انا مرعوبة ( حالتي وحشة بجد )

[nora]

:roll: :roll: :roll: :roll: :roll:

بأه كده يعني انت اي بتبعتولنا الكلام ده كلة طب كفاية تراب شبعنا بجد

امبارح اضرب صاروخ على اكبر مجمع تجاري في الكويت

مش المشكلة في كده المشكلة انه لم يتم اطلاق صفارات الانذار :cry: :cry: :cry: :cry:

ومن المضحك جدا ان كل الشباب راحوا اتجمعوا واعدين يتفرجوا يضحكو

انا بجد بدأت اموت من الرعب :( :( :(

[الطفشان]

حمد الله على السلامة لكل الاعضاء في الكويت

طمنونا عليكو

[Mohammad Abouzied]

يا نورة يا بنتي

الصواريخ كانت على ايامنا احنا

لما ينزل على بلد يحرقها

مش صواريخ شم النسيم بتاعتكم دي

الله يرحم زمان وايام زمان كانت كلها بركه حتى في الصواريخ

[وسام]

انتى اللى يجيب بومبة من بتوع 10 صاغ بتاعت العيال و يفرقعها جنبك حيتفرج على فيلم هندى :D :D :cry:

اعصابك يا بنتى

[nora]

:cry: :lol: :D :lol:

بجد ضحكتوني بس عيزة اقولكم حاجة انا عرفة ان اغلب الصواريخ بتطلع على مفيش :? :? :? بس تخيل لو واحد جة في الجون والجون ده كان بتنا :lol: :lol: :lol: :lol:

انا بهرج بس طبعا مفيش حد مش يخاف انه يموت وابقى كدابة لو قلت اني مش خيفة :roll: :roll:

بس ارجع واقول العمر واحد والرب واحد :shock: :shock:

ربنا يستر انشاء الله

بس الي لسة مقلقني فين سيد مرزوق :cry: :cry: :cry:

[Mohammad Abouzied]

شوفي يا نورا

دايما تجنبي اتجاه الصواريخ

طبعا الصواريخ الى ها تيجي من العراق ها تكون موجهة من الشمال او الشمال الغربي لو انتي في مدينة الكويت نفسه

قوة الصاروخ تنهار عندما يسقط واي حائط ممكن يكون ساتر لايقافه ويعتمد ذلك على نوعية الجدار نفسه سواء مسلح او طوب اسمنتي او عازل صناعي

المهم خلي بينك وبين اتجاه الشمال حائطين فلو انهار الحائط الاول مش ممكن ينهار الحائط الثاني

اما عن كمية النيران فثبتت اها ضعيفه جدا لان الصواريخ دي المفروض انها تحمل قنابل غازات سامة فقط ولكن العراق فعلا معندوش هذه التكنولوجيا حاليا او سابقا لانه استخدم الغازات بالطائرات لضرب حلبجة ولم يستعمل صواريخ

بس الاعلام سواء العراقي او الغربي مصور صدام انه اكبر ارهابي وجيشه كله اسلحة خطيرة ودمار شامل

ودا بنسمية رزق الهبل على المجانين

اما عن سيد مرزوق ممكن تشوفي فيلم البحث عن سيد مرزوق بتاع الحاج متولي (نور الشريف) يمكن يكون عنده

[nora]

شكرا على النصائح يا ابو زيد والله نصايح اول مرة اسمع عنها

:oops: :wink: :lol:

بس حكاية ان صدام ممعهوش اسلحة دي مشكوك فيها :? :? :?

اما بخصوص سيد مرزوق فقد قررت ان اضع له اعلان في الجريده وفيه مكافئة مالية لليرشد عنه ويويل كل الويل لو مدلش علية والمتستر علية سيعاقب بالسجن :twisted: :twisted: :twisted:

:D :lol: :lol: :lol: :lol:

فينك يا مرزوووووووووووووق سبتني لوحدي لية :lol: :lol: :roll: :roll:

[Mohammad Abouzied]

بس حكاية ان صدام ممعهوش اسلحة دي مشكوك فيها    

صدقيني ممعهوش اسلحة ولو عنده مش ها يتردد في استعمالها

حتى ايام حرب الخليج الاولى لما كان بيبعت صواريخ على ايران كانت فاضية وكان ساعتها كل العالم بيساعدة حتى مصر كانت بتديله السلاح ومعاه خبراء لتشغيله

وبعد الحرب ما نتهت واحتل الكويت مقدرشي يستعمله من غير الخبراء المصريين واخذ يطلقه عشوائيا بدون تحديد اهداف في حرب الخليج الثانية

كان ممكن يستعمل هذه الاسلحة البدائية بنفس الاستخدام البدائي لما كان بيحارب ايران حرب الدرويش او ضرب قبائل الاكراد البشمارجه

اما ان يحارب امريكا او حتى اسرائيل بنفس طريقة صح يارجال وشغل القبائل الهمجية فهذا صعب جدا وليس له محل من الاعراب

