اذهب إلى المحتوى
محاورات المصريين

تفسير الاحلام

galaxy

بواسطة galaxy
في موضوعات خفيفة

 مشاركة

Recommended Posts

galaxy عضو جديد

galaxy

بتاريخ:
بتاريخ:

معلش يا جماعه .................بمناسبة الكلام عن الابراج و الذي منه.

سؤال والله.....................حد هنا ليه في الاحلام او في تفسيرها او حتي بيؤمن بيه :roseop:..............................؟؟؟؟؟؟؟؟؟؟؟؟؟؟

ولو بيؤمن بيه مش عايز يفسر حاجه؟؟؟؟؟؟؟؟؟؟؟؟؟؟؟؟ :angry: حلم يعني؟؟؟؟؟؟؟؟؟؟؟؟؟ :roseop:

طب حد عنده موسوعة ابن سيرين .............علما بأن رسولنا الكريم_صلي الله عليه وسلم-كان يفسر الروئ لاصحابه. :roseop:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
  • الردود 66
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

nash عضو جديد

nash

بتاريخ:
بتاريخ:

أهلا يا شوكليت....

أنا يعني بعرف افسر علي ادي...بس لنفسي..... بسسسسس أخاف أفسر لحد...

طيب انتي عندك حد بيعرف يفسر؟؟ سؤال ذكي عارفه.....ماتحلفيش... :roseop:

أنا عندي تعطير الأنام في تعبير المنام....كتاب حلو بس غريب تلاقي التفسير حلو وبعدين يقلب....علي وحش....يعني مثلا بحر فيه كذا وكذا وكذا وكلها مثلا حاجات تفرح القلب...وبعدين تلاقيه بيقول وايضا البحر فيه كذا وكذا وكذا...يباة شويه وعايزة تنتحري...بعد الشر عليكي...

ممكن تكتبي في جوجل كلمه تفسير الاحلام ...او تفسير الاحلام لإبن سيرين.....هاتطلعلك مواقع كتيرة منها مواقع تفسر بنماذج أحلام....أو بحرف ابجدي لشيء مميز رأيتيه في المنام...

كان نفسي اخدمك زي بصراحه ماقومتي باللازم في موضوع الأبراج...والله علي قد ماقدرت :roseop: .....يعطيكي العافيه حبيبتي.... :roseop:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
galaxy عضو جديد

galaxy

بتاريخ:
  • كاتب الموضوع
بتاريخ:

نيشو الجميله...............انا برضه بفسر لنفسي و ساعات لغيري و ربنا بيسهل و بتصيب ..بس اصلي مؤمنه اوي بكدا و خصوصا في حالات الاستخاره و عندي كتاب ابن سيرين ورايا في مكتبه السرير .اصحي اشتغل علي طول..................لا لا مش للدرجه دي .......بس انا بتكلم عن مدي الايمان بيها و هل انتي روحانيه و ممكن تشوفي حاجات ذات دلاله ما و تتحقق...............مكشوف عنك الحجاب يعني.

وشكراعلي مرورك الجميل.. محدش عبرني غيرك ...... :roseop::roseop: ربنا يخليكي ليا.

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
nash عضو جديد

nash

بتاريخ:
بتاريخ:

عارفه يا ستو....؟؟

كان ليه صديقه آيه في الاخلاق والجمال وأهم حاجه الصوت الهادي والتدين الغير مزعج..مش تزهاك كل شويه وتنتقد ...كانت رائعه في تفسير الاحلام....والصراحه كنت زي تلميذتها تقريبا ...

انا اي شيء يمس هذا الجانب تلاقيني فيه علي طول.....

يمكن اذكر اول حلم من زمان جدا...أني فسرته لنفسي بوفاة والدي ...وبالفعل توفي بعدها بتقريبا اسبوعين...ربنا يحفظ كل الابهات يارب...

للاسف ...وبقول للاسف....ان تقريبا اللي بحلم بيه وبفسرة بيتحقق....وصدقيني دي مشكله مش سهله...لإن أحيانا بكون حاطه ايدي علي قلبي ...

علي فكرة تفسير الاحلام مش شيء سهل...وحرام جدا جدا الكذب في الحلم ....

انتي لسه منزله الموضوع يا ستو استني شويه...إن شاء الله هاييجي اللي يضيف معلومات جديده...

للاسف خاصيه التبليغ بردود جديده غير مفعله عندي وبالتالي بشوف الردود بالصدفه البحته....

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
إيزيس عضو جديد

إيزيس

بتاريخ:
بتاريخ: (معدل)

أنا باهتم جدا بتفسير الأحلام و غالبا أحلامي ما بتنزلش الأرض أبدا

لكن أحدث معلومة عرفتها النهاردة إن لما تصدق الرؤى ده من علامات الساعة الصغرى

هذا و الله أعلم

تم تعديل بواسطة قرنفل

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ: (معدل)

انا ما باعرفش افسر احلام ولا ليا فيها

جيت مرة اتصلت بشيخ فى السعودية وصلتله من خلال تليفونات كتير

المهم

كان فيه حلم بيتكرر كتير قوى

الراجل فسرة

وطلع التفسير غلط

مر على الحلم دة سنتين دلوقتى والوضع تغير تماما ً عما كان فى الحلم وعما فسرة الشيخ

لكن ..

والدتى واخت خطيبتى دايما ً وابدا ً والله فعلا يا جماعه عن تجربة شخصية

الاثنين بيحلموا والحلم بيتحقق تانى يوم وعلى ااكثر بعدها بيومين ثلاثه

بس انا مش عارف ليه

ومن احلام والدتى برضوا يا اخت ناى كان بوفاة والدها لكنها استيقظت فجأه على نداء منه وكان فى التل الكبير ونحن فى الشرقيه

قامت والدتى فجرا واصرت للذهاب اليه

وبعد وصولها بلحظات أو اقل من ساعة فارق جدى الحياة وكان يوم جمعه

شكرا

حبيت اشارك بس علشان صاحب الموضوع ما يزعلش من عدم المشاركة

تم تعديل بواسطة vipwithyou

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
إيزيس عضو جديد

إيزيس

بتاريخ:
بتاريخ:
حبيت اشارك بس علشان صاحب الموضوع ما يزعلش من عدم المشاركة

مش ممكن

طب ليه

خليها بجميلة و ما تقولش

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
galaxy عضو جديد

galaxy

بتاريخ:
  • كاتب الموضوع
بتاريخ:

نيشو.......... رفيقه الدرب..........زميله الكفاح ... :roseop:

الحال من بعضه و يا سلام بقي لو استخاره في عريس مثلا.

و كام مره للاسف حلمت بحاجات لاصحابي و كنت مسافره و معرفش اخبارهم بس للاسف اتحققت و حسيت بعدها بالذنب جامد و خفت من نفسي اوي................. :angry: ولما عرفتها بعد فتره قالتلي ان مامتها شافت حاجه مشابهه

و طبعا احلام النتيجه ايام الكليه ........ فحدث ولا حرج...ليا و لاصحابي.

جت عليا فتره دماغي باظت و اول ما اصحي امسك الكتاب و هاتك يا فتي....و اول لما ماما تشوفني .....تقولي يا فرحتي ..........يلا قومي شوفي اللي وراكي عندنا غسيل و عمايل الغدا................. :roseop:

بس كانت مرحله لحد لما اتأكدت اني مش بلعب :blink:

المهم ان الواحد لقاله شغلانه مكسبها شديد .....يعني اصل شغلانتي ما بقتش جايبه همها.

اي جديد هطلب تفسيرك ع الخاص..........و من هنا و رايح بالسيم...................

و عموما دا يعتبر اعلان مدفوع الاجر (لان الاقبال هيكون تاريخي) ان اي حد عايز مشورة ,حجاب,مندل..........يدوب يجيب بس اتر :roseop: ............... و ييجي للشيخه نيشو او خدامتكوا جلاكسي ..............دي هتبقي ليله يا عمده و هتحلو و تزهزه اوي.

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
galaxy عضو جديد

galaxy

بتاريخ:
  • كاتب الموضوع
بتاريخ:

الله يباركلك يا vip طب كنت صحيح خلتها بجميله .بس شكرا ع المرور الكريم

شكرا يا قرنفله غلي مرورك الكريم.............و دي معلو مه بعرفها لاول مره...........بس بجد ممتازه

وهناك حديث شريف يقول....."اصدقكم حديثا ,اصدقكم رؤيا".. سامعه يا قرنفله......................و قد كان الرسول صلي الله عليه وسلم يفسر الرؤي و امرنا ان نفسرها علي جانبها الطيب "الرؤيا معلقه برجل طائر اذا فسرت وقعت"

ولذلك لا مجال للافتاء في الاحلام و اللي معندوش ملكه حسن التفسير ..يمتنع عن التفسير.

وقد كان لاعرابيه زوج دائم السفر و كانت عند سفره كل مره تري رؤيا وتذهب للرسول صلي الله عليه و سلم لتفسيرها .فيفسرها ان زوجها سيعود بالسلامه و انها ستلد منه ولد طيب. وقد كانت تري ان عمود الخيمه ينكسر و خلافه.

و تكرر الحلم و في مره ذهبت للرسول صلي الله عليه و سلم و لم تجده و فسر لها الحلم علي ما اتذكر الصديق ابو بكر او السيده عائشه و فسر لها الرؤيا ان زوجها سيموت و لن يعود و ستلد ولد عاصي و قد كان.لذا امرنا الرسول الكريم عليه الصلاه و السلام بحسن التفسير و التفسير علي الجانب الطيب.

و اذا راي اي شخص رؤيا يظن انها غير طيبه.يتفل عن يساره ثلاثا و يكرر ثلاثا(خير نؤتاه و شر نتوقاه,خير لنا و شر لاعدائنا) فأنها لا تضره و لا يحدث بها احد.

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
إيزيس عضو جديد

إيزيس

بتاريخ:
بتاريخ: (معدل)
سامعه يا قرنفله

سامعة يافندم

ونشكرك على المعلومات القيمة و نتمنى المزيد

المزيد

المزيد

إيه رأيكم في الحلم المتكرر؟؟

بعد إذنكم شوية أعمل شغلة بسيطة و ارجع أحكي لكم علية الساعة عشر و ربع بعد إعلان جالاكسي :roseop:

إوعى تغير المحطة

إيدك و الريموت كنترول

تم تعديل بواسطة قرنفل

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
galaxy عضو جديد

galaxy

بتاريخ:
  • كاتب الموضوع
بتاريخ:

من حقائق الاحلام .........

اولا........ كل ما اعجم من حيوان او طير او طفل صغير كلامه في المنان صادق لان هده الاشياء لا تكذب.

ثانيا....... كلام الام و الاب في الحلم مقدس و حقيقي.كما ان كلان العرافيين و الناس المحتمل كذبهم في الحقيقه كذب ايضا. و بالتالي كلام الناس المعروفه بالصدق في الحقيقه صادق في الحلم ايضا.

ثالثا.......بعض الاحلام تفسر بالعكس مثل الزواج و الموت .(حلمت اعرابيه بمن يقول لها ان عرس فلان ابن فلان عند الكعبه و عندما افاقت سمعت اصوات النحيب و الصراخ عليه و علمت بموته)

حلمت كمان......ان واحده صاحبيتي ماتت بعدها بأسبوع عرفت انها اتخطبت كذلك البكاء هو فرج ما عدا البكاء بصوت او النحيب العالي و الضحك بصوت رنان مصيبه.اما التبسم فهو طيب.

رابعا......يفضل قول الرؤيا للتفسير في الصباح دون المساء.

خامسا......وسائل النقل في الرؤيا بدايه بالجمل و نهايه بالسياره(كانت غير معروفه زمان) الان تؤول علي نفس النحو و هو النجاه او مشوار الحياة مثلا.

سادسا ........جميع الرقص و المعازف تؤول بالمصائب.

سابعا..........الحمل ...هم و الولاده .......فرج و يماثل الحمل اي مرض بالبطن او نفخ هو هم ايضا.

لما افتكر حاجه تاني اقولها............اصل الكتاب في مصر .

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ: (معدل)
حبيت اشارك بس علشان صاحب الموضوع ما يزعلش من عدم المشاركة

مش ممكن

طب ليه

خليها بجميلة و ما تقولش

معلش يا جماعة مش قصدى حاجة

انا قلت كدة بحسن نيه

واعتبرونى ما قلتهاش

ربنا اعلم بدماغى فيها ايه دلوقتى

فكويس انى بأكتب اساسا ً

شكرا وأهو دة كمان تقصير فى حق المنتدى يا قرنفل

تم تعديل بواسطة vipwithyou

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

من أحلامي المتكررة

في سالف العصر و الأوان ماكنتش أحب التاريخ فكنت أذاكره بطريقة إنتقائية و كانت تظبط معايا و تمام التمام

يعني الامتحان فيه اختياري إذن نلغي الجزء ده و لو حصل فيه سؤال ماختاروش و أنا كنت تلميذة متفوقة و الدنيا ماشية بالطريقة دي آخر فل

في امتحات الثانوية العامة لغيت ثورة اليمن و قلت أختار أي سؤال لو جت اليمن

المقلب .................سؤالين في ثورة اليمن

امتحان غبي.....صح؟

وتخيلوا حالتي و أنا لا أعرف الغش فضلت أكتب من هنا و هناك مواضيع تعبير و النتيجة نقصت في التاريخ 14 درجة و ده مقدار اللي نقصته في كل المواد الباقية

ومن يومها أي أزمة ..سفر..مشكلة أشوف موقفي في امتحان التاريخ في الحلم

و طبعا ده دليل الخوف

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
Modest عضو جديد

Modest

بتاريخ:
بتاريخ:

و اللي بينام زي الطوبة و مش بيحلم بأي حاجة؟ :roseop:

آخر حلم حلمته كنت في رابعة ابتدائي .. كنت باحلم كتير إن فيه "فيل" واقف في الكوريدور بره باب الأوضة و أنا خايف أخرج :roseop:

يا ترى إيه تفسير الحلم ده؟ .. الي انا متأكد منه إني كنت باصحى مش بالاقي الفيل .. غير كده مش فاكر حاجة .. مش فاكر حاجة .. مش فاكر حاجة :roseop:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك
nash عضو جديد

nash

بتاريخ:
بتاريخ:
و اللي بينام زي الطوبة و مش بيحلم بأي حاجة؟ :roseop:

آخر حلم حلمته كنت في رابعة ابتدائي .. كنت باحلم كتير إن فيه "فيل" واقف في الكوريدور بره باب الأوضة و أنا خايف أخرج :roseop:

يا ترى إيه تفسير الحلم ده؟ .. الي انا متأكد منه إني كنت باصحى مش بالاقي الفيل .. غير كده مش فاكر حاجة .. مش فاكر حاجة .. مش فاكر حاجة :roseop:

الحقيقه يا باشمهندس الاحلام اللي بتكون بالشكل ده مش بنحب نفسرها علشان ماتقعش...طبعا مش محتاجه اقولك أنه كان حلم رهيب فظيع...بس الحمدلله مرحله الطفوله انتهت...

لكن لو بيتكرر حتي الان...تقدر حضرتك تجيب حبل وتربط الفيل فيه جنب السلم تحت الكريدور.... :blush2:

ده الواحد بيدخل سينيما ماتينيه وسواريه لما يفكر ينام...وانت ولا حلم.....بتاتا البته؟؟ علي راي قرنفل

ماشاء الله عليك من عيني :roseop:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
Modest عضو جديد

Modest

بتاريخ:
بتاريخ:

أحمدك يارب ... أخيراً لقيت حد يفسر لي هذا الحلم المهم :roseop:

لكن لو بيتكرر حتي الان...تقدر حضرتك تجيب حبل وتربط الفيل فيه جنب السلم تحت الكريدور.... :roseop:

ماهي المشكلة إني مش بالاقي الفيل :roseop: ... إنما لو لقيته مفيش مشكلة خالص إني أربطه :blush2:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك
galaxy عضو جديد

galaxy

بتاريخ:
  • كاتب الموضوع
بتاريخ:

زي ما قالت الشيخه نيشو............الحاجات اللي نخاف منها بلاش نفسرها . في حاجات بتكون نتيجه للخوف و حديث نفس من شئ ما تخافيه مثلا.

لكن زي ما قولتلك مره اي رؤيا تخافي من معناها...تتفلي عن يسارك ثلاثا و تقولي( خير نؤتاه وشر نتوقاه.....خير لنا و شر لاعدائنا......)

.................و ماتقوليهاش لحد و هي لن تضرك.

شخيه نيشو............السلام والرحمه...اللي تحلم انها ....................بصي الموضوع كبير و هبعتلك....و تشوري علياالله يباركلك ويسترك..............انا اصلي ليا نظرةو تفسير ما. بس برضه لا خاب من استخارولا ندم من استشار......بركاتك :roseop:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
nash عضو جديد

nash

بتاريخ:
بتاريخ:

مافيش أي مشكله يا شوكليت...أبعتلك رقم الحساب علي الخاص برضه؟؟ :roseop:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
إيزيس عضو جديد

إيزيس

بتاريخ:
بتاريخ: (معدل)
انا دايما بحلم بابراص

شوفي يا سمسمة يفسر الحلم على حالة صاحبه فحلم الأبراص ده حلم معتاد جدا في حالة الثانوية العامة

فأما البرص من حيث أنه مؤرف كما تفضلتي حضرتك وهو ليس بالصغير مثل الصرصار و لا بالكبير مثل الفار وهذا يجعل المفسر محتار محتار

فقد يدل على الجغرافيا هذا في حال أن صاحبة الحلم من القسم الأدبي و في قول آخر يدل على الرياضيات إذا كانت صاحبة الحلم علمية الهوى و القسم

وإذا كانت صاحبة الحلم تكره كل المواد وتعتبرها مؤرفة كما البرص القذر و العياذ بالله فيوؤل الحلم على أنه الثانوية العامة برمتها أي بأرفها و غلاستها

و أعلمك أن البرص سوف يتلاشى من أحلامك بعد شهور ليحل محله الديناصور فأبشر يا أمور

هذا و الله أعلم

الدكتور عبستار بن المحتار رئيس قسم العلوم الزراعية بكلية الآداب جامعة إمبابة سابقا و مدير إدارة البحوث الحيوانية قسم الأبراص المؤرفة حاليا

تم تعديل بواسطة قرنفل

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...