مبروك عليكم يا صهاينه (زجل)

[daktara]

زمان زمان فى الحتّه دى كان فيه دوله

إدّاها ربنا من خيرُه ... جلَّ المولى

ولما طالت بإيديها أعداء الله

رصدها حاكم أمريكا وخدها مقاوله

*********

استولوا يا عراق على أرضَك زى فلسطين

لا أنقذك رفض فرنسا ولا صوت برلين

وبكره تتصهين واحنا برضو نصهين

مادمنا دافنين كرامتنا لسّه فى الطين

**********

مبروك عليكم يا صهاينه عقبال سوريا

عشان تسهّل فى ايديكم رسم الإريه(area)

ويبقى باقى ف أمانيكم مصر ونيلها

بخبطه أمريكا تجيبهم وتسيب كوريا

*********

يا عروبه مضروبه بجزمه .. ملكيش لازمه

يا عيبه فى جبينّا وخيبه لينا ملازمه

لا مره فى المليون قمّه كان لك همّه

ولا مره بيكى يا عروبه اتحلّت أزمه

**********

وحدة هدف .. وحدة لغه .. وحدة أديان

شعارات سخيفه بتتردد بين العميان

والكل نايم متهنى فى حضن واشونطون

لاالعرش يتزعزع تحته وينام عريان

***********

طب مانتوا برضو بأمريكا لسّه عرايا

واللى يكدّبنى يبص ف كعب مرايه

وما دام فى مخمل والناس ع الأشواك نايمه

ثورات شعوبكم حتميه وليكوا نهايه

**********

سايبين وطنكم بيسرسب حته فى حته

وكأنه توب تايك لبدت فيه العتّه

طب ع الأقل نقول لأّه .. مش من أرضى

تقتل مدافع أمريكا مليون جتّه

*******

[crossfield]

زمان زمان فى الحتّه دى كان فيه دوله

إدّاها ربنا من خيرُه ... جلَّ المولى

ولما طالت بإيديها أعداء الله

رصدها حاكم أمريكا وخدها مقاوله

*********

استولوا يا عراق على أرضَك زى فلسطين

لا أنقذك رفض فرنسا ولا صوت برلين

وبكره تتصهين واحنا برضو نصهين

مادمنا دافنين كرامتنا لسّه فى الطين

**********

مبروك عليكم يا صهاينه عقبال سوريا

عشان تسهّل فى ايديكم رسم الإريه(area) 

ويبقى باقى ف أمانيكم مصر ونيلها

بخبطه أمريكا تجيبهم وتسيب كوريا

*********

يا عروبه مضروبه بجزمه .. ملكيش لازمه

يا عيبه فى جبينّا وخيبه لينا ملازمه

لا مره فى المليون قمّه كان لك همّه

ولا مره بيكى يا عروبه اتحلّت أزمه

**********

وحدة هدف .. وحدة لغه .. وحدة أديان

شعارات سخيفه بتتردد بين العميان

والكل نايم متهنى فى حضن واشونطون

لاالعرش يتزعزع تحته وينام عريان

***********

طب مانتوا برضو بأمريكا لسّه عرايا

واللى يكدّبنى يبص ف كعب مرايه

وما دام فى مخمل والناس ع الأشواك نايمه

ثورات شعوبكم حتميه وليكوا نهايه

**********

سايبين وطنكم بيسرسب حته فى حته

وكأنه توب تايك لبدت فيه العتّه

طب ع الأقل نقول لأّه .. مش من أرضى

تقتل مدافع أمريكا مليون جتّه

*******

فظيييييييييييعة لكن لية سؤال: "واشونطون؛تايك"إنجليزى ده يا دكترة؟

[Cleo]

حلوةةةةةةةةةةةةةةةةةةةةة :)

[elbana]

برضه قرأتها هنا يا دكترة وبرضه ح أهنئك عليها ، حلوة جداً .

[أسامة الكباريتي]

كل ده يطلع منك يا دكترة؟!!!!!!!!!!!

سلاسة .. ومعاني .. فعلا كانت عيوني بتجري على السطور من سهولة الهضم ..

صح لسانك على راي عربنا ..

[Salwa]

الصراحة....

مبروك يادكترة...

بتحاول تفوق المريض...بقلمين...

ده محتاج ،قنبلة تصحيه،....وبرضه حايفضل متخدر.

اما.....الاصحاء.

سمعوك....وفهموك....وبيحيوك....

لكنهم....مكتوفى الايدى....

فى انتظار....ان يصحى المريض....او...يموت.

التشخيص ..صح..

العلاج.....متعذر.

لابد من عمليات اخرى....كثيرة.

واولها....ازاله .....والا بلاش احسن.

سلام.

[ragab2]

فين العرب دول جرب وخيال مآتة

عايشين على التلسين والشماتة

شاطرين فى الكلام وشغل الغتاتة

[daktara]

الاخ كروسفيلد

شكرا على استحسانك اما واشونطون مش واشنطن فلانى عايز القارىء يقراها زى مانا كاتبها والا الوزن يختل

وتايك دى مش انجليزى ولا حاجه ومعناها دايب او هالك او اى حاجه تعجبك اختار اللى يريحك وانا موافق عليه

[daktara]

الاخت كليو

شكرا لله ان القصيده عجبتك لان دا شىء بيسعدنى

[daktara]

اخى البنا

شكرا لهنا وشكرا لهناك واسمح لى ارد على كلامك لى هناك

اعتقد ان الفرق بين القصيده الزجليه والرباعيات هى ان الرباعيات عباره عن مجموعه كل منها يتكون من اربع ابيات بس كل رباعيه بتعبر منفرده عن فكره او حكمه او معنى يعنى الرباعيه الواحده بتقوم باللى ممكن تقوم بيه القصيده ولا يشترط ذلك فى القصيده

تحياتى

[daktara]

اخى اسامه الكباريتى

دايما كده تشجع فينا ربنا يخليك الحقيقه انا اسعدنى رايك جدا جدا لغايه بدايه العدوان الغاشم اللى بدل كل سعاده

حسبنا الله ونعم الوكيل

[daktara]

الاخت سلوى

الله يبارك فيكى :lol: انتى عرفتى منين

شكرا على اطرائك وان شاء الله اتحفك بواحده تانيه اشد من دى بس اما الامور تهدى شويه اصل العين علينا الايام دى

يجعل كلامنا خفيف عليهم

[daktara]

اخى العزيز د/ رجب

اولا واحشنى جدا والحقيقه انا اللى كنت غايب عن المنتدى الفتره اللى فاتت لانشغالى بشويه بيبرز كنت باعملهم لزوم الترقيه والحمد لله خلصت من الموضوع السخيف ده

ثانيا مش دى عوايدك انك تكتب تلات ابيات حلاوة بق ...فين المعلّقه؟

احنا فى مناسبه تستاهل كل الكلام يطلع

[ragab2]

شكرا أخونا الفاضل دكترة

والحمد لله على السلامة

جف مداد قلمى بعد قراءة أشعاركم

تكفى القراءة والاستمتاع فما بالكم

قد أوجزت فشرحت وهذه خصالكم

[elbana]

هو ده بالضبط اللي قصدته يا دكترة لما قلت لك إنها تنفع رباعيات ، أنا جربت أفصل كل أربع أبيات عندك لوحدهم لقيت إن كل أربعة منهم ممكن ينفصلوا ويكون لهم شخصية وفكرة لوحدهم .