انا مرعوبة ( حالتي وحشة بجد )

[moody00x]

ربنا يسترها مع الجميع

[Rabso]

.... واللى يحبنا مايضربش الرياض  :D

سي السيد

بيت رابسو في جدة تحت أمرك لو اللي بيحبنا ما سمعش الكلام :? :wink:

[se_ Elsyed]

الله يكرمك يا حاج رابسو ، الواحد متفائل بإذن الله " قل لن يصيبنا إلا ما كتب الله لنا " إحنا بخير فى أول يوم للحملة الصليببية على أخواننا فى العراق التى بإذن الله برضوا هاتخلي العالم كله يفوق ويقف فى وش الكفرة الأمريكان.

[goold]

السلام عليكم

على رأيك سى السيد

إحنا بخير فى أول يوم

بحب اقول موضوع سمعته بالراديو الان هنا بالكويت من دكتور يقول ان نضع معلقه كبيرة من البكنج بودر على كمية ماء نبلل غترة ( او شال قطنى )) فهو يعمل عمل الكمامة لمدة عشرون دقيقه - اى مدة اخلاء المكان الموجود فيه الكيماوى - واحب ايضا ان اخبر اخواننا انا هنا بالكويت الامور هادئة وقد ذهبنا للعمل وكل شئ عادى - فقط الاهل بمصر خائفيين علينا ولكن نحن بخير ولن يصيبنا الا ماكتب الله لنا الحافظ هو الله .

احى هذا المنتدى الذى يشع بالتآلف والتعاطف بين اعضائه والمشتركين فيه

[goold]

الاخت نورة بتقولى

بس بجد انا معتقدش ان صدام يكون بيتكلم من فراغ وميكنش حامي نفسوا ابسطها يكون مبدأه على وعلى اعدائي ده لو معندوش كيماوي

هو كلامك صح لكن لا تنسى جنوده بيحبوا انفسهم اكثر منه يعنى هيخافوا على انفسهم اكثر وها انتى شايفه من استسلموا امس منهم .. انتى اقرأى قرآن شوية وبعدين ارمى حملك على الله ولن يصيبنا الا ماكتب الله لنا .. مادمتى بقيتى هنا بالكويت فتشجعى بقه ولا تخوفى نفسك وانا هنا معاكى لكن انا سيباها على الله .. تحياتى لا تنسى تعزمينى فى فرحك عندى عريس حلو هنقيلوه عروسه من الفرح الحلو انشالله

[ســيد مرزوق]

الأخوة والأخوات

إطمئنوا علينا الحمد لله الوضع هنا في الكويت عادي إلى حد كبير ولكنه مشوب ببعض التوتر والترقب والحذر

وربنا يستر ...

أشكر مؤزارتكم لنا ... وربنا يعديها على خير

بنحاول نهدي بعض هنا

دعواتكم ...

[nora]

احنا الحمد لله بخير اليوم اه الناس قلقانة لكن انا في الشغل عادي في ناس وبعض الشركات مدوموش

بس في حجات تنية الناس بتشتري الاكل في أخر زاده بيشيلوا كل الي يشفوة في وشهم ازايز المية

الوعيش هنا بيشيلوا وعلشان يضبطوا المسألة خلو لكل عيلة فقط خمس اكياس عيش

ومش هقول ان الدقيق خلص

ولا محطات البنزين الناس بتفول العربيات استعداد للسفر

يعني حالة رعب وهلع وانا شيفة ان الي مستفيد في الاخر الجمعيات خلصوا كل المخزون عندهم :D :D :D :D

ربنا يستر انا عن نفسي كل الي عملتة امبارح أفلت فتحات التهوية بس غير كده مفيش :? :? :? :shock: :shock: حتى سيارتي فيها نص التنك هو عامة لو حصل حاجة هسبها هنا مش هقدر اخدها معايا (بس هي صغيره اوي فبقترح على ماما اني احطها على الشبكة بتاعت عربيتها ) :D :D :cry: :o :D

لكن غير كده الوضع عادي الناس سيبة كل بيتها ووقفه في الجمعيات والمخابز بيشتروا فتلاقى باسم الله ما شاء الله الشوارع فضيا بس ارب من نحية جمعية هتتاكل :shock: :shock:

بس ادعلنا ربنا يستر انا عن نفسي لو حصل اي حاجة هجيلك ياربسو اعمل حسابك جهز حلل المحشي اصلى بموت في المحشي واديلي فترة عملة رجيم فهموت من الجوع :D :D :lol: :lol: :lol:

واية بأه يا جولد انت تنوريني في فرحي بس انا وخده على خاطري منك بقى يبقى عندك عريس لقطة و شعنونه سيباها تعض فية دي خلاص خلصت على الركبه و بتمصمص في الرقبة :lol: :lol: :lol: :lol:

