قواعد المنتدى لحماية المنتدى هل من قواعد لحماية اعضاء المنتدي .

[vipwithyou]

حد يقوم المشرفين عليه يا هبه

استلقى بقى وعدك

هتلاقى انذارات والغاء مشاركات والوان حمرة كتييييييييييير فى ردودك

يابنتى ما قلنالك تمشى جمب الحيط

يلا استحملى بقى ههههه

[إبن مصر]

الساده الافاضل.

قديما قال الشافعى :

اذا افشى الفتى سره بلسانه ولام عليه غيره فهو أحمق

اذا ضاق صدر المرء عن سر نفسه فصدر الذى يستودع السر أضيق.

الموضوع برمته فى يد من يثق بمن لا يستحق الثقه . فلا يلومن الا نفسه.

وفى بعض الاحيان يستدعى الانسان شعوره بالظلم و الاضطهاد كى لا يواجه نفسه بحقيقتها فى الخطأ انه سلم ثقته لمن لا يستحق.. بل وفى بعض الاحيان يكذب هذا الشعور ويستمر فى خيانه نفسه ببقائه على علاقه بمن خان الثقه كاذبا على نفسه انه على حق.

وايضا لا يلومن الا نفسه.

لكل امور الحياه حدود واضحه وفاصله .. وكل ثقه لها محدداتها.. واهلها الذين عز طلبهم فى هذه الدنيا.

لذا فالنصيحه الواجبه هى .. ان نتق الله فى انفسنا وان نتخير فى من نثق وان نتذكر أنه .. لا يلدغ مؤمن من جحر مرتين...

[badroora]

لكل امور الحياه حدود واضحه وفاصله .. وكل ثقه لها محدداتها.. واهلها الذين عز طلبهم فى هذه الدنيا.

لذا فالنصيحه الواجبه هى .. ان نتق الله فى انفسنا وان نتخير فى من نثق وان نتذكر أنه .. لا يلدغ مؤمن من جحر مرتين...

ربما لديك حقا يا استاذ احمد فيما قولت,ولكن كل نفس بما كسبت رهينة ان يخونك شخص فهذا ليس معناه ان يخونك الاخرون .

وعلى كل حال كما ختمت اقوالك لا يلدغ المؤمن من جحره مرتين .

شكرا على نصيحتك وجعلها لله فى ميزان حسناتك . واسال الله ان ينفعنا بها جميعا.

مع خالص تحياتى :)

[vipwithyou]

مش قلت لكم ان الخطوط الحمراء هتزيد

هل معنى كلامكم ان التعامل بحسن النيه دة غلط

يعنى انا لما اصدق كل الكلام اللى بيتقال يبقى دة غلط منى

هل لازم نفترض دائما ً سوء النيه

متهيألى مش هينفع نعيش كدة واحنا شاكين فى بعض كل واحد يشك ان التانى مش بيقول الحقيقة

صعب

[badroora]

مش قلت لكم ان الخطوط الحمراء هتزيد

هل معنى كلامكم ان التعامل بحسن النيه دة غلط

يعنى انا لما اصدق كل الكلام اللى بيتقال يبقى دة غلط منى

هل لازم نفترض دائما ً سوء النيه

متهيألى مش هينفع نعيش كدة واحنا شاكين فى بعض كل واحد يشك ان التانى مش بيقول الحقيقة

صعب

لا يا تامر مش كدا.

المفروض ان موضوع زى دا المفروض يفيدك فى تعاملك مع الاخرين يعنى تكون ايجابي وليس سلبي .

شوف يا تامر الحرص واجب وليس معنى ذلك انك لاتثق فى حد .

ثق فى الناس وافترض حسن النبية ولكن بحرص . والاهم انك تتخير من هم الذين تثق فيهم وتئتمنهم على شيء انا لا اقول اسرار لان بصراحة اهم شيء هو انك تحفظ اسرار بداخلك ولا تطلع عليها سوي نفسك.

take this quote.

"Don't give your friend much power, secrets,&trust.Because if he turned one day against you 'll do serious injury to you ."

وفى الاخر يا تامر اكيد طول ماحنا فى الحياة هنخطيء ونتعلم ونخطيء ونتعلم بس اهم شيء منكررش الاخطاء

ومش تخاف ابدا الدنيا اكيد لسه بخير وفيها ناس كويسين اهل ثقة

مع خالص مودتى :)

تم تعديل 29 مارس 2008 بواسطة Badria Mekkawy

[vipwithyou]

اكيد الانسان كل ما بيعيش وبيمر بتجارب بيتعلم منها وزى ما قال الاستاذ أحمد .. لا يلدغ مؤمن من جحر مرتين

بس متهيألى صعب تلاقى حد متقمص شخصية معينه وبيخدع بيها حد ويفضل على طول الطريق بتلك الشخصية

متهيألى لازم طبيعتة الشخصية تغلب فى وقت من الاوقات

الا اذا كان داخل منتدى معين بالهدف دة فعلا

متهيألى شفت الأخت المهندسة هبه قالت انها بتتكلم بصراحة خالص وكانت حاطة صورتها وكدة لأنها واثقة فى المنتدى

انا مش عايز أجزم لكم انى بادخل المنتدى دة فقط وهو يمكن حلقة الوصل بينى وبين الانترنت دون طبعا ً متابعة الاخبار او البحث عن برامج او تعليم

معنى كدة انى واثق تماما ً فى المنتدى

وبأتكلم فيه بكل حرية

والحمد لله حتى الآن حكمى على اللى بأتعامل معاهم حكم مظبوط

واللى بأديهم ثقتى بيكونوا فعلا يستحقوا تلك الثقة والحمد لله

[badroora]

وبأتكلم فيه بكل حرية

والحمد لله حتى الآن حكمى على اللى بأتعامل معاهم حكم مظبوط

واللى بأديهم ثقتى بيكونوا فعلا يستحقوا تلك الثقة والحمد لله

طيب الحمدلله يا تامر ربنا يديم عليكم نعمة الصداقة والثقة المتبادلة ,ليه خايف بقي وقلقان ؟

احنا عرضنا نماذج سلبية وحضرتك اكدت ان فيه نماذج ايجابية ان تلمسها بنفسك يبقي كدا الموضوع منتهى والدنيا فيها وفيها ومش كل الناس وحشين ومش كلهم حلوين يعنى نص نص .

توكل على الله ومتشغلش بالك خالى بس الكلام دا كتذكار ليك وليس ستناندر تبنى عليه طريقة حياتك فى المستقبل .

الكلام كله اللى اتقال اللى قالوه بشر وليس ملائكة ولا رسل نزلين من السماء يعنى مجرد وجهات نظر وقناعات كل شخص فينا واللى ينطبق عليك لا ينطبق على الاخرين .

ومش شرط ان مشكلة حصلت لحد يبقي هتحصل للكل

ممكن يكون ابتلاء والله بيختار العبد اللى بيبتليه سواء بصديق بموقف بمصيبة ربنا بقي زى ما يريد يريد .

يلا يا تامر متشغلش بالك بالموضوع دا روح ركز فى باقي المواضيع :) ولا تحب اجبلك موضوع مساواة بين الرجل والمراءة عشان الهيك به

طبعا باهزر معاك :)

[vipwithyou]

تمام يا فندى عُلم وجارى التنفيذ ...

بس ابعدى بس عن مساواة الرجل والمرأة دى بتحرق دمى :)

[رمضان]

بخصوص الصور يا أخت بدرية لو اتنين ناويين علي جواز اكيد لازم يشوف صورتها خاصة لو في دولة تانية او مدينة تانية

المفروض طبعا الكلام ده يبقي عن طريق الأهل بس طبعا الأهل مش حيسألوا فيها

طيب محصلش نصيب و الجوازة منفعتش متهيألي طالما هما اتنين محترمين المفروض موضوع الصور ده ميعملش مشكلة

و لا أيه رأيك في الموضوع ده

هلا والله

شوفي طالما الصورة عادية مافيهاش مشكلة ,يعنى كبيرة اوى لو طلع ندل هيعمل ايه بيها.

يبقي يبلها ويشرب ميتها .

متقلقيش وسيبها على الله

ثم هو لسه فيه جواز بالصور :lol:

عموما يا ستي موضوع الصورة دا موضوع تافه طالما زى ماقولتك صورة عادية مافيهاش حاجة لسمح الله .

لا تقلقي يا اختاه فان الله معنا :lol:

صور==جواز :lol: :lol:

فكرتونى و الله انا كنت حاطة صورتى فى البروفايل بس شلتها لانه ناس افتكروا انى بدور على عريس فى المحاورات يعنى خلاص خلصوا العرسان عشان ادور اخد واحد من بتوع المحاورات المضروبين فى دماغهم :blink: :lol: :lol:

عموما انا لا يقلقنى شئ بخصوص صورتى لانها بحجااااااااااااااااب كامل و محتشم

ليه كده بقىىىىىىىىىىى

ترى انا زعلت بجد من الكلام ده

ده شباب المحاورات ما شاء الله عليهم شباب زي الورد وحاجة تفرح شباب متعلم ومتنور

على العموم ولا بلاش

[حسام يوسف]

السلام عليكم

ليه كدة يا باشمهندسة؟

هية بقت كدة؟

[vipwithyou]

لازم يعنى يا مهندسه هبه تقولى كدة ولعتى الدنيا عليكى اهه

[~Heba~]

ليه كده بقىىىىىىىىىىى

ترى انا زعلت بجد من الكلام ده

ده شباب المحاورات ما شاء الله عليهم شباب زي الورد وحاجة تفرح شباب متعلم ومتنور

على العموم ولا بلاش

سامحوه مكنش قصده

و بعدين حكاية مضروبين دى مش كلامى كلام حد تانى بس مش حقول هو مين عشان تامر ميقولشى على الستات انهم مسحوبين من لسانهم :lol:

لكن بالله عليكم مش شايفين غالبية الرجالة فى المحاورات يا اما طفشانين من مصر يا اما عايزين يطفشوا منها

يعنى هما مضروبين بشاكوش الطفشان :blink: :lol: :lol:

طب اللى حتتجوز منهم دى تستقر ازاى وتكوناسرة ازاااااااااااااااى :lol:

ياريت محدش ياخد كلامى بشكل شخصى بس انا رأيى ده راى غالبية البنات فى الشباب الراغب فى الهجرة

[vipwithyou]

بعدين حكاية مضروبين دى مش كلامى كلام حد تانى بس مش حقول هو مين عشان تامر ميقولشى على الستات انهم مسحوبين من لسانهم :lol:

يافندم من غير ما تقولى انا هأقول برضوا :lol: بس المهم ان مش انا اللى قلت الكلام دة

مين بقى اللى قال كدة .. بينى وبينك .. ومش هاقول لحد وهيفضل الدبور زى ما هو دبور فى بطن امه :blink: :lol:

تم تعديل 29 مارس 2008 بواسطة vipwithyou

[امانى]

ليه التشاؤم ده يا جماعة الدنيا والله لسا بخير والى ان تقوم الساعة سيظل الخير يغلب على الشر

مش معنى ان فى ناس ليست اهل للثقة والامانه يبقى الناس كلهم كدة . فى ناس كتير محترمة

تخاف على اصحابها واصدقائها وجيرانها وتعاملهم كما الاهل تفرح لفرحهم وتحذن لحذنهم وتحمل همهم

فى السراء والضراء . لسه الدنيا بخير وربنا عالم بالقلوب ونواياها والحساب عنده ليس عند البشر

يمهل ولا يهمل يبقى لنا ان نقدم النوايا الحسنة ونستعيذ دائما بالله من الشيطان الرجيم فى كل تعاملنا

وربنا يبعد عنا اصدقاء السوء .

امانى

[badroora]

الله عليكي يا امانى

اكتر شيء بيعجبني فيكي هو نقائك وصفائك ورجاجة عقلك .

وعلى راى المثل الباب اللى يجليك منه الريح شيله وبن حيطه مكانه وريح وارتاح :lol:

وربنا مايجيب تشاؤم ابدا ويموت المُعلم وهو بيتعلم

[رمضان]

ليه كده بقىىىىىىىىىىى

ترى انا زعلت بجد من الكلام ده

ده شباب المحاورات ما شاء الله عليهم شباب زي الورد وحاجة تفرح شباب متعلم ومتنور

على العموم ولا بلاش

سامحوه مكنش قصده

و بعدين حكاية مضروبين دى مش كلامى كلام حد تانى بس مش حقول هو مين عشان تامر ميقولشى على الستات انهم مسحوبين من لسانهم :lol:

لكن بالله عليكم مش شايفين غالبية الرجالة فى المحاورات يا اما طفشانين من مصر يا اما عايزين يطفشوا منها

يعنى هما مضروبين بشاكوش الطفشان :blink: :lol: :lol:

طب اللى حتتجوز منهم دى تستقر ازاى وتكوناسرة ازاااااااااااااااى :lol:

ياريت محدش ياخد كلامى بشكل شخصى بس انا رأيى ده راى غالبية البنات فى الشباب الراغب فى الهجرة

انا بعترف اننا طفشانين من مصر بس مش معنى كده بقى اننا ضاربين بالعكس ده هوه ده عين العقل دلوقتي

ويعني الاسر اللي هنا دي كلها مش مستقرة بالعكس زي الفل

وثم انتي مش كنتي عاوزة تسافري

[رمضان]

الله عليكي يا امانى

اكتر شيء بيعجبني فيكي هو نقائك وصفائك ورجاجة عقلك .

وعلى راى المثل الباب اللى يجليك منه الريح شيله وبن حيطه مكانه وريح وارتاح :closedeyes:

وربنا مايجيب تشاؤم ابدا ويموت المُعلم وهو بيتعلم

انا عاوز أعيط

ايه الحكم دي

اماني وبدرية بالصلاة على النبي يعني يلا شو بدنا نسوي

[badroora]

قال تعالى (فمن عفا واصلح فأجره على الله)

(والكاظمين الغيظ والعافين عن الناس والله يحب المحسنين)

السلام عليكم ورحمة الله وبركاتة....

اتوجة بالشكر لكل من ساهم برايه وشاركنا فى هذا الموضع الذي يعتبر ملكنا جميعا وليس ملك لمن قام بكتابته .

لذا اخواتى واخوانى استاذنكم جميعا بطلب غلق هذا الموضوع .حيث انه قد تم مناقشته من جميع النواحى واعتقد انه لا يوجد اكثر مما قيل .

اشكركم جميعا واختم كلامى ...

بقول رسول الله صلي الله عليه وسلم

(المؤمن الذي يخالط الناس ويتحمل اذاهم خير من الذي لا يخلطهم ويتحمل اذاهم)

وقد كان عن المصطفي عليه الصلاة والسلام ينهى ان يبلغه عن اصحابه ما يسوؤه قال عليه الصلاة

"لا يبلغني أحد منكم عن أصحابي شيئا فإني أحب أن أخرج إليكم وأنا سليم الصدر"

فَمَنْ عُفِيَ لَهُ مِنْ أَخِيهِ شَيْءٌ فَاتبَاعٌ بِالْمَعْرُوفِ وَأَدَاءٌ إِلَيْهِ بِإِحْسَانٍ ذَلِكَ تَخْفِيفٌ مِنْ رَبكُمْ وَرَحْمَةٌ{ (البقرة: من الآية871).

صدق الله العظيم ...

الرجاء من الادارة بعد اذنها طبعا واذن المشتركين فى الموضوع .

غلق هذا الموضوع وشكرا للجميع ..... :closedeyes:

[رمضان]

بسم الله ما شاء الله

حاجة تفرح

اقفلوا لها الموضوع

[se_ Elsyed]

تم غلق الموضوع