ العقود موجوده بالغتحاد وما فيش لاعب بيلمس كوره إلا لما يكون عقده معتمد .

- ادعوا للحضرى بالتوفيق بدل ما تحقدوا عليه ( يا اخوانا يا مغتربين يااللى بتهاجموا الحضرى انتوا مش عملتوا نفس الحكاية .. ومشيتوا على الهدف الاستراتيجى الاعظم للمرحلة وهو تفريغ مصر من سكانها .. بمزاجكم او غضب عنكم .. زعلانين من الراجل ليه طيب ؟!!!)

عايز تفهمني إن المغتربين وأنت منهم يا عصام بيعملوا كده ؟ يعني كنت شغال في شركة محترمة ولما جالك عقد عمل بالسعودية أختفيت فجأة وسيبتهم وطظ فيهم وفي العقد اللي هو شريعة المتعاقدين وفي الإحترام اللي لازم يبقى موجود عند البني أدم ويقدر الناس اللي اكل معاهم عيش وملح ؟ .

نادى سيون بيتحرك بمحامين محترفين وادارة بيزنس وبيعمل دراسة جدوى لكل تحرك .. اما احنا وحتى فى الاهلى فما زلنا نتحرك بمنطق يونس شلبى الله يرحمه .. قاللى قلتله .. امى .. امك مالها ومال اللى احنا فيه يا عاطف !!!! )

يبقى أنت مش متابع القصة يا حلو !!!

الاهلي النادي الوحيد اللي بيطبق الفكر الإحترافي ومنها القصة بتاعت الحضري ومن اليوم الأول وكل محامي سويسري وهو اللي بيتولى الملف بالكامل ... أما مسألة يونس شلبي فدي جلد للذات

الدورى والكأس عديمى القيمة اذا لم يكن لديك لاعبين محترفين يصحلوا لتمثيل مصر

إزاي بس يا ريس ... مش هما دول اللعيبة المحليين بتوع الدوري اللي مرمطوا محترفي أفريقيا واخدوا منهم كاس أفريقيا 2006 و 2008 ؟ مع إن لاعب زي دروجبا ثمنه بثمن فريق مصر بهدومه بحاله بماله ؟

[kokomen]

أخيرا عصام الحضري يلعب في نادي سيون السويسري

أعلن ذلك خالد الغندور في قناة دريم بعد إتصالهم بعصام الحضري تليفونيا

وسوف يمنح بطاقة مؤقته ليستطيع اللعب مع فريقه السويسري الجديد

وتستمر القضية التي غالبا ما سيحكم فيها لصالح الأهلي بالتعويض المالي عند نظر القضية

وبذلك يسدل الستار علي قضية هروب عصام الحضري من ا لنادي الأهلي المصري

ويفتح مجال لإحتراف اللاعبين الكبار في العمر ... مما يثير التساؤل عن اللاعبين الآخرين

تم تعديل 16 أبريل 2008 بواسطة kokomen

[حسام يوسف]

السلام عليكم

انا مش موافق ع الى حصل

لكن ده ذنب عمايلكوا السودة فى الاندية

وخاصة

الاسماعيلى

[Handasah]

المرة دى بجد لسة قريها على موقع العربية

الفيفا يمنح الحضري بطاقة دولية مؤقتة للعب مع سيون

(ذكرت وسائل اعلام مصرية الاربعاء 16-4-2008 ان عصام الحضري حارس مرمى منتخب مصر لكرة القدم سيلعب مع فريق سيون السويسري ببطاقة دولية مؤقتة.....)

وانا لسة على كلامى فى الاول ان الفيفا مش منظمة لا دى جمهورية وفيها كل حاجة مشروعة ومش مشروعة ...........

[se_ Elsyed]

السلام عليكم

انا مش موافق ع الى حصل

لكن ده ذنب عمايلكوا السودة فى الاندية

وخاصة

الاسماعيلى

إذا كنت بتسمي الإحتراف عمايل سودا ..

يبقى اللي بيعلموا الزمالك من شرا لعيبه من كل حدب وصوب .. عمايل لونها إيه ؟

-----------

آه بالمناسبة

لم يكن هناك ادنى شك إن الحضري مش هايعتب الاهلي حتى لو إتحكم عليه بالإعدام ولكن كل الموضوع الأهلي كان بيبحث عن حقوقه المادية اللي هاياخدها وزيادة كمان ...

نسيت أقول : في ستين داهيه يا حضري

ناس بتختم حياتها ( 36 سنة ) بالاعمال اللي الناس تفتكرها بها

وناس بتجيب طين من الأرض وتضعه على هذا التاريخ مثلما فعل هو

[se_ Elsyed]

بمناسبة العمايل السودا

وبما إن الاهلي أكبر نادي معاه فلوس

وبما إن موضوع الحضري بقى وصمة سودا في تاريخ كرة القدم

يبقى قابل يا ريس إنت وهو من السنة الجايه العامايل السودا اللي بحق وحقيق اللي هايعملها الاهلي ... وكله بقانون دولة الفيفا

بالمناسبة .. إدارة الاهلي ما رضيتش تعمل كده مع سيد معوض مع إنه نفس قصة الحضري بتاعت الـ 28 سنة ... ومع إنه كان في فترة إنتقالات ....

لكن الاعمال السودا لسه جايه

[حسام يوسف]

السلام عليكم

وحشتنى يا س س

هوة لازم يبقىفيه موضوع كروى عشان نتقابل؟

بالنسبة لسيد معوض

فهو فى الاهلى فى أقرب وقت

والعمايل السودة هية اللى بيعملها القراصنة الحمر

لما خدوا عمادالنحاس

وخالدبيبو

واسلام الشاطر

وبركات

ومحمد عبدالله

وقريبا عمرجمال

وحتى العراقى مصطفى كريم

طب ليه الغلب ده؟

طيب ماتقولوا النادى الاسماعيلى بالجزيرة وتخلصوا

ولا أقولك

سموة

النادى الاسماعيلى بالرايات الحمر

ونفسى أقابل والله يا س س زى ماقلت

وحد يخطف عبدالمنصف

وبالمرة لقاءالخميسى

صبرنى يارب

[kokomen]

السلام عليكم

وحشتنى يا س س

هوة لازم يبقىفيه موضوع كروى عشان نتقابل؟

بالنسبة لسيد معوض

فهو فى الاهلى فى أقرب وقت

والعمايل السودة هية اللى بيعملها القراصنة الحمر

لما خدوا عمادالنحاس

وخالدبيبو

واسلام الشاطر

وبركات

ومحمد عبدالله

وقريبا عمرجمال

وحتى العراقى مصطفى كريم

طب ليه الغلب ده؟

طيب ماتقولوا النادى الاسماعيلى بالجزيرة وتخلصوا

ولا أقولك

سموة

النادى الاسماعيلى بالرايات الحمر

ونفسى أقابل والله يا س س زى ماقلت

وحد يخطف عبدالمنصف

وبالمرة لقاءالخميسى

صبرنى يارب

يا دكتور حسام ياحبيبي

ليه كده بس ... يعني عايز تزعل عمنا زعيم الأهلوية سين سين

ده أحنا ما صدقنا يخف هجومه شوية على الزمالك الغلبان وجماهير الزمالك المقهورة

أنت عارف أنا ب أشبه الأهلى بالحزب الوطني .. في قوته وسطوته وفرض سيطرته في الملعب

على الفرق الغلبانه وعلى الحكام وعلى إتحاد الكورة وعلى وسائل الإعلام .. كلها حمراء wst::

وأحنا الزملكاوية الغلابه مع الفرق الأخرى الغلابه برضه عاملين زي أحزاب المعارضة اللي لا بتهش ولا تنش

طب يا دكتور ما فريق الزمالك كله مستورد من فرق أخرى ..؟؟ حترد تقوله أيه ..؟؟؟؟؟؟؟؟

كده بقى أنتم حاقدين على الأهلي ... زي حقدكم على الحزب الوطني ..!! أيه رأيك أنا كزملكاوي بفكر

أنضم للحزب الوطني ... قصدي الأهلي wst:: :) ... مبروك الدوري يا زعيم الأهلوية ... ويجعله عامر

[حسام يوسف]

السلام عليكم

شوف يا عمنا كوكومن

لا بنخاف ولا بنطاطى

احنا كرهنا الصوت الواطى

وبعدين بعد ماقلت حقائق كونية ثابتة

ان الاهلى زى الحزب الوطنى

وخد دى كمان

زى اسرائيل

هيكسب بالغيرمشروع

قبل المشروع

لأنة ألذ

بعد ده كلة تنضم للظلم

والافترا

والبلطجة

تأكل عيالك مال حرام

لأ مش انت اللى تعمل كدة

صلى ع النبى

واستغفر ربك

وادع ع الظالم

وياللا نجرى من مباحث مناهضة الاهلى wst::

[se_ Elsyed]

زي ما أخدنا محمد عبد الله وخالد بيبو وبركات وزكي جُمعه !!!!!!!!!!!!!!!!!!!

طب أنا اهلوي متعصب وشهادتي مجروحه

تعالى بقى قدام الناس الحوله دي وقول الاهلي اخدهم إزاي ؟

كوكومين .... أبشر يا بُني ..أنت الأن عرفت طريق الهداية ... فليباركك الرب ...

[Handasah]

كوكومين .... أبشر يا بُني ..أنت الأن عرفت طريق الهداية ... فليباركك الرب ...

حلوة ......................... :)

[حسام يوسف]

السلام عليكم

لأ مش حلوة

ده تعصب :lol:

[kokomen]

زي ما أخدنا محمد عبد الله وخالد بيبو وبركات وزكي جُمعه !!!!!!!!!!!!!!!!!!!

طب أنا اهلوي متعصب وشهادتي مجروحه

تعالى بقى قدام الناس الحوله دي وقول الاهلي اخدهم إزاي ؟

كوكومين .... أبشر يا بُني ..أنت الأن عرفت طريق الهداية ... فليباركك الرب ...

 شكرا  يا  سي  السيد

 على هذه الدعوات المباركة :lol:

كوكومين .... أبشر يا بُني ..أنت الأن عرفت طريق الهداية ... فليباركك الرب ...

وأظن أن طريق الهداية هو طريق الأهلي :lol:

فليبارك الرب كل جماهير ولاعبي الأهلي  والزمالك والأندية المصرية :happy:

:closedeyes: :happy: :lol: