كيف تعتذر...؟؟ هل تعتذر؟؟

[galaxy]

هولسه في تاني

علي فكرة انا كنت بوصف الناس و الاسرة والاصدقاء اللي حواليا بدقة مش اكتر...............بس دا ما يمنعش ان القوس عسل وسكر.........وعلي فكرة هم اذكي الابراج بدون مجامله ودا كان استدراك لابد منه كي لا تختلط الامور او يختلط الحابل بالنابل و نكون قد غطينا النواحي المطلوبه بكل امانه ووضوح و بمزيد من الاستطراد نستطيع ان نلاحظ شفافيه برج القوس و حبه للاكتشاف والاستطلاع و نجاحه و جماله و حلاوته وذكائه و حسن تصرفه و مثاليته و تحمله للمسئوليه وقدرته علي مواجهه الصعاب و صبره و جلده وحنانه و..............انا دخت :blink: و مش لاقيه اوصاف تاني :angry: .............واي خدمه يا نيشو..............

علي فكره عشان القوس مبتكرين معظم مواليده فنانين و مبتكرين..........بيتهوفن....والت ديزني......و ستيفن سبيلبيرج

[nash]

والله يا شوكليت وقعتيني من الضحك..... :sad:

مش عارفه ارد يعني من الإحراج.....

خلاص خلاص ...سماح المرة دي...

تسلمي بجد علي إختصارك الممتع للابراج بصفع عامه...بجد أستمتعت فيها جدا....

ربي يسعد قلبك

:angry: :blink:

[إيزيس]

دي كوسة بالبشاميل

[nash]

من فضلك الناس المغرضين مايتدخلوش ...

دي دراسات علميه وابحاث معمليه...وشوكليت مش هاتجيب حاجه من دماغها....حبيتها قوي البنوته دي

أنتي كده بتلمحي ان شوكليت كانت بتجامل صاحبه التوبيك.....يعني مش عاجبك كلام شوكليت..... :angry: .....مش كده؟؟

وانا الصراحه شايفاكي متحامله علي شوكليت علشان كانت بتتكلم بكل شفافيه.....لا ياقرنفل ...ماتخيلتهاش منك.....شوكرن ....

[إيزيس]

ولا دموعك هاتأثر في

لا ياقرنفل ...ماتخيلتهاش منك.....شوكرن ....

القوس عسل وسكر.

ده كلام علمي؟؟؟ نقلا عن خالدة الذكر المرحومة شهرزاد من كتابها المعسل عسل وسكر عسل عيون حبيبي عسل

دي كوسة بالبشاميل

تم تعديل 23 مارس 2008 بواسطة قرنفل

[galaxy]

نسيت اقول ان القوس من الابراج المتميزه من حيث الشكل و النوع و التطبيق,...................حيث تختلف ابراج زمان عن ابراج دلوقتي زي ما قولت من حيث الشكل و النوع و التطبيق .......

و حيث ان كلامي لا يحتمل قولان ...............و ولائي لا يحتمل المزايدات .........................رجاء نقل التوبيك لباب المطبخ ......و بالهنا و الشفا.

[إيزيس]

إحنا لازم نفتح توبيك جديد لبرج القوس

و نكتبه لناش هانم تمليك

على أن تكون الوجبة الأساسية في المنيو

كوسة بالبشاميل

تم تعديل 24 مارس 2008 بواسطة قرنفل

[nash]

الاخت الفاضله قرنفل....ارجوا الأنتباة وملاحظه أنني صاحبه التوبيك...وإنه لبمكان ان يفرد الاخرون الصفحات لمجاملتي فهذا شيء مفروغ منه....

قولتيلي كوسه بالباشميل؟؟؟

لعلمك هذا اول توبيك يعتمد في بناءة علي الشفافيه المطلقه في تناول الأنور الحياتيه بشكل مباشر وغير تقليدي...

جلاكسي شايفاكي واقفه بتتفرجي....ممكن تلخصيلنا غضب الابراج؟؟

يعني الغضب والتعبير عنه في كل برج؟؟ طبعا بعد إذنك يا قمر....

[إيزيس]

غضب الأبراج:

الدلو: الدلو انسان رقيق حساس لكن ساعة الغضب حوش يا حواش

القوس: نظرا لضعف الشخصية المفرط لدى القوس فماتاخدش منه غير كلام في كلام و أحيانا بؤ سفن و يهدى و ينام

[رحاب]

نوشه يا غاليه ايه المواضيع الحلوه دى

انا مواليد برج الجدى

وكلامك عنه ينطبق عليه تماما والله

[إيزيس]

خدوا الحتة دي لعلي سلامة و كل واحد يختار طريقة للغضب

فيه ناس لما تضايق

تملا البانيو وشوية بخور

وشمع ومزيكا وأغاني

أو تروح تحكي وتاخد وتدي

مع طبيب نفساني

أو تطلع شرم الشيخ تاني

ودي ثقافة..

وفيه ناس لما تتخنق

ترجع تقلب ف اللي فات

وتجيب الصور والذكريات

وتاخد جوافة وبلح أمهات

وتروح تزور الميتين ف القرافة

ودي ثقافة..

وفيه ناس تلم العيال

وربع لب ونص سوداني

وفيلم قديم لإسماعيل ياسين

أو نجيب الريحاني

أو تعدي ع الحلواني

وكيلو مشكل وتكتر الكنافة

ودي برضه ثقافة

لكن الكل مجروح..

ونفسه يبوح..

بس مش عارف..

[nash]

تسلمي يا رحاب يارب...وإن شاء الله يكون عجبك....

وطبعا سعيده بإنك أكدتي دراساتي العميقه لعلم نفس الأبراج....

أتفضلي اقعدي معايا ...بلاش جنب قرنفل لحسن شكلها معصب النهارده.....

تعالي جنبي وجنب شوكليت...

[galaxy]

سبق و قلت ان كلامي لا يحتمل قولان و ان ولائي لا يقبل المزايدات...........

نموت نموت وتحيا نيشو.....................تعيش نيشو واحنا مش مهم...................... :closedeyes:

العقرب ...غامض شكاك و لانه طبعه حاد ما بيزهقش من المشاكل ساعه الغضب ممكن تلاقيه بارد اوي من بره بس هوا من جوا ايه.وفي لحظه يلدغ و ياخد حقه تمام .خصم لا يستهان به و غضبه عنيف اوي وممكن يستني سنين بس برضه ياخد حقه ...بعضهم بيمشي بنظام الغايه تبرر الوسيله يعني هياخد حقه هياخد حقه.

الثور........اذا حصل و غضب بيكون فعلا اسم علي مسمي و بيكون غضبه اعمي وخصوصا اذا نقضت عهده او هددت استقراره و خصوصا المادي او اذا استقليت عنهم شويه .عشان هما شويه مسيطريين و طبعا الغضب الشديد عشان صبورين اوي.

الجدي .......... علي فكره بيسمعوا كويس اوي بس مش بيحبوا الكلام و لا ليهم في الثرثره و بيحبوا المسئوليه و يعتمد عليهم صعبيين اوي و كلامهم يزعل اوي ساعتها و ردودهم مميته ساعه الزعل او الغضب.

الدلو...........ساعه العصبيه مش بيحبوا يكلموا حد.و الاحسن تبعد لحد ما يهدوا لانه عنده كدا جانب من شخصيته مش اي حد يعرفه ..جانب صلب وعندي و شويه لئيم ممكن يخوفك منه......بس هم شخصيات جذابه تستحق الاعجاب و الاحترام.

السرطان .............زي الاطفال ......شعانين شويه و بيزعلوا بسرعه.بس بيروقوا برضه بسرعه عشان العاطفه هي اللي بتحكمه.احن برج ممكن تقابله فعلا..........

الحوت .....بيهربوا من واقعهم ساعات..عشان كدا بيزعلوا و يثوروا من اتفه الاسباب.. وخصوصا لو حد اتحداهم ..........مش هيتخانق ......بس ايه يسمعك كلام تقيل ومر بسلاطه لسان بس بيروق و ينسي الاساءة بسرعه لانه مش حاقد بطبعه و مش بيحب المشاكل و بيهرب منها.

الميزان.............صانع السلام ..مش بيحب المشاكل خالص و عنده استعداد يلعب دور المصلح و غالبا بيحقق النجاح لانه ودود و اجتماعي وبيتكيف بسرعه مع الظروف.بس لو وصل لمرحله الغضب بيزعل من الزعل نفسه و من الي زعله ومننفسه انه وصل لكده و عمره ما بيرجع صاحب تاني او يأمن للشخص دا تاني .مش هيسيبك تشوفيه زعلان .بيزعل من الاهمال ..عشان بيحب الاطراء زي العقرب و الاسد كدا.

الاسد........مش هتشوف الوش الوحش ليه الا لما يزعل عشان هوا برج كويس و اخلاقي جدا ....هيتنرفز اوي و يقول كلام ما يقصدوش بس بيجرح ف الصميم بس ما بيهدي هتلاقيه حنين و ماكانش قصده........بس زعله لا يطاق بجد.

العذراء ......لانه نقاد جدا ناس كتير بتزعل منه و لما بيتخانق بيبقي كلامه في نوع من الجراءه او ..مش هيعترف بغلطه و هيدافع عن رايه باستماته.وساعتها هتبان طبيعته الشكاكه......بس رغم كدا نواياه حسنه و ما يقصدش الشر ابدا.

الجوزاء......................عصبي بس مسيطر علي زعله كويس و مش هيبين اللي جواه من زعل.مزاجه زي ما بيقولوا دموي و بيزعل بسرعه بس فجأة يتقلب من عصبي اوي لهادي جدا ورصين و برضه مش هيبين اللي في نفسه.

الحمل .........هو هادي و بيسكت كتير و بيصبر عشان كده لما بيزعل بيزعل علي حق و لانه حساس اوي بينجرح بسرعه.عشان سكت كتير بينفجر بشده و بيقول كلام قاسي بس بعد تفكير طويل يعني مش كلام في ساعه زعل دا كلام مدروس و بعد تفكيير.

القوووووووووووووس..................ما بيزعلش خالص و لا يمكن يزعل حد منه.........(الكلام ليكي يا جاره)...........و برضه عسل وسكر..........

لعله من الطف و احب الابراج لقلبي قاطبه.....برتاح معاه اوي ...تقدروا تقولوا كدا ..لقيت نفسي..... gt:

شويه جد بقي القوس مش بيتقبل النصيحه من اي حد و خصوصا اللي بيفكره بالمسئوليه....ممكن يتقبلها من اهله بس من حد غريب ...تقدروا تقولوا دي اقرب طريقه لزعله.هو عموما متسامح بس بيزعل بسرعه و بينهي النقاش بصوره سريعه حازمه...بيعرف يواجه و ساعات بيجرح...........

ودي كانت...........خلاصه الخلاصه ...وزهرة الزهرة.............واي خدمه.

[om marawan]

يااااااااه انا قعدت أقرا الموضوع وأدقق تسم ايدك يانوووووش على الموضوع بجد ظريف وحلو جدا وتسلم ايدك يا زهرة الزهرة الجميلة على التحليلات الجميلة بجد امتعتونا

وبصرف النظر كمان على ان الصفات بتنطبق على مواليد الابراج كلهم او لأ لكن شرح الشخصيات وأساليب تفكير الناس وانفعالاتهم جميل جدا

وانا قريت الموضوع من يومين وبعدين قعدت افتكر تواريخ اخواتى وحبايبى والمجتمع والناس عشان اراجع معاكم

وبعدين ماوصلتش لحاجات كتير اوى يعنى بس هاقولكم اللى لاقيتها

بالنسبة لمواليد الجوزاء انا اخويا حبيبى جوزاء وبجد والله لا تنطبق عليه اى حاجة هو بجد شخصية راااااااائعة وجميلة جدا مش عشان اخويا يعنى

بس هو بجد كده مافيهوش حاجات كتير جدا من البرج او اقصد من العيوب .. يعنى هو الحاجة الوحيدة اللى اتقالت عنه انه متحدث بارع بس لأنه مثقف بيحب القراءة وبيجيب الموضوع اللى بيقراه للنخاع

بس هو مش عصبى خالص ولا صعب الاعتذار ولا مؤلف حتى :closedeyes:

سامعاكوا بتقولوا انتى جاية تبوظى الابحاث هههههههههه

لا والله انا لسه هاكمل

بالنسبة للحمل ففيه صفات كتير فعلا موجودة مع اختلافات بسيطة يعنى فعلا قيادى ومايخافش من الفشل ويعتمد عليه جداااااااااااا

بس مابياخدش على الناس بسهولة ولا يحب الاختلاط الكتير مع انه مع اللى يعرفهم كويس جدا اجتماعى ولطيف الى ابعد حد

بالنسبة للاعتذار هو عادى بيحس بغلطه لكن هى يادوب اسف وخلاص بس بتتقال بصدق

لكن بيزعل بسرعة لأنه حساس جدا ونفسه عزيزة جدااااااااااا

الميزان فعلا تمام على اللى اعرفهم متعاون وصادق يكره المشاكل دى تحتها مييييت خط يعنى مايستحملش حتى الصوت العالى حتى لو مش فى خناقة

هم بس مش اجتماعيين اوى لكن مع اقرب الناس ليهم شخصية جميييييييييييييلة جداااااااا

الدلو فعلا ملائم جدا ماعدا مضوع الغضب فى اللى اعرفهم نوعين

نوع عصبى يزعل بسرعة ويروق بسرعة

ونوع بيزعل بصعوبة جدا وبيروق بعد مدة طويلة جدا وعمره مايرجع زى الاول النوع الاخير يشبه بعض الناس فى الميزان

الى جانب انهم مشتركين فى انهم يعرفوا معنى القرش فعلا بدون اى بخل يعنى مابيصرفوش فى اى حاجة وخلاص

انا كده طولت جدا

هاقول بس اخر ملاحظة ان انا مواليد يوم 22 يوليو وباحس ان صفاتى فعلا نصها بالظبط السرطان والنص التانى أسد

الحاجة اللى اتغيرت فيا انى لابقيت عصبية ولا دماغى ناشفة خلاص العيال شالوا مخى الناشف ده وحطوا فيه طبق كبدة بالسلاطات

يارب ماكونش بوظت ابحاثك يانوش ياغالية

ملحوظة اخيرة بالنسبة يعنى لكلام على سلامة يا عزيزتى قرنفل

انا من الناس اللى لما تضايق بتجيب اللب والسودانى وعليهم كنافة برضه وممكن شوية خس حتى وازازتين حاجة ساقعة واتفرج على فيلم عربى انا وابو مروان والعيال وياسلااااااااااام لو كانت مسرحية سيدتى الجميلة ياااااااااااااه انسى اى حاجة مضايقانى

[nash]

أهلا يا أم مروان...منوراني حقيقي....

أتفضلي بؤ سفن أب.....منتهي الكرم الحقيقه هاتجديه هنا....

شوفي يا ستي ..الظاهر احنا اسرة غريبه..تخيلي البابا والماما نار وواحد هواء والتاني ماء....يعني الفصول الثلاثه طول النهار بتتكرر علي مدار الأربعه وعشرين ساعه...

بالنسبة للحمل ففيه صفات كتير فعلا موجودة مع اختلافات بسيطة يعنى فعلا قيادى ومايخافش من الفشل ويعتمد عليه جداااااااااااا

بس مابياخدش على الناس بسهولة ولا يحب الاختلاط الكتير مع انه مع اللى يعرفهم كويس جدا اجتماعى ولطيف الى ابعد حد

بالنسبة للاعتذار هو عادى بيحس بغلطه لكن هى يادوب اسف وخلاص بس بتتقال بصدق

لكن بيزعل بسرعة لأنه حساس جدا ونفسه عزيزة جدااااااااااا

بالظبط بالظبط اللي ذكرتيه وطبعا عن تجربه ....بس فيه اضافه صغيرة.....

ماشوفتش حمل إلا وكان متصور نفسه أذكي من كل الكائنات اللي حواليه وأن براعته وذكائه لا يضاهي سواء رجل او إمراة...

وبالنسبه للميزان.....فعلا هو مش بيحب المشاكل ولا الصوت العالي لكن الجدل عنده فظيع ...وبهدوء شديد..ومساله إتخاذذ قرار سريع بتربكه جدا....لازم ياخد وقته في التفكير وطبعا تكون خربت مالطه والتتار أحتلوها...

بمناسبه إتخاذ القرار كنت ايما اسال ياسر تحب تطلع ايه يا بابا يقولي ...مش عارف حضرتك عايزاني اطلع ايه....؟

يعني يردلك السؤال تاني في ملعبك وأنتي ونصيبك يجيلك إنهيار عصبي ..إكتئاب...اي حاجه المهم هايجيلك وخلاص...

السرطان...زي ماقلت إرتباطه بمامته غير عادي.....شغل اساطير حب منقرضه...وعلي طول يحسسك أنه حواليكي حتي لو بالكلام بس ...ودايما عايز حد يسمعه وأهم حاجه الإنتباه علي مايقول...وبيكون يوم صعب جدا لو حس ان الإنتباة الكامل مش واخده أثناء الحديث...ودايما عايز يطمن أنه في القلب ومحبوب علي طول..سواء مني أو من أصحابه...

علي فكرة متحدث بارع جدا...وطريقته لطيفه بشكل لا يقاوم

الأبحاث دي نتيجه المشاهده اليوميه سواء مع أسرتي أو صديقاتي....

تسلمي علي مرورك الجميل

[nash]

شوكليت...وفي روايه اخري زهرة الزهرة...وفي روايه ثانيه جلاكسي.... :closedeyes:

حقيقي عملتي شغل جامد وتعبتك معايا تسلمي يارب...ويسعد ايامك وأشوفك احلي عروسه في الدنيا.... gt:

نموت نموت وتحيا نيشو.....................تعيش نيشو واحنا مش مهم......................

مرسي مرسي...اتفضلي اقعدي حضرتك..وهابعتلك كيس الدنانير مع قرنفل مع انها بتحاول تحب الكوسه بالباشميل المليان في هذا التوبيك....وياحرام مش قادرة لغايه دلوقتي...مع اني فهمتها الفروق الفرديه بين انها تكون صاحبه توبيك او تكون صاحبه رد في هذا التوبيك...الظاهر مافيش فايده :sad:

إلي اللقاء في توبيك جديد ومساعده جميله منك في الموضوع إن شاء الله

[إيزيس]

وهابعتلك كيس الدنانير مع قرنفل مع انها بتحاول تحب الكوسه بالباشميل المليان في هذا التوبيك....وياحرام مش قادرة لغايه دلوقتي...مع اني فهمتها الفروق الفرديه بين انها تكون صاحبه توبيك او تكون صاحبه رد في هذا التوبيك...الظاهر مافيش فايده

هو كيس الدنانير ده أهم ما في الموضوع

ومش عايزة أبأه صاحبة توبيك

أنا صاحبة عيا و صاحبة اللي يأبجني دينار جنيه ين دولار

نقبل كل العملات الحية

[رمضان]

السرطان .............زي الاطفال ......شعانين شويه و بيزعلوا بسرعه.بس بيروقوا برضه بسرعه عشان العاطفه هي اللي بتحكمه.احن برج ممكن تقابله فعلا..........

والله فعلا بس مش اطفال قوي والله

السرطان...زي ماقلت إرتباطه بمامته غير عادي.....شغل اساطير حب منقرضه...وعلي طول يحسسك أنه حواليكي حتي لو بالكلام بس ...ودايما عايز حد يسمعه وأهم حاجه الإنتباه علي مايقول...وبيكون يوم صعب جدا لو حس ان الإنتباة الكامل مش واخده أثناء الحديث...ودايما عايز يطمن أنه في القلب ومحبوب علي طول..سواء مني أو من أصحابه...

علي فكرة متحدث بارع جدا...وطريقته لطيفه بشكل لا يقاوم

الأبحاث دي نتيجه المشاهده اليوميه سواء مع أسرتي أو صديقاتي....

مرسي كتير بجد مش عارف اقولكم ايه انتم كل يوم توصفوني صح عن اليوم اللي قبله

[badroora]

ايه دا معقولة برج العظماء كدا

برج الثور

أصحاب برج الثور يخشون مواجهة الناس عندما يرتكبون خطأ بحيث أنهم

عندما يظهرون لتقديم اعتذارهم يكون قد "وقع الفأس في الرأس" والأذى قدحدث. لذلك ينتهي بهم الأمر إلى تحويل أصدقائهم إلى أعداء بسبب تقاعسهم عن الاعتذار.

لا يا ناش برج العظماء معقول يخشون المواجهة لااااااااااا

المرأة الثور

إذا كانت هناك كلمة تعبر عن طبيعة امرأة برج الثور فهي الكفاءة لأن قدرتها العجيبة تبدو و كأنها تطال النجوم . عندها من الصبر و الاحتمال ما يثير العجب , و من الهدوء و البرود ما يفتقر إليه الكثيرون من الرجال . إذا اضطرت إلى تحمل المسؤوليات قامت بواجبها على أتم وجه . و مع ذلك قلما تتمنى الاستئثار بالمسؤوليات و الانفراد بالرأي لأن عندها من الأنوثة الشيء الكثير . و هذا يجعلها تحن إلى رجل قوي يدير عنها دفة القيادة و يدعها تتفرغ لوظيفتها الطبيعية .

مستقيمة صادقة قلما تفقد السيطرة على نفسها و إن كانت تخفي تحت الهدوء نفسا شهوانية تحتاج إلى المراقبة و التوجيه .

من ميزاتها سهولة التكيف مع الناس شرط أن يكونوا بسطاء و صادقين مع أنفسهم و بعيدين عن الادعاء . إذا اصطفت البعض شاركته أفراحه و أتراحه , و إن كرهت البعض الآخر أظهرت نحوه عدم المبالاة و ابتعدت عن طريقه بصمت . أي بكلام آخر لا مكان في نفسها للحقد أو الكراهية أو الحسد .

غيرتها لا تثار بسهولة , فهي تختلف في هذا المضمار عن الكثيرات من بنات جنسها . من الجائز أن تغض الطرف إذا مازح حبيبها غيرها من النساء أو أطرى جمالهن أو قبلهن ببراءة , لكن الويل له إذا تخطى الحدود , فقد تسقط الأقنعة في تلك اللحظة و يتحول الملاك العذب على زوبعة ناطقة .

امرأة برج الثور ذكية فطنة , تستطيع المشاركة في الأحاديث الجدية و المناقشات العلمية و السياسية , لكنها قلما تطمح إلى خوض هذا الميدان . إن أهدافها الرئيسية أبسط من ذلك و أقرب إلى المنطق الواقع . لا تهمها الشهادات العالية بقدر ما تهمها المعرفة و سعة الاطلاع . و لهذا السبب نجدها واقفة على المبادئ الأساسية لكل مادة و موضوع تاركة لغيرها أمر التعقيدات و الاجتهادات الفكرية . إنها مثال المرأة العملية التي تحمل رأسها بين كتفيها و تقف على الأرض الصلبة إذا جاز لنا التعبير . أي أنها لا تستسلم للأحلام و الأوهام . فحواسها هي التي تعمل , و من خلال حواسها تقبل الأشياء و تقتنع بها . و إذا فمن الطبيعي أن تكره الأزهار الاصطناعية لافتقارها إلى الرائحة الزكية و الحيوية . يقابل ذلك أنها لا تستطيع العيش دون أزهار و نباتات حقيقية . بيتها في جميع الفصول حديقة خضراء ضاحكة . عطرها المفضل رائحة الصابون و العشب و النظافة أينما وجدت سواء في الشعر أو الجلد أو " الغسيل " . و مع أن للروائح الكريهة تأثير عكسي فيها إلا أنها تحب رائحة أسماك الشاطئ و حيوانات الإسطبل و كل ما يذكرها بالطبيعة و الأرض .

