سؤال مهم للعايشين فى الكويت ؟؟؟؟؟؟

[shando]

السلام عليكم ورحمة الله وبركاته

اخوانى الاعزاء انا يمكن اول مرة ادخل واشارك فى المنتدى الجميل ده واتمنى بجد ان الاقى يد العون والمساعدة من اخوانى المتواجدين فيه. موضوعى ببساطة انى انا جاتلى فرصة عمل فى دولة الكويت ( كموظف استقبال فى شركة ) بمرتب 130 دينار المهم فطبعا كتير قالولى ان المبلغ صغير ومش هينفع تعيش بيه هناك وكمان العيشة هناك غالية واحسن لك اقعد فى بلدك هنا افضل من هناك بكتير.عشان كده انا محتار وبصراحة الموضوع كل ما مادا بقلق منه عشان كده برجو من اخوانى المساعدة فى اعطائى أراءهم ولكم جزيل الشكر.

[shando]

يعنى جماعة ناس كتير شافت الموضوع ومحدش قال رأيه او أفادنى بحاجة خالص

[Simba]

السلام عليكم

هو مبدئيا لو السكن علي الشركة وانت انسان مش مدخن يعني تقريبا 50 دينار هيكونوا كافيين لمعيشتك في الكويت لو في مصداقية للشركة هتقدر توفر 75 او 80 دينار

[الجرئ]

السلام عليكم

اغلب الاحيان 130 دينار ده حيكون مرتب شركات الامن وتقريبا كلهم نصابين ويقولو 130 وبعد ما توصل يخصمو منك من المرتب اقامه وتامين وخلافه

ولو حنفترض انك حتاخذ 130 كاملين حنقول انك حتصرف سكن 25 دينار او 20 واكل اتصالات وخلافه حوالى 40 دينار كمان

يعنى مصروفك من 60 الى 65 دينار لو انت عازب وربنا معاك

[دمياطي]

عزيزي انا مصري عايش بالكويت , 120 دينار ولا تسوي غربه صدقني , مش هتكفي ابدا .

[magedghonim]

يعم شاندو 120 دينار قليل اوييييييي

بس ممكن توفر منها 20 او 30

انا مشعارف ظروفك ازاي في مصر

عموما احسبها كويس [يمين][/يمين]

وممكن تيجي وتعتبرها مرحلة على اساس انك تنقل بعد كدة على مجال تاني او عمل تاني اعلى ولو ان الشغل مش سهل في البلد دي

وان عزت اي حاجة انا تحت امرك

[molto]

فعلا ده مرتب قليل و غالبا مش حتقبض ال130 دينار كلهم