كيف تعتذر...؟؟ هل تعتذر؟؟

[رمضان]

أيون يارمضان معاك أم أمل العرافه .......ايدك علي 10 جنيه إشتشارة...ومافيش تخفيض...

سؤال سياتك بيقول....

يعني ايه مش فاهم ياريت حد يوضحلي النقطة دي لاني من برج السرطان وعاوز اعرف نفسي بالتفصيل الممل

يعني ياسيدي لو ربنا قدرك وغلطت علي حد ...بيكون يوم أغبر من تأنيب الضمير...وتفضل مكتئب ومضايق إلي أن يمن الله عليك بفكرة يا إما تقنع نفسك فيها وتحاول تصلح الامور مع صديقك اللي غلطت عليه....يا إماتتناقش معاة وتحاول توصل لحل يرضي صديقك....المهم مايكونش زعلان منك....

لو اللي قدامك غلط عليك لا يمكن تنسي الإساءة....طالما مش أنت اللي باديء....لكن بتتعامل معاه بحذر لو أعتذر لك....يعني نو واي ترجعوا اصحاب....

وده اللي بشوفه مع فلذه كبدي.....بس بالأمانه مش أحيانا أنتوا اللي بتقلبوا علي اللي قدامكم؟؟؟؟ أعترف bv:-

هابعتلك رقم الحساب في البنك.... bv:-

ولا يهمك طال عمرك وهدفع بالدينار انتي شكلك فاهمة في الحكاية دي قوي

انا فعلا كده مش بعرف انام وحد زعلان مني وافضل صاحي للصبح افكر في حل اراضيه بيه

تم تعديل 23 مارس 2008 بواسطة رمضان

[nash]

أنا لست كذلك فأنا متأكد ان الاعتذار عن الخطأ فى لحظته هو أسلم طريق لعلاج الخطأ

والمصيبه اذا لم يعالج الموقف بالإعتذار وتتفاقم المشكلة

بوظتلي الابحاث يا تامر bv:- ....ماااااشي مردودالك.... bv:-

هارجع أعيد عليها يمكن ألاقي ثغرة أخرج منها..... bv:-

[nash]

ده صحيح فعلا . مش بس في الاعتذار ، ده في حاجات كتير قوي . قبل ما أعملها أو أقولها لازم أكون محضرها وفي الغالب كاتب الكلام في ورقة

هو مش كل الناس كده ؟

لا يافندم مش كل الناس كده....... bv:-

المهم أن حضرتك أكدت الابحاث المعمليه بتاعتي.....

بس فيه ناس برج العذراء ومتهيألي مش كده ، صح؟

فعلا حضرتك مش كده صح.... bv:-

يعطيك العافيه علي مرورك الجميل

[nash]

شوفى يا نوشة انا من مواليد برج الجدى لكن انا على عكس كدة خالص لو حد غلط فيا واعتزر بقبل اعتزاره يمكن صحيح احب

اعرف هو ليه اخطأ فيا من باب انه ممكن اكون انا السبب لكن ارضائى مش صعب ولا حاجة ولما بغلط باعتزر عن خطأى بكل وضوح

وسهولة وتأثر فيا قوى الكلمة الطيبة وكمان الكلمة القاسية بس متسامحة قوى ويمكن ده سر انى انا وجوزى متفقين رغم انى جدى

وهو عقرب

أينو حبيبتي ...لكل قاعده شواذ...أنتي اصلا قلبك طيب وكبير.....ربنا يحميكي..وتفضلي كده علي طول...

أهااااااا .....يعني برضه بتسألي صح؟؟؟ bv:-

أكيد فيه نسبه كبيرة تحتمل الخطأ والصواب ....وعلشان كده حطيت الموضوع في باب موضوعات خفيفه....

يعطيكي العافيه يارب وتسلمي علي مرورك الجميل bv:-

[galaxy]

نيشو العزيزه ............بعد التحيه والسلام...........(شوفتي الدباجه)

انا من برج السرطان ............(اجدع ناس )(وعلي فكره من احسن الوظائف ليه الصيدلة bv:- )

والله مش بقلب علي حد.......... ..بس المشكله اني بفوت كتير كتير اوي و ساعات كمان افوت حاجات الناس العاديه مش بتفوتها عشان كدا لما بقفل بقفل صح بس برضوا بدون جرح .......يعني بسحب نفسي واللي قدامي يفهم bv:-

شوفي يا شيخه نيشو............ برج السرطان يا ستي هو برج المثل العليا bv:- ............يعني الصداقه,الوفاء,الاخلاص الكلام اللي ما بقاش بيجيب همه دا(الحاجات دي بيؤمنوا بيها اوي).................في كدا bv:-

كمان حنينين اوي و قلبهم طيب و اي حاجه ترضيهم و بيحبوا الكلام الحلو.أمهات حنين جدا و زوجات وربات بيوت ممتازات.

قادرين علي اشاعة جو البهجه و السعادة لمن حولهم.

استعدادهم للتضحيه عالي اوي من اجل من يحبون.

موديين شويه............يعني مزاجيين .

خياليين.............وفي بعض الاحيان بعضهم عنده نزعة استسلاميه شويه.والبعض الاخر.........figthers

بيحبوا يساعدوا الكل والله....جدعان و يعتمد عليهم

(ناش في عقلها الباطن..........هتخدي مني الزباين ولا ايه)

علي فكرة مواليد القوس حلوين شكلا اوي .......دا عن معرفه شخصيه bv:-

حد عايزتاني.

[nash]

خير يا شوكولاته؟؟؟

سيبتيلنا أحنا ايه هه؟؟؟

ممكن تدخلي عليهم برج .. برج الله يكرمك ....بس بطريقتك الجميله اللي نظامها المختصر المفيد....

طب هاسألك سؤال أمانه......يعني من غير ما نغش,,,اخبار السرطان مع الأرصده البنكيه والصرف ايه؟؟ سااااااااامع يا رمضان؟؟ bv:-

انا شخصيا فلذه كبدي علي مقدار كرمه وأخلاقه العاليه لكن بيرشد الإستهلاك إلا إذا كان هاينبسط ... bv:-

ده يا حبيبتي لما ربنا كرمه جابلي هديه عيد الام ميداليه كريستال فاخرة مكتوب عليها .....لاف مي.... bv:-

علي فكرة أحلي حاجه في البرج ده انهم مرتبطين جدا بامهاتهم...مش باة مساله ابن مامته...لا...فيه علاقه مميزة تجمع بينهم حتي لو مامته قوس ومجنونه

بانتظار باقي الابراج...

تسلمي يا جلاكسي يارب bv:-

[galaxy]

عزيزتي ناش............ bv:-

شوفي يا ستي.......في ناس مغرضة يتقول ان السرطان بخيل .....بس انا لحد دلوقتي عمري ما شفت سرطان بخيل و كل اللي اعرفهم سرطان ايديهم مخرومه.........انا عمري ما اتبقي معايا حاجه من المرتب و باخد عليه حتي مرتب الشغل الجديد اللي لسه مااتقبضش خلاص عرف سكته..........حتي قمت و سألت ماما في المطبخ .....هوا انا بخيله؟؟؟قالتلي بالعكس .......بس هما سخيين جدا في عواطفهم يبقوا ازاي بخلاء في الفلوس؟؟؟؟؟؟؟؟...............بس ممكن يكون حمادة من نوعيه الناس اللي بتعرف معني القرش و دا مش غلط ولا بخل.خصوصا لو تعبان فيه.(حضر فلوسك يا عم رمضان).

الجوزاء.................................برج ازدواجي الشخصيه bv:-

متحدث بارع جدا bv:- و عنده القدره انه يتكلم في اي موضوع بدون سابق معرفه بصورة تقنع من امامه بدرايته بكل حاجه.

متقلب المزاج و محب للاستطلاع بس اول ما يفقد عنصر التشويق بيزهد الحاجه اللي في ايده.

مزدوج الشخصيه جدا و قريت قبل كدا انه ممكن في يوم يقول مثلا انك جميله و يبدي اعجابه و ما تشوفيهوش غير بعد شهر مثلا و هو اغبر و اشعث و مش فاكر حاجه من اللي قالها.

بيموتوا في الكلام والحكايات.

عندهم قدرة فظيعه علي التأليف و الخروج من اي مأزق بكل الحيل الممكنه لدرجه انه ممكن يقنعك بغلطك انتي نفسك.

علي فكرة عن تجربه بيفهموا الكلام غلط و بيتهيألهم حاجات و يمكن دا عشان بيفهموا بمزاجهم.

نفسيتهم بتتعب بسرعه...و عرضه للمرض النفسي.

دايما حاسس ان ما حدش فاهمه و انه فاهم و قاري الكل.........عصبي و بيأخد حقه بأي طريقه مش فارقة حتي لو هيخسر اللي قدامه.

علي فكره دا عن تجربه مع اشخاص من هذا البرج وتجارب اصحابي...........مع اعتذاري لكل مواليد البرج من اعضاء المنتدي.

[galaxy]

استدراك بسيط .برج الجوزاء بيحوش جامد كل اللي تعمليه فيه و ما يقولش بس.....بأخد حقه تمام و ممكن حاجه تكوني فكراها عدت عادي بس ايه .علي مين. bv:-

[nash]

مع اعتذاري لكل مواليد البرج من اعضاء المنتدي

لا خلاص باظت ....مالوش لازمه الإعتذار ......

أظن بعد التحليل الرهيب ده محدش هايعلن عن نفسه أنه جوزاء..... bv:-

علي فكرة أنا ماكانش قصدي البخل نهائي...قصدي أنه لازم يكون فاهم الفلوس هاتتصرف فين.. bv:-

ربنا معاكي ...وانزلي بباقي الابراج...بجد إختصارك جميل.....

ويا جماعه مش شرط الاوصاف تنطبق علي الجميع أكيد بتتفاوت.....

علي فكرة ...والله العظيم علشان محدش يفكر حاجه...اللي قولتيه علي الجوزاء نسبه كبيرة جدا بتنطبق عليه ..وايضا من ايام الجامعه نفس الشخصيه تقريبا...الظريف مايقدوش يقعدوا في مكان واحد مده طويله لما الاقي اللي قدامي دايما قلقان اعرف انه يا حمل يا جوزاء....

ربنا يستر علي القوس

تسلمي يا شوكولاته... bv:-

بإنتظار الباقي

[galaxy]

برج الثور.........................

منتهي الكرم و السخاء............قليلي الكلام و بيردوا بكلام مقتضب. قلبه كبير وحنين.

هداياهم قيم ة لما يهادوا......بيحبوا الشياكه و السينييه...........

لما يقول كلمه يبقي صح الصح عشان هما مش بيوعدوا الا و ييوفوا .لانهم مش بيقولوا اي كلام الا عن اقتناع و تفكير.

مش بيحبوا بسهوله بس لما يقول بحبك يبقي بيحب بجد.(راجع السطر اللي فوق)

بيسمع حلو اوي بس اوعي تفتكري انه طالما بيستمع و ما يردش انه مقتنع...........ممكن تلاقيه بعد دا كله الي في دماغوا في دماغوا. bv:- لكنه مستمع جيد جدا.

غيور جداجدا جدا............................مش عصبي بس لو لا قدر الله اتعصب.................. ..اوعي وشك bv:-

بيحب الاكل.....و الغالب جسمهم عريض..............يعتمد عليهم بدرجه كبيرة.

[galaxy]

بجد يا نيشو مالكيش حل ............(الاوصاف تتفاوت)........قلبك ابيض بتصلحي ايه ما باظت فعلا خلاص

برج العقرب ..............................ابو عيون جريئه

هما بيسموه كدا عشان عينيه نفاذه النظرات................ bv:-

في منتهي الجرأة...............غيورين جدا جدا و ماتحاوليش تثيري غيرتهم عشان ممكن يستغني عنك بعد ما ينتقمbv:-

قيادي و ما تتفأليش انك ممكن تغيريه لانه ما بيتغيرش و الاحسن تظبطي نفسك علي طبعه.........

طبعا من اسمه انتقامي جدا و ما ينساش الاساءة.

اب حنون جدا بس مش بيعرف يبين حنيته كاب بس هو رب اسرة متميز و بيخاف علي اسرته من الهوا ...........بيشبهوه بالصقر في حمايه اسرته و التظليل عليهم......

متطرف العواطف.......................يحب بعنف و يكره بعنف مفيش وسط..............يناسبه امثاله من الابراج المائيه في الحياه الزوجيه وخصوصا السرطان لانهم رومنسيين............ bv:-

نقاد و ساخر و ساعات ما تتحمليش هزارهم او نقدهم.....................امراءة العقرب في بعض الاحيان سليطه اللسان.وردودها حاضرة.

[nash]

والنبي حاولي تتلافي الأخطاء السابقه في باقي الأبراج...شكلنا هانطلع من الموضوع ده خسرانين الاخوة والأخوات كلهم ..وكلهم هايكروهنا... bv:-

وبعدين يعني علشان أنتي سرطان هاتقعدي تقارني ؟؟ قال رومانسيه قال؟؟ وده ييجي ايه جنب واقعيه الثور...اختي حبيبتي كوهين.... bv:-

والله أنا فهمت ليه سميناها كده نتيجه حاله الهدوء المتناهيه فيها ..وتسمعلك كلامك تفكريها معاكي قلبا وقالبا وفي الأخر تهز راسها وتقوم وتكون مشفقه عليكي ( اللي هو أنا ) كل حروف الكاف ضمير يعود علي شخصي...

أكملي يا فتاة المايك معاكي bv:-

[galaxy]

برج الحمل...........................

قيادي بيحب المنافسه .................و جرئ كمان.

ما بيخافش من الفشل.......و يقع و يقوم تاني ..............عادي

له مظهروشخصيه جذابه للجنس الاخر لما يحب..................قوي الشخصيه و حنين ......و بعضهم مش بس رومنسي دا كمان شاعر

مغامر شويه...........واثق في نفسه بس بيزعل بسرعه و حساس

........مش بياخد علي حد بسهوله و مش بيحب غيره ياخد عليه اوي .........في المواقف..........راجل .

شويه اناني علي خفيف وشهم.

بعضهم قليل الصير بس عن تجربه هما صبورييييييين.

energetic مليئين بالطاقه.

[galaxy]

علي فكره الحمل نفسه عزيزه و كرامته عاليه اوي.

انا اسفه بجد بس اصل كان عندي اتنين اصحابي جوزاء طلعوا عيني و ذهبوا غير ماسوف عليهم.......(ايه اللي بقولوا دا)

بس للعلم مش عشان اصلح حاجه يعني والله و احده من اقرب اصحابي و الانتيم كمان جوزاء و لحد دلوقتي معرفش جوزاء ازاي بس اصلها ممتازة من كل الوجوه.

بكرر اعتذاري بجد................محدش يزعل

برج العذراء.....................................المحللين

محلل من الدرجه الاولي .......خجول ...............متواضع

عنيد شويه.....بس بينتقدوا الي حواليهم جدا.عشان كدا مش بيتفهموا بسهوله و عايزيين صبر عشان نفهم طبيعتهم.بس بعد كده مش هتخسرهم ابدا..بس مش هتقدر ترضيهم بسهوله عشان شويه مثاليين....

يعتمد عليهم........مش بيثقوا في حد بسهوله و عواطفهم مش بتبان بسهوله برضوا و ما يدوش سرهم لحد الا للصديق المقرب اوي اوي اوي.

عاطفيين بس مش بيحبوا يبينوا........اصدقاء للعمر كله.......و كمان بيهتموا بأمر من حولهم جدا و خصوصا العائله و الاصدقاء.ويعتمد عليهم

ودي برضه صاحبتي الانتيم و .................اخويا

[galaxy]

و الان مع ................................القوس

بصوا بقي من غير مجامله يا نيشو...............

متفائلين ........ومرحين بس.................. بيقلقوا بسرعه.

لهم اسلوب خاص في الحياة او ممكن نقول فلسفه معينه.

لما بيقتنعوا بحاجه صعب اوي يتنازلوا عنها.........شويه عنديين.

بيحبوا الخروج و التسوق...................................... و عموما بيحبوا الحريه والانطلاق.

بيحبوا يجربوا كل شئ جديد ...........و كمان بيبتكروا........

محظوظين و اذكياء اوي و لما بيوصلوا لفكره او نتيجه معينه ..........محدش يقدر يغيرها.

مش بيحبوا المسئوليه.............

و دي برضه واحده من اصحابي المقربين............وعلي فكره .....

احسن ارتباط مع برج الحمل.......مش مجامله دا عن تجربه.

[galaxy]

برج الجدي ............................عمليين اوي و واقعيين و عارفين قيمه نفسهم.

عصبيين اوي و مش بيعتذروا علي فكرة....

بيلتزموا بالتقاليد بشدة.

عقلانيين جدا و بعضهم متعجرف بس دا مش عن غرور لكنه زي ما قولت ....عارف قيمة نفسه كويس اوي .

عندي جدا و متمسك برايه..........يعتمد عليه وهوا جدع اوي.

علاقاته طويله الامد ............مش بيفقد اصحابه و بيحافظ علي صداقات من زمن بعيد......اوفياء.

بيقولوا انهم مش طموحيين ..بس من معاملاتي طموحيين جدا و بيحققوا طموحهم فعلا.

غيورين حتي في الصداقه.........و مش بيحيوا يبينوا رومنسيتهم و بيخبوها تحت ستار من العمليه.

زعلهم وحش .زومش هيعتذروا بس هيتكلموا عادي كأن مفيش حاجه حصلت.

مرحيين جدا وروشيين بس مش بيبينوا و بيظهروا في منتهي الجديه و الرزانه.

و دي يرضه واحدة من الاناتيم بتوعي.

[galaxy]

برج الميزان.....................بيموتوا في البرفانات.

متردد في اتخاذ القرارات .......عشان يكون نزيه(ميزان بقي)

اجتماعي...............محبوب ......والقعده معاه حلوه.

متعاون و يحب يساعد...........و مش متحيز عشان برضه هوا ميزان.

سياسي جدا..........و بيميل للحلول الوسط..........ومش بيحب يزعل حد منه.

بيحب شريكه يفهمه......وبيحبوا يكونوا في دايره الاهتمام..لو ابتعد عنه اهتمام اللي حواليه بيحصله حاجه زي كمون و ملل.

ساعتها بيحتاج ان حد يهتم بيه و يشجعه عشان يرجع تاني ميزان.

جذاب في حواره جدا ............ساحر الحوار.

مش بيحب المشاكل ..............و بيحاول يتجنبها.

كسول حبتين و برضه بيحب الخروج اوي و التسوق والسفر.

برج الحوت...........عشاق الموسيقي

بيدافع عن رأيه بأستماته.............و بيصون السر كويس..........ممكن يبانوا غامضيين شويه.

مش اناني و بيحب اصحابه جدا.....

مش دايما متفائل ولما بيدخل في مود الحزن انسوا............... عشان بيكتئب جدا.

طيب و رومنسي اوي و مش اي حد هيفهمه.........بس لما بيلاقي الشريك اللي يفهمه بيطير فوق السحاب.

بيحب يحس ان الكل محتاج له ...........ضروري تحسسه باهميته ليك.

مضحي عشان اللي حواليه .....و بيحب يعيش شويه دور الضحيه او الشهيد.............(مش بقولك بيكتئب)

[galaxy]

برج الاسد.................قلبه دافي

كريم اوي وتقدر تعتمد عليه وما تقلقش و بيحب الاطفال........قائد من يومه عشان بيعرف يخلي اللي معاه يطلعوا كل طاقتهم.

عنده مبادئ...و طبعه حامي و اللي عايزه لازم يتم دلوقتي.........(بابا) واذا طلبت منه حاجه تأكد انه هيعملها كما ينبغي.

رومنسي و حنين بس كتير مش بيعرف يبين حنيته .

عزة نفسه و كرامته فوق اي حاجه وزعله صعب اوي....مثاليين شويه و عايزين كل حاجه كدا برضه.في الحق ما يعرفش قريب ولو علي نفسه.

بيحب التفاخر و التباهي حبتين ..............بيحب الحياه و عنده مفيش حاجه مالهاش حل ...اصله متفائل اوي

ساعات صحبته بتكون مش مسليه .عصبيين و متمسكيين برأيهم.بيبان انه جامد او قاسي بس هوامش كدا..........وفي اوي

برج الدلو...............

شخصيه مستقله جدا وواقعي اوي..............بيواجهوا الامور و المشاكل بشجاعه.

وفي و مخلص........بيحب يجرب و عاطفي .عنيد و مش هتقدر تتوقع رد فعله.بيحب المغامرة.

الجانب الانساني عنده عالي و بيتأثر بمشاكل الي حواليه و يحب يساعدهم..........عارف قيمة القرش من غير بخل.

متفائل و بيحاول يكون عادل في احكامه او في المشاكل اللي حوالييه.

بيحب شريكه يكون حنين عليه.هادي و قليل الكلام.ساعات بيبان انه سلبي او مستسلم .

بس هو واخد باله وفاهم كل حاجه وليه رأي مستقل بس بيحتفظ بيه لنفسه.

[إيزيس]

برج الدلو...............

شخصيه مستقله جدا وواقعي اوي..............بيواجهوا الامور و المشاكل بشجاعه.

وفي و مخلص........بيحب يجرب و عاطفي .عنيد و مش هتقدر تتوقع رد فعله.بيحب المغامرة.

الجانب الانساني عنده عالي و بيتأثر بمشاكل الي حواليه و يحب يساعدهم..........عارف قيمة القرش من غير بخل.

متفائل و بيحاول يكون عادل في احكامه او في المشاكل اللي حوالييه.

بيحب شريكه يكون حنين عليه.هادي و قليل الكلام.ساعات بيبان انه سلبي او مستسلم .

بس هو واخد باله وفاهم كل حاجه وليه رأي مستقل بس بيحتفظ بيه لنفسه

يا سلام يا جالاكسي هانم...........ختامها مسك عندك حق و الله

[nash]

أيه ده دا؟؟؟

جيتي عند برج القوس وقوام قوام؟؟؟ ليه يعني طب حتي مجامله لصاحبه التوبيك؟؟؟ طيب اي كلمتين زياده يعني ؟؟ :angry:

طب ماشيييييييي

علي فكرة فعلا بكرة المسؤليه جدا لكن بشيلها كويس....مضطرة يعني

الميزان مشكلته في الإختيار رهيبه....ده لو حتي حب يختار بين لونين تي شيرت بيغرق في شبر ميه...تجربه مع فلذه كبدي اللي عملاله الجمعيه... :sad:

تصدقي الجدي كربونه من صاحبتي؟؟

الأسد ....يا ويلك لو مانفذتيش اوامرة..والمصيبه أن ممكن يكون غير منطقي أصلا...بس هو كده وخلاص ..مااااامااااااااا ستي وتاج راسي...

أيه ده؟؟ هو كده خلصت الأبراج؟؟ :blink: