قواعد المنتدى لحماية المنتدى هل من قواعد لحماية اعضاء المنتدي .

[حسام يوسف]

الف الف شكر

وبأوعد انى هكش ملك يا عم س س

انا عايز أربى الواد :blush2:

[badroora]

العزيز س س كتب :

قبل أن تطلب من الاخرين ألا يهاجموك ... عليك أولاً أن تتعلم كيف تُدافع عن نفسك ...

تصحيح : قبل الهجوم على الاخرين تعلم اولا كيف تدافع عن نفسك.

لان مثل اللى حضرتك كتبته فيما معناه انه شخص ضعيف غير قادر على مواجهة الاخرين فبالتالى بيقولهم لا تهجمونى . اذا كان هو نفسه بيطلب محدش يهجمنى يبقي ازاى هنقله اتعلم تدافع عن نفسك .دا بس توضيح للحكمة مش دعوة لعدم الهجوم :blush2:

الترجمة : يعني ما أقعدش أنا أخرج أسراري لكل من هب ودب وبعدين ألوم واحد مريض نفسياً لو طلع قليل الأصل وأفشى تلك الأسرار أو استغلها ضدي في أول خلاف بيننا ...

اتفق معك تماما فى معنى كلامك . لكن مش دا المقصود .المقصود سيدي انك بتعتب على صديق خاين مش مجرد شخص تعرفت عليه وبعبعت معاه وفجاءة خانك وبدات تبكي وتتشاكي.

وعلى الإنسان أولاً أن يعلم معنى كلمة صديق .. .ومش كل واحد إتكلمنا معاه مرتين تلاتة يبقى صديق ...

لا سيدي المثل بيقول الصديق المزيف كالعملة المزيفة لا تكتشف الا بالتعامل . طبعا المثل واضح مش محتاج تفسير ولا اضافة منى. يعنى لازم ننقرص عشان نعرف معدن لناس.

موضوع الصداقة موضوع كيفي وليس كمى يعنى مالوش مقاييس معينه ولا مدة معينه ولكن الحرص واجب ومهم جدا.

كله كوم وموضوع المرأة أو البنت او الست كوم تاني ..

لا طبعا كلام غير منطقي من شخص مثقف ومتفتح . ولكن منطقي جدا لو شخص لا يتعامل مع النت ولا البنات والسيدات فى المنتدى .

تعتبرونا اخوات ونتكلم مع بعض على صفحات المنتدى ولما تحصل مشكلة تقوموا تعزلوا نفسكم منها والنساء يبقي هما المذنبين .سورى.!!!

حضرتك لو دا مبدائك كمشرف يبقي منا لاولى انك كنت تقترح على الادارة بفصل باب خاص للنساء واخر للرجال وممنوع اشتراك النساء فى مواضيع الرجال والعكس.

او انت نفسك تطبق هذه المثل ولا تشترك معنا.

إحنا في مجتمع شرقي مسلم عربي ...

صح. ولكن .المجتمع العربي المسلم يتطلب بمن يتحلى باخلاق المسلمين والعرق الشرقي ان يكون انسان مسئول .واعتقد فى المجتمع الشرقي الرجال والنساء بيتاعاملوا مع بعض فى شتى مجالات الحياة سواء عمل ...الخ ويظل كل طرف يحترم الاخر ويقدره.

وبالتالي مهما تعالت الأصوات النشاز بالمساواة والأغاني زي إن البنت زي الولد .. فكل ده كلام فارغ

اختلف معك . المساواة بين الرجل والمراءة من علامات رقي وتحضر الامة ولكن فى ظل المسموح به على قدر مستوى المراءة وليس لنقصها لسمح الله .

وسيظل الولد ولد والبنت بنت

البنت بنت والولد ولد ولكل شخص سماته التى تتصف بها شخصيته . وليس بتفوق شخص على شخص ولكن موضوعنا هنا ليس المناداه بالمساواة .

شوف حضرتك التشهير والاساءة تشمل الجنسين . وكما النساء تخشي التشهير فالرجال ايضا. الشرف والعرض مشترك بين الرجال والنساء وليس مقصور على النساء فقط .

والبنت أو المرأة بالذات كل كلمه محسوبة عليها وإلأ ربنا ما كانش قال

طبعاً الكلام موجه لنساء النبي بصفتهم القدوة .. ومن بعدهم لنساء العالمين كلهم

مش هتناقش فى الاية اللى حضرتك استعنت بها فى الحديث .

ولكن كما قولت اعلاه التشهير موضوع مشترك لا يقبله رجل حر رشيد ولا امراءة ايضا.

شوفتوا الحكمة والألفاظ البليغة ؟

طبعا حين نأتى للكتابة والمثالية فدا شيء فى منتهى السهولة . وخصوصا لو الموضوع او الكتابه تبني على ابراز نقط ضعاف المراءة والضغط عليها . ;)

يعني مجرد الخضوع في القول .. اللي بيُفسر على إنه الكلام الناعم حتى لو بحُسن نيه .. يعني مجرد كلمة ألو في التليفون بس بنعومة إنثوية ممكن تتفهم غلط من ناس في قلوبهم مرض فيعمل عليها فيلم وسيناريو وقصة ورواية ويفهمها غلط

...

مش مشكلتنا .دى مشكلة الناس المرضي .

شوف سيدي من الصعب فى ظل القرن ال21 ونكون لسه بنفكر بالطريقة دى . بجد شيء مخيف .

لما النساء يعملن مع الرجال فى اماكن مشتركة ومع ذلك نرى نماذج محترمة جدا ومافيش مشكلة .

يعنى المراءة التى تجلسن فى مكتب بجوار او مقابل لزميل لها يراها ويحدثها طول الوقت .انهى الاكثر تاثير الصوت والصورة ولا الصوت فقط.

يبقي المفروض على كدا كل النساء سواء فى مصر او العالم العربي المسلم فاهمين بعض غلط .طبعا كلام مش صحيح.

الموضوع بيعتمد على مدى احترام الشخص وقوته ومستوي اخلاقة.

يعنى لو واحدة شغالة فى اى شركة اتصالات والناس بتتصل بها عشان رقم معين يبقي كل واحد يسمع صوتها ينهار من حلاوته.

الموضوع هنا الغرض منه 2 هدف .

الاول نشر الوعى بين الناس .

الثانى هو توضيح بعض الامور التى ممكن ان تفهم بطريقة خطأ

الصديق الخائن ليس وحدة المذنب .

المسئولية الاولى تقع على الشخص الخائن والباقي يقع على من اصر على العمل بطريقته.

يعنى مثلا اليوم شخص قام بالتشهير او ارسال صورة شخص . هنا اخطأ ولكن من منا لن يخطيء ,وكمان هو مستوي اخلاقه كدا . طيب ايه المشكلة بقي

المشكلة على المتلقي لو هو محترم وعنده نخوة لن يفعل كما فعل الاول .بل كان يتوجب عليه ان يوقفة ويقوله دا غلط وعيب.

مش ينشر هو كمان على حس الندل الاول . وبعد ذلك يعزل نفسه بمنتهى البراءة. كدا يبقي الكل مذنب والاتنين زى بعض ومافيش فرق لانه الاول خان صديقة والتانى خاص صديقه والسر الذي اتمنه عليه ايضا.

والمثل بيقول

تعلمت الاخلاق الحميدة من اصحاب الاخلاق الزميمة.

سعدت كتير بمشاركتك س س

مع خالص احترامى وتقديري :blink:

تم تعديل 27 مارس 2008 بواسطة Badria Mekkawy

[أبو محمد]

عندما أقارن كلام "بدرية مكاوى" الآن بكلام "نجفة المغرورة" عندما "نورت" الموقع لأول مرة .. أدرك مقدار ما تضيفه الأيام والتجارب إلى الإنسان ...

بدارة

إنتى ما شاء الله كبرتى (فكريا) عشر سنين فى سنة .. ربنا يحميكى من كل غادر ..

ويديكى السعد .. زى الرعد .. يا بدرية يا بنت مكاوى :blush2:

[badroora]

عندما أقارن كلام "بدرية مكاوى" الآن بكلام "نجفة المغرورة" عندما "نورت" الموقع لأول مرة .. أدرك مقدار ما تضيفه الأيام والتجارب إلى الإنسان

...

نجفة يااااااااااه هو كان فيه زي نجفة ,نجفة اللى كان رصيف الاسفلت بيهتز من خطوتها عليه . صوتها كان بيترجله جبال , نجفة كان بقلها يومين وصورتها تنزل على علب الانتى فيروس bv:-

نجفة دى كانت نسمة :blink:

بدارة

إنتى ما شاء الله كبرتى (فكريا) عشر سنين فى سنة .. ربنا يحميكى من كل غادر ..

ويديكى السعد .. زى الرعد .. يا بدرية يا بنت مكاوى :blush2:

ميرسي جدا يا ابي الفاضل ربنا يخليك ويبارك فيك .

الا صحيح يعنى ايه فكر ؟ smk:

طبعا ان لا انكر فضل المكان دا على . تعلمت منه الكثير .

وتعرفت على أناس افاضل اعتز بهم واحترمهم

وحضرتك واحد منهم .

تحياتى ابي الفاضل ;)

تم تعديل 27 مارس 2008 بواسطة Badria Mekkawy

[أبو محمد]

الا صحيح يعنى ايه فكر ؟ :blush2:

الفكر يا بدرية كما جاء فى لسان العرب هو " إعمال الخاطر فى الشئ"

وباختصار فإن الفكر هو إعمال النظر والتأمل والعقل في مجموعة من المعارف بهدف الوصول إلى تحقيق معرفة جديدة يضيفها الإنسان إلى مخزونه من المعارف .. ونحن هنا - مثلا - نتبادل الأفكار عن طريق الحوار فنكتسب ونضيف إلى مخزوننا الفكرى أفكارا جدية متنوعة .. وكلما ازداد هذا المخزون تزداد معه مقدرتنا على الوصول إلى معارف جديدة فى زمن أقل

والفكر مرادف للنظر والعقل .. وهو يكاد يكون فريضة .. لو عندك نسخة إليكترونية من المصحف الشريف إبحثى وستجدين أن لفظ التفكر (وهو إسم للتفكير) بمشتقاته يتكرر كثيرا جدا .. فنحن مأمورون بالتفكر /التعقل /التفقه /النظر / التذكر .... وهى مترادفات لاعمال لا يقوم بها إلا أولو الألباب

يارب أكون قلت كلام معقول ;)

[badroora]

يارب أكون قلت كلام معقول :)

صح لسانك يالغلا وبوركت على هذا الشرح الوافي الكافي .

فانت تكلمت فانجزت وقصرت وافدت بارك الله لك وانار طريقك .

[Folana]

السلام عليكم ورحمة الله ...

تصورى يابدرية وأنا باقرأ موضوعك تانى بتفونون وتموعنون كده...افتكرت حكاية أختى حكتها لى من يومين.واحنا بنتناقش فى امور الحياة......حاكم اختى دى هى اللى مربيانى وفى مقام والدتى :)

بتقولى واحدة زارت جارتها لقتها تعبانة شوية...فخرجت من عندها على جارة تانية قالت لها "اسكتى..مش جارتنا حامل فى دبور"

قالت لها"اييييييهى..وانبى جد؟"

قالت ايوه جد..بس اسمعى ماتقوليش لحد..انا ماقلتلكيش حاجة"

قالت لها اطمنى ياختى ..بقى ده كلام..يوه ياندامة"

راحت نمرة (2) لجارة تالتة قالت لها اسكتىىىىى..مش جارتنا حامل فى دبور لابس طرطور..

