تفسير الاحلام

[رحاب]

انا دايما بحلم بابراص

شوفي يا سمسمة يفسر الحلم على حالة صاحبه فحلم الأبراص ده حلم معتاد جدا في حالة الثانوية العامة

فأما البرص من حيث أنه مؤرف كما تفضلتي حضرتك وهو ليس بالصغير مثل الصرصار و لا بالكبير مثل الفار وهذا يجعل المفسر محتار محتار

فقد يدل على الجغرافيا هذا في حال أن صاحبة الحلم من القسم الأدبي و في قول آخر يدل على الرياضيات إذا كانت صاحبة الحلم علمية الهوى و القسم

وإذا كانت صاحبة الحلم تكره كل المواد وتعتبرها مؤرفة كما البرص القذر و العياذ بالله فيوؤل الحلم على أنه الثانوية العامة برمتها أي بأرفها و غلاستها

و أعلمك أن البرص سوف يتلاشى من أحلامك بعد شهور ليحل محله الديناصور فأبشر يا أمور

هذا و الله أعلم

الدكتور عبستار بن المحتار رئيس قسم العلوم الزراعية بكلية الآداب جامعة إمبابة سابقا و مدير إدارة البحوث الحيوانية قسم الأبراص المؤرفة حاليا

تفسير رائع يا قرنفل

دا من اى كتاب

قرنفل الجميل لتفسير الاحلام والمواويل

حذفت تاء التانيث لزوم القافيه

[إيزيس]

قرنفل الجميل لتفسير الاحلام والمواويل

لأ يا رحوب ده الكتاب الي بعده

القرنفل و الزنجبيل للتأويل و الطب البديل

على أساس موسوعة في الطب و الطبخ و الأحلام يعني ترشيد نفقات انت عارفة الأيام البيضة اللي هاللة علينا

[galaxy]

كده برضه يا نيشو........احنابرضه بينا الكلام دا.........تاخدي من اختك فلوس هو احنا بينا الحاجات دي...........هتشمتي فينا العوازل ....قصدي الورد...ومش عايزه افسر اكتر من كده.

دالسه موضوع الابراج ما بردش و لا لسه قسمنا الغله........يلا....ان كنتوا اخوات اتحاسبوا.......

انا خلاص حضرت فلوسي..........وهرمي بياضي بس ما تغبيش عليا في التفسير.....الله لا يسيئك..ويخليهملك .

[vipwithyou]

يلا يا دكتورة قرنفل وبكل الكتب اللى عندك

والدكتورة ناش كمان

شدو حيلكم بقى وفسروا الحلم دة

الحلم

[nash]

تاخدي من اختك فلوس هو احنا بينا الحاجات دي

ايون ايون ....علشان انا قلبي ابيض هاتحرجيني ...طب خلاص ..مافيش بين الأخوات حساب...

دالسه موضوع الابراج ما بردش و لا لسه قسمنا الغله

أيه اللي كان خلاني أتسحب من لساني بس ياربي..... :lol:

طب خلاص...مافيش بين الأخوات حساب...كلاكيت تاني مرة

وهرمي بياضي بس ما تغبيش عليا في التفسير.....الله لا يسيئك..ويخليهملك

إطلاقن...مش هاغيب بس هو فين الحلم يعني؟؟؟ :lol:

يلا يا دكتورة قرنفل وبكل الكتب اللى عندك

والدكتورة ناش كمان

شدو حيلكم بقى وفسروا الحلم دة

ياسلام ...بتجيب الزباين يا باشا ...مش تسيب عربون الأول ولا وصل أمانه ب30000ألف فاكر يا تامر؟؟

جايلي مزاج أنكد عليك وافكرك ....شريرة

برايفت قرنفل......................فيفتي فيفتي ..والشكك ممنوع والزعل مرفوع

تم تعديل 25 مارس 2008 بواسطة nash

[امانى]

الاخوة العظماء مفسرى الاحلام على سبيل المثال

اختنا العظيمة فى التفسير وليس التبزير ورقم حسابها على طول موجود الست نشنوش

اختنا جلاكسى صاحبة الموضوع وتفسيرها الرائع حجيلها جرى واخدة تاكسى

اخونا الدكتور عبستار ابن المحتار صاحب كتاب القرنفل والزنجبيل للتأويل والطب البديل

احسنتم والله التفسير لكن لى سؤال لكم انتم الثلاثة

اختكم بقى لما تحلم بالليل يصبح الحلم يتفسر زى ما هو بالنهار لدرجة انى بخاف انام احسن احلم حلم مش ولابد

اصبح الاقيه قدامى فما تفسيركم لذلك؟

كمان تعودت لو رايت بعض الاشياء وأكلت منها فى الحلم اصبح تانى يوم ازعل ولازم ابكى فى هذا اليوم على سبيل

المثال لو اكلت سمك مشوى أو فطائر وحلويات فما تفسيركم؟

أحب بقى اقول لكم على سر انا بفسر الاحلام كويس جدا وممكن اعمل حساب فى البنك بس خليه مؤقتا على حساب

نوشة ونقسم فى الاخر ومش هنختلف يا جلاكسى ويا عبستار اما انت يا نوش عارف حساسيتك مع الفلوس

مستنية الاجابة منكم انتم التلاتة حطو عصارة فكركم وطمنونى أنا ليه كدة؟

امانى

[vipwithyou]

ياسلام ...بتجيب الزباين يا باشا ...مش تسيب عربون الأول ولا وصل أمانه ب30000ألف فاكر يا تامر؟؟

جايلي مزاج أنكد عليك وافكرك ....شريرة

ايوة طبعا ً شريرة .. اسكتى والأنكت من كدة مطلوب منى غير وصل الأمانه اللى ضاعت فلوسه خلاص

انى ادفع الـ 30000 الجداد يوم الثلاثاء القادم ان شاء الله

شفتى الهنا اللى أخوكى فيه

وهأدفعهم زى الأهبل بالظبط :lol:

طيب ايه تفسيركم للحلم دة ؟

تم تعديل 25 مارس 2008 بواسطة vipwithyou

[nash]

أحب بقى اقول لكم على سر انا بفسر الاحلام كويس جدا وممكن اعمل حساب فى البنك بس خليه مؤقتا على حساب

أحلفي يا اينو...بتكلم بجد والله فعلا بتعرفي؟؟

علي فكرة مش بحب السمك المطهو سواء مشوي أو مقلي في الحلم ...ولا أنواع الفطائر وخصوصا اللي بتتنفخ..نتيجه الخميرة...والعجائن بوجه عام..

الحلم اللي دائما كان معلق معايا والحمدلله انتهي أو بقاله فترة طويله ماحلمتش فيه ..السباحه في البحر والخروج منه أحيانا بسهوله واحيانا بصعوبه وأنا في الحقيقه سباحه ممتازة...وطبعا كنت بفسرة لنفسي كويس...وبيحصل في الواقع..

.......................................................................

إن شاء الله يا تامر تيجي بفايده الدفع ..وربي يعوض عليك باضعاف مضاعفه وبالبركه إن شاء الله

[nash]

شوكليت.....

شيكي علي الخاص ....خاصيه الرسايل مش شغاله عندك...

مش عارفه ابعتلك الرد...اسفه باستخدم التوبيك لإن مافيش وسيله أخري اقولك فيها علي الموضوع...

[galaxy]

ولا يهمك بس الرساله اللي فاتت وصلتني اشمعنا دي.............عموما هجرب الجهاز التاني و اذا ممكن ابعتلك الايميل بتاعي علي الخاص وتبعتي عليه لو موافقه هبعتهولك.

اماني..............علي فكره السمك في الحلم رزق (الني منه و المشوي )وخصوصا لو كان كبيير الحجم.

والسمك المملح غير طيب المعني لانه مملح . وزي ما قولتلك اذاشفتي اي رؤيا تخيفك تعملي و تدعي بالي قولتهولك قبل كدا

..........و ما تصفيه هي شفافيه.(اصدقكم حديثا .اصدقكم رؤيا).و علي فكره الحاجات دي بتتنظر.قعجت فتره لما كنت بحكي عن احلامي و مدي مصداقيتها .لواحده اعرفها .فضلت فترة مش بحلم بحاجه و من ساعتها مش بقول الا للحبايب او لما يتحقق.

[إيزيس]

اختكم بقى لما تحلم بالليل يصبح الحلم يتفسر زى ما هو بالنهار لدرجة انى بخاف انام احسن احلم حلم مش ولابد

أماني الأمورة الحلوة

بعد البحث و التمحيص و الدراسة و الكونسولتو الثلاثي مع الفريق أقوللك

قال صلى الله عليه وسلم : ( رؤيا المؤمن جزء من ستة وأربعين جزءاً من النبوة

كمان تعودت لو رايت بعض الاشياء وأكلت منها فى الحلم اصبح تانى يوم ازعل ولازم ابكى فى هذا اليوم على سبيل

المثال لو اكلت سمك مشوى أو فطائر وحلويات فما تفسيركم؟

دي سهلة نامي ناوية صيام :sad:

[Modest]

مشاركةً من أخوكم الفاضل موديست ، الخبير المعروف في مجال تفسير الأحلام :sad:

اتفضلوا بعض مؤلفاتي في هذا المجال:-

فسّر و اديني يا واد عمّي

التفسير النميس في علم الكوابيس

أحلام المدام تتحقق أوام

اللي شوفته في المنام ... كله هايبقي تمام

:sad:

[se_ Elsyed]

سؤال محيرني

هو ليه الست أكثر شفافية من الراجل ؟

بصوا الإبن العزيز موديست كاتب إيه

و اللي بينام زي الطوبة و مش بيحلم بأي حاجة؟

آخر حلم حلمته كنت في رابعة ابتدائي

أهو محسوبكو كان قاعد في نفس التخته بتاعت سنة رابعة جنب موديست بالظبط ...

وزي ما بأصحى زي ما بأنام .. مافيش أحلام .. ما فيش أوهام .. ما فيش ده كمان ... آه يا ليل .. آه يا ليل . .. مع الإعتذار للإبنة

.......

بس بعون الله عندي أمي وأختي الكبيرة وجاءت من بعدهم زوجتي .. جبابرة من الجبابرة الكبار .. وحالف عليهم أي حد هايشوفلي حاجه في المنام ويقولها لي .. فبضهر إيدي على طول ما عنديش تفاهم ... فأحسن حاجه الواحد يموت من سكات من غير ما حد ييجي يقوله إنت هاتموت ..

خدوا الحته دي

تاني يوم حصل لي المهموز الل من كام يوم ده ... لقيت أخويا بيتصل بي من مصر .. وأنا أساساً بأتصل به لا يقل عن 3 مرات إسبوعياً وهو يعيش في نفس البيت التي تسكن فيه والدتي .. ولقيته خبط لزق بيقولي " في إيه .. إنت حصلك حاجه ؟... إحكي بصراحة من غير ضرب " مع إني ما كانتش قلت حتى لزوجتي ... فقلت له طب قولي إيه اللي حصل ؟ فقال إن والدتك طلعت النهاردة الصبح شقتي لقيتها بتخبط الصبح بدري فقمت مفزوع : خير يا ماما في حاجه ؟ فلقيتها نازلة عياط بطريقة غريبة وقالت له إتصل بأخوك س س إطمئن عليه لإن حصل له حاجه إمبارح .....

والله العظيم زي ما بأقولكم ..

فقال لها لأ وإنتي الصادقة دي مش س س .. ده جيم جيم .. هو يعني ... امبارح عربية معدية جنبي فلطشت لي المرايا اللي في الجنب كسرتها .. فقالت له لأ انا بأقولك أخوك س س .. مع إني اخويا التاني معايا هنا ..

فحكيت له عالمهموز ...

قشطه ؟

--------

بعدها بكام يوم وفي يوم خميشس واخويا الصغير متعود ييجي في اليوم ده بالذات يتغدا معايا عشان بنخلص نص يوم ... فلقيته بيتصل بي في العمل قبل ما اروح وبيقولي أنا طالع أنا وأصحابي دلوقت نعمل عُمره .. فقلت له بالسلامه .. يادوب روحت البيت ولسه داخل فلقيت مراتي بتقولي : أسكت مش انا حلمت حلم جميل إمبارح .. فقلت لها : أنا كنت في الفيلم ؟ قالت لأ ... فقلت يبقى أحكي ... فقالت لي طول الليل عماله أحلم إن حد من أهلنا راح يعمل عُمره وأنا كنت فرحانه .....

قشطه كمان .. فقلت لها ده أخويا لسه قافل السكة من شويه وبيقول إنه رايح يعمل عُمره ...

وغيره وغيره

وأهم حلم إن كان أخويا الكبير في سلاح الصاعقة وكان معفوق عفقه في الجيش خليته يكره حياته .. وأجازاته كانت زي الزفت وغير منتظمة وولا معروفة ... لكن كانت والدتي دائماً تحلم وتتنبأ إنه نازل أجازة وما فيش مره خيبت معاها ... تقوم طابخه الطبخه التمام والحلويات والحركات وتقعد تشيل له نصيبة لإنه نازل النهاردة أو بكره ... وبالفعل كان بيحصل بالرغم من إني عيني كانت بتطلع على حتتين اللحمة اللي مركونين دول ولا طبقين الكنافة المسقيين شربات وبينادوني وهي عارفه إنه مدمن حلويات ...

قولوا لي بقى : إنتو ليه شفافين عننا ؟ وليه إحنا عمليين اكتر ؟ يمكن عشان إنتو فاضيين ؟ ولا أحنا متحجرين ؟ أروح لمني وأقول يا مين ؟

[Einstein]

اولا السلام عليكم ورحمة الله و بركاته

الاخوة الافاضل يا ريت تشركوني معاكوا في الموضوع الجميل ده

لاني بالنسبة لموضوع الاحلام ده فاخوكوا بقي موسوعة

بس مش في التفسير

انما في رؤية الاحلام و الرؤي ، :)

يعني افتكر مرة كده من حولي خمستاشر سبعتاشر سنة اني قمت من غير ما اشوف حلم فاستغربت اوي :blush2: ...

يعني يوميا بشوف حلمين تلاتة اربعه ... حسب الظروف wst::

وهطلب بقي مساعدتكوا في حلم لسه طالع طازة ، النهردة الصبح

خير الله ام اجعله خير ال انا روحت اسكندرية اصيف ، وبعدين وانا ماشي علي البحر لاقيت الدنيا بتمطر بغزارة

اوم ايه ، روحت للفندق الي نازل فيه و لاقيتهم ادولي برة بدلة المطر البلاستيك الشفافة دي

وبعدين طلعت للاودة لاقيت فيها و احد صاحبيي ما شوفتوش من زمان

و ......

نكتفي بهذا القدر

المهم بقي هل دي فعلا رؤيا ولا حلم

انا كنت باثق جدا في شيخ كان يفسري الاحلام و تتحقق زي ما بيقول

حتي اني كنت بستغرب جدا جدا ازاي كان بيعرف حاجات شخصية عني من رموز الرؤيا

وكان في البداية اول حاجة يقولهالي ان الي شفته رؤيا و لا حلم

وعلي فكرة يا جالاكسي

مرة حلمت بالرنجة

فكان مبسوط جدا بالحلم ده و قالي ان السمك المملح كله خير ويدل علي طلب العلم

وده علشان قصة الحوت مع سيدنا موسي و الخضر

والله اعلم

[nash]

معاك الشيخه ناش...ام ياسر ..وهافسرلك ماغمض عليك أولا ياسي السيد....

بس فيه طلب شخصي الاول...ممكن قبل ماتحط مداخله تزمر؟؟ لإن العيال ( بدلعهم) بيفكروني جالي مس من الجن... :blush2:

أولا لا يوجد ابدا مثل الأم في شفافيتها وده هرمون علي فكرة ( محدش يعارضني) يعني كأن فيه شبكه إلكترونيه شديده القه بتجمع بين الأم والابن ...ممكن تحس في الابن ولو علي بعد ألاف الأميال...وياسلام لو كان مريح قلبها....

الأب الموضوع ده عنده بعافيه شويه لكن أحيانا بيشتغل ...عند الشديد الأوي..( تحيه لكل الابهات) من غير زعل يعني..

الزوجه بما انها تقترب من درجه الملائكه ...فالشفافيه عندها عاليه جدا وطبعا الحاسه السادسه اللي بتشم فيها ريحه خيانه كده ولا كده لا قدر الله...

وطبعا نتيجه إنكفاف الزوج علي العمل لجلب القوت اليومي للعصافير الزوجه بتكون فاضيه فبتعمل حاله تواصل ذهني مع الزوج وبتعرف هو بيعمل ايه حالا...شفافيه بأة تقول ايه؟؟

وتتواصل هذه الحاله من التليباثي ( إن شاء الله ) تطلع صح الكلمه ..في المنام ..وبتحلم احلام تجيب فيها اجل الزوج والعيله كلها...

وبكده أكون جاوبت حضرتك علي سؤالك اللي بيقول...

إنتو ليه شفافين عننا ؟ وليه إحنا عمليين اكتر ؟ يمكن عشان إنتو فاضيين ؟ ولا أحنا متحجرين ؟ أروح لمني وأقول يا مين ؟

لكن حضرتك ماوضحتش مين هي مني....؟؟

....................................................................

الاخ الكريم إينشتاين...واضح ان حضرتك عبقري رياضيات وانا موتي وكرهي لكل مايمت إلي عالم القسمه والضرب والرزع...

حضرتك تعديت الحد المسموح في الاحلام ...المفروض حلمين في الليله ...تلاته كتير يعني ...

وعلي العموم هانعمل كونسلتوا دكاترة انا والشيخه قرنفله والحاجه اماني والإبنه جلاكسي شوكلاته....

ماتقلقش حضرتك ...هانوصلك التفسير ديلفيري....ومعاه إن شاء الله رقم الحساب المشترك....

واسبيشال اوفر كمان...فسر حلمين وخد التالت مجانا..أو بنظام ( باي ون تيك ون فري) ..وإن شاء الله الخدمه تحوذ علي رضاكم

ام أمل العرافه بالنيابه عن الحزب

[إيزيس]

هانوصلك التفسير ديلفيري....ومعاه إن شاء الله رقم الحساب المشترك

....

سا الخير يادالعدي يا أم أمل

قبل ما نسمي و ندخل ع الشغل

بيني و بينك ده شغل هواة

الدفع أولا يا أختشي

اليومين دول ولاد الناس دول ماخلوش لولاد الناس دوكهم حاجة

صحصحي...أكل العيش يحب إيه...الخفية

خدي أول إعلان

بتحلم كتير

شاكك في التفسير

الحل عندنا

هنا

هنا

اتصل على 666

احكي حلمك

وابعت فلوسك

وكل ما تحلم أكتر تدفع أقل

تم تعديل 26 مارس 2008 بواسطة قرنفل

[Einstein]

الاخ الكريم إينشتاين...واضح ان حضرتك عبقري رياضيات وانا موتي وكرهي لكل مايمت إلي عالم القسمه والضرب والرزع...

حضرتك تعديت الحد المسموح في الاحلام ...المفروض حلمين في الليله ...تلاته كتير يعني ...

وعلي العموم هانعمل كونسلتوا دكاترة انا والشيخه قرنفله والحاجه اماني والإبنه جلاكسي شوكلاته....

ماتقلقش حضرتك ...هانوصلك التفسير ديلفيري....ومعاه إن شاء الله رقم الحساب المشترك....

واسبيشال اوفر كمان...فسر حلمين وخد التالت مجانا..أو بنظام ( باي ون تيك ون فري) ..وإن شاء الله الخدمه تحوذ علي رضاكم

ام أمل العرافه بالنيابه عن الحزب

الشيخة ناش بركاتك هلت من اولها :blush2:

طبعا انا مش عبقري ولا حاجة بس انا فعلا بعشق الرياضيات و هيمان كمان في الفيزيا

اكيد طبعا استنتجتي ده من اسمي بس علي العموم الفراسة دي هترفع اسهمك في الشغلانة واكيد هتزود الزباين وبالتالي الرصيد في الحساب المشترك

و بالمناسبة عاوزين بقي نعمل ديل لاني هكون زبون دايم مش زبون طياري

علشان كده هطمع ادخل في الجورب واطلعي بنسبة في الارباح :)

موضوع الاحلام ده ممكن اتكلم فيه كتير اوي ( تلت حياتي خبرة في الاحلام )

وبجد فعلا مرتين بس الي افتكرهم في حياتي اني قمت و بعدين صحيت من غير احلام

اللي بيفرق بقه هو هل بفتكر الحلم و الرؤية ولا لأ

وتذكر الاحلام بيكون بالممارسة ، يعني بعد ما الواحد يصحصح كده يقعد شويتين يفتكر اللي شافه

والاحلام عندي انواع

1 - احلام تدور حول اشياء تشغلني و افكر فيها(حديث نفس)

2 - افلام من اخراجي و بطولتي (اضغاث احلام)

3 - رؤيا تتميز بوجود رموز واضحة

في الحلقة الجاية نتكلم عن الانواع التلاتة واوصافهم

ومستني نتيجة الاستشارة من الكونسولتوا الموقر

مع تحياتي

[galaxy]

ايه دا كله..................... ايه دا كله

مش قولتلكوا الاقبال هيكون جماهيري.............استعانا علي الشقا بالله.......

اولا يا الف اهلاوسهلا بالاخ الكبير س.س...............الستات كلهم قلوبها قريبه اوي و فعلا فيها شفافيه ...بالنسبه ليا احلامي ليها دلالات .و جات عليا فتره كنت بحلم يوميا......بس اتحسدت :blush2: ومابقاش الحلم يومي بس لسه ليه دلالات.................

*حلمت مره و انا هنا في الامارات ان واحده من زملاء العمل ...يعني مش صاحبتي ولا في بالي ............حد كلمني عليها في المنام و قالي انها حددت فرحها يوم كذا بس هي هتفسخ خطوبتها قبلها بشهر عشان دا هيكون يوم كذا.................وفعلن نسيت الحلم و رجعت مصر اتعزمت ع الفرح و قبلها بشهر بالظبط..............انتهي الموضوع .

*و مره برضه اني شايله بنت واحده زميلتي كانت بقالها فترة متجوزة و قلقانه شويه .............اتصلت بيها و قولتلها انتي حامل في بنت.........و ماكانتش عرفه و قد كان...

وساعات بحلم بناس علاقتي بيهم سطحيه بس بتصح الاحلام مع اني معرفش حاجه عن حياتهم الشخصيه و لما بقولهم بيستغربوا.

دا غير بقي الاستخارات..................وغيره و غيره.عشان كدا بؤمن بالموضوع دا اوي و مش بفوت اي حلم.

ساعات كمان مش بس احلام .ساعات احس حاجات و اكدبها بس بلاقيها زي ما تصورتها بالظبط.عشان كده عندي ف البيت مش بيفوتولي اي حلم.

الاستاذ اينشتاين......اهلا و سهلا..........تلات او اربع احلام...........(تبقي بقيت زبون الليله)....وش شكري سرحان في اللص و الكلاب.

السمكه او الحوت بتاع سيدنا موسي عليه السلام كان مطهي مش مملح و كانت العلامه علي مكان ايجاد و مقابله الخضر عليه السلام.

لكن السمك هو رزق و بخاصه الكبير الحجم ..........و المطهي منه رزق ايضا و لكن الني اقوي في التأويل....اما تذوق الاشياء..

فيؤول تبعا للطعم المالح بالملوحه و الطيب بالطيب............والله اعلم.

استعدي يا نيشو لكبسه الاحلام..........كبسه ربح ............عشان انا لما صدقت..........

قرنفله ...................نيشو.....................اجتماع مغلق..............لتحديد سياسه العمل ....ولاصحاب الاحلام المتعدده......ابونيه اسبوعي مش بالحته.................الوسطاء يمتنعون .......كفايه الغله تتوزع علي تلاته............انا اصلي بكون نفسي.

[Modest]

يعني يوميا بشوف حلمين تلاتة اربعه ... حسب الظروف ;)

يااااا راااجل :blush2: ... طيب ابعت لاخوك حلم و لا اتنين كل أسبوع مش ضروري كل يوم يعني علشان ما نتعبكش معانا :blink:

[Modest]

أولا لا يوجد ابدا مثل الأم في شفافيتها وده هرمون علي فكرة ( محدش يعارضني) يعني كأن فيه شبكه إلكترونيه شديده القه بتجمع بين الأم والابن ...ممكن تحس في الابن ولو علي بعد ألاف الأميال...وياسلام لو كان مريح قلبها.... smk:

طيب تصدقي يا أخت نادية إن الكلام ده حصل معايا :blush2:

مرة كنا راجعين من الغردقة و الكاوتش اللي قدام يمين افرنقع و الحمد لله ماحصلش أي سوء و وقّفت العربية و غيرت الكاوتش و كله تمام و استأنفنا الرحلة .. ثواني و لقيت إتصال من ماما على الموبايل بتسألني من غير مناسبة: "إنت كويس يا حبيبي؟ .. كلكم كويسين؟" .. أنا إذبهليت لثواني bv:- و بعدين حكيت لها الي حصل و طمّنتها إن كله تمام الحمد لله.

اشمعنى بقى تتصل في الوقت ده بالذات و تسأل السؤال ده بالذات برضه .. الإجابة: قلب الأم bv:-

الأب الموضوع ده عنده بعافيه شويه لكن أحيانا بيشتغل ...عند الشديد الأوي..( تحيه لكل الابهات) من غير زعل يعني..

(كتبت تعليق و مسحته منعاً للمشاكل و حقناً للدماء) :D

الزوجه بما انها تقترب من درجه الملائكه ...فالشفافيه عندها عاليه جدا وطبعا الحاسه السادسه اللي بتشم فيها ريحه خيانه كده ولا كده لا قدر الله...

;)

طبعا يحق لك تقولي أكتر من كده بعد ما واحد صاحبي قعد يعيد و يزيد في حلوين و شفافين و و و إلخ إلخ .. ربنا يسامحك يا سين سين :blink: