الجنية بخمسة دولار ونص

[mira]

[size="4"]منذ فترة ظهرت مشكلة كبيرة في العملة الصعبة خصوصا بعد انهيار الجنيه امام الدولار بالضربة القاضية,

فاجتمعت هيئة الحشاشين الحكومية لمناقشة القضية

********

- ايه اللي حصل للجنيه ده؟.. دي عمرها ماحصلت

- فعلا الجنيه دلوقتي بقي يساوي خمسة وتلاتين قرش بالكتير

- يا جماعة الجنيه محسود ومعمول له عمل على رجل نملة.. شيللاه يا اسيادنا

- طب والحل يا جماعة؟

- لازم نبخّر وزارة المالية

********

قام عضو متشدد دينيا وقال:

- يا جماعة دي ناس مؤمنة, كاتبين على ضهر الدولار "بالله نؤمن" أما احنا حاطين صور أصنام والعياذ بالله

, البلد دي مش هاتشوف خير أبدا

- يا عم ابو لهب انت اهدا, دي مش أصنام وبعدين ماحنا حاطين من قدام على كل العملات صور جوامع

ومآذن وكلها تقوى وايمان.. شفت الجامع اللي على العشرة جنيه , حاجة تفرح والله

- لازم اولا نعمل كونصلتو للجنيه, الجنيه كَش وصغر وبقى شبه النص جنيه والدولار كبير وورقته أكبر

من كف الأيد

- يبقى نكبر حجم الجنيه عشان يبقى قد الدولار بالضبط, وساعتها يبقي ماحدش أحسن من حد

- كمان الجنيه لونه أصفر وهزيل زي ما يكون عنده السل, أما الدولار لونه أخضر مزهزه والخير باين عليه

- خلاص, يبقى نغيّر لون الجنيه ونخلّيه أخضر عشان الخير يعم وعندنا المطابع والحبر والورق, مافيش

مشكلة.

********

قام رئيس الحشاشين وقال:

- حيث كده بقي ماتيجي نختصر و نطبع دولارات بدل الجنيهات, واهي أكسب .

- فكرة ممتازة يافندم , ساعتها الدولار يكتر وما يلاقيش حد يشتريه وسعره ينزل الأرض .

- والجنيه يغلا ويبقى بخمسة دولار ونص

- وتيجي تصرف جنيهات من البنك الموظف مايرضاش, ويقول لك الجنيه دا عملة صعبة .. ممكن تصرف بالدولار .

- طيب والتضخم ؟؟

- التضخم دا هايبقي هناك في أمريكا (ربنا يهدها) تفضل تتضخم تتضخم لحد ما تفرقع ان شاء الله

- وممكن ساعتها نعمل صفقة مع بوش على طريقة الأفلام العربي

- إزاي؟

- هو ييجي بشنطة البضاعة وواحد مننا يروح بشنطة الدولارات اياها, وفي محطة مترو محمد نجيب جنب

شباك التذاكر يتم تبادل الشنط ويروح على بلده بالدولارات المضروبة .

- ونقوم فاقعينه مهموز و نبلّغ عنه يقوم يتقفش في المطار ويتحبس ونخلص بقي منه ومن أذاه .

- والله فكرة

********

وتم الاتفاق علي أن تطبع الحكومة شوية دولارات تفك بيهم زنقتها.. وبعد أن طبعت كمية تجريبية جئنا

بخبير عالمي في التزييف والتزوير ليبدي ملاحظاته على الدولار المصري

إن ما تحقق على أرض مصر هو إنجاز غير مسبوق تاريخيا , والدولار المصنوع محليا متقن للغاية وممكن

يغش أي هاو ولكن هناك عدة ملاحظات بسيطة يجب مراعاتها في الطبعة الثانية وذلك للوصول بالانتاج

المصري من الدولار إلى الكمال

أولاً: لا يوجد عملة قيمتها تسعة دولار

ثانياً: الدولار الأمريكي لا يحمل صورة روبي بالزي الفرعوني

ثالثاً: لا يوجد دولار مكتوب عليه: البنك المركزي المصري

غير هذا لايوجد فرق بين الدولار الأمريكي والدولار المصري وربنا يوفق بلدنا للخير دائما

********

وبالفعل أخذت الحكومة برأي الخبير ويتم الآن تلافي الأخطاء الصغيرة السابق ذكرها

وحين يتم طبع الدولارات الجديدة (وهذا بيني وبينكم) يمكننا الإبلاغ عن الحكومة بتهمة إصدار عملات مزيفة,

وبكده نرتاح من الحكومة لمدة عشرين سنة بالميت.. قولوا آمييييين

منقوووووول

[~Heba~]

:blink: :) :P

موضوع ظريف والله

بس على فكرة ارتفاع و انخفاض العملات تتدخل فيه اسباب كتير احنا مش عايشين فى العالم ده لوحدنا دلوقتى اللى عايش فى اقصى الشرق بيتأثر باللى بيحصل فى اقصى الغرب ( و ده شئ طبيعى لان الارض كروية :lol: :lol: )

قصدى يعنى انخفاض الجنيه اسبابه خارجية زى ما هى داخليه

تم تعديل 21 مارس 2008 بواسطة ENG.Heba

[mira]

:blink: :) :P

موضوع ظريف والله

بس على فكرة ارتفاع و انخفاض العملات تتدخل فيه اسباب كتير احنا مش عايشين فى العالم ده لوحدنا دلوقتى اللى عايش فى اقصى الشرق بيتأثر باللى بيحصل فى اقصى الغرب ( و ده شئ طبيعى لان الارض كروية :lol: :lol: )

قصدى يعنى انخفاض الجنيه اسبابه خارجية زى ما هى داخليه

يا با شمهندس اضحك هو يعنى لو سياسة خارجية هتتحل

هى فعلا الارض كروية :lol: :lol: :lol:

[walidsm]

:) :P :lol:

شر البلية ما يضحك. بس فعلا فكرة عبقرية لو اتنفذت بالذات بعد تلافي الاخطاء الصغيرة اللي قال عليها الخبير الدولي والمثمن القضائي... :blink:

[Ghost]

طب ما تحطوا الموضوع في الابتسامات

بدل ما الواحد داخل السياسه و فاتح فمه على الخبر الظريف ده

و الله هم يضحك و هم يبكي

[osaimi]

لولا إتفاقية الكويز وموافقة مصر بالتوقيع عليها . لإنهار إقتصاد مصر بالكامل ومعه حكومتة , إحنا عاملين زي اللعبة فى إيد أمريكا بتلعب بيها زي ما هي عاوزة وهتكسرها برضه زي ما هي عاوزة فى ظل حكومة الذل والإنكسار والحرامية

[المر]

مساء الخير

طول ما حكومة رجال الاعمال موجودة لن يتعير شئ بل ان الامر سوف يزداد بشاعة . حيث الغنى سيزداد غنى و الفقير سيزداد فقر و ذل و مهانة.

[walidsm]

طب ما تحطوا الموضوع في الابتسامات

بدل ما الواحد داخل السياسه و فاتح فمه على الخبر الظريف ده

و الله هم يضحك و هم يبكي

ما هو فعلا في باب دعوة للابتسام مش في السياسة يا جوست!

[Ghost]

طب ما تحطوا الموضوع في الابتسامات

بدل ما الواحد داخل السياسه و فاتح فمه على الخبر الظريف ده

و الله هم يضحك و هم يبكي

ما هو فعلا في باب دعوة للابتسام مش في السياسة يا جوست!

انا لما دخلت قريت الموضوع في الاول كان في السياسه الداخليه

بس اظاهر ان في اجد المشرفين نقله

انا متهيألي كده و الله اعلم لاحسن الواجد اليومين دول مبقاش عارف راسه فين من رجليه

[Muhammad Zidan]

طب ما تحطوا الموضوع في الابتسامات

بدل ما الواحد داخل السياسه و فاتح فمه على الخبر الظريف ده

و الله هم يضحك و هم يبكي

ما هو فعلا في باب دعوة للابتسام مش في السياسة يا جوست!

انا لما دخلت قريت الموضوع في الاول كان في السياسه الداخليه

بس اظاهر ان في اجد المشرفين نقله

انا متهيألي كده و الله اعلم لاحسن الواجد اليومين دول مبقاش عارف راسه فين من رجليه

إهدى يا عم ال Ghoste إنت دخلت في الرجل الجديد memokokoo جامد خليتنا ما نردش عليه شكلك النهارده مش مظبط روق كده ياعم قول وفضفض إحنا معاك

طبعاً أنا بهزر معاك مساء الفل

Muhammad Zidan angl::

[Ghost]

طب ما تحطوا الموضوع في الابتسامات

بدل ما الواحد داخل السياسه و فاتح فمه على الخبر الظريف ده

و الله هم يضحك و هم يبكي

ما هو فعلا في باب دعوة للابتسام مش في السياسة يا جوست!

انا لما دخلت قريت الموضوع في الاول كان في السياسه الداخليه

بس اظاهر ان في اجد المشرفين نقله

انا متهيألي كده و الله اعلم لاحسن الواجد اليومين دول مبقاش عارف راسه فين من رجليه

إهدى يا عم ال Ghoste إنت دخلت في الرجل الجديد memokokoo جامد خليتنا ما نردش عليه شكلك النهارده مش مظبط روق كده ياعم قول وفضفض إحنا معاك

طبعاً أنا بهزر معاك مساء الفل

Muhammad Zidan

مساك فله و شمعة منوره - على رأي عمرو اديب-

انا ساعات - و ده قليل قوي - لما حد يستفزيني و ده يمكن من المرات القليله جدا لما افقد اعصابي

الراجل الجديد داخل كده دخله ما عجبتنيش يصراحة

المهم

مساءه فل ما تيجي تقعد جانبي angl::

[zizetta]

وبكده نرتاح من الحكومة لمدة عشرين سنة بالميت.. قولوا آمييييين

طيب ومن غير الميت نرتاح قد إيه angl::

موضوع يضحك فعلاً .. تخيلوا زمااااان كنت بقبض مرتبي بالدولار .. أيوه من مصر .. كنت بشتغل في شركة في مصر بتصرف المرتبات وكل المدفوعات بالدولار .. وكان كل شهر عندنا علاوة .. يعني الدولار كان كل شهر يزيد سعره لدرجة اننا ما كناش بنطالب بعلاوات دورية ولا زيادة مرتبات .. وكنا بنغيره في السوق السودا بسعر ضعف سعر البنك ..

أعتقد ا ن بعض السياسات حجمت شوية الزيادة المطردة في سعر الدولار والا كان زماننا في خبر كان..( بالمناسبة خبر كان ده منصوب .......... عليه).

تحياتي

زيزيتا

[ابو محمود]

ودةشكل الدولار المصرى الجديد

[عبدوو]

ودةشكل الدولار المصرى الجديد

الدولار ده لو مصر تنزله بدال الجنيه حيبقى ليه شنه ورنه ويكتسح دولار بوش وعصابته .. ايه رأيك بقى