- والنبى جد

- ايوه جد بس ماتجبيش سيرة

- اطمنى ياختى اطمنى سرك فى بير..اتكلى انت بس على الله وحطى فى بطنك كانتلوبة صيفى

- راحت الجارة دى قالت لجارتها:اسكتى مش جارتنا حامل فى دبور لابس طرطور وراكب حنطور

-ايه..احيات انبى جد؟

-ايون احيات انبى جد..بس ماتجبيش سيرة

تؤتؤتؤ...عيييييييييب يوه يا ندامة

راحت المدعوة قالت لمدعوة اخرى اسكتى مش جارتنا حامل فى دبور لابس طرطور وراكب حنطور وبيبيع عطور

- يوه يوه يوه انبى جد؟

وشرف امى جد...بس اسمعى انا ماقلتش حاجة

-ده كلام؟..طب وشرف امك ما حاجيب سيرة

راحت الاخيرة لمت عيال الحارة وستات الحارة علشان اللى مايشترى يتفرج وقالت لهم اسمعوووا وعوووا..مش جارتنا:

حامل فى دبور ...لابس طرطور...وراكب حنطور..بيبيع عطور وفى الحارة بيدووور..

وعجبى....

بدغية...يا بدغية....اوعى تقولى لحد بقى ....هه

[vipwithyou]

عرفتوا بقى ان الستات مسحوبين من لسانهم :)

انا ما قلتش حاجة يا جماعة واوعوا تقولوا لحد انى قلت كدة :ninja:

تم تعديل 27 مارس 2008 بواسطة vipwithyou

[zizetta]

والله يا تامر آرائك المناهضة للستات دي مخلياني أحس أنك دبور كبير ... :lol:

فولانة هانم .. حكاية ظريفة ومفيدة زي حكاوي كليلة ودمنة كلها مواعظ وحكم .. تسلمي وتسلم أختك الكبيرة :blink:

تحياتي

زيزيتا

[حسام يوسف]

يا فى اى بى

الحق استخبى وخدلك ساتر من الهجوم اللى هيحصلك

[Folana]

والله يا تامر آرائك المناهضة للستات دي مخلياني أحس أنك دبور كبير ...

فولانة هانم .. حكاية ظريفة ومفيدة زي حكاوي كليلة ودمنة كلها مواعظ وحكم .. تسلمي وتسلم أختك الكبيرة :sad:

تحياتي

زيزيتا

السلام عليكم ورحمة الله.....

ميغسى يا زييز....ما أنا تحسينى كده بأقول حكم....وبمناسية كليلة ودمنة ..وفكرة الموضوع...ذهب تفكيرى الى حكايات روميو وجوليت ...وقيس وليلى...وأبو الوفا أبو الوفا وسّلامة..وعنتر وعبلة وأشعاره...

استهيألى كده يا زيز ان الكصص دى مش حقيقية برضيكى...يعنى الناس اتكلموا بالنميمة برضه وفضل الكلام يتنقل عبر الاجيال لحد مابقى فيه تقدم ورقى واختيار للالفاظ فاتحول التشهير ده الى قال ايه كصص عاتفية وموروث شعبى ثقافى مشترك...

تجميل لطبيعة النفس البشرية ليس الا....

يعنى تفتكرى عنتر ده كان عنتر؟...ابدن....ده كان فتوة اصلا...وكل شوية عبلة تعمل عركة فى الحارة...ينزل هو يقفل الليلة....وكان حيسرق النوج الحمر......بس الناس عملته بطل...

تفتكرى عرابى كلم الخديو فعلا من على الحصان؟...ابدن...ايه دخل الحصان فى الموضوع...دى كلها اوشاعات...

طبعا الناس بتاعة التاريخ حتدخلى ..بس دى وجهات نظر....

الميهم...

بعد اتصالات بالست دى أختى ...علمت بأنى اخطأت فى حق السيدة الفاضلة المذكورة أعلاه...وافتريت عليها....سامحنىىىىىىىىىى ياررررررررررررررب

الست دى ماكانتش حامل فى دبور ولا حاجة....سامحنىىىىىىىىىىىى ياررررررررررررررب

الست دى ياجماعة كانت

حامل فى عصفــــــــــــــــــــور

معلش با بدردر انا عارفة ان الموضوع مش مستحمل هزار بس "شر البلية مايضحك"

وكفى بالله حسيبا....وكفى بالله حسيبا

[جويرية]

بخصوص الصور يا أخت بدرية لو اتنين ناويين علي جواز اكيد لازم يشوف صورتها خاصة لو في دولة تانية او مدينة تانية

المفروض طبعا الكلام ده يبقي عن طريق الأهل بس طبعا الأهل مش حيسألوا فيها

طيب محصلش نصيب و الجوازة منفعتش متهيألي طالما هما اتنين محترمين المفروض موضوع الصور ده ميعملش مشكلة

و لا أيه رأيك في الموضوع ده

[vipwithyou]

أنا مستخبى أهه يا دكتور حسام

أنا بس بأقولهم هما اللى بيوقعوا نفسهم اهه وبعد كدة يقول عصفور دا كان دبور ودبور ...لابس طرطور...وراكب حنطور..بيبيع عطور وفى الحارة بيدووور

والكلام دة موثق يعنى مفيش اى حد من المشرفين هيقدر يهوب ناحية مشرف زميله ويلغى الكلام دة ;)

[vipwithyou]

والله يا تامر آرائك المناهضة للستات دي مخلياني أحس أنك دبور كبير ... ;)

زيزيتا

دا انا كل كلامى علشان الكل يعيش مرتاح بس

[badroora]

بخصوص الصور يا أخت بدرية لو اتنين ناويين علي جواز اكيد لازم يشوف صورتها خاصة لو في دولة تانية او مدينة تانية

المفروض طبعا الكلام ده يبقي عن طريق الأهل بس طبعا الأهل مش حيسألوا فيها

طيب محصلش نصيب و الجوازة منفعتش متهيألي طالما هما اتنين محترمين المفروض موضوع الصور ده ميعملش مشكلة

و لا أيه رأيك في الموضوع ده

هلا والله

شوفي طالما الصورة عادية مافيهاش مشكلة ,يعنى كبيرة اوى لو طلع ندل هيعمل ايه بيها.

يبقي يبلها ويشرب ميتها .

متقلقيش وسيبها على الله

ثم هو لسه فيه جواز بالصور :lol:

عموما يا ستي موضوع الصورة دا موضوع تافه طالما زى ماقولتك صورة عادية مافيهاش حاجة لسمح الله .

لا تقلقي يا اختاه فان الله معنا ;)

[~Heba~]

بخصوص الصور يا أخت بدرية لو اتنين ناويين علي جواز اكيد لازم يشوف صورتها خاصة لو في دولة تانية او مدينة تانية

المفروض طبعا الكلام ده يبقي عن طريق الأهل بس طبعا الأهل مش حيسألوا فيها

طيب محصلش نصيب و الجوازة منفعتش متهيألي طالما هما اتنين محترمين المفروض موضوع الصور ده ميعملش مشكلة

و لا أيه رأيك في الموضوع ده

هلا والله

شوفي طالما الصورة عادية مافيهاش مشكلة ,يعنى كبيرة اوى لو طلع ندل هيعمل ايه بيها.

يبقي يبلها ويشرب ميتها .

متقلقيش وسيبها على الله

ثم هو لسه فيه جواز بالصور :lol:

عموما يا ستي موضوع الصورة دا موضوع تافه طالما زى ماقولتك صورة عادية مافيهاش حاجة لسمح الله .

لا تقلقي يا اختاه فان الله معنا ;)

صور==جواز :lol: :lol:

فكرتونى و الله انا كنت حاطة صورتى فى البروفايل بس شلتها لانه ناس افتكروا انى بدور على عريس فى المحاورات يعنى خلاص خلصوا العرسان عشان ادور اخد واحد من بتوع المحاورات المضروبين فى دماغهم :lol: :blink: :blink:

عموما انا لا يقلقنى شئ بخصوص صورتى لانها بحجااااااااااااااااب كامل و محتشم

[badroora]

صور==جواز :lol: :lol:

فكرتونى و الله انا كنت حاطة صورتى فى البروفايل بس شلتها لانه ناس افتكروا انى بدور على عريس فى المحاورات يعنى خلاص خلصوا العرسان عشان ادور اخد واحد من بتوع المحاورات المضروبين فى دماغهم :blink: :blink: :lol:

عموما انا لا يقلقنى شئ بخصوص صورتى لانها بحجااااااااااااااااب كامل و محتشم

ليه بس كدا يا هبة مضروبين ايه دول شباب زى الورد ربنا يحميهم

بعكس بقي انا كنت معجبة جدا بصورتك وفكرت فى 2 حاجة .

الاول انك طيبة اوى وعلى نياتك عشان كدا حطه صورتك.

والثانى

انك ,شجاعة واوبن مايند وفتاة عصرية :lol:

اما شيلتها قولت هى دى البنت المصرية بصحيح ;)

[~Heba~]

صور==جواز :lol: :lol:

فكرتونى و الله انا كنت حاطة صورتى فى البروفايل بس شلتها لانه ناس افتكروا انى بدور على عريس فى المحاورات يعنى خلاص خلصوا العرسان عشان ادور اخد واحد من بتوع المحاورات المضروبين فى دماغهم :blink: :blink: :lol:

عموما انا لا يقلقنى شئ بخصوص صورتى لانها بحجااااااااااااااااب كامل و محتشم

ليه بس كدا يا هبة مضروبين ايه دول شباب زى الورد ربنا يحميهم

بعكس بقي انا كنت معجبة جدا بصورتك وفكرت فى 2 حاجة .

الاول انك طيبة اوى وعلى نياتك عشان كدا حطه صورتك.

والثانى

انك ,شجاعة واوبن مايند وفتاة عصرية :lol:

اما شيلتها قولت هى دى البنت المصرية بصحيح ;)

لا يختى مضروبين بشاكوش الهجرة

طب ليه مقولتيش ثقة زياده فى المحاورات لانه هو المكان الوحيد اللى سجلت فيه باسمى الحقيقى

[جويرية]

بخصوص الصور يا أخت بدرية لو اتنين ناويين علي جواز اكيد لازم يشوف صورتها خاصة لو في دولة تانية او مدينة تانية

المفروض طبعا الكلام ده يبقي عن طريق الأهل بس طبعا الأهل مش حيسألوا فيها

طيب محصلش نصيب و الجوازة منفعتش متهيألي طالما هما اتنين محترمين المفروض موضوع الصور ده ميعملش مشكلة

و لا أيه رأيك في الموضوع ده

هلا والله

شوفي طالما الصورة عادية مافيهاش مشكلة ,يعنى كبيرة اوى لو طلع ندل هيعمل ايه بيها.

يبقي يبلها ويشرب ميتها .

متقلقيش وسيبها على الله

ثم هو لسه فيه جواز بالصور :blink:

عموما يا ستي موضوع الصورة دا موضوع تافه طالما زى ماقولتك صورة عادية مافيهاش حاجة لسمح الله .

لا تقلقي يا اختاه فان الله معنا

شكرا لردك يا دودي

لأ مفيش دلوقتي جواز بالصور :) و لا من غير صور :)

[se_ Elsyed]

صور==جواز :blink: :lol:

فكرتونى و الله انا كنت حاطة صورتى فى البروفايل بس شلتها لانه ناس افتكروا انى بدور على عريس فى المحاورات يعنى خلاص خلصوا العرسان عشان ادور اخد واحد من بتوع المحاورات المضروبين فى دماغهم :) :)

ليه كده يا باشمهندسة ؟ ... ليه الكلام اللي يزعل ده