الحرب محتاجة سلاح ورجال قادرين على استعمالها وصدام معندوش الاثنين

يبقى مفيش داعي للخوف ابدا

على فكرة يمكن سيد مرزوق حاليا في مهمة تغطيه صحفية للمعركة :o :o :o

[nora]

جرح 6 جنود أمريكيين في قاعدة الأديرع بالكويت

1603 (GMT+04:00) - 30/03/03

جنود أميركيون يستريحون في قاعدة العديري قبيل بدء مهام قتالية في العراق

مدينة الكويت، الكويت (CNN) -- أصيب 6 جنود أمريكيين بجراح، جراح أحدهم خطيرة، عندما صدم سائق سيارة نقل صغيرة مجموعة من الجنود الأمريكيين اصطفوا بالقرب من مخزن تجاري بقاعدة "الأديرع" العسكرية شمالي الكويت.

وبحسب تقارير مبدئية، فقد تم إطلاق زخات من الرصاص على المهاجم.

وبدأت القيادة المركزية الأمريكية تحقيقاً في الحادث الذي وقع تمام الساعة الواحدة ظهرا بالتوقيت المحلي، رفضت تقديم المزيد من التفاصيل حوله.

من جهتها، قالت الكويت على لسان مصدر عسكري كويتي إن الحادث الذي وقع في معسكر ‏الأديرع الأحد تسبب في إصابة جندي أمريكي، موضحا أن العربة التي ‏تسببت في الحادث كانت متواجدة داخل المعسكر.

وأضاف المصدر في تصريح لوكالة الأنباء الكويتية "كونا" أن الجندي المصاب يتلقى ‏العلاج اللازم في المستشفى الميداني في المعسكر، موضحا أن التحقيق مع سائق الحافلة مازال جاريا لمعرفة ملابسات الحادث.

وعلى صعيد آخر، أصدر وكيل وزارة الداخلية الكويتية الفريق ناصر أحمد العثمان ‏قرارا يقضي بالإفراج عن جميع العسكريين الكويتيين المحبوسين في السجن العسكري.

وأوضح البيان أن القرار يمثل رغبة من الوزارة في إتاحة الفرصة لجميع أعضاء قوة ‏الشرطة لخدمة الكويت.

http://arabic.cnn.com/2003/middle_east/3/3...rove/index.html

وسمعت في الراديو ان الشخص ده كان بيدخل هناك لانه بينقل للقوات الامريكية الاكل وكل ما يحتاجوا الية .

بس اصيب في هذا الحادث وهو الان في احد المستشفيات :neutral: :neutral:

بس الي عيزة اقوله والي اهم من ده كله انه مصري الي عمل كده

جدع بجد بجد :shock: :shock: :shock:

ربنا معاه يارب .....

بس انا خيفة ليكون الي في بالي لاه مش ممكن :oops: :lol: :D

معقول :? :?

[Mohammad Abouzied]

ربنا معاه يارب .....  

بس انا خيفة ليكون الي في بالي لاه مش ممكن      

معقول  

 

 

بقى خلتيه سواق سيارة نقل كمان

ليك ربنا يا سيد يا مرزوق :o :o :o :o

[nora]

:lol: :D :lol: :lol: :oops:

ده بس من خوفي والله ليكون اتهور بس :lol: :lol: :lol: الحمد لله عرفت اسمة اسمه لطفي البربري وعمره 31 سنة ربنا يكون في عونة دلوقتي هيبدأ التحقيق معاه ويشوفوا اذا كان قاصد ولا لاه :shock: :shock: :shock:

[بنت شعنونة]

نورا

تصدقي بالله..

من كتر ما اهلي فاتحين قناة الجزيرة وانا عمالة اشوف مناظر مفزعة واسمع اصوات الصواريخ والضرب والطيارات

ما بقتش عارفا انام؟

بقى بجد بجد عندي هلع؟

فعلا والله دي اقل كلمة توصف حالتي هـــــــــــلــــــــع

خصوصا كل ما اجي انام؟:(

كل ما اسمع صوت غريب تنتابني هواجس غريبة عجيبة

دا مرة كان فيه رعد

صحيت مرعووووووووبة من الصوت وفضلت يجي دقيقة مشلولة فعلا

عاوزا اتحرك ومن الرعب والتهيؤات مش قادرا...

واديني بقالي 3 ايام بنام بمهدءات...:(

بقينا في الهوااااااااااا سواااااااااااااااا

[nora]

والله انت بتقولي كده امال انا اقول اية :cry: :cry: :cry:

عرفة انا من كتر الخوف وانا دخلة انام بتشهد لاني مش ضمنه اني ممكن اصحى تاني :shock: :shock: :shock:

اما حكاية الصفارات فدلوقتي الواحد مبقاش يتهزلها كتير لان اكبر حدث مانطلقتش في صفارات فأيه الفايده :? :?

خليكم انتم المتفائلين انتم بعيد :mad: :mad: بس صحيح انت بتخافي من الاصوات لية انتي مش في مصر :shock: :shock:

ولا انتم مخبين عني حاجة

[Salwa]

نورا يا صغيرتى

جمدى قلبك ...باذن الله مش حايحصل حاجه

بس انتى صلى وافتكرى دائما ان ربنا معاكى ...ومع كل المظلومين فى الحرب دى ....اللى ملناش فيها ....لاناقة ولا جمل ....

والمظلوم بس هم...الشعوب

طيب انا بنام احلم ...ان صدام وبوش وبلير ....وشوية تانيين

ماتوا بقنبلة واحدة

حتى الاحلام بقت سياسية

بوظوا لنا جهاز الارسال بتاعنا

كل ده من التشويش

خليكى جدعة كدة ....امال انتى مندوبة لنا فى الكويت ازاى؟

هانت

وقريب جدا باذن الله ...كل التهريج ده ينتهى

ربنا معاكم

سلامى

[crossfield]

والله انت بتقولي كده امال انا اقول اية  :oops:  :lol:  :lol: 

عرفة انا من كتر الخوف وانا دخلة انام بتشهد لاني مش ضمنه اني ممكن اصحى تاني  :shock:  :shock:  :shock: 

اما حكاية الصفارات فدلوقتي الواحد مبقاش يتهزلها كتير لان اكبر حدث مانطلقتش في صفارات فأيه الفايده :?  :? 

خليكم انتم المتفائلين انتم بعيد  :mad:  :mad: بس صحيح انت بتخافي من الاصوات لية انتي مش في مصر  :shock:  :shock: 

ولا انتم مخبين عني حاجة

والله انت بتقولي كده امال انا اقول اية  :lol:  :lol:  :lol: 

عرفة انا من كتر الخوف وانا دخلة انام بتشهد لاني مش ضمنه اني ممكن اصحى تاني  :shock:  :shock:  :shock: 

اما حكاية الصفارات فدلوقتي الواحد مبقاش يتهزلها كتير لان اكبر حدث مانطلقتش في صفارات فأيه الفايده :?  :? 

خليكم انتم المتفائلين انتم بعيد  :mad:  :mad: بس صحيح انت بتخافي من الاصوات لية انتي مش في مصر  :shock:  :shock: 

ولا انتم مخبين عني حاجة

متقلقيش يا نورا يا بنتى إنتى بتتكلمى فى إيه؟إحنا بعون الله محدش يقدر يهوب نحيتنا إحنا و لله الحمد لا عندنا أسلحة نووية و لا كيماويةو لا بناكل أكلات هندية و لا شوفنا المهيأة و لا المسحب ولا نعرف حاجة عن الأسلحة الجرثومية . :oops: :oops: :oops:

أما الأخت شعنونة فبصراحة بالشكل ده هتدى فكرة وحشة عننا للأمريكان و تخليهم يفتكروا إن بنات مصر كلهم قلبهم خفيف كده و مش بعيد تطلع فى دماغهم و ييجوا يحتلونا فى أقرب وقت بس مين ؟؟ هاهاهاهاها :mad: إحنا رجالة و هنقف وقفة رجالة :twisted: :twisted: و الأرض لو عطشانة هنرويها بدمانا :twisted: :twisted: بس إبقوا قولولى قبلها عشان ألحق أخد ساتر :( :lol: :oops: :( .

[nora]

crossfield

    متقلقيش يا نورا يا بنتى إنتى بتتكلمى فى إيه؟إحنا بعون الله محدش يقدر يهوب نحيتنا إحنا و لله الحمد لا عندنا أسلحة نووية و لا كيماويةو لا بناكل أكلات هندية و لا شوفنا المهيأة و لا المسحب ولا نعرف حاجة عن الأسلحة الجرثومية . 

 

اسمها المهياوة :D :oops:

بس بجد الاكل الهندي حلو مش وحش وكمان الاكل الصيني انا عن نفسي كنت دايما باكل في مطعم صيني في المول الي اتفجر الاسبوع الي فات مش عرفة هروح اكل فين تاني بعد كده :? :?

انا دلوقتي احسن من نحية الخوف من الحرب بس مكتأبة من حاجات تنية يلة يارب يعديها على خير :( :(

[Mohammad Abouzied]

ياله يا ست نورة وزارة الدفاع المصرية بنت في الكويت نظام امون للدفاع الجوي ودا افضل من بتريوت لانه بيصتاد صواريخ سيلكورم منخفضه الطيران وايضا لو فيه صاروخ كروز تايه ولا حاجة على طول يستطادوه والنظام دا مأخوذ من نظام روسي كان خروشوف بيقول عنه في السينات انه ممكن يستطاد الذباب مكن الجو ايضا

[nora]

جبت الكلام ده منين وحصل فين انا اول مرة اسمع عنه :? :? :?

[Mohammad Abouzied]

جبت الكلام ده منين وحصل فين انا اول مرة اسمع عنه

من الفضائية الكويتية

[freefreer]

الأخت نورا .. اتمنى ان تكون اسباب رعبك قد زالت ..

و ياريت توصفيلنا كيف عرف الكويتيون باخبار سقوط صدام .. و كيف تناولوها و ردود افعالهم

و لك الشكر