محتاجة موضوع لــ presentation

[~Heba~]

السلام عليكم

الاعضاء و العضوات الكرام انا محتاجاكم فى موضوع بسيط جدا

انا حاليا فى كورس انجليزى و مطلوب مننا نعمل عرض تقديمى فى اى موضوع نختاره بس انا احترت مش لاقية اى مواضيع تنفع

يعنى انا قبل كده عملت عرضين الاول كأنى انا مسئول فى قسم شؤون العاملين بشركة والشركة بتواجه مشكلة عدم انتظام العاملين فى الحضور و الانصراف فعملت العرض لتحليل المشكلة و حلها (طبعا بالانجلش)

و العرض التانى كنت شخصيةتانية الا و هى مسئول فى قسم المبيعات فى شركة و الشركة بتواجه مشكلة انخفاض مبيعات منتج معين

ده كل اللى قدرت افكر فيه بس العروض السابقة دى كتدريب على العرض الاساسى و احنا مفروض بنعمل كل يوم عرض بس بنعمل مرتين فى الاسبوع او مرة واحدة

المهم العرض الكبير حيكون لو وقت محدد غالبا تلت ساعة و لازم يكون له اعداد جيد و يكون موضوع جيد فانا و الله احترت مش لاقية مواضيع

انا كنت فاكرة المشكلة حتبقى اللغة لكن طلعت فى المواضيع

لا تقلقوا بشأن اللغة عايزة بس موضوع جامد ميخرش المية على زوقكم كده

يالا بلاش تكسفونى كل واحد يقول الله عنده

و شكرااااااااااااااااا لكم يا احبابى

ملحوظة

مينفعش اعمل عرض عن مواضيع كبيرة زى مشكلة البطالة او مشكلة رغيف العيش (المصطلح ده مش موجود فى الانجلش :lol: :blink: ) لانه لازم الموضوع يكون له علاقة بالبزنس لاننا بندرس بزنس انجلش

تم تعديل 19 مارس 2008 بواسطة ENG.Heba

[Diab]

إعتبري نفسك مستثمر وعاوزة تفتحي شركة لتوزيع منتج ما .. ماهي خطوات تأسيس الشركة ( إختيار المقر نوع النشاط إختيار الموظفين ...إلخ)

أعتقد إنه موضوع دسم ومحدد المعالم ومليء بالأهداف

[Muhammad Zidan]

مساء الخير على الجميع والسهرانين خصوصاً

تخيلي نفسك مسئولة عن الحفاظ على البيئة في إخدى المدن الجديدة وقومي بعرض المشاكل البيئية ومسبباتها وملوثات البيئة وبعدين عناصر الحل وبعدين الطريقة أو الطرق المثلى لحل هذه المشاكل .

ونظراً لأن ده تخصصي الحفاظ على البيئة فأنا على استعداد لإمدادك بأي معلومات أو بيانات أو إحصاءات برضه بالإنجليش بس عليكي تحددي الفركة العامة للبرزنتيشن

Muhammad Zidan :lol: :blink:

[badroora]

هلا هبة

شوفي يا هبة اهم شيء عند كتابة اى موضوع اننا نكون فهمينة كويس ليه فهمينة لاننا مش بنحفظ بمعنى انك مثلا لو اخترتى موضوع زى رغيف العيش دا مشكلة قومية وانتى عيشاها ولمساها وحتى اثناء الكتابة لو الكلام تاه منك هتعرفى تترجمى الكلام اللى انتى حساها ولمساه .

وفى ظل جوجل مترجم النصوص مبقاش فيه اى مشكلة لو بعض المصطلحات صعب عليكي حبتين ممكن

The title of your presentation can be

Egypt’s Problem and Its Challenge: Bread Corrupts

So now you defined the topic.

Then plan your writing .

Prepare the out line .

. Give a critical analysis of the assembled data. You must provide reasonable proof of your arguments and support it with the specific examples. In your essay you must cover opinions for and against the presented argument.

دا موضوع بيتكلم عن رغيف العيش بالانجليزى اقرائية كويسة وطلعى منه اللى تقدرى تستفيدي منه .

فى الكتابة بتاعتك مثلا زى المقدمة والاستراكشر والنهاية .

واعملى بحث عن المشكلة بالانجليزية واقريها كويس هتلاقي نفسك طلعتى بموضوع ممتاز .

انك حددتى المشكلة

وايه الاسابا التى ادت انها تبقي مشكلها

وحللتيها

وازاى تحليها

وطبعا اذكرى الحلول اللى تمت من قبل الدولة

وانتى حلولك ايه

صدقينى هيبقي موضوع دسم ولو عملتيه كويس هتخدى اسكور كويسة

والتتوفيق ان شاء الله

Egypt’s Problem and Its Challenge: Bread Corrupts

[~Heba~]

إعتبري نفسك مستثمر وعاوزة تفتحي شركة لتوزيع منتج ما .. ماهي خطوات تأسيس الشركة ( إختيار المقر نوع النشاط إختيار الموظفين ...إلخ)

أعتقد إنه موضوع دسم ومحدد المعالم ومليء بالأهداف

شكرا لك يا اخ دياب ممكن تفاصيل عن اقتراحك يعنى المفروض العرض ده يكون موجه لمين؟

[~Heba~]

مساء الخير على الجميع والسهرانين خصوصاً

تخيلي نفسك مسئولة عن الحفاظ على البيئة في إخدى المدن الجديدة وقومي بعرض المشاكل البيئية ومسبباتها وملوثات البيئة وبعدين عناصر الحل وبعدين الطريقة أو الطرق المثلى لحل هذه المشاكل .

ونظراً لأن ده تخصصي الحفاظ على البيئة فأنا على استعداد لإمدادك بأي معلومات أو بيانات أو إحصاءات برضه بالإنجليش بس عليكي تحددي الفركة العامة للبرزنتيشن

Muhammad Zidan :blink:

موضوعك رائع يا استاذ محمد و ان شاء الله اخده للعرض الاساسى يوم 30 فى الشهر و منتظرة من حضرتك تمدنى بالمادة العلمية و لو بالعربى بس بسرعة عشان الحق اجهزه

اما موضوع الاستاذ دياب ان شاء الله اعمله يوم الاحد و هو طبعا مهم لان كل شغل فى الكلاس عليه سكورز

[~Heba~]

هلا هبة

شوفي يا هبة اهم شيء عند كتابة اى موضوع اننا نكون فهمينة كويس ليه فهمينة لاننا مش بنحفظ بمعنى انك مثلا لو اخترتى موضوع زى رغيف العيش دا مشكلة قومية وانتى عيشاها ولمساها وحتى اثناء الكتابة لو الكلام تاه منك هتعرفى تترجمى الكلام اللى انتى حساها ولمساه .

وفى ظل جوجل مترجم النصوص مبقاش فيه اى مشكلة لو بعض المصطلحات صعب عليكي حبتين ممكن

The title of your presentation can be

Egypt’s Problem and Its Challenge: Bread Corrupts

So now you defined the topic.

Then plan your writing .

Prepare the out line .

. Give a critical analysis of the assembled data. You must provide reasonable proof of your arguments and support it with the specific examples. In your essay you must cover opinions for and against the presented argument.

دا موضوع بيتكلم عن رغيف العيش بالانجليزى اقرائية كويسة وطلعى منه اللى تقدرى تستفيدي منه .

فى الكتابة بتاعتك مثلا زى المقدمة والاستراكشر والنهاية .

واعملى بحث عن المشكلة بالانجليزية واقريها كويس هتلاقي نفسك طلعتى بموضوع ممتاز .

انك حددتى المشكلة

وايه الاسابا التى ادت انها تبقي مشكلها

وحللتيها

وازاى تحليها

وطبعا اذكرى الحلول اللى تمت من قبل الدولة

وانتى حلولك ايه

صدقينى هيبقي موضوع دسم ولو عملتيه كويس هتخدى اسكور كويسة

والتتوفيق ان شاء الله

Egypt’s Problem and Its Challenge: Bread Corrupts

يا حبيبتى يا بدرية كفاية انك نورتى الموضوع

بس لو اخدتى بالك مينفعش اعمل عرض عن موضوع زى اللى قلتى عليه لانها كبيرة و ملهاش علاقة بالبزنس

و على فكرة فيه ناس عملوا مواضيع زى كده الانستراكتور قالت لهم ده اقرب ل paragraph منه ل presentation

العرض التقديمى المطلوب يكون واقعى لو علاقة بالعمل فى المؤسسات و المنظمات يعنى كأنك فى اجتماع و بتقدمى العرض ده لعرض وجهة نظر او لحث الحاضرين على اتخاذ قرار معين

عموما انا حبقى اسأل الانستراكتور و حقولها اذا كان ينفع اعمل الموضوع ده و يبقى كأنى فى مؤتمر و بعمل العرض ده

و شكرا ليكى يا بدردر منتحرمش منك

شكلك شطورة اوى فى الانجلش الحقى اختك بقى :blink: