فرصة عمل فى بلدية الشارقة

[قاهرى]

عرض عليا فرصة عمل كمهندس فى القسم الفنى فى بلدية الشارقة

القسم الانشائى

هل احد عندوا فكرة كم range الرواتب للمهندسين فى بلدية الشارقة ؟؟؟

ارجو الرد فى اسرع فرصة ممكنة لان معاد الانترفيو بتاعى بعد بكرة

[madzoro]

السلام عليكم و رحمة الله وبركاته

اتمنى لك التوفيق يا باشمهندس قاهري في حياتك و عملك باذن الله

عندي سؤال وهو هل انت متواجد حاليا في الامارات

اذا كانت الاجابة بنعم فاتقريبا انت وصلك ميعاد المقابلة برسالة .... فانت ممكن تتصل بيهم في البلدية وتقولهم انك متحددلك معاد المقابلة بعد بكرة وانك عايز تستفسر عن المرتب و الامتيازات الاخرى وهما هيبلغوك لانهم والله اعلم عندهم كادر وظيفي المرتب بيكون حسب موقعك الوظيفي يعني مهندس ولا مدير مشاريع

عموما انا كنت مقدم من سنة وكان العرض في حدود 7000-7500 بس اعتقد ان الكلام ده اتغير بعد الزيادات اللي عملها حاكم الشارقة وصلت 70% تقريبا

ارجو اني اكون افدتك و ان شاء الله حد من الاخوة الاعضاء يكون عنده فكرة اكتر مني يفيدك

مع تمانياتي لك بالتوفيق والنجاح

..... ماتنساش اتصل بيهم

[قاهرى]

اتصلت بيهم وموصلتش لاى حاجة للاسف

والجديد الى عرفتو ان الدكتور الى طالبنى دة فى القسم المعمارى وانا مهندس مدنى شكلو طلبنى بالغلط باين كدة :blink:

[madzoro]

انت عندك انترفيو ولا امتحان عشان ممكن تحتاج تستعد وعموما هتعرف بكرة التفاصيل فامتقلش عشان زي ماقولتلك هما عندهم كادر وظيفي

تقريبا التفاوض فالمرتب هيكون في حدود ضيقة انا فاكر كمان حاجة انهم كانو بيدفعوا على الاطفال 3000 درهم رسوم دراسة بحد اقصى طفلين

مش عارف زادو القيمة دي ولا ايه

ربنا يوفقك بكرة ... وابقى طمني

[قاهرى]

هما قالولى امتحان وانترفيو مع بعض

يا ترا بيمتحنو في اية المهندسين المدنى يا باشمهندسmadzoro

واستعد اية المقصود بيها ..... تقصد اذاكر حجات معينة ؟؟ واية هى

ارجو الافادة بسرعة علشان ميعادى بعد بكرة الصبح

[madzoro]

بصراحة مش قادر افيدك يا بشمهندس قاهري اصل انا مهندس معماري ..... بس ممكن يكون الامتحان في فيدك او كود ما .... حاول تستفسر منهم تاني على قد ما تقدر

وبالتوفيق انشاء الله

[ahmedarab]

أخى قاهري

طبعا للاسف انا ش هاقدر افيدك ..لانى مش مهندس زى ما حضرتك عارف

بس انا بتمنى لك كل توفيق وربنا يسهلك في الامتحان او الانترفيو ..ويعدى بخير وبيقى تمام التمام

على الاقل نبقى جيران ومش يبقى ليكى حجة وتقولى رأس الخيمة والحركات دى ...

ربنا يوفقك يارب وطمني على النتيجة

[قاهرى]

مساء الخير يا جماعة

شكرا بجد ليكم على مساعدتكم ومساندتكم ليا

بس احب اطمنكم انى ضربت مشوار من راس الخيمة للشارقة واخت يوم اجازة من الشغل عندى وضاع عليا راتب يوم دة غير المواصلات و و و و و و

وفى الاخر لقيت الامتحان لرسام هندسى مش مهندس

وعندن فيهم امتحنت وقولتلهم بعدها انا مهندس مش رسام واختاروا كمان واحد سورى وخلاص الموضوع والحمد الله

قاهــــــــرى

[madzoro]

عموما الخيرة فيما اختاره الله بالتوفيق انشاء الله ... و ربنا يكتبلك الافضل و الاحسن منها ( بلدية دبي مثلا )

madzoro

[ahmedarab]

معلش يا قاهري

خيرها فى غيرها بإذن الله...وبدال ربنا مش قسمهالك ..يبقى اكيد ربنا هيرزقك بافضل منها إن شاء الله