الحقيني انا خلاص ولسة كمان بهرب من MuslimaEgyptian عيزه الركبة التنية :shock: :shock: :shock:

[Rabso]

بس ادعلنا ربنا يستر انا عن نفسي لو حصل اي حاجة هجيلك ياربسو اعمل حسابك جهز حلل المحشي اصلى بموت في المحشي واديلي فترة عملة رجيم فهموت من الجوع  :D  :D  :D  :D  :D 

سعادتك عايزة تفهمينا إنك عايزة تهربي من الحرب :roll: و إنتي أصلاً عينك على المحشي :mad: و كمان بعد فترة رجيم قاسي :? يعني مش هاتسيبيلنا و لا واحدة :shock:

ألحق أكلم مدام رابسو تعمل حساب كل الجماعة اللي جايين من الكويت ياكلونا :shock: ... قصدي ياكلوا المحشي :D

من كل قلبي بادعي ربنا ينجيكم كلكم و يطمٍنا عليكم.

هاموت و اعرف مين اللي قال لك إن عندنا محشي النهاردة :mad: :mad:

:cry: :o :D :D

[وسام]

بيقولك فى صاروخين وقعوا من شوية على حدود الكويت ....ايه النظام ......... ياريت تنورينا :D :D :D

[se_ Elsyed]

أيه نظام المحشي ده :D أنا مدمن محشي وملوخية ومستعد أفضل أكلهم كل يوم حتى آخر العمر يا ولدي ..... الله يخليكي يا نورا لو جيتي عندنا السعودية ابقى عدي على الرياض وخديني فى أيدك أنا ومدام سي السيد والواد الصغير إبن سي السيد .. وكلنا نروح بربطة المعلم نطب على رابسو ونمسح المحشي كله .. مع ان المشوار بعيد لغاية جده ، لكن لأجل المحشي تهون الصعاب ... ونسيب الكفتة وايا الكباب .

[Rabso]

أيه نظام المحشي ده  :D  أنا مدمن محشي وملوخية ومستعد أفضل أكلهم كل يوم حتى آخر العمر يا ولدي ..... الله يخليكي يا نورا لو جيتي عندنا السعودية ابقى عدي على الرياض وخديني فى أيدك أنا ومدام سي السيد والواد الصغير إبن سي السيد .. وكلنا نروح بربطة المعلم نطب على رابسو ونمسح المحشي كله .. مع ان المشوار بعيد لغاية جده ، لكن لأجل المحشي تهون الصعاب ... ونسيب الكفتة وايا الكباب  .

ده أنت تنور يا سي السيد انت و العائلة الكريمة :D :D

حتى علبة الرابسو الصغيرة :D قصدي الولد رابسو الصغنن يلعب مع إبن سي السيد :D

أي نعم المحشي كان معمول للجماعة اللي جايين من الكويت :? لكن و لا يهمك نعمل حلة مخصوص لجماعة الرياض :D و نوصله لغاية عندك لو تحب كمان :wink:

حد تاني جاي و لا نقفل الحلل :mad:

:D :cry: :o :D :D

[nora]

ايده ايهده ماشي يا رابسو انا جيالك مسافت السكة استناني

وهديك مس كول يا سي السيد اول معدي من الحدود :) :cry: :lol: :lol:

انت متعرفش يا ربسوا ان انا عندي مقدره اشم ريحت المحشي من على بعد مليون كيلو :lol: :lol: :lol: :lol: :lol:

النهرده انطلقت صفارات الانذار 3 مرات و اول مرة انا مكنتش ادرة اصدق نفسي و اعدت اتصل بكل الي اعرفة وبشوف ماما فين لقتها بتشتري لحمة :cry: :cry: :cry:

بس روحت بأه الت ليها لاه انا عيزه فراخ :lol: :lol: :lol: :lol:

بهرج طبعا

قلت ليها ترجع بس كان الوضع هدي وبعد كده .

بس اية الشوارع مليانا نقاط تفتيش ودبابات والشوارع فضيا

كله اعد في بيته بس الوضع لازال مطمئن حيث ان الصواريخ لم تصب احد وقد سقطة في الصحراء .

ولكن انكرت السلطات العراقية حكاية الصواريخ دي وقالت ان مافيش عندها صواريخ ولا حاجة

:shock: :shock: :shock:

وافاكم بالانباء من ساحة المعركة نورة :lol: :lol: :lol:

واسكوتوا كنت هعمل حادث فضيع حيث كنت ادخل على دوار وضربت فرامل ونظارا لزوجة الارض العربيه لفت وبقيت عكس السير وطبعا لقيت ظابط الي بيعمل التفتيش بيبصلي وكأنة بيقول في باله ملها البنت دي بس فكان منظري كأني بهرب بس اتعدلت وكملت مشي وطبعا بقيت مش عرفة اضحك ولا اعمل اية

:cry: :shock: :shock: :mad:

ربنا يستر

[أسد]

النصيحة الأساسية لجميع من هم بالكويت

التأكيد على جاهزية كل واحد بأن يغادر عن طريق البر طبعاً ..

ده شئ مهم فعلاً ..

ولكن الأهم من كل هذا .. الصلاة والدعاء لله

وتأكدوا بأن كل من في صدره قلب ينبض .. يدعوا لكم بالسلامة

[وسام]

وضربت فرامل ونظارا لزوجة الارض

:) :cry: :lol:

العربى فى الضياع............

بس الحمد لله على كل حال عندنا مراسل من ساحة المعركة يوافينا بأخبار الصواريخ المحشية ديناميت مش الصواريخ المحشية رز ولحمة :lol:

[nora]

:) :cry: :lol: :lol: :lol: :? :? :shock:

والله بتبقى اخطاء مطبعية يا ناس صدقوني

حصل من شوية غارة رابعة والحمد لله محصلش حاجة لحد دلوقتي او بالأصح محدش راضي يدلي بأي تصريح

ورفض جميع المسؤولين الادلاء باي شئ

معرفش باه انا مشية كمان شوية ريحة البيت ادعولي اوصل :lol: :lol: :lol: :lol: :roll: :roll:

يارب النهرده اليوم الفري بتاعي من الرجيم ومش عرفة لية نفسي اكل شكلاتة :wink: :wink: :wink:

و عيزة اكل كنتاكي بس مش متأكده اذا كنت هلاقي المطعم مفتوح ولا لاه مين بأه يعزمنى على العشا :wink: :wink:

بس يعمل حسابة في مبلغ وقدرة اصلي هبوض الرجيم :lol: :lol: :lol: :twisted: :twisted: :twisted:

واول من حجز رابسو مين هيساهم في الدمار الشامل :lol: :lol: :lol: :lol: :? :? :shock:

[ســيد مرزوق]

زميلتي في الجهاد .... نورا

أقترح عليكي تغيير عنوان التوبيك إلى

أنا جعانة .. ( عايزة محشي بجد ) !!!!!

اطمني يا نورا ... إن شاء الله ربنا هايسترها معانا جميعا ..

الحال من بعضه وإنتي مش لوحدك ... لو احتجتوا أي شيء إتصلي بي

.. بجد مش عزومة مراكبية ... إحنا هنا كلنا أهل ..

ربنا معانا ودعواتكم ياللي بره في كل مكان ...

[DARWEEN]

من حكمدار المنتدى

إلى نورا والسيد مرزوق القاطنين بالكويت ...

المحشي فيه كوليسترول قاتل .... خفوا شويه جوعتونا

:lol: :cry: :cry: :D :D :D :D :D

حمدالله على سلامتكم وواوفنا بأخباركم أول بأول

[nora]

الله يخليك يا داروين

وبأه كده يا سيد مرزوق انا بحاول اغير شوية :oops: :wink: وده ميمنعش اني عيزة اكل :roll: :roll: :roll:

انا امبارح بجد ادايقة جدا للي حصل للعراق حاجة مش ممكن بجد

انفجارات جامده ويقولوا عيزين يحدوا من الاصابات بجد حاجة مش ممكن :? :?

نفسي بجد حد يتحرك بس فين حتى الشعب الي في اليمن لما عملوا مظاهرات موتوا فيها 4 :shock: :shock: :shock:

احنا الوضع مريح ومطمأن نوعل ما صفارات الانزار مانطلقتش غير 3 مرات امبارح بس :shock: :shock: :shock:

ربنا يعديها على خير

[goold]

ازيك يانورة

.. بتقولى ..

انا امبارح بجد ادايقة جدا للي حصل للعراق حاجة مش ممكن بجد

انفجارات جامده ويقولوا عيزين يحدوا من الاصابات بجد حاجة مش ممكن

كويس شعورك ده لان معظم ال هنا بينافقوا لكن زى ما احنا ابرياء ولا لنا ذنب نفس الشئ الاهالى هناك ابرياء ولا حول ولا قوة لهم الا بالله وعلى ما اظن وضح الان هما دخليين ليه ربنا يستر على المسلمين فى كل مكان

[goold]

نورة

بمناسبة فرحك والعريسى ال من طرفى هو ممتاز بس انا بعارض الجواز عن طريق المنتدى وخلى بالك ياشانا اوعى تقبلى لازم تشوفيه وتعرفيه ده ال بنعرفه بيتغير بعد الجواز مابالك ال مش عرفينه ،،، عشان كده بقولك يانورة هنجى الفرح نشوف له عروسة حلوة ويبقى هو ال نقاها