في العالم العربي..... تعيش

[احمد هادي]

في العالم العربي تعيش

كما قط ساكن تحت عربية

عينيه ما تشوفش م الدنيا دي حاجة الا الجزم

في العالم العربي تعيش

كما بهلوان السيرك تحتك بهلوان دايس عليه

وفوق دماغك بهلوان دايس عليك

والكل واقف محترم

في العالم العربي تعيش،

مباراة بقى لها ألف عام

لعيبة تجري يمين شمال

والكورة طول الوقت في إدين الحكم

في العالم العربي، تقول للبنت حبيتك

وتبقى البنت بتحبك، وبتموت فيك

تناولك بالألم

في العالم العربي تعيش

تشتم في طعم المية والطعمية والقهوة وروادها وفى مراتك وأولادها وحر وزحمة الأتوبيس

وفي اللي بيعمله إبليس، وفي التفليس

ولو سألوك تقول الحمد لله ربنا يديمها نعم

في العالم العربي تعيش، كما دمعة في عيون الكريم المحنة تطردها يرجعها الكرم

في العالم العربي تعيش تلميذ في حوش المدرسة من غير فطار عينه على الشارع وبيحيي العلم

في العالم العربي تعيش، بتبص في الساعة وخايف نشرة الأخبار تفوت

علشان تشوف ع الشاشة ناس

في العالم العربي

تموت

شعر الفلسطيني... تميم البرغوثي

[galaxy]

الله يكرمك يا استاذ احمد..........ليه كدا بتقلب علينا و تفكرنا........هييييييييييييييييييييييه ....دنيا

بس بجد جميل.........شكرا

[احمد هادي]

الله يكرمك يا استاذ احمد..........ليه كدا بتقلب علينا و تفكرنا........هييييييييييييييييييييييه ....دنيا

بس بجد جميل.........شكرا

لا شكر علي شعر يا صديقي العزيز

[galaxy]

الله يكرمك .....انا مش اخوك انا اختك. يلا مش مهم

بس الشعر حلو

[nash]

ده دليل قوي وصريح علي طيبه الشعب العربي اللي راضي بقليله..وبيحمد ربنا علي النعمه اللي في ايده حتي لو كانت قليله...

للاسف أبيات تحمل العلقم بين سطورها....وتحمل الواقع بكل تناقضاته....

يعطيك العافيه

أختك ناش ....

[احمد هادي]

الله يكرمك يا استاذ احمد..........ليه كدا بتقلب علينا و تفكرنا........هييييييييييييييييييييييه ....دنيا

بس بجد جميل.........شكرا

لا شكر علي شعر يا صديقي العزيز

العزيزة جالاكسي

جالاكسي بالانجليزي ( مجرة) لفظ محايد لا يدل علي مذكر أو مؤنث :sad:

يبدو أن حضرتك تقصدي الشوكولاتة :sad: ...... ودي في آخرها تاء تانيث تبقي مؤنث بالثلث

تحياتي