انا مرعوبة ( حالتي وحشة بجد )

[nora]

انا والله كل الي عرفته انهم شمتانين جدا في الدول العربية الي مش قدرة تصدق ان بغداد سقطت

وغير كده بيتريقوا على الناس الي راحوا يحربوا وجين من دول تنية

واعدوا يتريقوا في التلفزيون على حالة الذهول الي اصابت القنواة الفضائية وكمان قناة مصر لانهم متنحين مش قدرين يستقبلوا الخبر

واعدوا يعلقوا على ان هما والعراقين المعارضين كانوا متوقعين السقوط ده

اه مش بالسرعة دي لكن على اي حال من الاحوال كانوا متوقعينة بس :mad: :mad: :mad:

[freefreer]

شكرا جزيلا يا اختاه :D

[nora]

:? :? :shock: :shock:

انتم شعوركم اية في مصر طيب بجد :?

[crossfield]

أكيد محبطين أكيد حاسين بالعجز و الخيبة ؛ بس أكيد برضو لسه بنغلى و ساخطين على الوضع ؛أكيد حاسين بالاهانة و الذل؛حاسين اننا فعلاً وقعنا فى فخ منصوب لعشرات السنين قدام .امبارح كنت فى الجامعة و كان فيه حالة اكتئاب و وجوم غير عادية مسيطرة على الكل من طلبة لأساتذة و نسبة الحضور فى الجامعة كانت ضئيلة جداً جداً مقارنة بالأيام العادية .الناس فعلاً ماشية متنحة محدش مصدق اللى حصل ده .أنا شخصياً كنت باتمنى ان صدام يكون مخبى فعلاً اسلحة كيماوية ويستعملها فى آخر وقت لكن اللى حصل …..اللحظة اللى غطوا فيها تمثال صدام بعلم أمريكا كانت مهينة لينا كلنا يا نورا آه لو اللى فرحانين عندك دول يعرفوا أو يفهموا الحركة دى بس معناها ايه...لكن تقولى ايه.أنا من حوالى اسبوعين تعسنى القدر بلقاء واحدة كويتية تقولى اية و تفهمى مين ؟؟ كم الحقد و الكراهية و السواد اللى جواها يقضى على مية عراق... مسيطرة عليه حالة قرف غير عادية حاسة فعلاً اننا كمسلمين فى ايدى غير أمينة و عاجزة؛ فى أيد مشلولة . أنا امبارح و انا بشوف العراقيين و همه بيسرقوا المبانى الحكومية والله فعلاً كنت مشفقة عليهم و رغم كده مش قادرة أحس بكراهية لا للكوايتة ولا للقطريين ولا غيرهم للأسف ميستهلوش عناء الكراهية ميستهلوش ان الواحد يعتبرهم أحياء أصلاً .الناس هتطق من الحزن و الاكتئاب .ربنا يصبرنا جميعاً .اللى أنا عايزة أعرفه فعلاً ازاى الأمة دى حالها هيتصلح و احنا مقسومين بالشكل ده ؟شوية مع العراق و شوية مع أمريكا و شوية لا مع دول و لا مع دول و مابين التلاتة فلسطين ضايعة ضايعة .حسبى الله و نعم الوكيل حسبى الله و نعم الوكيل حسبى الله و نعم الوكيل .

[nora]

انا عيزة اسأل سؤال مهم جدا

انتم كنتم مع صدام والي بيعملوا في شعبة ؟؟؟

ولا اية بالضبط ؟؟

هل كنتم عيزين صدام يستمر في حكمه الدكتاتوري وتجويعة للشعب وحالة التعذيب الي عملها فيهم ؟؟؟

هل هذة حقائق ام كلام من نسج الخيال ؟؟

انتم مسمعتوش عن ان صدام كان عذب شعبة قبل كده بالكيماوي ؟؟؟

ثما كلمه يا كروسفيلد

أنا شخصياً كنت باتمنى ان صدام يكون مخبى فعلاً اسلحة كيماوية ويستعملها فى آخر وقت لكن اللى حصل  

