عاجل للاطباء بالسعوديه

[Dr.mmfriend]

السلام عليكم ورحمة الله وبركاته

الاخوان الاعزاء

اخوكم طبيب مقيم طب اسرة

حاصل على الدورة التدريبية المؤهله للعمل بالمملكه العربيه السعوديه والتى عقدت بالقاهرة لمدة 6 شهور تحت اشراف مشترك بين وزارة الصحة بالمملكه العربيه السعوديه وجمهوريه مصر العربيه

والحمد لله اجتزت الامتحان وتم التعاقد المبدأى

واخدت فرست ماستر طب اسرة والحمد لله

ولكن قبل السفر ظهرت مستجدات

شركة سفريات اسمها الدوليه اتصلوا بيا وعرضوا عليا وظيفة طبيب مقيم طب اسرة بمستشفي تبوك العسكرى

طبعا الاحلام بدات تراودنى

دى مستشفي عسكرى اكيد على مستوى

وكمان بيقولوا البدلات فيها اكويسه جدا

وكمان معتمده من قبل المجلس السعودي للتخصصات الطبيه كمركز تدريبي معتمد لطب الاسرة

عيوب الموضوع انى هضطر اتقدم تانى للامتحان بتاع السعوديه ده

ياترى هو صعب ولا سهل؟؟

طيب ياترى لو ربنا وفقنى ونجحت هل استطيع التقدم للتدريب في البورد السعودى دة؟؟

هم بيشترطوا موافقه جهه العمل على التفرغ

هل المستشفي توافق ؟؟

انا محتار

ناس تقولي عصفور في اليد ويبني خليك في المضمون و انت كده كده رايح تجيب قرشين وخلاص

مع العلم ان تعاقد وزارة الصحه مش محددين المكان نهائيا

ارجو من السادة الاطباء يدلونى اعمل ايه لانى محتار بشده

اخوكم من مصر

احمد

[مصري جدا]

عزيزي د.أحمد

أنا حاليا مش في السعوديه تركتها من حوالي 8 سنوات لكن أقدر أفيدك أن شاء الله

راي أنك تتدخل الأمتحان ويكون من نصيبك أن شاء الله النجاح وتروح مستشفي تبوك العسكري..وهناك بعد ما تستلم شغلك تقدر تكمل مشوار الدراسة...وأعتقد مادام في نفس مجال عملك مش حيكون فيه مشكلة

أما أن تنتظر مكتب التوظيف ممكن يجيلك شغل في بلد نائية ومش في مستشفي وده في الغالب وساعتها فرصة الدراسة حتكون أصعب

توكل علي الله وأدخل الأمتحان وربنا يسهلك ....ويوفقك أن شاء الله

[kokomen]

  أنا مش  طبيب  .........  لكن أقدر أفيدك بخصوص المستشفى العسكري بتبوك

  وهي داخل مدينة الملك عبدالعزيز العسكرية بتبوك .... أنا كان لي حق العلاج فيها

المستشفي جميلة جدا ومتطورة وهي تعالج العسكريين وأسرهم وتعالج منسوبي (موظفي)

وزارة الدفاع وكنت أنا منهم .... وجميع مستشفيات وزارة الدفاع موجودة في مناطق

مميزة ورئيسية بخلاف مستشفيات وزارة الصحة .... وعلى ما أظن إنك تقدر تكمل دراستك

بالتنسيق مع إدارة المستشفي ويمكنك أن تسأل المسؤول الذي سوف يجري معك المقابلة

ومدينة تبوك صغيرة ولكنها ظريفة ...وللأطباء سكن داخل المستشفى وقد تستطيع الإنتقال

 لمستشفى عسكري آخر في مدينة أخرى  بالسعودية

بالتوفيق إن شاء الله

تم تعديل 22 مارس 2008 بواسطة kokomen

[كانو]

مع إني لست طبيب, حتى ولست مصري ( طيب مين الي سمح لك تدخل ههههههههههههههه)

أخوك مهندس سوري أعمل في المملكة منذ سنوات طويلة ولي أصدقاء كثيرون من الأطباء

أنت تقارن بين المشفى العسكري في تبوك وبين وزارة الصحة الي ممكن ترميك في مركز متواضع جداً في منطقة نائية جداً جداً,,,

بعدين تبوك مدينة الطقس فيها ربيع نسبة إلى المدن الثانية..

بإختصار : أنا مع المشفى العسكري في تبوك دون نقاش ( طب فين الديمقراطية,,, )

تحياتي وبالتوفيق

[Dr.mmfriend]

شكرا يا جماعه

الف الف شكر

افادكم الله

احب اقول لحضرتك د. مصرى جدا انى مش هنتظر مكتب توظيف ولا حاجه يجيبلي عقد

انا اصلا متعاقد مع وزارة الصحه بالسعوديه بعقد مبدأى نظرا لنجاحى في الدورة الخاصه بيهم

والعقد موجود واخدوا اوراقي من يومين علشان يحددولى مكان للعمل

لكن جه موضوع تبوك العسكرى ده يقلب الموازين وخصوصا انى ناوى اكمل بورد عربي طب اسرة

وللاسف انا خلاص عملت تحاليل الفيروسات والكشف الطبي وورديتهم

واخدوا جواز السفر وكل الاوراق اللازمه

مش عارف بقى اتصل بيهم اكنسل الموضوع !!

ولا امشي في الموضوع عادى ول موضوع تبوك جه ابقي اعتذرلهم

طيب حد يعرف المستشفي العسكرى هيسمحولى اكمل بورد عربي في نفس المستشفي ولا لا؟؟

عموما شكرا ليكم جميعا

وجزاكم الله خير الجزاء

[Dr.mmfriend]

مع إني لست طبيب, حتى ولست مصري ( طيب مين الي سمح لك تدخل ههههههههههههههه)

أخوك مهندس سوري أعمل في المملكة منذ سنوات طويلة ولي أصدقاء كثيرون من الأطباء

أنت تقارن بين المشفى العسكري في تبوك وبين وزارة الصحة الي ممكن ترميك في مركز متواضع جداً في منطقة نائية جداً جداً,,,

بعدين تبوك مدينة الطقس فيها ربيع نسبة إلى المدن الثانية..

بإختصار : أنا مع المشفى العسكري في تبوك دون نقاش ( طب فين الديمقراطية,,, )

تحياتي وبالتوفيق

اهلا بحضرتك (مين اللى سمحلك تدخل ههههههههههههههه)

انا اقارن بين عقد في ايدي ومجانى ومش همتحن في السعوديه ( وزارة الصحه ) وعقد تانى لسه هيردوا عليا وطبعا بفلوس واكيد فيه امتحان تانى في السعوديه( تبوك العسكرى )

شكرا لحضرتك ولردك الكريم

[~Heba~]

طيب ممكن اقول حاجة ( مين اللى سمحلك تدخلى :blink: )

هو عقد وزارة الصحة ده مش مسيره ينتهى!!!!!!!!

ساعتها حتبقى فرصتك اكبر فى العمل بعد كده فى مستشفى عسكرى لانك حتكون صاحب خبره فى العمل فى المملكة

و يا دكتور فيه مثل بيقولوه المهندسين دايما

مشوار الالف ميل يبدأ بخطوة

و عدد الخطوات فى الميل كله=الميل محولا الى اقدام÷الخطوة فيها كام قدم wst::

[Dr.mmfriend]

الموضوع محير جدا وبشده

[مصري جدا]

الوضع كده أختلف شويه

بوجود عقد وأنهم أخدوا الجواز علشان الأجراءات....يبقي تنتظر تشوف مكانك حيكون فين .......ولو في منطقة مش حتلاقي فبها مستشفي ..يعني يكون عملك في مستوصف أو عياده ....تاخد سنة العقد بهدف واحد انك تدور علي مكان تقدر نكمل فيه....وممكن تذاكر وتعمل أمتحان وأنت هناك.....هو فيه نقطة مش عارف الوضع فيها أيه الأن وهي نقل الكفالة من وزارة الصحة الي مكان تاني هل مسموح به ولا لآ .... زمان كان لازم تنزل مصر وتغير الباسبور وترجع.....مش عارف أنا لخبطك زياده...ولا دليتك .....أستخير وربنا يوفقك

[Dr.mmfriend]

السلام عليكم

يا جماعه انا اتوزعت على منطقة جازان

حد يعرف عنها حاجه دى؟؟

انا سمعت انها منفي وانها مقطوعه جدا

ارفض العقد بقي ولا ايه؟؟

افيدونا افادكم الله

[مصري جدا]

الأخ العزيز د.أحمد

جيزان منطقه في الجنوب قبل اليمن

دلوقتي أقدر أقولك بقلب جامد أتوكل علي الله وأطلع علي المستشفي العسكري وربنا يوفقك أن شاء الله

وخليك معانا وانا تحت أمرك لو أحتجت حاجة...

تم تعديل 25 مارس 2008 بواسطة مصري جدا

[كانو]

مع إني لست طبيب, حتى ولست مصري ( طيب مين الي سمح لك تدخل ههههههههههههههه)

أخوك مهندس سوري أعمل في المملكة منذ سنوات طويلة ولي أصدقاء كثيرون من الأطباء

أنت تقارن بين المشفى العسكري في تبوك وبين وزارة الصحة الي ممكن ترميك في مركز متواضع جداً في منطقة نائية جداً جداً,,,

بعدين تبوك مدينة الطقس فيها ربيع نسبة إلى المدن الثانية..

بإختصار : أنا مع المشفى العسكري في تبوك دون نقاش ( طب فين الديمقراطية,,, )

تحياتي وبالتوفيق

لاجديد ,, هذا ما ذكرته لك من البداية, المراكز التابعة لوزارة الصحة في المناطق البعيدة هي التي تحتاج إلى أطباء,,, ما زال رأي هو: المشفى العسكري في تبوك

[Dr.mmfriend]

يعنى قصد حضرتك ان جيزان مكان معفن اوىىىىى؟

طيب افترض مقبلونيش في المستشفي العسكرى؟

اروح جيزان ولا افضل في مصر؟

معلهش استحملونى انا محتار جدا جداااااااااااا

[مصري جدا]

الوضع كده أختلف شويه

....ولو في منطقة مش حتلاقي فبها مستشفي ..يعني يكون عملك في مستوصف أو عياده ....تاخد سنة العقد بهدف واحد انك تدور علي مكان تقدر نكمل فيه....وممكن تذاكر وتعمل أمتحان وأنت هناك.....هو فيه نقطة مش عارف الوضع فيها أيه الأن وهي نقل الكفالة من وزارة الصحة الي مكان تاني هل مسموح به ولا لآ .... زمان كان لازم تنزل مصر وتغير الباسبور وترجع.....مش عارف أنا لخبطك زياده...ولا دليتك .....أستخير وربنا يوفقك

لو مفيش نصسب في تبوك ...يبقي أمرك لله وتعمل زي ما قلت لك قبل كده سنه وتعدي وتحاول قبها تشوف مكان تاني

ربنا يوفقك

[كانو]

لم أقصد أن جيزان مكان مش ولا بد,,,الموضوع نسبي حسب من اين أنت شخصياً

لكن مقارنة المشفى العسكري في تبوك مع وزارة الصحة في جيزان: النتيجة دون نقاش النتيجة لصالح تبوك, هذا لو كانت الوظيفتان متوفرتان بنفس الوقت,

أما هل تقبل بجيزان ام تبقى في بلدك هذا يتعلق بك شخصياً وبظروفك , هناك ناس في بلادها لاتسافر الا بشروطها وهناك ناس تسافر باي ثمن ( هذا شخصي جدا جدا)

نقل الكفالة من العام الى الخاص ممنوع, وحتى نقل الكفالة الان صعب وليس كالعادة, موافقة مكتب العمل قصة لها فصول. (المعذرة لكنها الحقيقة)

[kokomen]

أدخل بقلب جامد على تبوك

المستشفى العسكري جميل جدا ومميزاته ممتازة

أنا كنت في المدينة العسكرية ولي حق العلاج بالمستشفى العسكري

طبعا الإمتيازات أفضل من وزارة الصحة ... توكل على الله وبالتوفيق

 

تم تعديل 26 مارس 2008 بواسطة kokomen

[Dr.mmfriend]

الف الف شكر ليكم جميعا

بجد جزاكم الله خيرا

ان شاء الله ربنا يقدم اللى فيه الخير

وانا هستني اشوف رد الشركه اللى جايبالى عرض تبوك العسكرى

وربنا يسهل

وشكرا ليكم الف شكر