الإعلام العراقى

[Lancelot]

الصحاف وزير الخارجية السابق و الإعلام حالياً  

و رئيس مهرجان تكريت السينمائي لاحقاً ....  

بعد نجاح فيلم " عزة و القرد الصغير "  

حالياً ... و بنجاح ساحق .... في أم العروض ...

سي فوود ... حلو أوي الفيلم ده ........

اخر الأخبار الأعلاميه  

نائب الرئيس العراقى يهاجم كل الدول العربية ويصنفها الى 3 فئات:  

متآمرة علنا (الكويت) متعاونة سرا (؟؟) خائبة (؟؟)  

ياترى ماذا يوجد بين الأقواس !!!!!!

الخبر ده خطير جدا ...... مش علشان التهديد ... لأن النهاردة – الثلاثاء – العراق هدد الأردن مباشرة و ذكرها بالإسم ... و ده كلام خطير لأنه شرخ في الموقف العربي ... ناس هتقف مع العراق و تقول حقه يهدد لأن الناس ديه غلطانة .... و ناس هتقول مش من حقه يهدد و لا يصنف الدول العربية علي مزاجه ... هو كده عامل زي المدرس اللي بيصحح كراريس التلامذة و بيقول ده كويس و ده يأخد صفر و ده هيضرب بالخرزانة .... في حين إن هو مش شغال في المدرسة أصلا ..... اللي العراق بيعمله ده تهور – و ده المصطلح المتجمل لكلمة هبل - .... يعني هو بيخسر العرب بالطريقة ديه .... لأن العرب هيقولوا ... أمريكا هتدينا فلوس و العراق هيدينا بالجزمة .. يا تري نقف مع مين .....

و غير كده اللي العراق قاله عن كوفي أنان – المشهور بـ كوفئ تمام - .... إيه الهبل ده .... كده هو بيخسر الأمم المتحدة تماما ... تفتكر كوفي ممكن يهمه إيه اللي بيحصل في العراق بعد كده .... الشتيمة مش هتخلي العراق يكسب الحرب .... فبلاش هبل ..... المفروض يحسنوا من كلامهم شوية علشان كده تخلف ...

فيه ناس هتقول طب ما الدول العربية هي اللي غلطانة من الأول ... و كوفي معملش حاجة .... أقول كلام صحيح ... لكن كده العراق بيدي لدول الحجة ة الدليل علي ضرورة الوقوف ضد صدام ... و بيخليهم يبرورا موقفهم بأثر رجعي .....

العراق كويس أوي علي النحو الميداني .... لكن الساسة عملين زي العيال الصغيرة مش عارفيين هم بيعملوا إيه .....

[ابو يوسف]

الخبر ده خطير جدا ...... مش علشان التهديد ... لأن النهاردة – الثلاثاء – العراق هدد الأردن مباشرة و ذكرها بالإسم ... و ده كلام خطير لأنه شرخ في الموقف العربي ... ...

و هل ترى انت ان الموقف العربى الحالى غير مشروخ ...؟؟؟

و هل هناك اصلاً موقف عربى ؟؟؟

اللي العراق بيعمله ده تهور – و ده المصطلح المتجمل لكلمة هبل - .... يعني هو بيخسر العرب بالطريقة ديه ...

ح يخسر مين ؟ العرب ؟ :? :? :?

صح و ح يضطر كل زعيم عربى لسحب قواته و جيوشه التى ارسلت الى العراق للدفاع عنها ...

و سيضطروا الى قطع المعونات و السلاح الذين يرسلونهم للعراقيين ..

كما سيتوقفوا على الوقوف امام امريكا و رفض ما تمليها عليهم !!!

...

.... لأن العرب هيقولوا ... أمريكا هتدينا فلوس و العراق هيدينا بالجزمة .. يا تري نقف مع مين ........

العرب واقفون مع امريكا سواءً ح تديهم فلوس او ح تديهم بالجزمة !!

...

و غير كده اللي العراق قاله عن كوفي أنان – المشهور بـ كوفئ تمام - .... إيه الهبل ده .... كده هو بيخسر الأمم المتحدة تماما ... تفتكر كوفي ممكن يهمه إيه اللي بيحصل في العراق بعد كده .... الشتيمة مش هتخلي العراق يكسب الحرب .... فبلاش هبل ..... المفروض يحسنوا من كلامهم شوية علشان كده تخلف ...

...

سيدى ... تفتكر انت ان كوفى انان يهمه امر العراق ؟؟؟؟

اثبت لى ؟؟

ثم هل تعتقد ان الامم المتحدة مازالت الجهة المحترمة التى يجب ان نخطب ودها و نكسبها فى صفنا ...

سيدى ....

الى متى سنظل نلدغ من نفس الجحر ؟؟؟

العراق كويس أوي علي النحو الميداني .... لكن الساسة عملين زي العيال الصغيرة مش عارفيين هم بيعملوا إيه .....

اتفق معك بأن الاسلوب الذى يتعامل به الساسة و الاعلاميون العراقيون مع الازمة ليس اسلوب محترفين ...

و ان كنت مازلت التمس لهم بعض العذر عملا بالمثل المصرى ... اللى ايده فى المية مش زى اللى ايده فى النار

[disappointed]

العرب واقفون مع امريكا سواءً ح تديهم فلوس او ح تديهم بالجزمة !!

ده كان زمان يا عزيزى أبو يوسف..... أيّام ما كانت أمريكا بتستخدم مع العرب تكتيك العصا والجزرة....دلوقتى تم رفع الجزرة من كشوفات وقوائم الادارة الأمريكية.....دلوقتى فيه العصا و...العصا

العرب مش واقفين مع أمريكا

العرب مش قادرين ما يقفوش مع أمريكا

وحيفضلوا كده....مش علشان حتدّيهم فلوس...لاااااا.... علشان يتجنّبوا انّها تدّيهم بالجزمه (بعد أن حوّلت أمريكا مفهوم الجزرة الى كونها تجنّب العصا ليس أكثر)

طالع هذا المقطع من مجموعة مقالات ساخرة بعنوان "يوميّات المحاورات اللذيذة...بين بوش والست ليزا" والذى ورد فيه :

بوش: طب والحل ايه يا ليزا؟؟؟!!!

كوندوليسا: وهيّه دى عايزه كلام يا مستر بريزيدنت؟؟؟!!! دى عالم تخاف ماتختشيش....سيبك بقى من حكاية الجزره والعصايه دى... من هنا ورايح الحكّام العرب دول مش لازم يكون ليهم عندك غير العصايه والعصايه .....خوّفهم...زمجر فى وشّهم...هدّدهم (شويّه عسكريّا وشويّه اقتصاديّا)....العب بكارت المعونات....احتقرهم...حاول تمرّغهم فى الوحل وتذلّهم قدّام شعوبهم على قد ماتقدر... وافضل كده شغّال معاهم بالعصايه ثم العصايه ثم العصايه لغاية ما يعرفوا ان الجزره بتاعتهم لمّا يبقوا "جود بويز" هى انّهم يتجنّبوا العصايه( مش أكثر من كده) , واللى ما يلمّش نفسه ويظبّط جماهيره ويقدر يخدّر شعبه تمام التمام يبقى على طول فشل فى المهمّه الموكوله اليه , ويبقى ساعتها غير قادر على تحقيق مصالحنا والحفاظ على الأمن فى بلده (الأمن من منظورنا هو الاستسلام لرغباتنا طبعا) , وأول ما ده يحصل يبقى هذا الحاكم كارت محروق ولازم يتشال من على الترابيزه ولازم نخلعه ونطرقعه , وآهى حجّتنا جاهزه ومبرراتنا الأخلاقيّه معانا وهيّه ان احنا عايزين نقرّ الديموقراطيه ونطلق الحرّيات للشعوب العربيّه المقموعه

http://www.egyptiantalks.org/phpBB2Plus/vi...opic.php?t=4381

[adham31]

:lol:

أتمنى أن لا يكون هذا خروجاً عن الموضوع ... فهو عن الفضائيات بصفة عامة ...

و لكنني سأتحدث عن شخص دأب على أن يخرج في الفضائيات إسمه الدكتور وحيد ... و هو من مركز الأهرامات للدراسات الإستراتيجية ... هذا الشخص دأب على النبش في الماضي .. و كيل الإتهامات إلى نظام صدام .. في وقت ليس لهذا الإنتقاد من معنى سوى طعن العراقيين في ظهورهم .. و هو بوق لسياسة أمريكا في المنطقة بطريقة متخفية ... و يؤيد الكويت و ما تفعله ...

-----------------------------------------------------------

اخي العزيز : SEAFOOD

واقول انك اخي لانك عربي

ثانيا لقد اثلجت صدري عن الدكتور / وحيد القرن

قلت ماريد ان اقوله ولكن بأدب

انا لما شفته اكتئبت وزعلت انه مصري لاننا المصريين رجال محترمين

ولا احد يشتريهم ابدا مع قلة الدخول في بعض الاحيان

من شدة عصبيته على دريم و LBC يسيل اللعاب من فمه بصورة مقززة وينسى انه بيتكلم مع سفير العراق في الامم المتحدة وفي نفس الوقت لانرضى ان يتكلم احد مع سفرائنا بنفس الطريقة

بالله عليكم شوفوه على القناة الفضائية الكويتية كيف يتكلم ولو انتصر العراق وسالت اموال النفط سيكون ولاءه للعراق

انا ما احب اخطئ فيه لكنه يجبرنا على ذلك واساء يقلة ذوق

ياأخواني ارجو ان ننسى خلافتنا ونكون اخوة في الشدائد

المسلم اخو المسلم كالبنيان المرصوص

شكرا مرة اخرى وارجو ان تغذينا بمداخلاتك كالمؤكلات البحرية

[متسائل]

الإعلام العراقي يقوم بالدور الوحيد الصحيح باقتدار يثير الإعجاب.

[Lancelot]

و هل ترى انت ان الموقف العربى الحالى غير مشروخ ...؟؟؟ 

و هل هناك اصلاً موقف عربى ؟؟؟

هو أنا قلت إن العرب ميتيين في حب بعض ..... أنا قصدي الموقف تجاه الحرب ... الكل قال إحنا ضد الحرب ... لكن لما العراق يطلع يقول العرب إنت مش بتساعدوا كفاية ... و إنتوا دول خايبة ..... زي ما يكون المطلوب منهم إنهم يدافعوا بجيوشهم عن صدام ....

لما هو يقولهم كده ساعتهم هيجاهروا برفضهم لصدام و رغبتهم في سقوطه .... و هو ده الشرخ اللي أنا قصدي عليه ... شرخ زي شرخ حرب الخليج التانية ...

ح يخسر مين ؟ العرب ؟

أيوه العرب ... ما هو خسرهم في حرب الخليج التانية ... و إيه اللي حصله ........

العرب في 91 كادوا أن يحلوا القضية بينهم و بين بعض ... لكن صدام نشف دماغه .....

العرب واقفون مع امريكا سواءً ح تديهم فلوس او ح تديهم بالجزمة !!

لكن لما تديهم فلوس يبقي أحسن ما تديهم بالجزمة ....

ثم هل تعتقد ان الامم المتحدة مازالت الجهة المحترمة التى يجب ان نخطب ودها و نكسبها فى صفنا ...

معلهش ممكن أفهم ديه ..... إزاي نكسب الأمم المتحدة في صفنا .... الأمم المتحدة يا سيدي منظمة تجمع دول العالم .... طريقة ... وسيلة .... مكان يجمع الناس كلها علشان فرصة أفضل للتفاهم ... و الوسيلة فائدتها تتوقف علي طريقة إستخدامها .... الأمم المتحدة هتكون أفضل لينا لما نستخدمها كويس ...

اتفق معك بأن الاسلوب الذى يتعامل به الساسة و الاعلاميون العراقيون مع الازمة ليس اسلوب محترفين ...

الحمد لله إتفقنا علي حاجة ......

و ان كنت مازلت التمس لهم بعض العذر عملا بالمثل المصرى ... اللى ايده فى المية مش زى اللى ايده فى النار

معناه إيه الكلام ده ..... الأزمة و صعوبة الموقف لا تبرر تصرفات العراقيين - اللي أقل ما توصف به هي أنها طفولية - .... إحنا كنا في موقف وحش أوي سنة 73 و كنا بنحارب جيش كامل محتل أرضنا و بيدافع عنها بحياته ... لكن كان القادة المصريين لاعبينها صح و عارفين كويس أوي هم بيعملوا إيه ....

إعذرني علي الإطالة .... أنا كل قصدي من المناقشة هو الوصول لموقف و قناعة أفضل من التي لدي ....

شكرا ....

[الطفشان]

ده كان زمان يا عزيزى أبو يوسف..... أيّام ما كانت أمريكا بتستخدم مع العرب تكتيك العصا والجزرة....دلوقتى تم رفع الجزرة من كشوفات وقوائم الادارة الأمريكية.....دلوقتى فيه العصا و...العصا

الجزرة لسة موجودة

و هي:

- خارطة الطريق لحل مشكلة فلسطين

- الديمقراطية كمكسب للشعوب

[disappointed]

الجزرة لسة موجودة

و هي:

- خارطة الطريق لحل مشكلة فلسطين  

هذه جزرة عفنة مسمومة

لاتأكلوا هذه الجزرة

الجزرة بها سم قاتل

:roll: :roll: :roll:

[أسد]

الجزرة لسة موجودة  

و هي:  

- خارطة الطريق لحل مشكلة فلسطين  

 

هذه جزرة عفنة مسمومة  

لاتأكلوا هذه الجزرة  

الجزرة بها سم قاتل  

 

الجوعان .. اللي ميت من الجوع .. اللي مش لاقي اللضا

حياكل أي حاجة ..

يمكن مفيهاش سم

يمكن مايموتش

[disappointed]

الجزرة لسة موجودة

و هي:

- الديمقراطية كمكسب للشعوب

ودى بقى جزرة دعائية

عمرك شفت واحد بيأكل جزرة مرسومة فى اعلان؟؟؟؟؟

:roll: :roll: :roll:

ثم ما أدراك أن طعم الجزر الأمريكى سيكون مستساغا بالنسبة للشعوب العربية.....مش يمكن العرب مابيستطعموش الجزر الاّ عندما يتم تقديمه على طريقتهم الخاصه؟؟؟؟

(مع اقتناعى بالطبع بأهمية وفائدةهذا النوع من الجزر للصحة العربية... ولكن لابد أن تجتمع الفائدة مع الطعم المستساغ , كما يجب أن يأكل الانسان الجزرة لأنه يشتهيها وليس لأنه مجبر على أن يتم تزغيطه بها والاّ تم تطفيحه الدم)

:roll: :roll:

[disappointed]

الجزرة لسة موجودة  

و هي:  

- خارطة الطريق لحل مشكلة فلسطين  

 

هذه جزرة عفنة مسمومة  

لاتأكلوا هذه الجزرة  

الجزرة بها سم قاتل  

 

الجوعان .. اللي ميت من الجوع .. اللي مش لاقي اللضا

حياكل أي حاجة ..

يمكن مفيهاش سم

يمكن مايموتش

ويمكن يموت

ثم لماذا نضع العربة أمام الحصان؟؟؟

لماذا نتجاهل أن نسأل :

لماذا (وبأى حق) أصبح من يتم عرض الجزرة عليه جوعانا وميت من الجوع ومش لاقى اللضا رغم أن غيطان الجزر كانت ملكه وتم سلبها منه بواسطة من يريد أن يقدّم له من هذه الغيطان لاحقا حتّة جزرة عدمانه وصدمانه ومتّاكله قبل كده علشان يسد بها رمقه رغم أنها لاتسمن ولاتغنى من جوع؟؟؟؟؟

ولماذا (وبأى حق) يقبل أن يأكل أى حاجه (واحتمال تكون مسمومه) رغم أن فى جيبه بالفعل صكوك ملكية أطنان من الجزر اللى يشرح القلب بحكم أن قرارات الأمم المتحدة تقضى بأحقيته فى محصول جزر وليس فى جزرة أو جزرتين يتم المن عليه بهما

:roll: :roll: :roll:

ياعزيزى الفاضل :

كلامك هذا ممكن أن يقال لمن يشحذ الجزرة ويتسوّلها وليس لمن يمتلك غيطان الجزر

:roll: :roll: :roll:

[disappointed]

لا تصالحْ ! 

ولو منحوك الذهب ..

وبعدين يعنى الذى لايصالح ولو منح الذهب حيصالح بجزرة متّاكلة قبل كده

:lol: :lol: :lol: :lol:

:roll: :roll: :roll:

[se_ Elsyed]

أيه ه انا شكلي دخلت سوق خضار ، الحمد لله أنا أساساً كده مابحبش الجزر . :lol:

[ابو يوسف]

يا جماعة الجزرة اللى فى المثل مش للأكل ... لكن علشان - لمؤاخذة- الحمار يفضل ماشى وراها علشان يوصلها و هو مش عارف - او عارف و بيستعبط - انها ماشية معاه !!!!

و لما الحمار بينهق اعتراضاً او جوعاً ... بيرمولوا برسيم لأن البرسيم أكل البهايم ... و لا يصلح لشىء آخر ...

أما الجزرة فى للتلويح فقط ....

المهم ان احنا عرفنا ايه الجزرة ....

باقى نعرف مين الحمار ؟؟؟؟

[أسامة الكباريتي]

أنا

وهو

وهي

وكل من يجري وراء ....

.......

.....

.......................

......

..........

.....

...

..

.

جزراية

[الطفشان]

عندما قلت يوجد جزرتين كان هدفي ايضاح انه ما زال هناك جزر و ليس العصا وحدها

و ليس معنى هذا ان اتفق ان الجزرة حقيقية

قد تكون عيرة للحمار ان يتحرك

او مسمومة

او لحين دخول الحمار الحظيرة و بس

الخ

يعني ليس بالضرورة اتفق ان لنا مكسب

الايام هي التي ستحكم

[أسد]

وبعدين يعنى الذى لايصالح ولو منح الذهب حيصالح بجزرة متّاكلة قبل كده

الجوعان .. اللي ميت من الجوع .. اللي مش لاقي اللضا 

حياكل أي حاجة .. 

يمكن مفيهاش سم 

يمكن مايموتش

العزيز .. محبط ...

بالتأكيد .. تعرف أن هذه ليست قناعاتي ..

ولكن هذا هو الوضع القائم ..

وهكذا يفكرون ..

وهذا يخططون ..

ولهذا ..

لا يحاربون ...

لا .. بل ويصالحون ...

ويصالحون .. على الدم ..

بمــــاء ..

[الطفشان]

شفت الجزرة النهاردة يابو المحابيط؟

اهوه بوش من شوية في المؤتمر الصحفي مع توني بلير من كامب ديفيد بيقول خطة السلام في الشرق الاوسط "قريبا"

و هناك جزر ثالث

زي الفلوس اللي وعدوا بيها تركيا و الاردن و مصر

يعني مش عصاية بس

[مواطن]

منظمات اميركية تدين قصف التلفزيون العراقي

دانت منظمات للدفاع عن حقوق الانسان ولمراقبة وسائل الاعلام امس الاربعاء تعرض مركز التلفزيون العراقي لقصف اميركي، معتبرة انه لا يمثل هدفا مشروعا.

ورأى كينيث روث مدير منظمة هيومن رايتس ووتش التي تتخذ من نيويورك مقرا لها انه "لا يمكن مهاجمة محطات تلفزيونية لمجرد انها تستخدم لاهداف دعائية".

واضاف ان "على الولايات المتحدة ان تشرح كيف يمكن للهجوم على التلفزيون العراقي ان يكون مفيدا لعملية عسكرية"، معتبرا ان ذلك يشكل انتهاكا للقوانين الدولية.

واستهدف القصف الاميركي مبنى التلفزيون الرسمي العراقي مساء الثلاثاء غداة بث صور لاسرى حرب ولجثث جنود اميركيين وخطاب للرئيس العراقي صدام حسين اكد فيه انه ما زال يسيطر على البلاد.

وادى القصف الى توقف البث لمدة 45 دقيقة.

واعلنت واشنطن ان بث صور للاسرى هو انتهاك لمعاهدة جنيف وان صدام حسين يستخدم التلفزيون للاتصال بجيشه.

من جهتها ابدت لجنة حماية الصحافيين التي تتخذ من نيويورك مقرا لها المزيد من الحذر، مكتفية بالقول انها لا تزال تدرس التصريحات الاميركية حول استخدام التلفزيون العراقي لاهداف عسكرية.

ورأت اللجنة ان "القوانين الانسانية الدولية تحمي وسائل الاعلام السمعية-البصرية ولا يمكن ان تستهدف بهجمات الا اذا كانت تستخدم لاهداف عسكرية".

واتهم روبير مينار الامين العام لمنظمة مراسلون بلا حدود التي تتخذ من باريس مقرا لها الادارة الاميركية ب"النفاق".

وقال "ان الاميركيين يستشهدون بمعاهدة جنيف حين يتعلق الامر بصور اسرى حرب في العراق، لكنهم سرعان ما يتناسونها حين يقصفون مبنى للتلفزيون هو ملك للسلطات المدنية وتحميه بالتالي المعاهدات نفسها".

وتابع في بيان "ان الدعاية جزء من اسلحة الحرب والهدف منها رفع معنويات السكان. ولا يمكن اعتبار السكان المدنيين ومعنوياتهم اهدافا عسكرية".

كذلك شجب الاتحاد الدولي للصحافيين ومقره في بروكسل القصف على التلفزيون العراقي معتبرا انه ناتج عن "غضب وخيبة" القادة الاميركيين.

وقال ايدان وايت الامين العام للاتحاد ان "هذا يثبت الى اي حد يمكن ان يصل البعض لتبرير ما يشكل تصعيدا خطيرا في العمليات ضد اهداف مدنية".

مصدر الخبر : رويتر

http://www.reuters.com/newsArticle.jhtml?t...storyID=2458517

[الطفشان]

اليوم شاهدت على قناة ابو ظبي مقابلة مع الصحاف

بغض النظر عن كونه من حزب البعث (= الاتحاد الاشتراكي) و من حكومة صدام حسين (= جمال عبد الناصر)

و بغض النظر عن الكذب المفضوح الذي يكذبه (لم يأخذوا ام قصر، لا توجد خسائر، الخ و لنقل ان الحرب خدعة و الاعلام جبهة من جبهاتها)

سقط صاروخ اثناء المقابلة

فلم يهتز بل استدار و اشار اليه و قال للمذيع : "اسمع!"

شئ مشرف و شجاع الحقيقة و يحسب له