انت عرفة معنى دي اية مش بلد وحده هتتدمر لاه كتير

ثما كده انتي كنتي عيزاني اموت يا بنتي انا في الكويت :lol: :D

انا منكرش ان الكويتين عندهم حالة من الحق والكره الشديد للعراق والعراقين وانهم كدبوا كده وصدقوها الي هية انهم بيحرروا العراق انا فعلا متفقه من حيث المبدأ انهم حرروها لكن الاسلوب خطأ مليون المية هما كانوا بينتقموا منهم :twisted: :twisted:

بس على اي حال من الاحوال انا شيفة ان صدام لما مشي العراقين ارضهم رجعت لهم بس الي منتظراه هل حقا سيرحل الغزاه ؟؟؟

اسأله كتير واتمنى اني اسمع رايكم في موضوع احساس المصرين

[crossfield]

انا عيزة اسأل سؤال مهم جدا  

انتم كنتم مع صدام والي بيعملوا في شعبة ؟؟؟

ولا اية بالضبط ؟؟

هل كنتم عيزين صدام يستمر في حكمه الدكتاتوري وتجويعة للشعب وحالة التعذيب الي عملها فيهم ؟؟؟

هل هذة حقائق ام كلام من نسج الخيال ؟؟

انتم مسمعتوش عن ان صدام كان عذب شعبة قبل كده بالكيماوي ؟؟؟

صدام عمل كتيييير يا نورا فى العراقيين و فى غيرهم بس الوحيد اللى من حقه يعترض على ده الشعب العراقى نفسه مش حد تانى . ثم انتى مصدقة فعلاان الحرب دى كان هدفها تحرير العراق؟؟؟؟؟؟؟؟ طيب يا ستى أهو بكرة يحرروا سوريا و محدش عارف هيحرروا مين تانى :( :( :(

ثما كلمه يا كروسفيلد

أنا شخصياً كنت باتمنى ان صدام يكون مخبى فعلاً اسلحة كيماوية ويستعملها فى آخر وقت لكن اللى حصل  

انت عرفة معنى دي اية مش بلد وحده هتتدمر لاه كتير  

ثما كده انتي كنتي عيزاني اموت يا بنتي انا في الكويت :lol:  :lol:

يا ستى بعد الشر عليكى و علينا برضو بس الواحد مكنش يتمنى ان الاستسلام يكون بالسرعة دى و بالشكل ده.

بس على اي حال من الاحوال انا شيفة ان صدام لما مشي

العراقين ارضهم رجعت لهم بس الي منتظراه هل حقا سيرحل الغزاه ؟؟؟

يا بنتى هوه صدام ده جنسيته ايه مش عراقى برضو؟؟؟؟؟ صدام مكنش محتل العراق كان ديكتاتور و ما أكثر الديكتاتوريين فى العالم العربى اشمعنا العراق يعنى؟؟؟؟؟؟ اديهم قاعدين .أما نشوف الدور على مين :(  :(  :(  

[nora]

انا مؤمنه ان الي حصل في العراق كان باتفاق مسبق مع صدام لان مش معقوله صدام يهرب بالسهولة دي :roll: :roll: :roll:

بس انا برجع واقول صدام كان ميشكلش خطر فقط على بلده صدام عمل كتير في ايران ومحدش اتحرك نحيتة بس علشان الكويت لما ارب منها وفي مصالح مشتركة بنها وبين امريكا فعلشان كده اتحركوا :wink: :wink:

وانا عرفة ان العراق لم تحارب لان مكنش في اي نوع من التكافئ في الحرب ابتشي امام بندقية :mad: :mad: :(

ده مش عدل وعرفة ان كل ده ظلم وانا بين نارين هل اكون سعيده برحيل طاغية ام تعيسة بحلول الاطغي :? :? :?

ربنا على الظالم والمفتري بكرة كله يبان

[amir]

صدام خدعنا كلنا لما أوهمنا أنه يمتلك أسلحه حديثه و جيوش تسد عين الشمسو أنه الوحيد القادر على تحرير فلسطين ... و بعدين صحينا على الخيبه القويه و طلع مفيش سلاح و مفيش جيش !!

و الظاهر أن مقولة " ماكـو اوامر " مستمره معاهم .

:mad: :mad: :mad: