قواعد المنتدى لحماية المنتدى هل من قواعد لحماية اعضاء المنتدي .

[Nonna]

سين سين ميرسي جدا

استاذة بدرية

طبعا موقف لا تحسدي عليه و ربنا يحمينا جميعا ان شاء الله

اللي حصل حصل بقى و الحمد لله انها جت على أد كدة

و ما تفضليش تلومي نفسك انا لو كنت سمعت كلام ماما لو ما كنتش عملت و كذا

خلاص شاء الله و ماقدر فعل

المهم ما تتكررش تاني عشان ايه

عشان بيقولوا المؤمن كيس فطن

صحيح هلاقي اللي بيقولولي حديث ضعيف

مااااشي

ضعيف فأنا مش هنسبه لنبى الرحمة صلى الله عليه و سلم

انما المعنى المعنى حلو و عاجبني

المؤمن كيس فطن

يعني عاقل و عنده بعد نظر و بصيرة

يعني زي ماقالت طنط زيزيتا

حرص ولا تخونش

افتكر ان عمر بن الخطاب رضي الله عنه قيل انه كالطير الحذر

شايف ان له في كل موضع شرك _بفتح الشين طبعا_

حتى انه قال لست بالخب ولا الخب يخدعني

يعني لا يخدع احد ولا حد يخدعه

حتى ان القران نفسه كان فيه ايات تقول للناس احذروا

مش فاكرة النص بصراحة

انما كانت في ايات للحذر من العدو في الحرب

او حذر من اصابة فتنة

المهم ان القران بيقول احذروا يبقى نحذر

و بعدين في حديث تاني بيقول

لا يلدغ مؤمن من حجر مرتين

يعني ما نقعش في الخطأ تاني ان شاء الله

وزمان قالوا مقولة كدة

ان مش هيجي اخر الزمان الا وهنلاقي الواحد ما يأمنش الشخص القريب منه و يصاحبه

_مش فاكرة نصها :closedeyes:_

و هنروح بعيد ليه

في ايه كريمة بتقول

يا أيها الذين آمنوا إن من أزواجكم وأولادكم عدوا لكم فاحذروهم

فمابال بالغريبين!!

اخيرا معلش

جزاك الله خيرا الموضوع بينبه اخرين فعلا

عشان ما نقعش في الخطأ

و ربنا يعافينا ان شاء الله و يستر علينا

[امانى]

صديقتى العزيزة

من بين سطورك احسست انك اعطيتى ثقتك لمن لا يستحق الثقة ورب ضارة نافعة تعلمنا ان نكون اشد حرصا فى المستقبل

ودون الدخول فى تفاصيل او معرفة نوع الضرر الذى الم بكى اقول ان الدنيا لسة بخير ومش معنى ان صديق او صديقة لم يكونا

على قدر الامانه والثقة يبقى الكل كدة . لكن علينا ان ناخذ حزرنا فى اختيار اصدقاؤنا والا نتسرع فى الحكم عليهم ان كانو ا

اهلا للثقة من عدمه . لا تحذنى يا بدرية من تصرفك لقد كان بحسن النية كون ان الطرف الثانى استغل حسن نيتك فهذا ليس

عيبك ولكن عيبه هو او هى والفاصل بينكم هو الله انه يعلم ما فى القلوب وعليه الثواب والعقاب احتسبى امرك لله ولا تجعلى

الموضوع يشغل تفكيرك فما عرفناه عنك من خلال معرفتنا بكى فى المحاورات كفيل بالرد على من سولت له نفسة بتلك

المهاترات

امانى

[se_ Elsyed]

حكمة اليوم للفيلسوف الأغريقي ... سينسوطون

قبل أن تطلب من الاخرين ألا يهاجموك ... عليك أولاً أن تتعلم كيف تُدافع عن نفسك ...

طبعاً لازم ترجمة عربي للكلام الأغريقي ده

الترجمة : يعني ما أقعدش أنا أخرج أسراري لكل من هب ودب وبعدين ألوم واحد مريض نفسياً لو طلع قليل الأصل وأفشى تلك الأسرار أو استغلها ضدي في أول خلاف بيننا ...

وعلى الإنسان أولاً أن يعلم معنى كلمة صديق .. .ومش كل واحد إتكلمنا معاه مرتين تلاتة يبقى صديق ...

كله كوم وموضوع المرأة أو البنت او الست كوم تاني ..

إحنا في مجتمع شرقي مسلم عربي ...

وبالتالي مهما تعالت الأصوات النشاز بالمساواة والأغاني زي إن البنت زي الولد .. فكل ده كلام فارغ

وسيظل الولد ولد والبنت بنت

والبنت أو المرأة بالذات كل كلمه محسوبة عليها وإلأ ربنا ما كانش قال

يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ إِنِ اتَّقَيْتُنَّ فَلاَ تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَّعْروفاً وَقَرْنَ فِي بُيُوتِكُنَّ وَلاَ تَبَرَّجْنَ تَبَرُّجَ الجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ البَيْتِ وَيُطَهِّرَكُمْ تَطْهِيراً

طبعاً الكلام موجه لنساء النبي بصفتهم القدوة .. ومن بعدهم لنساء العالمين كلهم

شوفتوا الحكمة والألفاظ البليغة ؟

يعني مجرد الخضوع في القول .. اللي بيُفسر على إنه الكلام الناعم حتى لو بحُسن نيه .. يعني مجرد كلمة ألو في التليفون بس بنعومة إنثوية ممكن تتفهم غلط من ناس في قلوبهم مرض فيعمل عليها فيلم وسيناريو وقصة ورواية ويفهمها غلط ...

[رمضان]

أحسنت يا سي السيد

فعلا لازم نراعي اننا في مجتمع شرقي والمرأة فيه ليها خصوصية فريدة من نوعها

[osaimi]

ونضمن منين بأه إن مفيش مخبرين هنا .... ؟؟؟

[رمضان]

ونضمن منين بأه إن مفيش مخبرين هنا .... ؟؟؟

ونضمن منين ان مش انت المخبر

من الاخر ان خفت ما تقولش وان قلت ما تخافش

[جويرية]

طيب ما هو التعارف علي الخاص لازم حيبقي فيه تبادل صور و ومعلومات حقيقية كمان

يعني ازاي ناس تبقي اصحاب من غير ما يعرفوا شكل بعض

هو المشكلة ان العالم الأفتراضي ده محدش بيتأكد من أي معلومة

يبقي الحل في الصداقة الحقيقية يعني صديقات مثلا اعرفهم و اشوفهم و أزورهم كمان

بس فين الكلام ده دلوقتي

الصداقة الحقيقية مبقتش موجودة

[~Heba~]

انتي شكلك يا بدرية واخدة حتة مقلب

يعجبنى فيك يا رمضان نبهتك بسم الله ماشاء الله

روح يا شيخ ربنا يكفيك شر المقالب :closedeyes:

و لا يهمك يا بدرية اى حد بيدخل النت على الاقل لازم ياخد مقلب واحد و السبب مش محتاج توضيح يكفى اننا على النت بنحتك بقدر اكبر من الناس و الثقافات و اكبر بكثير من الحياه العادية

و انا يا بدرية اوافقك الرأى فى ضرورة ان كل واحد يقول الحقيقة عن نفسى و تبقى فيه قواعد صارمة لكده و لسبب بسيط عشان ميجيش حد يكلمنا بأكثر من اسم و يستغفلنا

و باختصار اللى خايف من النت يا اما ميدخلوش خالص او يتعلم شوية حركات من بتوع الهاكرز يحمى بيها نفسه

[~Heba~]

موضوع جميل

ونصيحة والدتك طبعا ً نصيحة جميلة جدا لكل البنات لأنهم هما أكثر عرضة للضرر من النت

بس كدة يا بدرية خوفتينا من الكلام فى الخصوصيات

لكن بصراحة الواحد لما بيرتاح لحد تلقائى بيتكلم باستفاضة وبيحس انه مع اهله

وفعلا فى المنتدى هنا فى عائلة كامله وكلهم محترمين والحمد لله الواحد لما بيحكم على حد من خلال كلامه او مواقفه بيكون حكمه صح

لكن زى ما قالتلك الاخت زيزيتا برضوا حرصى ولا تخونيش

وأعتقد كمان ان موضوع الآى بى دة كويس جدا ً لأن زى ما حضرتك قلتى اننا فى يد امينه ( أو بناتنا بمعنى اصح )

وبصراحة القائمين على المنتدى بيتدخلوا فى الوقت المناسب لما يلاقوا اى غلط موجود او اى اساءة

وأذكر ان كان فى شخص دخل باسم وكان يسىء للمنتدى وغير اسمه لكن القائمين على المنتدى عرفوه من الآى بى

فدة كويس

اما بخصوص ان الناس تدخل بيانات حقيقية وصورة مثلا او كدة

فأنا لست معك فى هذا الامر لأن مش اللى بيتكلموا فى المنتدى بس هما اللى بيكلموا بعض ، ممكن حد يدخل ويتابع كل اللى على المنتدى من غير ما يكون مشترك فيستعمل البيانات دى بطريقة غير مشروعة ويكون هناك ضرر

وربنا يستر على الجميع

كلامك صح يا تامر بس كمان الاولاد الصغيرين ممكن يتعرضوا للخديعة على النت و اذكر لك مثال بس مش هنا فى مصر

اوبرا وينفرى التقت بولد عمرة اعتقد 18 سنة من ايام ما كان قاصر و هو يتعرض للخديعة من رجال بالغين على الانترنت يدفعون له المال مقابل الاعتداء جنسيا عليه والمصيبة لما كبر فتح لنفسه موقع بمساعدته ابوه للترويج للشغلانة

الى حين كتب عنه صحفى فى جريدة مشهورة لا اتذكر اسمها و قال انه هو بس يعتبر حلقة فى سلسلة ابتزاز المراهقين و استغلالهم على النت

و فى حلقة اخرى استضافت مقدم برنامج على احد المحطات البرنامج ده كان بيعمل بمساعده الشرطة اكمنه لمعتدين على المراهقين اللى بيكلموهم عبر حجرات الشات و ينظموا لقاء يعنى الشات هو اس البلاوى

و من الصدف ان واحد من اللى تم قبضهم فى الكمين حاخام يهودى

اذا مكنش الواحد او الواحده كبير كفاية و فاهم فى الحياه ما يكفى لاكتشاف اغراض هؤلاء الناس فى الحالة دى يقول على نفسه السلام و لازم و ضرورى مراقبة الابا لابنائهم فى سن المرهقه اذا كان بيدخلوا نت و ده اكيد

[حسام يوسف]

السلام عليكم

أولا بأحيي بدرية على الموضوع

ثانيا أنا نفسى يا جماعة عايز أسأل سؤال مخوفنى برضة

معلهش يا جماعة

انا مش دايس قوى نت ومنتديات

انا مش خايف من حد ياخد ايميل أو بيانات أو اى معلومة

ويعاكس

أو أى حركة نص كم

انا خايف من الناحية الأمنية

اللى بنقولة ده ممكن يوصل لفين؟

انا من زمان نفسى أسأل السؤال ده

معلهش لو كان السؤال ساذج

أو دخل فى حتة ملعبكة

ياترى حد عندة اجابة؟

[عصام]

انا خايف من الناحية الأمنية

اللى بنقولة ده ممكن يوصل لفين؟

انا من زمان نفسى أسأل السؤال ده

معلهش لو كان السؤال ساذج

أو دخل فى حتة ملعبكة

ياترى حد عندة اجابة؟

وصدق من قال "إن خفت ما تقولش .. وان قلت .. هايتحذف" :lol: :lol:

[se_ Elsyed]

السلام عليكم

أولا بأحيي بدرية على الموضوع

ثانيا أنا نفسى يا جماعة عايز أسأل سؤال مخوفنى برضة

معلهش يا جماعة

انا مش دايس قوى نت ومنتديات

انا مش خايف من حد ياخد ايميل أو بيانات أو اى معلومة

ويعاكس

أو أى حركة نص كم

انا خايف من الناحية الأمنية

اللى بنقولة ده ممكن يوصل لفين؟

انا من زمان نفسى أسأل السؤال ده

معلهش لو كان السؤال ساذج

أو دخل فى حتة ملعبكة

ياترى حد عندة اجابة؟

بيوصل لهم طبعاً وطازة بطازة كمان وهما معانا دلوقت ( إتفضل يا سيادة اللوا ... منور يا حضصول )

لإننا ببساطة لا نعمل تحت الأرض يا دكتور

ولإننا لسنا تنظيماً سرياً ...

ولغنك هناك جرائد مستقلة تنقل عنا أيضاً

واليوم وصلت تقنية المعلومات إلى أبعد حدود وهناك إدارات خاصة في الشرطة لجرائم الإنترنت ومن ضمن تلك الجرائم التشهير والسب والقذف ...

عشان كده ناس بتزعل وبتروح تفتح مدونات عشان تشهر بمحاورات المصريين .. ليه وليه إلا إننا حذفنا لهم موضوعات سبوا فيها رموز من رموز الدولة يمكن بالام والأب كمان تحت دعوى النقد والحرية والمهلبية

وبالرغم من إن من بيننا معارضين للنظام وأنا منهم إلا إن للنقد حدود ويجب ألا يتجاوز ليصل إلى سب يعاقب عليه القانون

وكما قال لك الاخوة الزملاء هنا

إن قلت ما تخافشي وان خفت ما تقولشي ..

وخلي بالك إحنا منتدى من ضمن مئات بل آلاف المنتديات والمدونات .... وبيتقال فيها كلام أقسى مما لدينا

يا راجل ده في مصر دلوقت ما يزيد عن 700 إن لم يكن ألف جريدة ومجلة تصدر شهرياً وبيقولوا كلام إحنا بالنسبه لهم نعتبر اللي بنقوله ده غزل رفيع ..

إوعى وشك بقى وإمشي جنب الحيط ... إنت متراقب يا حسام ولك ملف

[Muhammad Zidan]

واليوم وصلت تقنية المعلومات إلى أبعد حدود وهناك إدارات خاصة في الشرطة لجرائم الإنترنت ومن ضمن تلك الجرائم التشهير والسب والقذف ...

عشان كده ناس بتزعل وبتروح تفتح مدونات عشان تشهر بمحاورات المصريين .. ليه وليه إلا إننا حذفنا لهم موضوعات سبوا فيها رموز من رموز الدولة يمكن بالام والأب كمان تحت دعوى النقد والحرية والمهلبية

وبالرغم من إن من بيننا معارضين للنظام وأنا منهم إلا إن للنقد حدود ويجب ألا يتجاوز ليصل إلى سب يعاقب عليه القانون

وكما قال لك الاخوة الزملاء هنا

إن قلت ما تخافشي وان خفت ما تقولشي ..

وخلي بالك إحنا منتدى من ضمن مئات بل آلاف المنتديات والمدونات .... وبيتقال فيها كلام أقسى مما لدينا

طيب طالما التقنيات وصلت إلى مستويات عالية بحيث إن الشرطة ممكن توصل لصاحب المشاركة اللي فيها إساءة .... خلاص ما نحذفهاش نخليها .... على الأقل فعلاً يبقى فيه حرية رأي كاملة .... وكل واحد يتحمل نتيجة كلامه

وصدق من قال "إن خفت ما تقولش .. وان قلت .. هايتحذف" :lol: :lol:

هو ده الكلام السليم

كلامك صح يا تامر بس كمان الاولاد الصغيرين ممكن يتعرضوا للخديعة على النت و اذكر لك مثال بس مش هنا فى مصر

اوبرا وينفرى التقت بولد عمرة اعتقد 18 سنة من ايام ما كان قاصر و هو يتعرض للخديعة من رجال بالغين على الانترنت يدفعون له المال مقابل الاعتداء جنسيا عليه والمصيبة لما كبر فتح لنفسه موقع بمساعدته ابوه للترويج للشغلانة

الى حين كتب عنه صحفى فى جريدة مشهورة لا اتذكر اسمها و قال انه هو بس يعتبر حلقة فى سلسلة ابتزاز المراهقين و استغلالهم على النت

و فى حلقة اخرى استضافت مقدم برنامج على احد المحطات البرنامج ده كان بيعمل بمساعده الشرطة اكمنه لمعتدين على المراهقين اللى بيكلموهم عبر حجرات الشات و ينظموا لقاء يعنى الشات هو اس البلاوى

و من الصدف ان واحد من اللى تم قبضهم فى الكمين حاخام يهودى

اذا مكنش الواحد او الواحده كبير كفاية و فاهم فى الحياه ما يكفى لاكتشاف اغراض هؤلاء الناس فى الحالة دى يقول على نفسه السلام و لازم و ضرورى مراقبة الابا لابنائهم فى سن المرهقه اذا كان بيدخلوا نت و ده اكيد

الحقيقة يا باشمهندسة دي أول مرة أسمع القصة دي ...

بس عاوز أقول إن احنا في مصر ما عندناش البلاوي دي ومتهيألي إن أسوأ حاجة ممكن يرتكبها مراهقين بلدنا يبعتوا صور البنات لبعض أو أرقام تليفوناتهم .. كده يعني

تحياتي

Muhammad Zidan

[zizetta]

طيب طالما التقنيات وصلت إلى مستويات عالية بحيث إن الشرطة ممكن توصل لصاحب المشاركة اللي فيها إساءة .... خلاص ما نحذفهاش نخليها .... على الأقل فعلاً يبقى فيه حرية رأي كاملة .... وكل واحد يتحمل نتيجة كلامه

والله فكرة .. حتى فرصة نعمل تصفيات للأعضاء .. علشان الحر داخل والنفس حيتكتم ... زيادة ماهو مكتوم ...

زيزيتا

[~Heba~]

الحقيقة يا باشمهندسة دي أول مرة أسمع القصة دي ...

بس عاوز أقول إن احنا في مصر ما عندناش البلاوي دي ومتهيألي إن أسوأ حاجة ممكن يرتكبها مراهقين بلدنا يبعتوا صور البنات لبعض أو أرقام تليفوناتهم .. كده يعني

يا استاذ محمد مسمعتش بالمثل الصينى القطرات الصغيرة تصنع نهرا

[badroora]

طيب طالما التقنيات وصلت إلى مستويات عالية بحيث إن الشرطة ممكن توصل لصاحب المشاركة اللي فيها إساءة .... خلاص ما نحذفهاش نخليها .... على الأقل فعلاً يبقى فيه حرية رأي كاملة .... وكل واحد يتحمل نتيجة كلامه

والله فكرة .. حتى فرصة نعمل تصفيات للأعضاء .. علشان الحر داخل والنفس حيتكتم ... زيادة ماهو مكتوم ...

زيزيتا

والله استاذ محمد انت ومدام زيزيتا .

فكرتونى بموقف ظريف جدا حصلي لما نزلت مصر فى نوفمبر اللى طاف

انا سافرت بعد ما غيرت اسمى من نجفة لاسمي الحقيقي ودى كانت اول مرة انزل بعد تسجيلي فى المحاورات وفى مطار القاهرة

لاقيت ظابط مستنيني جنب الباص وبينادي استاذة بدرية مكاوى اول مرة قولت اكيد مش انا نادا مرا تانية ملقتش حد رد بصيت حواليا وقولته انا وطبعا بقي مش هقولكم بقيى انا حسيت باية وفى بالى عمالة اقول هاتصل بمين وهاعمل ايه وايه الفضايح دي

وبعدين جمعت نفسي وبصوت مخنوق بيترعش وبقولة في حاجة حضرتك .

قالى هاتى باسبورك يا فندم بقوله ليه قالى انا من طرف مش عارف مين واتفضلي :sad: بعد كدا بقي اديته باسبورى وجمعت نفسي والتقط انفاسي وماشية جنبة فردة جناحاتى وخرجت مافيش 5 دقايق وشنطى جبها معرفش منين قبل ما تنزل على السير

ومتفتشتش ولا حد سالنى انت جيبة ايه فى الشنطة

وكل الناس فى المطار بيبسولى بنظرة حقد .

وانا راجعة بقي مكنش حد معايا وعاديكم عاللى حصل :sad:

:wub:

تم تعديل 26 مارس 2008 بواسطة Badria Mekkawy

[Folana]

السلام عليكم ورحمة الله...

خوفتينى يا بدرية....مش حأبعت لك صورتى بقى :

أنا فاهمة وجهة نظرك يا بدرية...المفروض ان الناس بتتقابل فى مكان راقى ومحترم....ومفروض ان الكل يكون على مستوى المسئولية لكن ده مايمنعش ضعاف النفوس من ممارسة هواياتهم....

ولا يهمك ما يقع الا الشاطر ..وانت اجدع جدعة قابلتها...ومافيش وقوع ولا حاجة....

وزى ما سى السيد قال :

وصلت تقنية المعلومات إلى أبعد حدود وهناك إدارات خاصة في الشرطة لجرائم الإنترنت ومن ضمن تلك الجرائم التشهير والسب والقذف

...

وده اللى بيحصل فعلا......حتى اللى بيعمل كده لو كان فاكر انه فى بروج مشيدة...بيتجاب برضه ........وبنقرأ كتير فى الجرايد وبنعرف من مصادر اخرى الكتير برضه عن كيفية التعامل مع هذه القضايا...

(ولو عايزة معلومات اكتر...كلمينى على الفودافون :) )

لكن فى النهاية توخى الحرص من الجميع واجب...لان كتير مايعرفوش اصول اللعب مع الكبار ...ربنا يحفظك ويحميك ويبعد عنك شر اللى يأذيك....(هاتى شلن بقى لزوم الدعوتين دول )...

هو ايه الموضوع بقى؟؟؟ :blush2:

[badroora]

هو ايه الموضوع بقى؟؟؟

لا لا لا يا شيخة متشغليش بالك .

المهم طبخالنا ايه النهاردة :blush2:

[Folana]

السلام عليكم ورحمة الله....

لا أنا مش طابخة النهاردة....بس لو الموضوع حيتقلب طبيخ...يبقى أطبخ علشان خاطر عيونك....

قولى بس نفسك فى ايه...:blush2:

[الحازم حسن]

احلفلك ع المصحف ان دا اسمي :)

قالوا للحرامي احلف wst:: ده هزار طبعا

يبقي خلاص التسجيل يتم باول صفحة فى الباسبورت يعنى تصور اول صفحه وترفقها فى الفايل بتاعك وفينجر برينت ووصل ماية ووصل نور

وكل دول يتعملهم اسكان ويتم رفقهم فى البروفايل الخاص بكل عضو .

وليه كل ده

ده حتى طلب الهجرة لكندا نفسه مش بينطلب فيه كل المستندات دي

يعنى على كدا بقي انت اسمك مش الحازم حسن

احلف لك بايه انه اسمي بس كفاية لحد كده

وعلى فكرة بئه سيبك من حكاية الحازم دي انا لا حازم ولا نيلة انا جبان جدا

عموما على راى القائل

لا يهمنى اسمك ولا لونك ولا عناونك

انا يهمنى الانسان .

تحياتى :blush2:

اهو هوه ده الكلام انا يهمني شخص الانسان وفي جيبه اد ايه

الترجمة : يعني ما أقعدش أنا أخرج أسراري لكل من هب ودب وبعدين ألوم واحد مريض نفسياً لو طلع قليل الأصل وأفشى تلك الأسرار أو استغلها ضدي في أول خلاف بيننا ...

وعلى الإنسان أولاً أن يعلم معنى كلمة صديق .. .ومش كل واحد إتكلمنا معاه مرتين تلاتة يبقى صديق ...

ده كلام في الجول .. ده مش جول وبس دا double kick في المقص الشمال

احذر عدوك مرة واحذر صديقك ألف مرة