كيف أبحث عن عمل ؟

[جويرية]

السلام عليكم ورحمة الله و بركاته

أنا عضوة جديدة معاكم في المنتدي

كان ليا سؤال

كنت عايزة اسامي مواقع ادور فيها علي شغل في الخليج انا مدرسة بس يا ريت تكون المواقع باللغة العربية

شكرا جزيلا لكم

[vipwithyou]

اهلا بيكى عضوة جديدة بالمنتدى

هذا اولا

ثم هل حضرتك مقيمة فى مصر ولا خارجها

اذا كنتى فى مصر فعليكى فورا بمكاتب التسفير المضمون منها angl::

لأنهم فى شهر ابريل القادم يتم اختيار المدرسين للعام الجديد

لكن اذا كنتى فى الخارج فعلا فأعتقد افضل وسيلة للعمل بالتدريس هناك اما انك تعملى اعلان بالوسيلة اللى فى السعودية لو حضرتك فى السعودية

او تتوجهى للمدارس فعلا

هذا رأيي

شكرا

وأهلا بيكى بين اخواتك المصريين

تم تعديل 21 مارس 2008 بواسطة vipwithyou

[~Heba~]

انتى جديدة انتى آآآآآآآآه منك انتى:lol: angl::

لسة حشمر دراعى و اتناقش فى موضوع الوهابية و النقاب بس اصبرى :happy:

شوفى يا ستى بما انك مدرسة فتنسى خالص حكاية السفر للسعودية للعمل فى التدريس لانه بقى صعب جدا الستات اكتر حاجة هناك بيشتغلوا فى التدريس

الا صحيح انتى مدرسة ايه

ممكن تروحى عمان و الا حتى قطر او البحرين و بالمرة ممكن الكويت

و دولا الموقعين اللى انا بعرفهم

http://www.egyrec.com

http://www.mawaride.com

على فكرة الانجليزى دلوقتى بقى ضرورة حتى لو انت حتشتغلى مدرسة تدرسى بالعربى ضرورى الانجلش بتاعك يبقى كويس لانك لازم حتكتبى مستواك فيه فى ال CV بتاعك

عموما ربنا يوفقك

على فكرة انا حطيت الموقع التانى رغم انه بالانجلش الا انه مهم عشانه مختص بوظائف الخليج العربى

goodbye and good luck

والا بلاش دولا لاحسن الجماعة اياهم بيقولوا دى معناها فى رعاية البابا (اعوذ بالله )

دمتى فى رعاية الله و حفظه

[م.سامح المصرى]

السلام عليكم ورحمة الله وبركاتة

ازيك يا استاذة جويرية

دا موضوع فية اغلب مواقع التوظيف

ممكن حضرتك تدورى فيهم

هيا مواقع كتيرة وان شاء الله هاتفيدك فى مجال حضرتك

بنك الوظائف . معا نخلق فرصة عمل

وسلامى لكى

[جويرية]

اهلا بيكى عضوة جديدة بالمنتدى

هذا اولا

ثم هل حضرتك مقيمة فى مصر ولا خارجها

اذا كنتى فى مصر فعليكى فورا بمكاتب التسفير المضمون منها angl::

لأنهم فى شهر ابريل القادم يتم اختيار المدرسين للعام الجديد

لكن اذا كنتى فى الخارج فعلا فأعتقد افضل وسيلة للعمل بالتدريس هناك اما انك تعملى اعلان بالوسيلة اللى فى السعودية لو حضرتك فى السعودية

او تتوجهى للمدارس فعلا

هذا رأيي

شكرا

وأهلا بيكى بين اخواتك المصريين

أهلا بيك يا أخ تامر

لأ انا في مصر بس ابريل ده قرب خالص يعني فاضل 10 ايام

طيب مكاتب التسفير المضمونة دي ممكن الاقي لها سايت علي النت

شكرا جزيلا لك

[badroora]

اهلا وسهلا بحضرتك وتورتنيا angl::

شوفى عليكي وعلى جريدة الاهرام كل يوم جمعة بيكون فيها اعلانات كتير عن وظائف فى الخليج .

اهلا بك مرة اخرى وربنا يوفقك لما تسعى اليه ان شاء الله

[جويرية]

اهلا يا هوبة

أه مني ليه بس ده انا حتي غلبانة خالص angl::

ليه ماله النقاب :happy: ده حتي ممكن تضحكي في أي وقت من غير ما حد ياخد باله

بالنسبة للأنجليزي مش عارفة ليه بكرهه حاولت اقرا فيه من كام يوم لقيت نفسي فاكرة حاجات كتير

بس محتاجة مراجعة شوية

لأ أنا مش تبع الجماعة دول أنا زي ما تقولي ميكس كدة

جزاكي الله خيرا

تم تعديل 22 مارس 2008 بواسطة جويرية

[جويرية]

السلام عليكم ورحمة الله وبركاتة

ازيك يا استاذة جويرية

دا موضوع فية اغلب مواقع التوظيف

ممكن حضرتك تدورى فيهم

هيا مواقع كتيرة وان شاء الله هاتفيدك فى مجال حضرتك

بنك الوظائف . معا نخلق فرصة عمل

وسلامى لكى

و عليكم السلام ورحمة الله وبركاته

أهلا يا استاذ سامح

شكرا جزيلا لك

[جويرية]

اهلا وسهلا بحضرتك وتورتنيا

شوفى عليكي وعلى جريدة الاهرام كل يوم جمعة بيكون فيها اعلانات كتير عن وظائف فى الخليج .

اهلا بك مرة اخرى وربنا يوفقك لما تسعى اليه ان شاء الله

اهلا بيكي يا أستاذة بدرية ده نورك angl::

بعت قبل كدة مرتين عن طريق الجرنال ومحدش رد عليا منهم وظيفة في مصر

ربنا يسهل

شكرا لكي اختي الفاضلة

[جويرية]

يا جماعة ارجوكم أنا مش عارفة اوصل لحاجة

دلوقتي انا مدرسة و مؤهلي بكالوريوس تجارة

بس انا مش عايزة و ظيفة مدرسة دي

يا ريت لو تكرمتم حد يساعدني مش عارفة اعمل ايه

[~Heba~]

يا جماعة ارجوكم أنا مش عارفة اوصل لحاجة

دلوقتي انا مدرسة و مؤهلي بكالوريوس تجارة

بس انا مش عايزة و ظيفة مدرسة دي

يا ريت لو تكرمتم حد يساعدني مش عارفة اعمل ايه

يعنى انتى عايزة تشتغلى محاسبة؟؟؟

ابدأى من الصفر و ادربى فى مكتب محاسبة يديكى شوية خبرة مع كورسات كمبيوتر و تجهزى سى فى حلوة و تشتغلى فى مكاتب محاسبةصغيرة الاول و كل ما بتكتسبى خبرة كل ما فرصتك بتتحسن و لماتاخدى خبرة لمدة سنتين فما اكثر فكرى ساعتها فى السفر

و ربنا يوفقك

وانت يا تورنتو سهران ليه و الا هى الساعةكام عندكم :lol:

[Toronto]

يا جماعة ارجوكم أنا مش عارفة اوصل لحاجة

وانت يا تورنتو سهران ليه و الا هى الساعةكام عندكم :lol:

حاجة و شوية يعني زى امبارح. :lol:

[Toronto]

يا جماعة ارجوكم أنا مش عارفة اوصل لحاجة

وانت يا تورنتو سهران ليه و الا هى الساعةكام عندكم :lol:

حاجة و شوية يعني زى امبارح. :lol:

حاجة و شوية يعني زى امبارح يا هبة.و ما فيش حد احسن من حد. :lol:

[جويرية]

والا بلاش دولا لاحسن الجماعة اياهم بيقولوا دى معناها فى رعاية البابا (اعوذ بالله )

دمتى فى رعاية الله و حفظه

:sad:

بصراحة مش فاهمة معني الوجه التعبيري

[جويرية]

يعنى انتى عايزة تشتغلى محاسبة؟؟؟

ابدأى من الصفر و ادربى فى مكتب محاسبة يديكى شوية خبرة مع كورسات كمبيوتر و تجهزى سى فى حلوة و تشتغلى فى مكاتب محاسبةصغيرة الاول و كل ما بتكتسبى خبرة كل ما فرصتك بتتحسن و لماتاخدى خبرة لمدة سنتين فما اكثر فكرى ساعتها فى السفر

و ربنا يوفقك

لأ مش عايزة اشتغل محاسبة

و مينفعش ابدأ من الصفر عشان مخي خلاص أخره كدة

حاليا انا حولت من التدريس و بشتغل عمل اداري يعني وجودي زي عدمه في الشغل

انا بقي نفسي ألاقي شغلة زي دي :sad:

أرجوكم حد يساعدني

[se_ Elsyed]

أرجوكم حد يساعدني

ساعدي نفسك الأول يا جويرية وبعدين أطلبي مساعدة الناس

ممكن كلامي يزعلك أو يوجعك .. لكنها هي كده الحقيقة بتوجع

حضرتك حاصلة على بالكوريوس تجارة .. عظيم جداً ... بس زيك زي ملايين الشباب القدام والجداد اللي موجودين في سوق العمل منهم العاطل بس بيحاول .. ومنهم العاطل بس قاعد عالقهوة بيشد أنفاس .. ومنهم اللي عارف طريقه من قبل ما يدرس ويحصل على المؤهل وعنده اهداف عمل على تحقيقها وحققها فعلاً ..

طب هلى فكرتي ووقفتي وقفه صادقة مع نفسك وقلتي : ماذا يميزني عن غيري ؟ أو بمعنى أخر ... إيه اللي يخلي شركة تقدمت للعمل فيها تختارني دوناً عن بقية المتقدمين اللي بالملايين دول ؟

طبعاً من الواضح إنه مافيش عندك حضرتك أي مميزات أو مؤهلات تجعلك تحصلي على فرصة عمل بسهولة .... حتى اللغة اللي المفروض إنها من البديهيات شكلك لا تحبيها ولا تجيدها بالتأكيد ...

يبقى كده خسرتي أكثر من 70 % من حظوظك في الحصول على فرصة عمل جيدة

طيب

مش عيب إنك تغيري مسار حياتك وتبدئي في وظيفة أخرى إن شالله لو من الصفر

قلتي التدريس

ورجعتي قولتي ما بحبوش وما بطيقوش

وبعدين قُلتي

حاليا انا حولت من التدريس و بشتغل عمل اداري يعني وجودي زي عدمه في الشغل

انا بقي نفسي ألاقي شغلة زي دي

طلبك موجود

وبلا سحر أو شعوذة أو وظايف خاليه

ووالله العظيم بتكلم جد

إتجوزي يا جويريه

أيوه إتجوزي وإشتغلي ست بيت ومتستته ومرتاحه البال

إوعي تفتكري إني بأسخر منك ... حاشا لله

لكن إنتي اللي سديتي كل الطرق حتى في وشنا إننا نلاقي لك او نوجهك الوجهة السليمة ..

انا شخصياً كنت داخل أقولك سيبي من المحاسبة والتدريس والكلام ده وعليكي باخذ دورات في التحليل الفني والمالي ودي مش هاتكلفك كتير ومش هاتاخد منك وقت كتير ... و بعد كده بشوية ممارسة وقرأة وتعب ممكن تشتغلي في مجال الأوراق المالية ... البورصة يعني سواء مكاتب السمسرة أو ما إلى ذلك ...

وبالمناسبة إحنا جزء من نشاط شركتنا هو سمسرة الأوراق مالية و معتمدين في دبي ومصر والسعودية والأردن ... وتقريباً كل الدول العربية

وبنعين ناس كتير من مصر يشتغلوا سواء في مصر أو دبي ومنهم بنات .. السعودية صعب نعين بنات

ما قولكيش عالمرتبات عامله إزاي .. ما شاء الله حاجه تفرح لما تلاقي ناس في العشرينات من عمرهم ومرتباتهم رقم وأمامه أربعة اصفار ده غير العمولة

ليه ؟

العملية مش إعتباطاً ولا بنزكي عن أموالنا وبنعطف عالناس دي

لأ

دول ناس تعبوا

وما جوش قالوا أصل أنا ما باحبش اللغة الإنجليزية .. وما بحبش الأرقام ... وما بحبش المحاسبة ... فيا عمو شغلني بمرتب حلو ولك الحلاوه اللهي يكفيك شر العيا ...

من جد وجد يا جويرية

واللي ضحى بوقته وماله وجهده وحرم نفسه من حاجات كتير ومنها الإنترنت :lol:

اللي بدل ما هو قاعد طول اليوم عمال يشيت او يتكلم في أي مواضيع حتى لو سياسية .. في حين كان ممكن إستغل الوقت ده في التخصص في مجال عمل له مستقبل زي موضوع الأوراق المالية ده ....

يبقى بالتأكيد ربنا هايكافأه

وتذكري دائماً بإن الله لا يضيع أجر من أحسن عملاً .. تخيلي حتى لو مش مسلم .. بس بيتقن عمله وبيتقن دراسته فربنا بيكافأه على الأقل مكافأة دنيوية لإن النجاح ليس له دين ..

عارفه أرباح شركة جوجل اللي أسسها شابين صغيرين في السن - ومازالوا - على سبيل الهواية .. وبقت شركة ديناصور دلوقت في العالم كله بالرغم من إن عمرها قصير جداً في السوق ... عارفه صافي أرباح يناير وفبراير ومارس 2008 فقط كام ؟

1.31 مليار دولار !!!!!!!!!!!!!!!!! صافي أرباح مش إيرادات

يعني اكتر من 5000 ج :cry:

عايزك تطلعي من الكلام ده بحكمة وهي : مافيش حاجه إسمها فات الميعاد .. او بعد ما شاب ودوه الكُتاب

حتى لو عندك 50 سنة ... ممكن تبدئي تتعلمي وتتقني تعليمك وتصبري وتثابري ... والجائزة مضمونة بإذن الله .

تحياتي ،،،

[~Heba~]

لا يا سين سين هى عايزة شغل مستريح

اقولك انا

اشتغلى سكرتيرة

بس حتحتاجى تاخدى دورات كمبيوتر كويسة و لغة كمان

على فكرة فيه منقبات بيشتغلوا سكرتيرات فمش مشكلة يعنى

[salemhegazy]

ايه يا Eng heba

مالك دخلة فى الناس شمال ليه كده ؟؟

شويه شوية

[salemhegazy]

الاخ سى السيد تحية طيبة

بما انك اوراق مالية عندى استشارة

انا اشتريت اسهم فى بنك الامارات اسودان فى الاكتتاب و تم التخصيص و ساعتها قالوا ان ابنك سيدرج فى بورصة دبى و فات حوالى 3سنوات و لا حس و لا خبر

كيف اتصرف فى هذة الاسهم

انا عايش فى العين

و لك جزيل الشكر

[جويرية]

عايزك تطلعي من الكلام ده بحكمة وهي : مافيش حاجه إسمها فات الميعاد .. او بعد ما شاب ودوه الكُتاب

حتى لو عندك 50 سنة ... ممكن تبدئي تتعلمي وتتقني تعليمك وتصبري وتثابري ... والجائزة مضمونة بإذن الله .

شكرا لردك يا أخ سي السيد

بيقولوا ( رحم الله امرؤ عرف قدر نفسه )

بصراحة معنديش قدرة علي الحفظ دلوقتي

و بعدين انا اول ما اتخرجت حاولت اتعلم حاجات كتير

مفيش جاجة حسيت ان هيا حتفدني ألا وحاولت اتعلمها

أشتغلت في اكتر من مكان حتي لو المرتب قليل بس عشان استفيد

بس هيا الظروف كدة ....

المهم وضعي الحالي أني أتمني ألاقي وظيفة تناسبني دلوقتي

شكرا جزيلا لك