ضعف امرأة برج الثور تجاه بعض الألوان معروف و مألوف . فهي تفقد المقاومة أمام اللون الأزرق و مشتقاته , و اللون الوردي بجميع فروعه . أكثر ما يجذبها في الألوان الانسجام و التوافق . لا تغفر للرجل جهله في هذا المضمار . ذوقها في الطعام رفيع ينم عن حس مرهف .لا تقر مبدأ المعلبات و الأطباق السهلة الإعداد . إذا دعت إلى مائدتها قدمت أطيب الأصناف و أكثرها ابتكارا . مهارتها و ذوقها يثبتان صدق المثل القائل : " معدة الرجل أقصر طريق إلى قلبه " .

فنانة , تهوى الموسيقى و الرسم و الغناء , و تزور المعارض و المتاحف باستمرار . تستهويها الأماكن الطبيعية الجميلة , و خصوصا تلك التي تدل على عظمة الخالق كشلال عظيم أو جبل شاهق أو بحيرة شاسعة . تجيد لغة الأصابع و تتعرف من خلالها إلى جمال الأشياء . تفضل الأقمشة المصقولة و الأصواف الناعمة على غيرها .

دورها كأم عظيم و إن كانت تجيد معاملة أطفالها في الصغر أكثر منهم في سن المراهقة . و سبب ذلك – على الأغلب – تمسكها بالنظام و ميلها إلى فرض الطاعة و عدم قدرتها على التمييز بين مرحلة عمر و أخرى . ولا يستبعد أن يواجهها أولادها بالرفض و التحدي في بعض الأحيان . و من الأشياء التي لا تقبل التنازل عنها الترتيب و النظافة في كل الأوقات و الظروف .

ثم إنها لا تعرف الميوعة أو الشكوى . إذا اضطربت أوضاع الأسرة الاقتصادية نزلت إلى ميدان العمل بصمت و رحابة صدر . و هي إلى جانب ذلك قوية البنيان صلبة الإرادة دؤوبة على الرغم من بطء الحركة و التفكير . صبرها على الآلام النفسية و الجسدية لا يصدق , و جميع أعمالها و أقوالها تسودها روح عملية ممتازة .

يجد الرجل في مولودة برج الثور شريكة عمر حقيقية . فهي من النوع الذي يصبر على الشدائد و لا يتخلى قيد شعرة عن التفاؤل و الطموح . و هي أيضا من النوع الذي لا يضنيه عمل النهار أو سهر الليل . يمكن الاعتماد عليها كما يعتمد على الساعة الدقيقة أو الآلة الحاسبة التي لا تخطيء . بيتها فسيح كقلبها , فيه مكان للأقارب و الأصدقاء و الجيران . إنها الكفاءة كما ذكرنا في البداية

.

هى دى مواصفات برج الثور بلا فخر نيااااااااااااااااه wst::

[nash]

والله يا بدريه أنا زيك أستغربت...لإن ( كوهين) :lol: حبيبة قلبي واللي مصايبنا مشتركه ....... غير كده خالص.... :blink:

والله أنا قولت هاتعدي....علي اساس مافيش حد من البرج ده غير مرمر...( كوهين) قلبي... :)

قلبك ابيض يا بدريه ...انا برضه سمعتلي كلمتين منها بس اون لاين وبالصوت...وأخدت عقابي خلاص.... :rolleyes:

المسامح كريم......

بس فيكوا عند يا الله ... wst::